• June 15, 2026

  • Ang Diyaryong Pinagkakatiwalaan

 

Archive for December, 2023

In Striking Doctor Doom Art: Cillian Murphy Could Be The MCU’s New Major Villain

Posted on: December 22nd, 2023 by @peoplesbalita No Comments
Cillian Murphy gets imagined as Doctor Doom in dark Marvel Cinematic Universe fan art. 
The MCU is currently going through a major crisis, as Kang the Conqueror actor Jonathan Majors was fired after he was found guilty of two misdemeanor counts of harassment and assault. While no word has come on what will happen with Marvel’s Multiverse Saga plans, a past report claimed that Doctor Doom was considered as a replacement for Kang back when Majors was first arrested, and there is a perfect actor for the role.
On Instagram, artist @21xfour shared a look at just how great Murphy could be as Doctor Doom in Marvel’s upcoming movies.
The Oppenheimer actor looks great with Doom’s hood and classic mask in hand. Murphy has already addressed the possibility of playing Doom in the MCU, revealing that a good script is what it would take for him to say yes. As Murphy sits among the list of the best actors who could play Doctor Doom and is a fan favorite for the role, the fan art might turn into reality in the near future.
The most logical project for Doctor Doom to be introduced in the MCU is Marvel’s Fantastic Four. The 2025 movie will see the debut of the MCU version of Marvel’s First Family from the comics, with fans hoping the team will be done justice this time around. As Doom has appeared in all Fantastic Four movies so far, it stands to reason that the villain will at least make a cameo in the MCU debut of the team.
To allow the opportunity for another villain to take the center stage in a Fantastic Four movie this time around, Doom could play a supporting role in the film or appear only as a cameo — perhaps in a Fantastic Four post-credits scene — to set up his MCU future. With Majors’ firing, Marvel could do away with their plans for Kang and his variants altogether, as the rumor that Avengers: The Kang Dynasty will be retitled suggests. Doom could then rise.
Without Kang, Doom would be the best choice to serve as the villain for the rest of the MCU’s Multiverse Saga. The villain played a crucial role in the story that inspires Avengers: Secret Wars, which heightens the chances of seeing a live-action God Emperor Doom now that Kang’s MCU future is uncertain. Doom is such an iconic character that even if Marvel fast-tracked his arc to have him be the Multiverse Saga’s villain, he could still hang around. Doom becoming ruler of Latveria and continuing in the MCU would be the best use of the character, allowing a fresh story for Doctor Doom in live-action.

(Source: @21xfour/Instagram, screenrant.com)

(ROHN ROMULO)

Abalos binati si Mayor Tiangco

Posted on: December 22nd, 2023 by @peoplesbalita No Comments

BINATI ni Department of the Interior and Local Government (DILG) Secretary Atty. Benhur Abalos si Navotas City Mayor John Rey Tiangco, matapos tanggapin ang parangal na Seal of Good Local Governance, kasama sina Vice Mayor Tito Sanchez at City Administrator Christia Padolina sa ginanap National Awarding Ceremony sa Manila Hotel. (Richard Mesa)

Damay din sa leaked conversation si Herlene: BIANCA, pumunta ng Japan sa gitna ng isyu sa kanila ni ROB

Posted on: December 22nd, 2023 by @peoplesbalita No Comments
PUMUNTA ng Japan si Bianca Manalo sa gitna ng isyu sa diumano’y leaked conversation sa pagitan nila ng co-star na si Rob Gomez.
Meron din sina Rob at Herlene Budol.
Pawang magkakasama ang mga ito sa serye ng GMA-7 na “Magandang Dilag.” Kaya kung legit talaga ang lumalabas, madaling paniwalain na habang ginagawa nila ito.
Naisip kaagad na si Bianca ay in a relationship kay Senator Win Gatchalian. Ang tanong agad ng karamihan, “pakakasalan pa kaya siya?” o ‘di kaya makasama sa listahan ng mag showbiz couple na naghiwalay ngayon?
Mukha pa namang pa-engage na sila huh! Lalo pa nga’t si Bianca ay ever present sa mga ganap ni Sen. Win.
Sa isang banda, personally ay nakaka-turn-off si Rob na nakikilala na lang halos sa mga scandal niya.
Let see naman kung ano magiging epekto kay Herlene…
***
MAHABA ang naging paliwanag ni Sharon kung bakit hindi siya mamimigay ng regalo ngayong Pasko.
Sinabi naman niya na ever since, ang Kapaskuhan daw ang pinakapaborito niyang season. Pero this time, hindi raw niya maramdaman ang gaya ng dati niyang joy at excitement.
“I have not at all felt the usual joy and excitement in my heart. This is so very unlike me. Though I have to admit that I have not been like myself for a while now.”
May MMFF entry si Sharon kasama si Alden Richards, ang “Family of Two” pero, para sa kanya, nagiging source of blessing at happiness niya raw ito, at the same time, physical, emotional at mental fatigue.
Sey niya pa, “My movie, like any project, I have ever worked on all my life has been a welcome distraction. Work makes me more tired nowadays & takes my mind off reality for hours everday, because I am old, but really just a big kid & have been tired not only of work but my own life for so long.”
Sinabi rin naman niya na grateful siya sa work, sa mga anak at sa mga kaibigan niya. Pero maniwala man daw o hindi, na-master lang daw niya ang art of smiling.
Aniya, “I dunno if you’ll believe this but I have been an introvert and a loner since childhood. So the opposite you see me in TV.”
Kaya raw this year, in bold letters sa caption niya, I am “SKIPPING CHRISTMAS.”
At saka niya sinabi nga na, “Because anymore pressure will make me implode, explode. I pray you understands why no gift this year. But I love you.”
(ROSE GARCIA)

Mga director ng MAHARLIKA INVESTMENT CORP., nanumpa sa tungkulin

Posted on: December 22nd, 2023 by @peoplesbalita No Comments

APAT na bagong director ng Maharlika Investment Corp. (MIC) ang nanumpa sa tungkulin, araw ng Miyerkules para tumulong na patnubayan ang Maharlika Investment Fund (MIF).

 

 

Kabilang sa mga nanumpa sa tungkulin ay sina long-time Asian Development Bank (ADB) officer Vicky Castillo Tan, Andrew Jerome Gan, German Lichauco, at Roman Felipe Reyes.

 

 

Si Tan, laking-Maynila, nag-aral ng Bachelor of Science in Business Administration sa University of the Philippines-Diliman ay nagtapos noong 1982. Nagtapos ng kanyang Master of Business Administration mula sa kaparehong unibersidad noong 1987.

 

 

Mula 1990 hanggang 2000, nagtrabaho si Tan sa iba’t ibang bangko, investment, at financial institutions gaya Citibank, AIG Philam Bank Inc., at Chinatrust (Phils) Commercial Bank Corp.

 

 

Nagsilbi siya sa ADB mula September 2002 hanggang January 2021, nagtrabaho sa iba’t ibang kapasidad gaya ng senior financial analyst, credit review officer, structured financial officer, financial management specialist, senior advisor to the Vice President, regional cooperation and operations coordination division director, at budget and management services division director.

 

 

Bago pa ang kanyang appointment sa MIC, nagsilbi si Tan bilang SteelAsia Manufacturing Inc.’s Deputy President at May Bank Inc.’s Independent Board of Director at Chairperson ng Corporate Governance Committee nito.

 

 

Sa kabilang dako, si Andrew Gan naman ay nag-aral ng finance and business economics sa University of Notre Dame sa Indiana, USA, at nagtapos noong 1985. Nag-aral siya ng Masters in Public Policy and Management sa School of Oriental & Asian Studies.

 

 

Ang mga dati at kasalukuyang trabaho ni Gan ay imaging Singapore Advisor para sa Picfel & Cle, Banquiers, Globe Land Development Corp. Managing Director, Nuovo Moda Inc. Director, Treasurer, at Director ng Communications, at Fil L’mour Inc. and Beacon Holdings Inc. Managing Director. Nagsisilbi rin siya bilang miyembro ng Board of Directors, Audit Committee, at Compensation Committee ng Capital Markets Integrity Corp. (CMIC).

 

 

Si Lichauco ay laking-Maynila rin, nagtapos mula sa De La Salle University sa Maynila noong 1985 at natamo ang kanyang Juris Doctor degree mula Ateneo De Manila University noong 1992.

 

 

Kabilang sa mga naging karanasan sa trabaho ni Lichauco ay Director para sa Vehicle Inspection Management Solutions ng Hackeye 2020 Corp., ng Sharp Philippines Corp., at Corporate Secretary para sa Computerized Imaging Institute ng Makati Medical Center Foundation Inc., Medical Doctors Inc., at Soho Central Condominium.

 

 

Naging Senior Partner din siya sa Siguion Reyna, Montecillo and Ongsiako Law Offices, at nagsilbi rin siya bilang Pangulo ng Gemarvic Holdings Inc.

 

 

Si Reyes, sa kabilang dako, nagtapos sa San Beda College, nakompleto ang Bachelor of Science in Commerce noong 1972. Nakakuha siya ng Master of Business Administration-Finance degree sa University of Detroit, Michigan at nagtapos noong 1975.

 

 

Si Reyes ay kasalukuyang Director ng Radio Philippines Network Inc. (RPN 9); Pampanga Sugar Development Co. (Pasudeco); All-Asian Countertrade; Philippine Geothermal Production Co.; at, Converge ICT Solutions Inc.

 

 

Nagtrabaho rin siya bilang Supervisor ng Ernst & Young New York, Knowledge Institute President, SGV Founding Chairman – Advisory Group on Vocational Training noong 2009, at SGV & Co Chairman- Winning Clients Committee, at Partner and Vice President – Client Services and Accounts.

 

 

Mula May 2010 hanggang sa kasalukuyan, Si Reyes ay Chairman at Founding Partner ng Reyes Tacandong & Co.

 

 

Samantala, nauna namang itinalaga ni Pangulong Ferdinand Marcos Jr. si Rafael D. Consing Jr. bilang Pangulo at Chief Executive Officer (CEO) ng MIC noong nakaraang buwan.

 

 

Ang Maharlika Investment Corporation ay binuo sa pamamagitan ng Republic Act No. 11954 na layuning pangasiwaan ang Maharlika Investment Fund (MIF).

 

 

Kabilang sa mandato ni Consing bilang President at CEO ng MIC ay magtatag ng iba’t ibang portfolio ng pamumuhunan sa local at global financial markets at iba pang pamumuhunan para sa bansa. (Daris Jose)

VACC at mga biktima ng Dengvaxia, dismayado sa QC Court

Posted on: December 22nd, 2023 by @peoplesbalita No Comments

NAGLABAS ng hinanakit at galit ang mga magulang ng mga batang pumanaw sa dengvaxia vaccine matapos matanggap ang kautusan ng hukom na humahawak sa kanilang kaso.

 

 

Ito ay matapos na atasan ni Quezon City court Branch 229 Judge Maria Luisa Leslie Gonzales-Betic ang mga state prosecutor na pag-isahin na lamang ang 35 kasong kriminal na isinampa ng mga magulang ng mga biktima ng dengvaxia vaccine.

 

 

Ayon kay Girlie Samonte, isa sa mga magulang na naturukan ng dengvaxia ang kanyang anak, hindi maaaring isahin ang kaso dahil magkakaiba ang sitwasyon at dahilan ng pagkamatay ng mga bata.

 

 

Apela nila sa hukom na sana ay pag-aralan nitong mabuti ang kanilang kaso at umiral ang kaniyang pagiging isang ina.

 

 

“Ina ka rin naman Judge Betic, sana naman maramdaman mo ang sakit na nararamdaman namin sa pagkamatay ng mga anak namin. Huwag po ninyong pag-isahin na lang ang kaso namin dahil kapag na-dismiss ito hindi na makakamit ng mga anak namin ang hustisya,” umiiyak na pahayag ni Samonte.

 

 

Paliwanag ng ginang, magkakaiba rin ang kanilang lugar na pinanggalingan at magkakaiba rin ang petsa ng kamatayan ng mga batang pumanaw.

 

 

Kasabay nito, umapela rin Kay Pangulong Ferdinand Bongbong Marcos Jr. ang mga magulang ng mga namatayan ng anak na anilay mabigyan sila ng hustisya dahil halos anim na taon na umano silang nakikipaglaban sa kaso.

 

 

Kaugnay nito, pinag-aaralan na rin ng mga magulang na maghain ng motion for reconsideration at ipa-inhibit si Judge Betic sa kaso.

 

 

Mula Hunyo hanggang Agosto 2023, ay 35 magkakahiwalay na kaso ng homicide at reckless imprudence resulting in serious physical injuries ang isinampa ng mga magulang laban kay dating Health Secretary Janette Garin at 17 iba pang opisyal at doktor ng Department of Health. (PAUL JOHN REYES)

Malabon LGU ginawaran ng Seal of Good Local Governance Award ng DILG

Posted on: December 21st, 2023 by @peoplesbalita No Comments

MASAYANG tinanggap ni Malabon Mayor Jeannie Sandoval, kasama si City Administrator Alexander Rosete at iba pang opisyal ng Pamahalaang Lungsod ng Malabon ang Seal of Good Local Governance Award mula sa Department of Interior and Local Government (DILG) sa isinagawang National Awarding Ceremony na ginanap sa Manila Hotel.

 

 

Bukod sa SGLG, pinagkalooban din ang pamahalaang lungsod ng incentive fund subsidy na nagkakahalaga ng P2.3 milyon.

 

 

Lubos namang nagpasalamat si Mayor Jeannie sa DILG at sa suporta ng kanyang mga kababayan sa Malabon dahil sa pagkilalang nakamit na hindi lamang aniya tagumpay ng lokal na pamahalaan kundi pati na rin ng buong komunidad. (Richard Mesa)

El Niño, maaaring mas tumaas sa April 2024, 63 lalawigan puwedeng maapektuhan – DOST

Posted on: December 21st, 2023 by @peoplesbalita No Comments

MAAARING dumating sa rurok o pinakamataas ang El Niño phenomenon sa  April ng susunod na taon habang  63 lalawigan ang posibleng makaranas ng matinding tag-tuyot.

 

 

“The drought will come one month earlier than the previous forecast of May, with two less provinces to be affected,” sinabi ng Department of Science and Technology (DOST).

 

 

“So essentially, the effects of El Niño will still be covering the first and second quarters of 2024,” ang sinabi ni  DOST Secretary Renato Solidum Jr.  sa press briefing sa Malakanyang.

 

 

“But the peak of El Niño, in terms of drought, will be April of 2024, which is slightly different from the forecast last week or two weeks ago, that it will be May,” aniya pa rin.

 

 

Iyon nga lamang, nilinaw ng DOST  na ang matinding tag-tuyot sa susunod na taon ay hindi tatama sa CARAGA at iba pang bahagi ng  Davao Region.

 

 

Samantala, sinabi naman ni Department of National Defense Secretary Gilbert Teodoro  na maglalabas si Pangulong Ferdinand Marcos Jr., sa lalong madaling panahon ng  executive order  na muling bubuo sa  Task Force El Niño.

 

 

Ang  task force, pamumunuan ng National Disaster Risk Reduction and Management Council, ay nakatuon sa seguridad sa tubig, pagkain, enerhiya at kalusugan at maging kaligtasan ng publiko.

 

 

“The President made this a presidential task force so that adequate importance and urgency is given the initiative,” ani Teodoro.

 

 

Para naman sa Department of Environment and Natural Resources (DENR), masusi nitong mino-monitor ang  water supply sa urban centers at sa  agricultural sector.

 

 

Winika ni DENR Secretary Toni Yulo-Loyzaga na ang Angat Dam sa Bulacan,  nagsu-suplay ng  potable water sa Kalakhang Maynila, sa kasalukuyan ay may sapat na suplay ng tubig  dahil may water level ito na  212 meters.

 

 

Mayroon din aniyang infrastructure projects ang nakapila para sa water treatment.

 

 

“So ang instruction din ng pangulo  is to have our infrastructure investments be multi-purpose,” ayon kay Yulo-Loyzaga.

 

 

“So that one investment in a kind of infrastructure can generate several values, whether they are for flood control in the end, whether for irrigation, or eventually for water supply and distribution as well,” dagdag na pahayag nito. (Daris Jose)

QUEZON CITY LOCAL GOVERNMENT UNIT MULING PINARANGALAN

Posted on: December 21st, 2023 by @peoplesbalita No Comments

PINARANGALANG muli ng Seal of Local Good Governance bilang Distinguished Local Government Unit ang Quezon City mula sa Department of the Interior and Local Government (DILG).

 

 

Alinsunod sa Republic Act 11292 o ‘The Seal of Good Local Governance Act of 2019’ na nagbibigay pagkilala sa mga Local Government Unit na may masinop at malinis na paggamit ng pera ng bayan.

 

 

Tinanggap ni Mayor Joy Belmonte ang parangal para sa lungsod na iniabot nina DILG Sec. Benjur Abalos, Assistant Sec. Elizabeth De Leon, Regional Director Maria Lourdes Agustin, at Assistant Regional Director Atty. Ana Lyn Baltazar-Cortez.

 

 

Samantala, isang parangal bilang Best Fire Safety Agency sa taong 2023 ang iginawad sa lungsod mula sa Department of the Interior and Local Government – Bureau of Fire and Protection (BFP) – National Capital Region.

 

 

Ito ay bilang pagkilala sa mga inisyatibo ng lokal na pamahalaan upang maging maayos at matagumpay ang mga operasyon ng BFP sa Quezon City.

 

 

Ang parangal ay tinanggap ni Assistant City Administrator for Operations Albert Kimpo sa idinaos na BFP 50th Recognition Day. (PAUL JOHN REYES)

‘Di nakaligtas nang tanungin ni Maricel: KIM, inaming naka-hang ngayon ang kanyang lovelife

Posted on: December 21st, 2023 by @peoplesbalita No Comments

NABIGYAN na rin ng sagot ni Kim Chiu ang bali-balitang naghiwalay na sila ni Xian Lim.

 

 

Sa latest YouTube vlog ni Diamond Star Maricel Soriano, na in-upload noong December 16, 2023, kung saan naging ‘yaya for a day’ siya ni Kim habang nasa ‘It’s Showtime’.

 

 

Kaaliw ang eksena nilang dalawa, habang nagmistula talagang yaya ang award-winning actress. Lalo na nang umeksena na si Vice Ganda.

 

 

Pero hindi napigilan ni Marya na tanungin si Kim tungkol sa kanyang lovelife.

 

 

Sa gitna ng naturang vlog, nakahirit si Maricel ng, “Ang dami-daming nagbubulungan. Kumusta daw ang love life mo?

 

 

“Tinatanong nila lovelife mo, hindi naman ako makasagot kasi hindi naman ako ikaw.”

 

 

“Sino naman ang nagtatanong sa ‘yo?” tanong ni Kim kay Maricel halatang nagulat.

 

 

“Mga fans mo, ‘Day, nagtatanong sila kung kumusta na raw ang love life mo,” sagot ni Marya, at napahalakhak na lang si Kim.

 

 

Say ni Kim, “Ang love life ko ngayon ay ano…”

 

 

“Bat natatawa ka, may nakakatawa ba?,” say pa ng aktres.

 

 

“Ang love life ko ay naka-hang ngayon,” sagot ni Kim.

 

 

Kaya ang reaction ni Maricel, “Parang telepono, ‘Day, naka-hang?”

 

 

Na sinangayunan naman ni Kim, sabay iwas sa isyu at sinabing, “kumain tayo yaya, daanin natin sa kain ‘to.”

 

 

Ilang linggo na ngang pinag-uusapan ang relasyon ngayon nina Kim at Xian, na ayon sa mga nakakapansin, lalo na ang kanilang fans ay parang ‘on the rocks’ na.

 

 

At dahil sa rebelasyon ni Kim na naka-hang pa ang relasyon nila ni Xian, nawa’y magawan pa nila ito ng paraan para sila’y magkaayos.

 

 

At ‘yun ang ating ipagdasal, lalo na ngayong sasapit na ang Kapaskuhan.

 

 

***

 

 

PINATAWAN ng Movie and Television Review and Classification Board (MTRCB) ng Preventive Supension Order ang dalawang programa ng SMNI na “Gikan Sa Masa, Para Sa Masa” at “Laban Kasama ang Bayan,” mula 18 Disyembre 2023. Ang desisyon ay bunga ng masusing pagsusuri at imbestigasyon hinggil sa paglabag sa Batas 1986.

 

 

Nakatanggap ang MTRCB ng mga reklamo hinggil sa alegasyong umano’y death threats mula sa isang panauhin sa episode ng “Gikan Sa Masa, Para Sa Masa” noong 10 Oktubre.

 

 

Matapos ang Preliminary Conference ng MTRCB noong 08 Nobyembre, nangako ang SMNI na magpre-record sila ng kanilang palabas at susuriin nilang mabuti ang kanilang mga episode bago ito magpalabas. Ito’y matapos balaan ng Board ang SMNI na ang mga katulad na insidente ay bibigyan ng mas mabigat na kaparusahan.

 

 

Noong 30 Nobyembre naman, ang Board ay nakatanggap ng reklamo hinggil sa umano’y death threats at pagmumura mula sa isang panauhin sa “Gikan Sa Masa, Para Sa Masa” ng SMNI. Muling inilabas ng Board ang isang Notice para sa SMNI upang humarap sa Hearing and Adjudication Committee noong 07 Disyembre 2023, na dinaluhan ni Atty. Mark Tolentino ng SMNI.

 

 

Samantala, noong 30 Nobyembre, ang Board ay nakatanggap ng reklamo hinggil sa hindi-beripikadong balita ng “Laban Kasama ang Bayan” patungkol sa umano’y paggastos ng PhP1.8 bilyon bilang travel funds ni House Speaker Martin Romualdez. Kasunod ng ipinadalang Notice sa SMNI, nagkaroon ng Hearing and Adjudication Committee meeting noong 07 Disyembre 2023.

 

 

Matapos ang maingat na pagsusuri ng Board sa samu’t saring reklamo na natanggap nito, natuklasan ng Board na ang ilang aspeto ng nabanggit na mga programa ay maaaring lumabag sa itinakdang pamantayan na itinakda ng Presidential Decree No. 1986 at ng Implementing Rules and Regulations (IRR) nito.

 

 

Upang mapigilan ang posibleng pag-ulit ng mga paglabag na maaaring magdulot ng negatibong epekto sa kapakanan ng publiko, ethical considerations, at pag-protekta sa pangkalahatang reputasyon ng industriya ng broadcasting, nagdesisyon ang Board na pansamantalang suspendihin ang dalawang programa sa bisa ng Section 3, Chapter XIII of the IRR of P.D. No. 1986.

 

 

Noong 13 Disyembre, unanimous ang naging boto ng Board sa pagpataw ng labing-apat na araw na preventive suspension sa “Laban Kasama ang Bayan” at majority vote naman para sa programang “Gikan Sa Masa, Para Sa Masa.” Ang dalawang desisyon ay ayon sa kapangyarihang iniatang sa MTRCB ng Presidential Decree No. 1986, na layong ilagay sa lugar ang mga programa sa telebisyon alinsunod sa makabagong kulturang Filipino.

 

 

Ang nasabing utos na preventive suspension ay isang aktibong hakbang na naglalayong solusyonan ang mga alalahanin at siguraduhin ang pagtalima sa pamantayan ng Board epektibo sa loob ng labing-apat (14) na araw, panahong inaasahan na tutugon at bibigyan solusyon ng SMNI ang mga natalakay na isyu.

 

(ROHN ROMULO)

P18K SRI sa halip na P20K ang maibibigay lang ng DepEd

Posted on: December 21st, 2023 by @peoplesbalita No Comments

SINABI ng  Department of Education (DepEd) na P18k lamang sa halip na P20,000  halaga ng Service Recognition Incentive (SRI)  ang maibibigay nito sa mga kuwalipikadong  guro at iba pang teaching personnel.

 

 

“Ayon po sa ating AO (Administrative Order) ‘no, talagang ito SRI, we will source it sa PS (personal) savings or ‘yung ginagamit natin for personnel. At ‘yun lang po talaga. We really tried to look at the numbers, we tried to see if we could give P20 [thousand] pero P18 [thousand] po yung maximum na mabibigay natin,” ayon kay Education spokesperson Undersecretary Michael Poa.

 

 

“Ganoon pa man, it’s significantly higher sa nabigay natin last year,” dagdag na wika nito.

 

 

Sinabi pa ni Poa  na ang  tax deductions sa P18,000-SRI ay dahil sa tax laws at hindi  DepEd policy.

 

 

“‘Yung tax naman po ay nasa tax laws talaga natin ‘yan, ‘no, na kapag nag-exceed ng P90,000 ang benefits na natatanggap ng kahit sinong empleyado ay nagiging taxable po siya. So hindi po DepEd policy ‘yung tax. It is really in our tax laws,” aniya pa rin.

 

 

Sa kabilang dako, sinabi ni Poa na hindi maiko-convert ng DepEd ang  budget para sa Maintenance and Other Operating Expenses (MOOE) ng departamento sa  Personal Services (PS) dahil gagamitin ito sa susunod na taon.

 

 

“Siguro ang nasasabi nila ‘yung mga programa na MOOE ay pwedeng i-convert to PS. Kaya lang po, ‘no, ‘yung mga budget kasi natin ay continuing. Gagamitin pa po natin siya next year,” ani Poa.

 

 

Nauna rito, sinimulan na ng school division offices at iba pang  implementing units ang pagbabayad at pamamahagi ng cash.

 

 

Pinaalalahanan naman ng  DepEd ang regions na gawing maayos ang distribusyon.

 

 

“We are constantly monitoring. Siyempre kinausap po natin ‘yung mga regions to make sure that they have procedures in place para hindi naman po mahirapan ang ating mga teachers,” anito.

 

 

May 7 rehiyon na ang nagsimula ng kanilang distribusyon.

 

 

“Sa NCR ang latest update po natin ay they are just checking, ‘no, ‘yung amount and, of course, ‘yung tax reductions and all that. And they are looking to distribute as soon as possible,” aniya pa rin. (Daris Jose)

People's Balita.
All rights reserved. © Copyright 2026.