2023 December Archive - People's Balita

Archive for December, 2023

‘Di na sila maaapektuhan pag may lumabas na isyu: TONTON, itinangging ‘on the rocks’ ang relasyon nila ni GLYDEL

Posted on: December 22nd, 2023 by @peoplesbalita No Comments

NANGUNGUNA sa listahan ng mga kontrobersiya sa showbiz ang tungkol sa hiwalayan ng mga mag-asawa at magkarelasyon.

Tulad ng balita, na wala pang kumpirmasyon, na hiwalay na sina Sarah Lahbati at Richard Gutierrez, at ang much-talked about hiwalayan nina Kathryn Bernado at Daniel Padilla.

Nakabitin pa rin ang isyu tungkol kina Kyline Alcantara at Mavy Legaspi kung totoo ngang hiwalay na ang dalawa at kung ano ang dahilan.

At tungkol pa rin sa hiwalayang laganap ngayon sa showbiz, may blind item na kumakalat kamakailan na on the rocks o nanganganib mawasak ang relasyon ng isang mahusay na aktor at isang mahusay na aktres.

May listahan bilang panghuhula sa kung sino ang tinutukoy sa naturang blind item at nakalista ang pangalan nina Tonton Gutierrez at Glydel Mercado.

Hiningan namin si Tonton ng reaksyon tungkol dito.

“On the rocks? I have no… hindi ko alam kung saan nanggaling yun, dahil there’s no truth to it, so hindi ko alam.”

Maayos raw ang pagsasama nila ni Glydel bilang mag-asawa.

“Yeah we’re okay!”

Lahad pa ni Tonton, “At saka sa amin naman kung meron mang lumabas na ganun, hindi naman kami maaapektuhan, e.

“Hindi kami kailangang maapektuhan, kung ano yung alam namin sa isa’t-isa, magkasama kami, bakit kami maa-ano? Ako ganun din ako e, ganun akong tao na kung may i-tsitsismis man about me at alam ko sa sarili ko na hindi totoo yun, then hindi ako magre-react, hindi ko papansinin.”

Samantala, nagkasama sa pelikulang ‘Unspoken Letters’ sina Glydel at Tonton na pinagbidahan ng newbie actress na si Jhassy Busran.

Hindi nakapasok sa Metro Manila Film Festival bilang entry ang ‘Unspoken Letters’ kaya napaaga ang showing nito sa mga sinehan nitong December 13.

Gumanap rin sa mahahalagang papel sa Unspoken Letters sina Gladys Reyes, Matet de Leon, Simon Ibarra, Daria Ramirez, Deborah Sun, Orlando Sol, John Heindrick, Christine Samson at MJ Manuel.

Ang ‘Unspoken Letters’ ay sa panulat at direksyon ni Gat Alaman.

***

SA bahay lamang sa araw ng Pasko si Lotlot de Leon at ang mister niyang si Fadi El-Soury.

Ipagluluto niya ng pagkain ang mga mahal niya sa buhay tulad ng panganay niyang anak na si Janine Gutierrez na may special request kay Lotlot, ang isa sa mga specialty ni Lotlot na lutuin, ang grilled liempo.

Sa gabi kasi ng December 25 ay pumupunta sa bahay nina Lotlot at Fadi ang mga anak ni Lotlot na sina Janine, Jessice, Maxine at Diego Gutierrez para doon mag-Christmas dinner.

By the way, ngayong Enero ay balik-GMA si Lotlot dahil kasama siya s aacst ng Makiling nina Elle Villanueva at Derrick Monasterio.

Ipapalabas sa January, kasalukuyan nang umeere ang trailer ng Makiling at gandang-ganda kami dito, may pagka-fantasy at romance ang bagong handog na ito ng GMA.

Pero bago ito, mapapanood si Lotlot sa ‘When I Met You In Tokyo’ na entry sa Metro Manila Film Festival kung saan bida ang daddy niyang Drama King na si Christopher de Leon at ang Star For All Seasons na si Ms. Vima Santos.

Hitik sa tambalan ang pelikula dahil nasa cast rin sina Mavy Legaspi at Darren Espanto, at ang real-life couple na sina Lyn Cruz at Tirso Cruz III.

Sa direksyon nina Rado Peru at Rommel Penesa, mula ito sa JG Productions kung saan isa sa mga punong-abala si Ms. Redgie Acuna-Magno.

(ROMMEL L. GONZALES)

Seal of Good Local Governance muling nakamit ng Navotas

Posted on: December 22nd, 2023 by @peoplesbalita No Comments

MULING nakamit ng Pamahalaang Lungsod ng Navotas ang pinakaaasam na Seal of Good Local Governance mula sa Department of the Interior and Local Government (DILG), sa ikalimang pagkakataon.

Personal na tinanggap ni Mayor John Rey Tiangco, kasama sina Vice Mayor Tito Sanchez at City Administrator Christia Padolina, ang parangal sa Manila Hotel.

“We are more than honored to receive another seal from the DILG, the highest recognition for LGUs. We are proud of what we have accomplished and, at the same time, humbled by the recognition,” ani Mayor Tiangco.

“We thank our fellow public servants in the city government and all other stakeholders for their constant support and cooperation. Ang award na ito ay para po sa bawat Navoteno,” dagdag niya.

Ang SGLG ay isang institutionalized award, incentive, at recognition-based program ng pambansang pamahalaan na naglalayong itaas ang kultura ng mabuting pamamahala.

Ang mga natatanggap na seal ay kailangang pumasa sa pagtatasa sa lahat ng sampung lugar ng pamamahala tulad ng Financial Administration and Sustainability; Disaster Preparedness; Social Protection and Sensitivity; Health Compliance and Responsiveness; Sustainable Education; Business Friendliness and Competitiveness; Safety, Peace and Order; Environmental Management; Tourism, Heritage Development, Culture and Arts; and Youth Development.

Ang mga SGLG awardees ngayong taon ay pinagkalooban din ng incentive fund subsidy na nagkakahalaga ng P2.3 milyon.

Natanggap ng Navotas ang SGLG noong 2015, 2017, 2019 at 2022 habang pinagkalooban din ang lungsod ng Gawad Kalasag para sa paghahanda at pamamahala sa kalamidad. (Richard Mesa)

2 tulak laglag sa P240K shabu at damo sa Malabon drug bust

Posted on: December 22nd, 2023 by @peoplesbalita No Comments

MAHIGIT P.2 milyong halaga ng illegal na droga ang nasamsam sa dalawang bagong identified drug pushers matapos madakip sa isinagawang buy bust operation ng pulisya sa Malabon City, Miyerkules ng hapon.

Kinilala ni Malabon police chief P/Col. Jay Baybayan ang naarestong mga suspek na sina alyas Okeng, 31, at alyas Anjoe, 24, E-trike driver, kapwa ng Bisig ng Nayon, Brgy. 4, Caloocan City.

Sa kanyang ulat kay Northern Police District (NPD) Director P/BGen. Rizalito Gapas, sinabi ni Col. Baybayan na isinailalim ng mga operatiba Station Drug Enforcement Unit (SDEU) sa validation ang mga suspek matapos ang natanggap na impormasyon hinggil sa umano’y illegal drug activities ng mga ito.

Nang positibo ang report, kaagad nagsagawa ang mga operatiba ng SDEU ng buy bust operation kung saan isang pulis na nagpanggap na buyer ang nagawang makipagtransaksyon ng P12,500 halaga ng droga sa mga suspek.

Matapos tanggapin ng mga suspek ang marked money mula sa pulis kapalit ng isang brick ng marijuana ay agad silang sinunggaban ng mga operatiba dakong alas-2:45 ng hapon sa P. Concepcion Street, Brgy. Tugatog.

Ani PSSg Jerry Basungit, nakuha sa mga suspek ang isang brick ng hinihinalang marijuana na nagkakahalaga ng P120,000, isang plastic sachet na naglalaman ng nasa 20.7 gramo ng hinihinalang shabu na nasa 140,760 ang halaga at buy bust money na isang P500 bill, kasama ang 12-pirasong P1,000 boodle money.

Nagpaabot naman ng papuri si Gen. Gapas sa Malabon police sa kanilang matagumpay na operation kontra ilegal na droga na nagresulta sa pagkakaaresto sa mga suspek na kapwa mahaharap sa kasong paglabag sa RA 9165 o Comprehensive Dangerous Drug Act of 2002. (Richard Mesa)

Ads December 22, 2023

Posted on: December 22nd, 2023 by @peoplesbalita No Comments

TRO hinain ng PISTON sa SC

Posted on: December 22nd, 2023 by @peoplesbalita No Comments

NOONG nakaraang Miyerkules ay naghain ng petisyon sa Supreme Court (SC) ang grupong PISTON upang humingi ng temporary restraining order (TRO) laban sa consolidation ng prangkisa na siyang kailangan sa ilalim ng Public Utility Vehicle Modernization Program (PUVMP) ng pamahalaan.

Sa kanilang petisyon ay kanilang sinabi na ang mandatory consolidation ay isang paglabag sa karapatan na magkaron ng malayang samahan.

“The constitutionally guaranteed freedom of association includes the freedom not to associate,” wika ng PISTON.

Ang programa sa PUV modernization ay kinakailangan upang ang jeepney operators ay mag consolidate ng kanikanilang prangkisa upang maging isang prangkisa na lamang sa ilalim ng kooperatiba o korporasyon na may deadline sa darating na Dec. 31.

Ayon sa PISTON, may 140,000 na drivers at 60,000 na maliliit na operators ang mawawalan ng prangkisa kung ang deadline ay mananatili. Dagdag ng PISTON na may 28.5 milyon na pasahero ang maaapektuhan sa buong bansa na siyang magiging sanhi ng “transport disaster” ngayon Jan. 2024.

Sinabi ni PISTON national president Mody Floranda na ang kailangan nila ay yong sama-samang pagkilos at paglahok sa iba’t ibang mobilization o anumang pagkilos ng mga drivers at ng mamamayan upang itulak mismo ng pamahalaan na ibasura ang mapaniil na polisia at patakaran na ayon sa kanila ay anti-tsuper, anti-operator at anti-mamamayan. Binibigyan suporta naman ng samahang Manibela ang petisyon ng PISTON.

Ang nasabing dalawang grupo ay kumikilos pa rin hanggang ngayon Biyernes upang magwelga habang sila ay naghihintay na magkaron ng desisyon ang pamahalaan na magkaron pa ng extension ang deadline sa Dec.31.

Naniniwala ang mga jeepney drivers at operators na ang modern jeepneys ay masyadong mahal. Kung sila naman ay magkakaron ng consolidation upang magkaron na lamang ng single-unit operator sa ruta ng kanilang prangkisa ay tiyak na mapupunta lamang sa malalaking korporasyon at kooperatiba sa transportasyon ang nasabing prangkisa.

Mas gusto ng mga drivers at operators na magkaron na lamang ng upgrading ng kanilang existing units kung saan mas mura at magiging fuel efficient at environment friendly din naman ito.

Subalit sinabi ng Department of Transportation (DOTr) na ang paglahok sa isang kooperatiba at korporasyon ay magiging daan upang ang mga operators at drivers ay magkaron ng madaling access sa pondo lalo na kung sila ay kukuha ng loans para sa modern jeepneys. Kasama sa mga financial institutions na nagbibigay ng loan para sa nasabing programa ay ang Land Bank of the Philippines (LBP), Development Bank of the Philippines (DBP) at may plano rin ang lokal ng pamahalaan na lalahok sa programa upang magbigay ng pondo. LASACMAR

Top 8 MWP ng NPD, nabitag ng Valenzuela police sa Rizal

Posted on: December 22nd, 2023 by @peoplesbalita No Comments

ISANG construction worker na nakatala bilang top 8 most wanted person sa Norhern Police District (NPD) ang nasilo ng mga operatiba ng Station Intelligence Section (SIS) ng Valenzuela police sa isinagawang manhunt operation sa San Mateo Rizal, kamakalawa ng hapon.

Kinilala ni Valenzuela police chief P/Col. Salvador Destura Jr. ang naarestong akusado na si alyas “Leo”, 39, ng Barangay San Isidro, Montalban Rizal at nakatala din bilang Top 2 MWP sa Valenzuela City.

Base sa report ni Col. Destura kay NPD Director P/BGen. Rizalito Gapas, nakatanggap ng impormasyon ang SIS ng Valenzuela CPS na nagtatago sa lalawigan ng Rizal si Leo kaya kaagad siyang bumuo ng team para sa pagtugis sa akusado.

Sa pangunguna ni P/Cpt. Ronald Sanchez, kaagad namang nagsagawa ng intensified manhunt operation ang mga operatiba ng SIS na nagresulta sa pagkakaaresto sa akusado dakong alas-4:10 ng hapon sa Phase 8, Easter View Subdivision, Guitnang Bayan 1, San Mateo, Rizal.

Ani Cpt. Sanchez, dinakip nila ang akusado sa bisa ng warrant of arrest na inisyu ni Presiding Judge Evangeline Mendoza Francisco ng Valenzuela City Regional Trial Court, Branch 270, noong October 5, 2021, para sa paglanag sa Sec.5 (b) of R.A. 7610 in relation to Article 336 of the RPC.

Pansamantalang nakapiit ang akusado sa Custodial Facility Unit ng Valenzuela CPS habang hinihintay ang pagpapalabas ng commiyment order mula sa korte. (Richard Mesa)

Tsina, itinanggi na pinopondohan ang ‘pro-China trolls’ sa Pinas

Posted on: December 22nd, 2023 by @peoplesbalita No Comments

“CATEGORICALLY false and baseless.”

Ganito kung ilarawan ng Tsina ang sinabi ng isang mambabatas na maaaring pinopondohan ng Beijing ang “destabilization efforts” sa Maynila sa pamamagitan ng online trolls.

Sinabi ng Chinese embassy sa Maynila dapat na itigil ng mga Filipino politicians ang mga ganitong klase ng alingasngas na makapagpapaigting sa maritime tension sa pagitan ng Tsina at Pilipinas.

“Such irresponsible remarks heightened tensions over the South China Sea, poisoned the atmosphere of China-Philippines relations and undermined the diplomatic efforts to manage our differences through dialogue and consultation,” ayon sa kalatas ng embahada.

“China has always advocated and remains committed to properly managing maritime differences through dialogue and consultation,” ayon pa rin sa embahada sabay sabing “China will keep the door of dialogue and contact open.”

Sa ulat, sinabi ni Senador JV Ejercito na posibleng pinopondohan umano ng China ang destabilization efforts sa Pilipinas sa pamamagitan ng mga trolls at mga pro-Beijing sa gitna ng awayan sa teritoryo sa West Philippine Sea (WPS).

Ayon kay Ejercito, maging siya ay biktima ng coordinated social media attacks mula sa umano’y mga trolls dahil sa hayagang pagkondena sa ginagawa ng China sa WPS.

Puna pa ni Ejercito, na ang social media users ay nauna nang tinarget sina House Speaker Martin Romualdez, Philippine Coast Guard Commodore Jay Tarriela, Defense Secretary Gilberto Teodoro Jr. at Senate President Migz Zubiri.

Ang buwelta naman ng China, ang mga nagpaparatang at nagbibigay ng ganitong alegasyon ay dapat na “do more in line with the interests of the Filipino people and China-Philippines friendship, instead of making irresponsible anti-China accusations.”

“We also hope that the Philippine government listens to the voice of reason, acts upon the call of the two peoples, works with China to earnestly honor the consensus of the two heads-of-state on properly handling disputes through dialogue and consultation so as to ensure sound growth of China-Philippines ties and jointly safeguard peace and stability in the South China Sea,” ayon pa sa Tsina. (Daris Jose)

P5.768 trillion 2024 national budget, pirmado na ni PBBM

Posted on: December 22nd, 2023 by @peoplesbalita No Comments

PINANGUNAHAN ni Pangulong Ferdinand R. Marcos Jr. ang ceremonial signing ng P5.768-trillion 2024 national budget, araw ng Miyerkules, nanawagan sa mga ahensiya na isagawa ang expenditure program na naaayon sa batas at kilalanin ang mga taxpayers na naging dahilan kung bakit naging posible ang budget para sa susunod na taon.

Sa nasabing event, pinaalalahanan ni Pangulong Marcos ang mga ahensiya na magpapatupad ng expenditure program na labanan ang red tape “that leads to underspending and overspending that disregards legal guardrails,” emphasizing further that these are ‘two sides of the same coin.’

“Implementation delay and illegal deviations inflict the same havoc of denying the people of the progress and development that they deserve,” aniya pa rin.

“So, with this reminder comes the most important budget commandment that we must all receive. We are working for the people not for ourselves. We are working for the country not for ourselves,” dagdag na pahayag ng Pangulo.

Ang nangyaring signing ceremony ay renewal ng annual social contract ng gobyerno sa mga taxpayers, na kung ano ang kanilang binayaran ay “will be rebated to them in full.”

Ayon sa Chief Executive, nakadetalye sa 2024 national budget ang battle plan ng gobyerno sa paglaban sa kahirapan at kamangmangan, pagpo-produce ng pagkain at tuldukan ang pagkagutom, protektahan ang mga bahay o tahanan, I-secure ang mga border, panatilihing malusog ang mga mamamayan , lumikha ng hanapbuhay at pondohan ang pangkabuhayan.

“It is not only intended to pay for the overhead of the government’s bureaucratic operations but also to fund the elimination of problems that the nation must overcome,” ang wika ng Pangulo.

“And although he wishes to wipeout in one budget cycle all the government’s infrastructure backlog, it is curtailed by what the State can collect and by what the tax coffers contain,” dagdag na pahayag ng Punong Ehekutibo.

“We can be reckless, take the easy path, borrow, let our children pick today’s tab up tomorrow. But debt is not the kind of inheritance that we want to leave those who will come after us,” lahad ng Pangulo.

“Good fiscal stewardship imposes upon us the discipline not to be led into the temptation of bloating what we owe. Good government dictates upon us the duty to spend the appropriations we have cobbled together for the correct purposes, the right way, on time, and on budget,” litaniya ng Pangulo.

Ang P5.768 trillion-General Appropriations Act for Fiscal Year 2024 ay 9.5% na mas mataas kumpara sa nakalipas na fiscal year, at nilikha para panatilihin ang high-growth trajectory ng bansa.

Inaasahan naman ng administrasyon na ang tuwirang implementasyon ng 2024 national budget na mayroong Medium-Term Fiscal Framework, ang 8-point Socioeconomic Agenda, at Philippine Development Plan 2023-2028 ay magsisilbing gabay at blueprint. (Daris Jose)

Higit 1.5K personnel, ipinakalat para bantayan ang buhos ng trapiko sa NLEX ngayong holiday season

Posted on: December 22nd, 2023 by @peoplesbalita No Comments

INANUNSYO ng pamunuan ng NLEX-SCTEX ang plano nitong pagdaragdag ng mga tauhan na siyang magbabantay sa bugso ng mga motorista sa NLEX ngayong holiday season.

Ito ay bahagi pa rin ng pagpapatupad ng “Safe Trip Mo, Sagot Ko” motorist assistance program.

Ang karagdagang 1,500 personnel ang ipakakalat naman simula bukas December 22, 2023 sa buong expressway.

ayon nito na matiyak na maayos na matutugunan ang posibleng bugso ng traffic mula sa biyernes .

Kabilang din sa mga ipapakalat ng pamunuan ng NLEX-SCTEX ay mga patrol crews, traffic marshals, security teams, toll at system personnel, emergency medical team at incident response team sa ilang pangunahing areas.

PRINCESS, nagpasaya ng 500 mga bata para ‘Pamaskong Handog’ ng kanyang foundation

Posted on: December 22nd, 2023 by @peoplesbalita No Comments

SA puso ng Barangay Bayan Luma, Bacoor Cavite, mas nagningning ang diwa ng Pasko noong Disyembre 17, 2023, salamat sa Princess Revilla Foundation, Inc.

Ang foundation ang may gawa ng isang makabagbag-damdaming ‘Pamaskong Handog’, isa itong Christmas gift-giving extravaganza na nagdulot ng kagalakan sa 500 na mga bata.

Ang araw ay isang kasiya-siyang pagsasanib ng pagkabukas-palad, pagtawa, at ang tunay na diwa ng panahon.

Ang highlight ng kaganapan ay ang pamamahagi ng mga laruan, isang kilos na sumasalamin sa pangako ng pundasyon sa kapakanan at kapakanan ng mga bata.

Habang kumikinang sa pananabik ang mga mata ng mga bata, napuno ang hangin ng nakahahawang diwa ng pagbibigay at pagbabahagi.

Nagdagdag ng mapaglarong twist sa kasiyahan, ang foundation ay nag-organisa ng mga nakatutuwang laro na hindi lamang nakaaaliw sa mga kabataan kundi humantong din sa pamamahagi ng karagdagang mga premyo.

Nangibabaw ang tawanan sa venue, na lumikha ng isang kapaligiran ng wagas na kagalakan at kasiyahan.

Ang mga laro ay hindi lamang pinagmumulan ng libangan ngunit isang sagisag ng paniniwala ng pundasyon sa kahalagahan ng pagpapaunlad ng kaligayahan sa mga batang kanilang pinaglilingkuran.

Sa gitna ng masayang aktibidad, isang masaganang meryenda ang naghihintay sa mga kabataang kalahok, na lalong nagpapataas ng mood ng holiday.

Itinampok din sa masayang okasyon ang isang maliit na programa kung saan naghatid ng mga makabuluhang mensahe ang visionary founder ng Princess Revilla Foundation, Inc. na si Ms. Princess Revilla, at mga kagalang-galang na Barangay Officials.

Ibinahagi ni Ms. Revilla, na may biyaya at init, ang tunay na diwa ng Pasko—na ito ay panahon para sa mga bata.

Ang kanyang mga salita ay nangibabaw sa madla, na nagbibigay-diin sa kahalagahan ng pagpapalaganap ng pag-ibig, kagalakan, at pakikiramay sa panahon ng bakasyon.

Ang pangako ng foundation sa kapakanan ng mga bata ay kitang-kita sa buong kaganapan.

Higit pa sa mga materyal na regalo, ang ‘Pamaskong Handog’ ay nagsilbing paalala na ang tunay na diwa ng Pasko ay nasa pagbibigay, lalo na sa mga may hawak ng susi sa ating sama-samang kinabukasan—ang ating mga anak.

Sa pagtatapos ng araw, higit pa sa pamamahagi ng mga laruan ang nagawa ni Prinsesa Revilla at ng kanyang pundasyon; nag-alab sila ng kislap ng kaligayahan sa puso ng 500 mga bata, na ginawang mas maliwanag ang kanilang kapaskuhan.

Sa diwa ng Pasko, ipinakita ng Princess Revilla Foundation, Inc. ang pangako ng pagbabahagi ng mga pagpapala at paglikha ng mga sandali na pahahalagahan ng mga batang ito sa mga darating na taon.

(ROHN ROMULO)