Tuluyan ng nagkasundo at nagkamayan ang kinikilalang kinatawan ng Senior Citizens Party-list na si Cong. Rodolfo Ompong Ordanes at si dating Cong. Godofredo Arquiza matapos pagtibayin ng dalawa ang isang kasunduan na nagtatapos ang kanilang sigalot na sinaksihan ng kanilang mga abugado sa ginanap na seremonya nitong Dec.19, 2023 sa Seda Hotel, Quezon City. (PAUL JOHN REYES)
- June 15, 2026
Ang Diyaryong Pinagkakatiwalaan
Archive for December, 2023
Ordanes at Arquiza, nagkasundo at nagkamayan
Same sex couples, may blessing na sa Vatican
APRUBADO na ng Vatican noong Lunes ang mga pagpapala para sa same-sex couples, isang pinagtatalunang isyu sa Simbahang Katoliko, hangga’t wala sila sa mga kontekstong nauugnay sa mga civil union o kasal.
Sa dokumentong aprubado sa ni Pope Francis , sinang-ayunan ng Vatican ang posibilidad ng pagpapala para sa magkapareha sa irregular na sitwasyon at para sa magkapareha ng same sex.
“One should not prevent or prohibit the Church’s closeness to people in every situation in which they might seek God’s help through a simple blessing,” saad ng papa.
Ngunit sa dokumento na inilathala ng Vatican faith department ay hindi nagbabago sa paninindigan ng Simbahang Katoliko sa mga kasal o unyon ng parehong kasarian.
Inulit nito ang matagal nang paninindigan na ang kasal ay sa pagitan lamang ng isang lalaki at isang babae, para sa layunin ng pagkakaroon ng mga anak — at nagsasabing walang mga pagpapala ang dapat ibigay na nakakalito sa isyu.
Ngunit ito ang unang pagkakataon na binuksan ng Vatican ang daan nang malinaw sa pagpapala ng magkaparehas na kasarian, na naging pinagmulan ng tensyon sa loob ng simbahan.
Karaniwang isinasagawa ng isang pari ang isang pagpapala na binubuo ng paghingi ng kabutihan ng Diyos sa isang tao.
Ang mga konserbatibong Katoliko partikular sa Amerika ay mahigpit na tinututolan ang pagpapala sa same-sex couples. GENE ADSUARA
No. 7 top most wanted person ng NPD, nalambat sa Malabon
BINITBIT sa selda ang isang lalaki na nakatala bilang No. 7 top most wanted person sa Northern Police District (NPD) matapos madakip sa isinagawang manhunt operation ng pulisya sa Malabon City, kamakalaqa ng gabi.
Kinilala ni Malabon police chief P/Col. Jay Baybayan ang naarestong akusado bilang si alyas “Beejay”, 41, construction worker, residente ng Brgy., Tugatog at nakatala naman bilang No. 8 Top MWP ng Malabon City.
Sa kanyang report kay NPD Director P/BGen. Rizalito Gapas, sinabi ni Col. Baybayan na nakatanggap ng impormasyon ang mga tauhan ng Warrant and Subpoena Section (WSS) sa ilalim ng pangangasiwa ni P/Maj. Jo-Ivan Balberona na nakita ang presensiya ng akusado sa kanilang lugar.
Bumuo ng team ang WSS sa pangunguna ni PCMS Edwin Castilo,kasama ang 4th MFC RMFB-NCRPO saka nagsagawa ng joint manhunt operation kontra wanted persons na nagresulta sa pagkakadakip sa akusado dakong ala-1:35 ng hapon sa P. Concepcion St., Brgy. Tugatog.
Ayon kay Maj. Balberona, pinosasan ng kanyang mga tauhan ang akusado sa bisa ng warrant of arrest na inisyu ni Malabon City Regional Trial Court, Branch 170 Presiding Judge Zaldy Balagat Docena noong December 7, 2023 para paglabag sa B.P. 881 (Omnibus Election Code of the Philippines) in Rel. to COMELEC Reso. No. 10918 Sec. 261(Q ) atSec. 28(A) in Rel. to Sec. 28(E) of R.A. 10591.
Pinuri naman ni BGen Gapas ang Malabon police sa kanilang matagumpay na manhunt operation kontra wanted persons na nagresulta sa pagkakadakip sa akusado na pansamantalang nakakulong sa Custodial Facility Unit ng Malabon CPS habang hinihintay ang pagpapalabas ng commitment order mula sa korte. (Richard Mesa)
Aminadong may mga guy na nagpaparamdam: SANYA, gusto niya na faithful, maunawain at totoo ang pagmamahal
NAGING game si Sanya Lopez na pag-usapan ang tungkol sa estado ng kanyang lovelife.
Inamin ng Kapuso leading lady na may pumoporma sa kanya ngayon.
“May mga guys naman na lumalapit sa atin. ‘Di ko kasi alam kung nanliligaw ba talaga. Ayokong pangunahan,” sagot ng Sparkle star.
Hindi binanggit ni Sanya kung sino ang nanliligaw sa kanya. Nag-share na lang siya kung ano ang ideal man na gusto niya.
Ayon kay Sanya ang gusto niya ‘yung “faithful at totoo ang pagmamahal” na binibigay sa kanya.
Mahalaga rin daw na irerespeto siya lalong lalo na sa kanyang pamilya at sa mga taong nagmamahal sa kanya.
Gusto rin ni Sanya na maunawain ang kanyang ideal partner tungkol sa trabaho niya bilang aktres, lalo’t sa pagpasok ng 2024 ay dalawang malalaking projects ang gagawin niya para sa GMA: ‘Pulang Araw’ at ‘Encantadia Chronicles: Sang’gre’.
***
IN-ENJOY ng husto ni Solenn Heussaff ng ang pagiging nanay bago siya bumalik sa trabaho sa 2024.
Si Solenn pa rin ang gaganap na Cassiopeia sa GMA telefantasya na Encantadia Chronicles: Sang’gre.
Hindi tumanggap ng anumang projects si Solenn pagkatapos niyang manganak sa second baby nila ni Nico Bolzico na si Maelys Lionel. Nag-turn one-year old ito noong December 13.
Sa France mag-celebrate ng Pasko ang Bolzico family at doon din nag-celebrate ng 1st birthday si Maelys.
“1 year old today time flies too fast! Te amoooo,” post pa ni Solenn sa Instagram.
Ito naman ang IG post ni Nico: “Happy 1 year to the one who completed the family! I am pretty sure she wouldnt have wanted any other way than spending it hugging her favorite person… Ate Tili! On a different note, it is exactly 1 year ago that Argentina made it to the WC [World Cup] Finals, it is actually related because after that game, Maëlys second name became officially Lionel (for real!)”
Mag-turn 3-years old naman ang panganay nilang di Thylane Katana or Tili on January 1, 2024.
***
SI Barbra Streisand ang ika-59th recipient ng SAG Life Achievement Award.
Ginagawad ang highest tribute na ito dahil sa career achievements and humanitarian accomplishments.
Tatanggapin ng 81-year-old music and film icon ang parangal sa 30th annual Screen Actors Guild Awards on February 24 sa Shrine Auditorium & Expo Hall in Los Angeles.
“This award is especially meaningful to me because it comes from my fellow actors, whom I so admire,” sey ni Streisand na kakalabas lang ng kanyang 992-page memoir, My Name is Barbra na nasa New York Times’ bestseller list.
Sa anim na dekadang career ni Barbra, nakatanggap ito ng 2 Oscars, 4 Emmys, 10 Grammys, 3 Peabodys, an honorary “Star of the Decade” Tony, an AFI Live Achievement Award, a Cecil B. DeMille Award, a Justice Ruth Bader Ginsburg Woman of Leadership Award and the Presidential Medal of Freedom.
Si Barbra rin ang only recording artist to achieve a No. 1 album in each of the past six decades.
(RUEL J. MENDOZA)
COVID-19 outbreak sa Pinas, malabo
MALABO umanong makaranas muli ang Pilipinas ng malakihang COVID-19 outbreak, sa kabila nang naitatalang pagtaas ng mga bagong kaso ng sakit nitong mga nakalipas na araw.
Ayon kay Department of Health (DOH) Secretary Ted Herbosa, sa kanyang palagay ay hindi na mauulit pa ang COVID-19 outbreak na nakita noong kasagsagan ng pandemiya, kung kailan na-stress ang health system ng bansa.
Sinabi ni Herbosa na ito’y dahil sa ngayon ay mahigit 74 milyong Pinoy na ang nakatanggap ng proteksiyon mula sa COVID-19 vaccines.
Mayroon na rin aniyang nasa limang milyong indibidwal ang nakakuha na rin ng natural na depensa ng katawan laban sa coronavirus matapos na dapuan sila ng naturang karamdaman.
“I don’t think there will be large or huge outbreak that will stress the health system,” ayon kay Herbosa, sa panayam ng Headstart ng ANC nitong Martes.
Dagdag pa niya, ang takot ng mga tao laban sa COVID-19 ay hindi na katulad noong panahon ng pandemiya lalo na at marami nang alam ang tao tungkol sa naturang virus, at alam na rin nilang proteksiyunan ang kanilang mga sarili.
Tiniyak din ni Herbosa na mas kumpiyansa na ngayon ang mga doktor kung paano nila gagamutin ang mga bagong kaso ng sakit.
Hindi aniya tulad noong kasagsagan ng pandemya na takot ang lahat, at hindi lamang mga pasyente, kundi maging mga doktor at nurses ang namamatay dahil sa virus.
Sa inilabas na National COVID-19 Case Bulletin, nakapagtala ang DOH ng 2,725 bagong kaso sa bansa simula Disyembre 12 hanggang 18.
Ang average na bilang ng bagong kaso kada araw ngayong linggo ay nasa 389. Ito ay mas mataas ng 50 percent kung ikukumpara sa mga kasong naitala noong Disyembre 5-11.
Sa mga bagong kaso, 16 ang may malubha at kritikal na karamdaman at 16 na pumanaw.
Noong Disyembre 17, 2023, mayroong 211 na malubha at kritikal na pasyente na naka-admit sa mga ospital dahil sa COVID-19.
Kaugnay nito, mahigpit na pinapaalalahanan ng DOH ang publiko na huwag maging kampante sa banta ng COVID-19.
“Laging magsuot ng best-fitted face mask at kung maaari, manatili sa well-ventilated na mga lugar. Sa oras na makaramdam ng sintomas, agad na mag-isolate,” dagdag nito.
Dahil sa mahusay na pagganap sa ‘Royal Blood’: RHIAN, nagwaging Best Actress sa ’12th KAKAMMPI OFW Gawad Parangal’
NAGBUNGA ang husay ni Rhian Ramos sa ‘Royal Blood’ kung saan noong umeere ito sa Kapuso Network ay isa siya sa napupuri nang husto ng mga netizens sa kanyang pagganap bilang si Margaret Royales.
Nito lamang Sabado, December 16 ay ginawaran si Rhian ng parangal bilang Best Actress sa 12th KAKAMMPI OFW Gawad Parangal.
Ginanap ang awards night sa Anchor Center Bldg. sa Quezon City.
Bukod kay Rhian ay napanood rin at nakipagtagisan ng galing noon sa ‘Royal Blood’ sina Kapuso Primetime King Dingdong Dantes, Megan Young, Mikael Daez, Dion Ignacio, Lianne Valentin, at Rabiya Mateo.
Samantala, marami na ang excited sa bagong pagsubok sa kanyang kahusayan dahil malapit na ring mapanood si Rhian sa Sang’gre na pagpapatuloy na kuwento ng Encantadia.
Bilang Mitena ay gagampanan ni Rhian ang karakter ng isinumpang kakambal ni Cassiopea na lulusob at gugulo sa mundo ng Encantadia.
***
AYAW magsosyo sa negosyo nina Ysabel Ortega at Miguel Tanfelix.
Deretsahang sinabi ito ng rumored boyfriend/girlfriend sa presscon ng ‘Firefly’ kung saan kasali sila sa mga cast members.
Ayaw raw kasi nila na dumating sa puntong magkakaroon sila ng hindi pagkakaunawaan, lalo na tungkol sa pera, na maaaring makaapekto sa kanilang samahan.
May point naman sila dahil may mga napapabalita ngayon na mga couples na naghiwalay na ngayon at nagkakagulo lalo dahil may mga pinagsosyohang negosyo.
May ilan pa nga raw na aabot pa sa demandahan dahil nga nag-break na pero hindi maayos ang partehan sa kanilang mga business.
Kaya naman may sariling negosyo si Ysabel, isang bakeshop at ang branch ng Nailandia spa and nail salon sa Timog kung saan kasosyo niya sina Elle Villanueva at Sophia Senoron.
Pag-aari ito ng mag-asawang Noreen at Juncythn Divina na kailan lamang ay nag-celebrate ng kanilang wedding anniversary.
Samantala, guwapung-guwapo kami lalo ngayon kay Miguel, at naalala namin noong child actor pa lamang siya kay Euwenn Mikaell, ang bidang batang actor sa ‘Firefly’.
Mestiso si Euwenn, iyon ang pagkakaiba nila ni Miguel, pero pareho silang guwapo at mahusay na mga child stars, lalo noong si Miguel ay batang paslit pa lamang bilang si Pagaspas sa Mulawin noong 2004.
Tulad ni Miguel, kahit bata pa lamang siya ay marami na ang humanga sa husay ni Euwenn bilang aktor; ang galing-galing ni Euwenn sa ‘Firefly’ na entry ng GMA Pictures at GMA Public Affairs sa Metro Manila Film Festival sa Disyembre 25, araw ng Pasko.
Sa mga eksena nila ni Alessandra de Rossi ay nakeri ni Euwenn na makipagsabayan ng aktingan kay Alessandra na para sa amin ay isa sa pinakamahusay na aktres dito sa Pilipinas.
Sa direksyon ni Zig Dulay, ipagdadasal namin na bukod sa kumita nang bongga sa takilya ay humakot rin ng awards ang Firefly, na kung saan kasama rin sina Max Collins, Yayo Aguila at Cherry Pie Picache.
(ROMMEL L. GONZALES)
Get ready to Immerse Yourself in the Captivating universe of ‘Dune: Part Two,’ featuring Timothée Chalamet and Zendaya
Warner Bros. Pictures and Legendary Pictures proudly present the new trailer for “Dune: Part Two,” the sequel to the six-time Oscar-winning “Dune” by director Denis Villeneuve.
Promising an enthralling blend of romance and action, this war epic features an ensemble cast of Timothée Chalamet, Zendaya, and more. Mark your calendars for February 28, 2024, as this cinematic masterpiece lands in Philippine theaters.
“Dune: Part Two” delves into Paul Atreides’ epic quest, alongside Chani and the Fremen, on a vengeful path against those who shattered his family. Confronting a monumental choice, Paul wrestles with the conflict between his profound love and the destiny of the universe. This chapter explores his efforts to avert a foreseeable catastrophic future.
Helmed by Denis Villeneuve, who co-wrote the screenplay with Jon Spaihts, the film draws inspiration from Frank Herbert’s renowned novel. The team of producers includes Mary Parent, Cale Boyter, Villeneuve, Tanya Lapointe, and Patrick McCormick, with a lineup of executive producers and creative consultants. Hans Zimmer returns to enhance the cinematic experience with his Oscar-winning musical talent.
Bringing life to this interstellar saga is a star-studded cast led by Timothée Chalamet and Zendaya. They are joined by a roster of acclaimed actors, including Rebecca Ferguson, Josh Brolin, Austin Butler, and many others, each contributing to the depth and allure of this anticipated film.
As “Dune: Part Two” prepares to take Philippine cinemas by storm on February 28, 2024, join the buzz online. Participate in discussions, share your excitement, and don’t forget to use the hashtag #DunePartTwo. Get ready for an adventure that transcends galaxies and tugs at the heartstrings!
(ROHN ROMULO)
Oplan Pag-Abot ng DSWD, napanatiling ligtas ang 1,461 katao mula sa panganib sa lansangan
NAPANATILI ng Department of Social Welfare and Development (DSWD), sa pamamagitan ng Oplan Pag-Abot nito, ang 1,461 katao, na nakatira noon sa lansangan sa Kalakhang Maynila na ligtas mula sa panganib sa lansangan.
“As of Dec. 18,” ang Oplan Pag-Abot na inilunsad noong Hulyo, umabot sa 871 miyembro ng pamilya at 590 unattached individuals, kabilang na ang mga bata at senior citizens, mula sa iba’t ibang lugar sa National Capital Region (NCR).
Sinabi ni DSWD Assistant Secretary for Legislative Affairs Irene Dumlao na 189 ng mga indibiduwal ang nabigyan ng tulong sa pamamagitan ng Assistance to Individuals in Crisis Situation (AICS) program, habang 446 ang tinulungan sa pamamagitan ng Balik Probinsya, Bagong Pag-Asa Program (BP2).
Sa 1,461 reached-out individuals, 878 ang ni-refer sa kani-kanilang local government units (LGUs) para sa angkop na interbensyon habang natitirang 583 ay kasalukuyang pinagkakalooban ng temporary residential care sa DSWD-run Centers and Residential Care Facilities.
“The social workers continue to roam around Metro Manila to ensure that the families and individuals on the streets will be convinced to come with us,” ayon kay Dumlao.
Ani Dumlao, mahigit sa 1,500 individuals ay ‘profiled’ sa pamamagitan ng environment scanning activities na isinagawa ng social workers bago pa ang aktuwal na reach-out operations.
“Profiling is important to identify the areas that these families are seen more frequently,” ayon kay Dumlao.
Ngayong holiday season, pinalakas ng DSWD implementasyon ng proyekto sa pamamagitan ng Oplan Pag-Abot sa Pasko para makaabot sa mas maraming pamilya at indibiduwal na dumagsa sa lansangan para mamalimos ngayong panahon.
Ang Oplan Pag-Abot ay kabilang sa flagship programs ng DSWD, sa ilalim ng liderato ni Secretary Rex Gatchalian, para tumulong, suportahan at protektahan ang bawat indibiduwal at pamilya sa pamamagitan ng pagbibigay ng angkop na interbensyon. (Daris Jose)
Ipinagdiinang ‘di pumapatol sa ‘one night stand’: KELVIN, mas gustong ginagastos ang pera na pinaghirapan niya
PINABULAANAN ni Kelvin Miranda na hindi siya ang tinutukoy sa blind item ng direktor na si Darryl Yap tungkol sa isang aktor na na-“booking” umano ng international singer na si Sam Smith.
Sa naturang blind, nai-book daw ni Sam Smith ang isang aktor sa halagang P1 milyon kada gabi.
“Ang dami na ring nag-ta-tag sa ’kin, even my friends, sine-send sa ’kin sa messenger, sa IG. Kailangan ba lahat, ito ‘yung pag-usapan?
“Gusto ko lang sabihin sa kanila na hindi, hindi totoo. Kumbaga, bakit ko gagawin ‘yun? Kumbaga, pinaghirapan ko lahat ng kung anong meron ako tapos sa ganoong klaseng bagay,” sey ng Sparkle actor.
Ayon kay Kelvin, hindi niya hinuhusgahan ang mga taong sangkot sa mga “booking” o pagbabayad kapalit ng one night stand.
“Pero ako kasi, hindi ako sanay nang hinuhusgahan ako. At hindi ko ginagawa ‘yung ganoong klaseng bagay.
“Mas gusto kong ginagastos ko ‘yung pera na kinikita ko. So hindi. Hindi talaga,” diin pa ni Kelvin.
Bibida si Kelvin sa upcoming ‘Encantadia Chronicles: Sang’gre’ bilang si Adamus ang unang lalaking Sang’gre, na tagapangalaga ng Brilyante ng Tubig.
Kasama ni Kelvin sina Angel Guardian bilang si Deia, tagapangalaga ng Brilyante ng Hangin, Faith da Silva bilang Flamarra, tagapangalaga ng Brilyante ng Apoy, at Bianca Umali bilang si Terra, bagong tagapangalaga ng Brilyante ng Lupa.
***
NAG-CELEBRATE ang Movie Queen at “First Lady of Philippine Cinema” na si Gloria Romero ng kanyang 90th birthday noong Biyernes, December 15, sa Sampaguita Events Place sa Quezon City. December 16, ang birthday ni Tita Glo.
Dumalo sa kanyang birthday celebration ang ilang mga kasamahan niya sa industriya gaya nina Helen Gamboa at anak nitong si Ciara Sotto, Celia Rodriguez, Boots Anson-Roa, Ricky Davao, Barbara Perez, Roderick Paulate, Laurice Guillen, Marita Zobel, Daisy Romualdez, Pepito Rodriguez, Liza Lorena, at iba pang mga personalidad.
Mukhang retired na sa pag-arte si Tita Glo at inaalagaan siya ng kanyang anak na si Maritess Gutierrez. Huling paglabas niya sa TV ay sa ‘Daig Kayo Ng Lola Ko’ sa GMA noong 2020. Huling pelikula niya ay ‘Rainbow’s Sunset’ noong 2018.
Ilang awards na napanalunan ni Tita Glo ay tatlong FAMAS Awards (Dalagang Ilokanq, Nagbabagang Luha, Tanging Yaman), dalawang Luna Awards (Tanging Yaman, Magnifico), at dalawang Gawad Urian (Tanging Yaman, Magnifico).
***
PUMANAW sa edad na 61 ang aktor na si Andre Braugher, na napanood sa mga hit comedy series na Brooklyn Nine-Nine at sa drama series “Homicide: Life on the Street.”
Kinumpirma ng publicist ni Andre na si Jennifer Allen ang malungkot na balita sa People and Variety.
Pumanaw ang aktor noong Lunes sanhi ng karamdaman. Tumatak sa mga televiewers si Andre sa kanyang role bilang si Captain Raymond Holt sa Brooklyn Nine-Nine na umere for 8 seasons.
Gumanap naman siya bilang si Detective Frank Pembleton sa Homicide: Life on Street, na nagbigay sa kanya ng Emmy award for lead actor.
Napanood din siya sa TV shows tulad na Gideon’s Crossing, Hack, Men of a Certain Age at Thief na nagbigay sa kanya ng ikalawang Emmy award.
(RUEL J. MENDOZA)