SABI nila kapag niloko ka minsan, ‘kawawa ka.’ Niloko ka na naman, ‘shame on you.’

Sa mundo kung saan ang pag-ibig ay isang sugal, hanggang saan ka payag na maglaro ng cheating game?

Ngayong Hulyo 26, ipinagmamalaki ng GMA Public Affairs ang kauna-unahang handog na pelikula nito, ang “The Cheating Game,” na nagtatampok sa dalawa sa mga mahuhusay na artista ng bansa sina Julie Anne San Jose at Rayver Cruz.

Isang malalim na pagsisid sa isipan ng dalawang indibidwal na magkaiba ang reaksyon sa pagtataksil, ang ‘The Cheating Game’ ay isang romantikong drama tungkol sa larong nilalaro ng mga tao pagkatapos na lokohin.

Nagpapakita ito ng mas mature, relatable, at makatotohanang bahagi sa modernong-araw na pakikipag-date.

Sundan sa pelikula ang kuwento ni Hope (Julie), isang idealistikong batang propesyonal na nag-iisip na kaya niyang baguhin ang mundo at alam niya ang lahat.

Ang pag-asa ay nakatuon sa kanyang kasintahan at sa non-government organization (NGO) na binuo nila nang magkasama. Hanggang sa lumabas ang isang sex video ng kanyang boyfriend na may kasamang ibang babae.

Heartbroken, lumayo si Hope sa engagement, sa NGO, at sa buhay na akala niya ay kanya. Sinimulan niya ang kanyang bagong karera bilang isang content producer sa isang kumpanya na, hindi niya alam, ay kumikinang bilang isang troll factory.

Determinado na hindi na muling madaig ng isang lalaki, nagdidisenyo siya ng isang ‘cheat sheet’ na nagdedetalye ng ‘anatomy of a cheater’ at ginagamit ito bilang kanyang gabay habang siya ay naglalakbay sa mundo ng pakikipag-date.

Pagkatapos ay nakilala niya si Miguel (Rayver), isang self-made businessman na nagpapalabas ng mga berdeng flag para sa isang kasosyo. Mukhang nahanap na ni Hope ang perpektong lalaki. Ngunit habang sila ay nagiging mas malapit, ang mga sikretong matagal nang itinatago ay nagsisimulang lumabas.

Masaya sina Julie at Rayver, na tinatawag na ‘JulieVer,’ na sa wakas ay mapapanood na sa big screen ang kanilang unang pelikula.

“We started shooting it before the pandemic, we shot some scenes in the province then tinuloy lang namin this year. Ang surreal pa rin kasi napakabilis talaga ng panahon,” pagbabahagi ni Julie.

“I’m very excited and grateful. May panibagong pamilya, may bagong set ng mga character, bagong set ng mga taong makakasama, isang mahusay na production team. Napakabait at accommodating ng lahat. Nagkaroon kami ng malusog na kapaligiran sa pagtatrabaho.”

Kuwento naman ni Rayver tungkol sa damdamin ni Julie.

“Halo-halo ‘yung emosyon na nararamdaman ko pero mas alam ‘yung excitement kasi makikita na ng tao yung pelikulang ginawa namin at talagang pinaganda namin ito nang husto. Very proud ako sa movie na ito especially first project namin ito ni Julie together na isang movie. Sa wakas, makikita na namin sa big screen.”

Ang mga manonood ay tiyak na maninibago sa kakaibang JulieVer sa ‘The Cheating Game.’

“If you watch this film, lahat ng kinds, elements ng cheating andito. Marami akong natutunan sa buong production, sa story. This is far different from what I did with Maria Clara at Ibarra.

“So ibang Julie naman ang makikita ninyo rito. Mas daring, bolder, stronger. I feel like I had to take a leap of faith just like the rest of the cast,” shares Julie.

“For me, cheating is non-negotiable. Once it’s done, it’s done. But my major takeaway from this film is to forgive yourself.”

Sinabi ni Rayver na tinanggap niya ang paglalaro ni Miguel.

“I enjoyed making the movie kasi doing it is a learning experience for me para maging aware ka how to handle being cheated. Lahat naman tayo, nabubulag kapag nagmahal tayo.”

Nakagugulat nga ang pagiging daring ni Julie Anne sa movie, lalo na ang kissing scene nila ni Rayver, na kung saan bigay na bigay sila sa eksena, pero nakakikilig pa rin. At buti na lang mag-dyowa na sila.

Remarkable din ang performances nina Martin Del Rosario bilang Brian Villogo, Winwyn Marquez bilang Vanessa na may malaking kaugnayan sa karakter nina Julie Anne at Rayver.

Nakakaaliw din ang mga karakter nina Yayo Aguila as Faith Celestial, Candy Pangilinan as Tita Gelly at Phi Palmos as Joi Celestial.

Hindi rin magpapahuli sina Thea Tolentino bilang Natalie; at Paolo Contis bilang Mister Y, na tiyak na tatatak sa manonood simula ngayong araw.

Featuring din sa movie sina Charm Aranton, Chef Jose Sarasola, Charlize Ruth Reyes, Rocelyn Ordoñez, Aaron Maniego, Andrea So, Ida Sabido, Evan Tan, Roi Oriondo, Bernadette Anne Morales, Felds Cabagting, at Iman Manoguid.

Produced ito ng GMA Public Affairs under GMA Pictures, “The Cheating Game”, co-written and directed by best-selling author Rod Marmol, na kilala sa mga ginawa niya “Cuddle Weather,” “Mata Tapang,” at “Quaranthings.”

(ROHN ROMULO)

ANG maging kontrabida ang siyang gustong gawin ng bagong Sparkle artists na si Celeste Cortesi.

Ayon ng former Miss Universe Philippines 2022, mas mukha raw mag-enjoy siya sa pagganap bilang kontrabida sa TV o pelikula. Kaya gusto raw niyang mag-acting workshop para mas marami siyang malaman sa pag-arte.

Inamin din ni Celeste na naka-move on na siya sa pagkatalo niya sa Miss Universe noong nakaraang January. Nalungkot daw siya dahil gusto raw niyang mapanalunan ang korona. Pero hindi raw nangyari iyon kahit na pinaghandaanan niya ng husto ang pageant.

Tinanggap na raw ni Celeste ang naging kapalaran niya kaya tuloy lang daw ang buhay at may bagong career na siyang haharapin ngayon.

***

ISA sa naapektuhan sa pagpanaw ng legendary American cronner na si Tony Bennett ay si Lady Gaga.

Hindi raw inakala ni Gaga na nakakatrabaho niya ang isa sa paborito niyang singers noong bata pa lang siya. In 2014, naglabas sila ng duet album titled Cheek To Cheek.

“I’ve been singing jazz since I was 13, and being with Tony, it’s really changed my life,” sey ni Gaga na muntik nang iwan ang pag-perform noong makaranas ito ng depression na inabot ng anim na buwan.

Isa raw sa pinayo sa kanya ni Bennett ay “don’t quit” and “listen to number one”.

Sey ni Gaga: “I’ve ­never once in my career not wanted to do this.’ It stung. I didn’t feel that way. I tell Tony every day that he saved my life.”

Kahit na raw na-diagnose si Bennett with Alzheimer’s disease, tuluy-tuloy lang daw ang pagtrabaho nito kasama si Gaga.

“First of all, we’re both Italian Americans so we understand one another completely. We get along great — her family and my family,” sey ni Bennett na ang naging final show ay noong 2021 na One Last Time: An Evening with Tony Bennett and Lady Gaga sa Radio City Music Hall at umere sa CBS.

Pumanaw si Bennett noong July 21 sa Manhattan, New York sa edad na 96. Nakilala ang singer sa mga hit songs niya na “I Left My Heart in San Francisco”, “Fly Me To The Moon”, “The Way You Look Tonight”, “The Good Life”, “I Got You Under My Skin”, “For Once In My Life”, “The Lady Is A Tramp”, “Shadow Of Your Smile” at marami pang iba.

(RUEL J. MENDOZA)

HINDI nagawang lapitan ni Vice Ganda ang award-winning host na si Jessica Soho kahit may pagkakataon ito noong dumalo ito sa GMA Gala 2023.

Inamin ni Vice na kinakabahan siyang dumalo sa GMA Gala 2023 dahil bukod sa iisipin ng ilan na s’ya ay gatecrasher at makapal ang mukha, sampung taong rin kasi ang anibersaryo ng kanilang naging alitan ni Soho.

Matatandaan noong 2013 sa kanyang konsyerto, kung ma-ri-rape daw si Soho kunwari sa isang bold film ang eksena daw dapat ay gang-rape, inilarawan rin ni Ganda na ito ay isang lechon, at masisira daw ang timbamgan ‘pag s’ya ay nagpatimbang. Dagdag pa nito na ang panty daw ni Jessica ay parang sing-laki ng comforter.

Ipinalabas ang konsyerto sa telebisyon gamit ang ABS-CBN TV plus, kung saan gamit load ay pwedi na ito mapanuod ng live pagkatapos magbayad, ngunit itoy inimbistigahan dahil bakit naniningil ang ABS-CBN gayong gamit nila ang Free TV na labag sa batas ng NTC, dito nagbayad na milyones ang estasyon dahil sa paglabag at inilarawan pa ng ilan bilang ‘pagnanakaw’.

Una itong pinuna ni Arnold Clavio na sinabing binastos ng husto si Soho at naglabas ng opisyal ang panig ni Soho na hindi dapat ginagawang biro ang Rape, pag-amin ni Ganda na tinawagan n’ya si Soho sa telepono ngunit tumangging makipag-usap si Soho sa It’s Showtime host.

Mula noon hindi na naging laman ng biro si Soho ni Ganda, ngunit ayon sa ilan hindi naman kailangan mang-alipusta ng kahit sino makapagpatawa lamang, hindi raw maikukumpara ang paraan ng pagpapatawa ni Ganda kina Ai-AI delas Alas at Dolphy.

Hindi nilingon ni Soho si Ganda sa Gala night, isang patunay na hindi naman nito kilala ang komedyante personally at walang dahilan para pansinin n’ya ito.

Samantala, ayon sa make-up artist ni Soho, walang plano ang host na itampok si Vice Ganda sa numero unong programa ng GMA, ang Kapuso Mo, Jessica Soho.

(RUEL J. MENDOZA)

ISANG emosyonal na Dennis Padilla ang nakapanayam namin sa storycon ng bagong pelikulang ‘Magic Hurts’.

Alam naman ng publiko ang masalimuot na sitwasyon sa pagitan ni Dennis at mga anak niyang sina Julia, Claudia, at Leon na mga anak nina Dennis at dati nitong karelasyon na si Marjorie Barretto.

Ang ‘Magic Hurts’ kasi ay tungkol rin sa healing kaya natanong si Dennis kung may kapatawaran na ba sa pagitan nilang mag-aama bilang bahagi ng healing na sinasabi niya?

“HIndi ko alam kung ako forgiven na, pero… matagal na.

“Saka wala naman akong dapat i-forgive dahil ako yung may nagawang pagkukulang e,” deretsahang pag-amin ni Dennis.

“So, ang madalas kong sabihin na… ang importante, nasabi mo ang dapat mong sabihin. Naparating mo yung message mo. Ang importante, yung pagmamahal, nandun yung magic, e.

“I’m waiting for that magic, and I hope yung pagmamahal ay nandun pa din.

“Kasi minsan, mas lumalalim yung pagmamahal pagka galing kayo sa sakit, di ba? Mas lumalalim,” pahayag pa ni Dennis.

Umaasa si Dennis na magkakaayos pa rin sila ng mga anak niya.

“Yan ang sana sumunod, kasi I’m not getting any younger, e. Sana soon,” punumpuno ng damdaming pahayag niya.

Pero paglilinaw pa ni Dennis, hindi na raw siya ang magri-reach out dahil matagal na raw siyang lumalapit sa mga ito, at sana raw ay gawin na ito ng kanyang mga anak.

“I’ve been reaching out since ano pa e, 2014, medyo matagal na rin. Ilang years na ba yun? Almost 10 years na, nine years, I’ve been reaching out, so I hope sila naman,” pahayag pa niya.

Kung kailan iyon ay nakahanda naman siyang maghintay at hindi pa rin daw siya nawawalan ng pag-asa.

“Pag tatay ka, mahaba yun. Sabi nga nila, nung ako, suwail din naman ako sa tatay ko nung araw. Hindi naman ako all the way mabait na anak.

“So, dun ko naintindihan yung mga sinasabi ng magulang ko na… lalo na si Tatay, sabi sa akin, ‘Kayo, matitiis niyo kami. Pero kayo, hindi ko kayo matitiis.’”

Samantala importante ang papel ni Dennis sa pelikulang Magic Hurts; gaganap siya bilang isang bading na may-ari ng isang flower farm sa Atok, Benguet.

Mula sa Rems Film Production, ilulunsad sa pelikulang Magic Hurts ni direk Gabby Ramos ang tambalang Mutya Orquia at Beaver Magtalas at ang newbie na si Maxine Trinidad.

Nasa cast rin ng Magic Hurts sina Ricardo Cepeda, Angelica Jones, Archie Adamos, Panteen Palanca, Whitney Tyson, Blumark Roces, Aileen Papin, Quia Barretto, Dennah Bautista at Cassie Kim.

Kasama rin sa cast ng pelikula ang kapatid ni Marjorie na si Claudine Barretto at ang eight-year-old daughter ng aktres na si Aryanna Barretto.

***

SI Alden Richards ang bida sa month-long special episodes ng ‘Magpakailanman’ na magsisimula na sa August 5 sa GMA.

Ang unang episode na mapapanood ay pinamagatang “A Runner to Remember: The Jirome de Castro Story.”

Kasama niya sa episode na ito si Sanya Lopez, na ididirek ni Neal del Rosario.

Ang iba pang episodes na mapapanood sa buong buwan ng August ay ang “The Lost Boy, Epal Dreamboy: The Richard Licop Story” at “Anak, Kapatid, Magulang: The Andrew Cantillana Story.”

Ang unang episode na ginawa ni Alden Richards para sa Magpakailanman ay ang life story niya na ginawa pa nung taong 2013.

Papayag naman daw si Alden na magkaroon ng part two ang life story niya sa Magpakailanman, pero ang gusto niya ay iba na ang gaganap.

“Siyempre, sa journey naman po ng buhay, hindi naman lahat nagiging masarap ang journey. Lagi yan, kumbaga, yin and yang yan.

“In every good, there’s always a bad, and in every bad there’s always a good. It’s a cycle. It’s a continuous journey.

“Siguro po mas ma-appreciate kung iba yung aarte,” pahayagi ni Alden.

Nag-isip siya sandali nang tinanong kung sino ang gusto niyang gumanap bilang Alden Richards.

“Si Joshua Garcia, nasa GMA na, bakit hindi siya di ba?” sabi niya.

Marami naman daw siyang ibabahagi sa buhay niya ngayon sakaling magka-part two ang life story niya sa Magpakailanaman.

“Gusto ko pa sanang maging highlight naman kung magkaka-part two is… I want the episode to be a feel-good episode yet inspirational.

“Siyempre, sa journey naman po ng buhay, hindi naman lahat nagiging masarap ang journey.

“Lagi yan, kumbaga, yin and yang yan. In every good, there’s always a bad, and in every bad there’s always a good. It’s a cycle.

“It’s a continuous journey.

“Kasi dun po, parang life story ko when we were kids, mahirap kami, condition po ng mom ko, towards her deathbed. Tapos nag-start mag-artista, etcetera.

“So, yung second part po, from that part, going na for where I am po now. Sana ganun,” sinabi pa ni Alden.

(ROMMEL L. GONZALES)