2023 February Archive - People's Balita

Archive for February, 2023

Mental Health Emergency, pinadedeklara

Posted on: February 4th, 2023 by @peoplesbalita No Comments

BUNSOD na rin sa naiulat na pagtaas sa bilang ng mga estudyanteng nagpapakamatay, nanawagan ang Kabataan Party List kay Pangulong Bongbong Marcos na magdeklara ng Mental Health Emergency.

Nag-aalala rin ang partylist sa report ng Department of Education (DepEd) sa isinagawang pagdinig ng Senate Committee on Basic Education na nasa total na 404 youth students sa bansa ang nagpakamatay at 2,147 iba naman ang nagtangkang tapusin ang kanilang buhay sa Academic Year 2021-2022.

“Crunching the data, there had been more than one student who fell victim to suicide per day while roughly one student attempted to commit suicide every four hours in the past academic year. These are numbers we have never seen before,” ayon kay Kabataan Partylist Rep. Raoul Manuel.

Ibinunyag pa ng DepEd na ang kasalukuyang ratio ng Mental Health Professionals to students ay nasa 1:13,400, malayo sa ideal ratio na 1:500.

Dala nito, nanawagan ang mambabatas na magdeklara ng mental health emergency para magbigay daan sa agarang aksyon mula sa gobyernopara sa badyet at suporta para sa pagkakaroon ng mga mental health professionals at serbisyo.

Dapat ding ipatupad ng Kamara ang oversight powers nito para masilip ang pagpapatupad ng Mental Health Law upang matugunan ang alinmang kakulangan nito.

“Higit sa pagtugon sa mental health services, di natin maitatanggi na epekto rin ito ng higit dalawang taong pagsara ng mga paaralan at ang distance o hybrid learning modality na dumoble sa load at gastusin ng mga estudyante. In this regard, we also need a serious review and overhaul of education policies especially the K-12 while we ensure 100% face-to-face classes,” pahayag pa ni Manuel.

Nakatakdang maghain ang grupo na resolusyon sa kamara para hikayatin ang kasalukuyang administrasyon na magdeklara ng mental health emergency, imbestigahan ang kasalukuyang krisis at bilisan ang pagpapatupad ng mga polisiya upang matugunan ang nasabing krisis.

Mahigpit ding magmomonitor ang Kabataan Partylist sa implementasyon ng DepEd MATATAG Education Agenda para sa pagpapatupad ng mental health services sa bawat eskuwela. (ARA ROMERO)

Muling nag-update sa kanyang kalusugan: KRIS, may malaking tsansa sa patuloy na paggaling

Posted on: February 4th, 2023 by @peoplesbalita No Comments

MULING nag-update si Kris Aquino tungkol sa kalagayan ng kanyang kalusugan.

Patuloy na nakikipaglaban sa kanyang multiple autoimmune disorderstulad ng mga kundisyon na autoimmune thyroiditis and Eosinophilic Granulomatosis with Polyangiitis (EGPA) or Churg-Strauss Syndrome.

Nitong lamang February 2, ilang araw bago ang kaarawan niya sa February 14, ibinahagi ni Kris na may bago siyang doktor at panibagong pag-asa sa pagpapatuloy ng kanyang gamutan.

Sinabi rin ni Kris, base sa kanyang Instagram post, na may malaking tsansa na siya ay patuloy na gagaling.

“For all of you, thank you for continuing to pray for me- I failed to ask his permission if I could name him, but my new doctor is considered among the BEST. I waited 3 & a half months to have a face to face consultation- and i know i made the right choice because after months of uncertainty, he gave someone like me, suffering from multiple autoimmune conditions the most important element needed: the renewed confidence to HOPE that although it will be a long process, i do have a strong chance of getting better. #faithful #grateful.

“To the original M.L. in my life @michaelleyva_ , little did i know, July of 2015- I’d make a lifelong, LOYAL friend and for Kuya Josh & Bimb to have an adopted kuya… Ibang klaseng #lovelovelove yung lumipad ka for just 4 nights, timing your trip so you’ll be here on the day I had my 1st checkup… Thank you for the GENUINE LOVE & EXTREME EFFORT. Super appreciated ko that you never fail to mention that i was one of the people who helped open the door for you- pero dapat malaman ng lahat you won’t be who you are NOW kung hindi ka creative, super sipag, always pleasant, still humble, kusang matulungin, concerned sa welfare ng employees mo and mapagmahal sa pamilya…”

Natuwa ang mga nagmamahal kay Kris nang makita siya na namamasyal sa Disneyland kamakailan kasama ang mga anak na sina Josh at Bimby.

Kapansin-pansin rin na nag-gain ng timbang si Kris at hindi na ganoong kapayat tulad dati.

(ROMMEL L. GONZALES)

US, Pinas, tinalakay ang ‘destabilizing activities’ sa pinagtatalunang katubigan

Posted on: February 4th, 2023 by @peoplesbalita No Comments

NAGDAOS ng pag-uusap ang Maynila at Washington hinggil sa konkretong aksyon para tugunan ang “destabilizing activities” sa Philippine waters.

“We discussed concrete actions to address destabilizing activities in the waters surrounding the Philippines including the West Philippine Sea,” ayon kay US Defense Secretary Lloyd Austin III.

“And we remain committed to strengthening our mutual capacities to resist armed attack,” dagdag na pahayag nito.

Aniya, pinagtibay nila ng kanyang Filipino counterpart na si Carlito Galvez Jr. ang kanilang ‘commitment’ sa ilalim ng decades-old Mutual Defense Treaty sa pagitan ng Pilipinas at Estados Unidos.

“We note the Mutual Defense Treaty applies to armed attacks on either of our armed forces, public vessels, or aircraft anywhere in the South China Sea or the West Philippine Sea,” paliwanag ni Austin.

Ang Estados Unidos ay magkakaroon na ng “wide access” sa military camps sa Pilipinas matapos na pumayag ang Maynila na magtalaga ng apat pang Enhanced Defense Cooperation Agreement (EDCA) sites – karagdagan sa orihinal na lima.

Nangako rin ang Washington na tutulong para i-modernize ang Philippine military.

Winika ni Austin na ang pagsisikap na ito ay “especially important” habang ang China ay “continues to advance its illegitimate claims” sa West Philippine Sea. (Daris Jose)

Government employees, sang-ayon na babaan ang edad sa pagreretiro

Posted on: February 4th, 2023 by @peoplesbalita No Comments

BUKAS ang ilang mga empleyado ng gobyerno sa hakbang ng House of Representatives na babaan ang kanilang opsyonal na edad sa pagreretiro mula 60 hanggang 56 na taong gulang.

Ayon kay Atty. Aileen Lizada ng Civil Service Commission, ang isang konsultasyon ng mga tauhan sa buong bansa na isinagawa noong 2019 bago ang pandemya ng COVID-19 ay nagpakita na gusto nilang magretiro sa mas batang edad.

Aniya, ang Pilipinas ang may pinakamatandang mandatory age at optional retirement age sa Association of Southeast Asian Nation o ASEAN.

Dapat umano na bigyan ng pagkakataon ang mga empleyado ng gobyerno na gamitin ang kanilang natitirang productive years para sa iba pang makabuluhang bagay.

Sa ngayon, umaapela si Lizada sa Senado na isaalang-alang ang counterpart bill para sa maagang pagreretiro ng mga empleyado ng gobyerno ng ating bansa. (Daris Jose)

Mark Magsayo at Brandon Figueroa magbabakbakan para sa interim title ng WBC featherweight

Posted on: February 4th, 2023 by @peoplesbalita No Comments

MAGTUTUOS sina dating World Boxing Council featherweight champion Mark Magsayo at former unified WBC/World Boxing Association super-bantamweight titlist Brandon Figueroa ng United States sa Marso 4 para sa WBC interim 126-pound title sa Toyota Arena sa Ontario, California.

May 24-1-0 (win-loss-draw), 16 knockouts record ang Pinoy at si Figueroa ay 22-1-1, 17KOs patungo sa 12-round fight ng Showtime at Premier Boxing Champions (PBC).

Napanalunan ni Magsayo, 27, at tubong Tagbilaran, ang WBC feather title laban kay American Gary Russell Jr. nung Enero 2022 via majority decision sa Atlantic City, New Jersey.

Pero nawala sa kaanyang ulunan ang karaangalan nang matalo sa Kanong si Rey Vargas sa split decision noong Hulyo sa San Antonio, Texas. (CARD)

Phoenix tambak sa Beermen 114-93

Posted on: February 4th, 2023 by @peoplesbalita No Comments

Nilampaso ng San Miguel Beermen ang Phoenix Super LPG 114-93 sa nagpapatuloy na 2023 PBA Governors’ Cup na ginanap sa Ynares Center sa Antipolo.

Ito ang unang panalo ng bagong coach ng Beermen na si Jorge Gallent na pumalit kay Leo Austria.

Nanguna sa panalo ng Beremen ang import nila na si Cameron Clark na mayroong 23 points habang si six-time Most Valuable Player June Mar Fajardo ay mayroong 19 points at 13 rebounds.

Nagtala rin ng 16 points si Allyn Bulanadi na siyang unang laro niya sa Beermen.

Mula sa simula ay kontrolado ng Beermen ang laro kung saan umabot pa sa 33 points ang kanilang kalamangan.

Dahil sa pagkatalo ay wala pang panalo at mayroon ng tatlong talo ang Phoenix habang ito ang unang panalo ng Beermen mula ng magsimula ang bagong season ng PBA. (CARD)

PhiSys malapit ng maabot ang 50-M national ID na target

Posted on: February 4th, 2023 by @peoplesbalita No Comments

KUMPIYANSA ang PhilSys Government Service na maabot nila ang 50-milyon target na national ID na dapat mai-release noong nakaraang taon.

Umabot na kasi sa 23-milyon na physical ID ang kanilang nai-release habang mayroong 19 milyon na electronic Pil ID ang nairelease.

Target nila ngayong taon na mairelease ang 92 milyon na national ID.

Para maisakatuparan ito ay nakipag-ugnayan na sila sa mga iba’t ibang ahensiya gaya sa Bangko Sentral ng Pilipinas at Philippine Postal Corporation. (Daris Jose)

MAY KAPANGYARIHAN BA ang LGU na MAG-EXTEND ng PRANKISA o SPECIAL PERMIT ng PUBLIC TRANSPORT?

Posted on: February 4th, 2023 by @peoplesbalita No Comments

WALA.

Ayon sa Executive Order 202, ang LTFRB ang may kapangyarigan gawin ito dahil ito ay delegated power ng Kongreso sa nasabing Ahensya.

Pero paano kung ang hindi pagbigay ng prangkisa o pag extend ng special permit ay hindi nagawa ng LTFRB? May magagawa ba ang LGU para sa kapakanan ng mga pasahero? Ito ang problema na pinarating ng mga LGU, pasahero at transport operators sa Gobernadora ng Cebu.

Noong panahon ng pandemya ay binuksan ang ilang ruta sa lalawigan ng Cebu.

At para kaagad may pumasada ay binigyan ng special permits ng LTFRB ang ilang transport operators para pumasada sa mga nasabing ruta. Kamakailan ay na expire ang mga special permits, kaya ang mangyayari ay babalik sa kani-kanilang mga dating ruta ang mga pumapasada at iiwanan nila ang ruta kung saan nag expire ang special permits na binigay sa kanila.

Ang resulta daan-daang mga pasahero ang maaapektuhan at walang masasakyan. Bakit umabot sa ganito ang problema? Bakit hindi na-extend ang mga special permits?

Para lutasin ang problema ay naglabas ng Executive Order no. 5 series of 2023 ang Gobernadora ng Cebu – Allowing PUVs with Special Permits to continue plying their routes for the comfort and convenience of the Cebuanos in the Province of Cebu up to March 17, 2023.

Marami ang nagtanong? Hindi ba mali ang LGU ng Cebu dito dahil tanging LTFRB lang ang dapat gumawa nito? Tama ba ang ginawa ni Gobernadora?

Heto po ang tingin ng Lawyers for Commuter Safety and Protection (LCSP) dito – Una ay hindi nag issue ng prangkisa o nagpalawig ng special permit ang LGU ng Cebu. Ang sabi lamang ng Executive Order ay PAHIHINTULUTAN nila ang mga units na may special permit na ITULOY ang kanilang pamamasada para sa comfort at convenience ng mga pasaherong Cebuano. Bakit kailangan ito? Upang hindi ma out-of-line colorum ang mga units. Kung walang pahintulot ay maari silang hulihin na out-of-line colorum.

Pero bakit hindi nalang i-extend ng LTFRB Regional Director ang mga special permits? Yan ang dapat itanong sa kanya at bakit umabot sa ganitong problema?

Pero hindi ba’t sabi natin na tanging LTFRB lang ang pwede mag issue ng franchise at mag extend ng permit?

Mukhang alam ito ng LGU kaya sa Executive Order ay iniwasan nilang bangitin ito. Sabi lamang nila na ALLOWING PUVS WITH SPECIAL PERMIT TO CONTINUE THEIR ROUTES UNTIL MARCH 17, 2023.

Hindi nag issue ng franchise ang LGU at hindi nila in-extend ang special permit. Ibig sabihin lang ay basta may special permit (expired man o hindi) payag ang LGU na mamasada sila sa mga ruta na inilahad sa Executive Order.

Ano basehan ng LGU ng Cebu? Ang Local Government Code kung saan kapangyarihan ng LGU to ENSURE DELIVERY OF BASIC SERVICES to the people at ang transport ay basic service.

Sa usaping ito ay maaring i-challenge ng ilan ang Executive Order no. 5 2023 na labag sa batas. Pero sa tingin ng LCSP tiniyak lang nila na may masasakyan ang mga Cebuano sa nga rutang binuksan ng LTFRB – walang prangkisa na inilabas at wala ring special permit na inextend.

Sa huli ay kailangan magpaliwanag ang Regional Director bakit nagkaroon ng ganitong problema. (Atty. Ariel Inton)

‘Ten Little Mistresses’ Trailer Teases a Chaotic Murder Mystery

Posted on: February 4th, 2023 by @peoplesbalita No Comments

PRIME Video’s first Filipino Amazon Original Movie Ten Little Mistresses has released its official trailer, teasing the chaotic murder mystery from director Jun Robles Lana of Die Beautiful and The Panti Sisters.

Check it out below: https://www.youtube.com/watch?v=It120HSWer4

The film revolves around the ten mistresses of a rich man named Valentin, who were all gathered after he was recently widowed. As if the clash between these mistresses as they fight to become the next legal wife isn’t chaotic enough, things get even messier when Valentin gets murdered, and each and every one of them becomes a suspect.

Ten Little Mistresses has a star-studded lineup, including Eugene Domingo, John Arcilla, Carmi Martin, Pokwang, Agot Isidro, Christian Bables, Kris Bernal, Arci Muñoz, Sharlene San Pedro, Adrianna So, Donna Cariaga, Kate Alejandrino, and Iana Bernandez.

The movie will premiere on Prime Video this February 15.

(ROHN ROMULO)

Utang lolobo sa panukalang Maharlika Investment Fund – Pimentel

Posted on: February 4th, 2023 by @peoplesbalita No Comments

NANINIWALA si Senate Minority Leader Aquilino “Koko” Pimentel III na magdulot lamang ng maraming utang sa bansa ang legasiya na proposed Maharlika Investment Fund.

Ginawa ni Pimentel ang pahayag taliwas sa pahayag ni National Treasurer Rosalia De Leon na ang kontrobersyal na pondo ay makakabawas sa utang ng bansa.

Aniya, sa nasabing panukala binibigyan ng kapangyarihan ang Maharlika Investment Corporation na mangutang.

Dagdag pa nito na kung talagang kumbinsidong itong mga nagpanukala ng Maharlika Investment Fund, bakit aniya kailangan pang ilagay na may kapangyarihan ang korporasyon na mangutang.

Para kay Pimentel, “wishful thinking” ang sinasabi ni De Leon.

Noong Nobyembre 2022, tumaas ang utang ng Pilipinas sa P13.6 trilyon.

Ang Senate Bill No. 1670 at House Bill No. 6608, mga panukalang naglalayong itatag ang Maharlika Investment Fund, ay inihain ng mga kaalyado ni Pangulong Ferdinand “Bongbong” Marcos Jr.

Inaprubahan na ng lower chamber ang kanilang bersyon noong Disyembre noong nakaraang taon. (Daris Jose)