2023 February Archive - People's Balita

Archive for February, 2023

₱6-B UP-PGH Cancer Center Project

Posted on: February 4th, 2023 by @peoplesbalita No Comments

MAY basbas na ng National Economic and Development Authority (NEDA) Board ang pagtatayo ng P6-billion cancer center sa University of the Philippines (UP)-Philippine General Hospital (PGH) sa Maynila.

Ito’y matapos na pangunahan ni Pangulong Ferdinand Marcos Jr., NEDA Board chair ang 3rd NEDA Board Meeting sa Palasyo ng Malakanyang, araw ng Huwebes.

“The NEDA Board gave its nod for the construction of a PHP6-billion, 300-bed capacity hospital, the administration’s first PPP (public-private partnership) project,” ayon kay Presidential Communications Office (PCO) Secretary Cheloy Garafil sa isang kalatas.

Ang wika pa ni Garafil, layon ng proyekto na magbigay ng ‘full range’ ng cancer treatments, kabilang na ang ” radio oncology (radiotherapy), imaging, medical oncology and support for the UP-PGH’s teaching at research activities.”

Ang panukalang cancer center, ay may lot area na 3,000 square meters, mtatagpuan sa loob ng UP-PGH campus sa Maynila.

Ang buong gusali aniya ay mayroong kapasidad na 300 beds (150 charity beds para sa UP-PGH Area at 150 private beds para sa Private Area), 15 hanggang 20 floors, 350 parking spaces, 1,000-square-meter commercial space, at isang lugar para sa tatlong linear accelerators (LINAC) bunkers.

“The UP-PGH’s private partner will design, engineer, construct, and commission the entire new hospital building, procure, maintain, and provide for the periodic replacement of medical and non-medical equipment,” ani Garafil.

“It will also maintain all non-clinical services for the entire hospital building, operate relevant commercial activities, provide clinical services to private-paying patients in the private area and assume all associated costs of clinical manpower, drugs and consumables,” dagdag na pahayag nito.

Sinabi pa rin ni Garafil na “UP-PGH will provide the site at no cost; transfer the existing equipment to the Cancer Institute; offer clinical services to non-paying charity patients in the UP-PGH area; assume all associated costs of clinical manpower, drugs, and consumables; and undertake clinical teaching and research.”

Ani Garafil, ang kauna-unahang PPP project ay bahagi ng pagsisikap ng administrasyon Marcos na i-modernize ang health infrastructure ng bansa pagdating sa oncology services at cancer care.

“The project aims to establish UP-PGH’s dedicated cancer hospital that will modernize its health infrastructure and offer comprehensive, high-quality, and affordable oncology services towards enhancing the country’s health service quality and capacity for cancer care,” ani Garafil.

“It will be solicited from the public through the submission of a bid and will be structured as a 30-year Build-Operate-Transfer (BOT) arrangement under the BOT Law,” aniya pa rin.

Ang BOT scheme ay isang kasunduan na nagkakaloob ng konsesyon sa isang private partner na tustusan, magtayo at mag-operate ng proyekto na may fixed term.

Matapos ang panahon na iyon, ang proyekto ay ibabalik sa public entity na orihinal na pinagkalooban ng konsesyon. (Daris Jose)

Ads February 4, 2023

Posted on: February 4th, 2023 by @peoplesbalita No Comments

Mabuti na lang na tinanggap niya ang role: DAVID, ‘di in-expect na mababago ang buhay dahil sa pagganap bilang ‘Fidel’

Posted on: February 4th, 2023 by @peoplesbalita No Comments

INIHAYAG ni David Licauco na nabago ang kanyang buhay dahil sa pagganap bilang si Fidel, ang matalik na kaibigan ni Crisostomo Ibarra sa hit portal fantasy series na “Maria Clara at Ibarra.”

Sa Chika Minute report ni Lhar Santiago sa “24 Oras” nitong Miyerkoles, sinabing nagbigay ng ibayong sigla sa career ni David bilang artista ang kanyang karakter.

“Just trying to keep it real, I guess, kasi unbelievable siya eh. Never kong in-expect. Buti na lang talaga tinanggap ko siya kasi it changed my life for the better,” sabi ni David.

Ayon pa sa aktor, sobra siyang masaya dahil naging malapit sa kanya ang mga co-star sa series.

Inihayag din ni David na naging natural siya sa emosyonal na eksena nang magpaalam sa isa’t isa nina Fidel at Klay, na ginagampanan ni Barbie Forteza.

Sa naturang eksena, babalik na sa kanyang tunay na mundo si Klay.

“Biglang naramdaman ko siya eh naturally, kumbaga hindi ko siya pinlano, naramdaman ko lang. So grabe ‘yung hagulgol ko. ‘Parang ang lungkot ko ah,’” sabi ni David.

Bilang pasasalamat, naghanda ng masaganang pananghalian si David sa mga bumubuo ng GMA Entertainment Group Creative Team.

Present si GMA Network Senior Vice President for Programming, Talent Management, Worldwide and Support Group and President of GMA Films Atty. Annette Gozon-Valdes at Sparkle AVP for Talent Management and Development Joy Marcelo.

***

NAGBIGAY ng payo ang kinikilala at iginagalang na aktres sa bansa na si Dina Bonnevie sa mga nakababatang artista ngayon.

“I’ll say it in one line: be professional. Being professional means coming to set on time, reading your script, knowing your role, memorizing your lines… and then just enjoy your work,” sabi ni Dina sa “Fast Talk with Boy Abunda,” habang kasama rin niya ang young actress na si Lexi Gonzales.

“Be conscientious about your other co-workers. And last but not the least, stay in shape para you’re sexy at any age,” dagdag ni Dina.

Inilahad din ni Dina ang kanyang mga natutunan sa maraming dekada na niyang pagiging isang aktres.

“I think the most important lesson that I learned is to always be conscious of other people. Be in touch. Don’t be indifferent to other people. Feel them, think of yourself in their shoes,” aniya.

“If you’re like that, if you’re compassionate to other people, you’ll do things right, wonderfully, and maybe even more than that,” ayon pa kay Dina.

(ROMMEL L. GONZALES)

Food stamp program, balak ibalik ng DSWD

Posted on: February 4th, 2023 by @peoplesbalita No Comments

PLANO ni Department of Social Welfare and Development (DSWD) Secretary Rex Gatchalian na ibalik ang food coupon program sa ahensiya upang mapababa ang problema sa pagkagutom ng maraming mahihirap na Pinoy.

Ayon kay Gatchalian, ang hakbang ay reaksyon sa lumabas na survey ng Social Weather Stations (SWS) noog nagdaang buwan na nagsasabing may 3 milyong pamilya ay nakakaranas ng kagutuman.

Aniya, ang problema sa kahirapan ay hindi mabilis masolosyunan pero ang pagkalam ng sikmura dulot ng pagkagutom ay mabilis na maresolba sa pamamagitan ng pagkakaloob ng makakain sa hapag kainan ng bawat pamilyang Pilipino.

Sinabi nito na kinakausap na niya ang mga undersecretaries ng DSWD para sa posibleng pagbabalik ng food stamp program sa koordinasyon ng pribadong sektor para matamo ang tagumpay ng naturang programa.

Ayon pa kay Gatchalian, itutuloy niya ang ipinatutupad na digitalization sa paghahatid ng serbisyo sa mamamayan na unang ginawa ni dating DSWD secretary Erwin Tulfo.

Assistant Coach ng Magnolia na si Johnny Abarrientos, magmumulta ng P10K

Posted on: February 3rd, 2023 by @peoplesbalita No Comments

Pinatawan ng P10,000 na multa ng Philippine Basketball Association (PBA) si Magnolia Hotshots assitant coach Johnny Abarrientos.

Ito ay matapos na magsenyas ng middle finger kay Converge import Jamal Franklin sa laro nila nitong Linggo.

Ayon kay PBA Commissioner Willie Marcial na kanilang nakausap ang dating PBA player at pinagsisihan niya ang kaniyang ginawa.

Kahit na nagsisi ay mayroon pa ring karampatan na penalty ito na P10,000.

Pagtitiyak pa nito na hindi na niya uulitin ang insidente. (CARD)

EJ Obiena, nakasungkit ng ginto sa France

Posted on: February 3rd, 2023 by @peoplesbalita No Comments

Nasungkit ni EJ Obiena ang kanyang unang indoor title ngayong season matapos manguna sa Perche En Or competition sa Roubaix, France.

Nakuha ng world No. 3 pole vaulter na si Obiena ang 5.82 meters sa kanyang unang pagtatangka na makuha ang gintong medalya at tinalo si Yao Jie ng China na nagtala ng personal-best 5.75m.

Sinubukan ni Obiena ang 5.90m ngunit hindi ito nagtagumpay.

Kung matatandaan, ang kanyang kamakailang tagumpay ay nalampasan ang kanyang nakaraang pagganap sa International Jump Meeting sa Cottbus, Germany ilang araw na ang nakalipas kung saan siya ay nagposte ng 5.77m para sa silver medal.

Gayunpaman, kulang ito ng ilang metro sa kanyang personal na best na 5.91m na ginawa niya sa Rouen, France noong nakaraang taon.

Sa ngayon, nananatili nasa track sa kanyang matinding paghahanda si Obiena para sa mas mataas na record na mga kaganapan na kinabibilangan ng Asian Indoor Athletics Championships sa Kazakhstan sa susunod na buwan. (CARD)

Australian Open Champion: Djokovic balik sa ranked number 1

Posted on: February 3rd, 2023 by @peoplesbalita No Comments

Nakabalik sa pagiging ranked number 1 ng Association of Tennis Professionals (ATP) si Serbian tennis star Novak Djokovic.

Inilabas ng ATP ang rankings isang araw matapos na magkampeon ang 35-anyos na si Djokovic sa Australian Open ng talunin si Stefanos Tsitsipas ng Greece sa finals.

Pinalitan nito sa puwesto sa pagiging number 1 si Carlos Alcaraz ng Spain na hindi nakapaglaro sa Australian Open dahil sa injury.

Mula sa dating pang-apat na puwesto si Djokovic ay nakaakyat na ito sa unang puwesto habang nasa pangalawang puwesto na si Alcaraz.

Ang panalo ni Djokovic sa Australian Open ay nagresulta rin sa kaniya na makuha ang kabuuang 22 Grand Slam title. (CARD)

Pebrero, sinalubong ng malakihang taas-presyo sa LPG

Posted on: February 3rd, 2023 by @peoplesbalita No Comments

SINALUBONG ng malakihang-pagtaas sa presyo ng liquefied petroleum gas (LPG) ang unang araw ng buwan ng Pebrero.

Ito’y isang araw lamang matapos na magpatupad din ng taas-presyo sa mga produktong petrolyo ang mga kumpanya ng langis sa bansa.

Ayon sa Petron at Phoenix, nagpatupad sila ng P11.20 na taas-presyo sa kada kilo ng LPG at P6.25 sa kada litro ng auto-LPG simula alas-12:01 ng hatinggabi ng Miyerkules.

Ganap na alas-6:00 ng umaga naman nang magpapatupad ang Solane ng P11.18 taas-presyo sa kada kilo ng kanilang LPG.

Samantala, P5.50 naman ang idinagdag ng Cleanfuel sa presyo ng auto-LPG simula alas-8:01 ng umaga.

Nabatid na ang pagmahal ng LPG ay bunsod pa rin ng pagtaas ng demand sa China dahil sa pagbubukas ng ekonomiya sa kabila ng pagtaas ng mga kaso ng COVID-19. (Daris Jose)

Balitaan sa Tinapayan

Posted on: February 3rd, 2023 by @peoplesbalita No Comments

HINIMOK ni Vice Mayor John Marvin “Yul Servo” Nieto ang mga tricycle driver na naghahanap-buhay sa pamamasada sa Maynila na ayusin na ang kanilang mga dokumento para sa pagkuha ng prangkisa ng ipinapasada nilang sasakyan.

Sa kanyang pagdalo Biyernes ng umaga sa relaunching ng “Balitaan sa Tinapayan” na ginanap sa Tinapayan Festival Bakeshoppe sa kanto ng Dapitan at Don Quijote Streets, Sampaloc, sinabi ni Vice Mayor Yul Servo na hihilingin niya kay Mayor Honey Lacuna-Pangan na bigyan pa ng palugit ang mga miyembro ng Tricycle Operators and Drivers Association (TODA) para ayusin ang kanilang dokumento upang makakuha ng prangkisa, pati na rin maging ang kanilang lisensiya sa pagmamaneho.

Aminado ang bise alkalde na maraming pasaway na tricycle driver sa lansangan na hindi sumusunod sa batas trapiko para lamang mapabilis ang paghahatid nila ng pasahero.

“Kasi kapag ako nag-iikot ng Maynila, napupuna ko yung mga tricycle natin minsan walang plaka, red ang traffic light, go pa rin sa kanila, no left turn, kakaliwa pa rin at karamihan sa kanila, mga wala pang lisensiya,” pahayag ng alkalde.

Dahil dito’y nanawagan si Mayor Yul Servo sa mga tricycle driver na ayusn na ang mga kinakailangang dokumento dahil ito naman ang kanilang pinagkakakitaan para sa ikabubuhay ng kanilang pamilya.

“Kapag pinagkakakitaan mo, dapat pangalagaan mo at me lisensiya ka. Kaso yung ibang kababayan natin ayaw ng dumaan sa tama at mahabang proseso, minsan shino-short cut, mas gustong pumatol sa bogus license, lalu na ngayon, bago ka mabigyan ng lisensiya mag-aaral ka muna,” sabi pa ng bise alkalde.

“Kaya mga kababayan, mga batang Maynila, huwag ng kayong pasaway. Kung kailangan ninyong kumuha ng lisensiya, kumuha na kayo, kung kailangan ninyong magpa-rehistro ng inyong tricycle, iparehistro nyo para hindi kayo nagagambala kasi isang araw lang na hindi kayo makapagtrabaho, ang laking perhuwisyo na sa inyo yun,” panawagan pa niya.

Gayunman nilinaw ng bise alkalde na may ilang mga tricycle drivers na napagtatapos pa nila ng pag-aaral ang kanilang mga anak na kalaunan ay nagiging matagumpay na doktor o arkitekto habang ang iba naman ay minamana lang ng kanilang mga anak ang kanilang trabaho.

“Yung mga kababayan natin na nasa ganoong sitwasyon, dapat i-improve din natin ang pamilya natin para sa atin ding mga anak. Kasi meron naman tayong libreng eskuwelahan, meron tayong Pamantasan ng Lungsod ng Maynila (PLM) meron tayong Universidad De Manila (UDM), me 100-plus tayong paaralan para sa elementarya at high school,” dugtong pa ng bise alkalde.

Nauna rito’y dumaan muna sa inilunsad na bagong news forum si Mayor Honey Lacuna-Pangan upang dumalo sa pagbabasbas at pangunahan ang ribbon cutting ceremony bago umalis patungo sa kanyang naunang pinangakuang kaganapan. (BISHOP JESUS “JEMBA” M. BASCO)

LTO: Gagawin digital na ang pagbibigay ng traffic citation tickets

Posted on: February 3rd, 2023 by @peoplesbalita No Comments

MAY plano ang Land Transportation Office (LTO) na maglabas ng libong handheld devices sa mga traffic enforcers ng LTO upang maging digitalize ang pagbibigay ng citation tickets sa mga lumalabag sa batas trapiko.

Ang mga devices na nasabi ay gagamitin ng mga LTO enforcers upang magbigay ng automatic electronic temporary operator’s permit (TOP) sa mga violators ng batas trapiko.

“We will no longer issue manual TOPs, and instead use this device to issue tickets to erring motorists,” wikani LTO chief Arturo Tugade.

Maglalabas ang LTO ng 1,200 handheld devices na ipamamahagi sa buong bansa

na siyang magiging bahagi ng pagsisikap ng LTO na magkaroon ng digitalization sa ahensya at upang mabawasan ang magkaroon ng korapsyon sa LTO

“The minute the violation is entered in, the enforcer cannot edit it and can no longer negotiate about the infraction of the traffic violation,” dagdag ni Tugade.

Kung nawala ang official receipts, ang lumabag na motorista ay makapagbabayad pa rin ng multa sapagkat ang kanilang pangalan ay nailagay na sa data base ng LTO. Nagnanais din ang LTO na ang pagbabayad ng citation tickets ay digitalize kung saan sila ay papayagan na ang multa ay babayaran ng violators on the spot.

Samantala, ang ikalawang bahagi ng proyekto sa digitalization ng LTO ay ang cashless payment sa pamamagitan ng pagbabayad sa mobile handheld device na may kakayanan na mag-scan ng QR code. Puwede rin magbayad sa pamamagitan ng credit card. Sa ganitong paraan, ang publiko ay makapagbabayad ng kanilang multa ng hindi na kukunin ang kanilang licenses.

“The digitalization of the issuance of citation tickets also seeks to help the government increase the collection revenue from payments of traffic violations,” saad naman ni LTO executive director Giovanni Lopez.

Nilinaw naman ni Tugadena ang mga enforcers lamang mula sa LTO ang gagamit ng nasabing handheld devices.

Kaugnay dito, ang LTO ay nasa proseso ng koordinasyon sa mga lokal na pamahalaan at ng Metropolitan Manila Development Authority (MMDA) sa pagpapatupad naman ng single ticketing system na gagawin ngayon taon.

Kamakailan lamang ay nakilahok si Tugade sa isang refresher course tungkol sa “Law Enforcement Handheld Mobile Device”na ginawa sa central office ng LTO sa Quezon City. LASACMAR