TINULDUKAN na ni Herlene Nicole Budol ang kanyang beauty pageant journey.

Yun ay kung hindi na magbabago ang isip niya sa naging sagot niya sa kapwa beauty queen na si MJ Lastimosa.

Rooting si MJ kay Herlene na mag-join daw itong muli hanggang sa makuha ang korona. Pero, negative na ang sagot ni Herlene. Mukhang mas desidido na nga ito na after ng Binibining Pilipinas, mag-focus na siyang muli sa kanyang showbiz career.

Ang tweet kasi ni MJ, “Chinika ko si Budol. Sabi ko proud ako sayo ang galing mong sumagot! Sumali ka pa ulit. Sagot nya: last ko na to ate. Aww why naman langga.”

Ilan sa mga comment ng netizens sa tweet na ito ni MJ, tipong kailangan na raw kasing magbawi ni Herlene dahil malaki raw ang ginastos ng manager nito, which is, si Wilbert Tolentino.

“I remember nasabi niya or ng manager niya yata before na first & last competition niya ito kaya parang do or die ang peg, all out ang support online & paandar. Baka need niya pagtrabahuhan din. In fairness, hakot awards naman. The brands may be profiting from her large followers.”

“Madaling bawiin yung nagastos ni Wilbert at Youtuber si Hipon bawing bawi yan ginastos nila.”

“Wala actually paki manager nya kung mababayaran ba yan ni hipon o hindi. I think si Wilbert competitive talaga sya na tao, ibubuhos nya lahat para sa mga alaga nya.”

“Oo need nya ng magbawi sa ginastos ng manager nya sa kanya no. Kaloka milyon milyon din yorn.”

***

NAPUTOL ang pagtatanong namin kay Kylie Versoza tungkol sa kanyang ex-boyfriend na si Jake Cuenca kung may communication pa ba sila.

Bigla kasing may nagtanong ng ibang topic kaya hindi na rin namin naibalik dito.

Halata kasi sa mga sagot ni Kylie na hindi pa talaga siya totally nakaka-move-on from their break-up kahit sinasabi niyang okay naman siya.

“Okay naman ako, okay naman… Ha ha ha! Ang hirap niyang sagutin,” sey niya sa tanong namin kung mas okay ba siya ngayon after their break-up.

Dugtong din niya, “Pero okay naman ako. Siyempre, I’m happy na maraming work. I just keep myself very busy.

When asked kung open na ba siya for a new relationship. Sinabi niyang kayit gustuhin daw niya, pero hindi pa raw siya ready.

Aniya, “Kahit gusto kong maging open for a new relationship, hindi ko pa kaya. Not now. Parang wala pa ‘kong oras at hindi pa handa ‘yung puso ko, alam mo yun.”

Pero binigyang-diin naman niya na kumpara raw siya noong mga nakaraang buwan, she is in a much better place right now.

Nakausap namin si Kylie sa ginanap na presscon ng bagong Vivamax movie na pagbibidahan nina Kylie at Marco Gumabao, ang “Baby Boy Baby Girl” under Jason Paul Laxamana as the director.

Parehong may mga Sugar Mommy at Sugar Daddy sina Kylie at Marco base sa takbo ng kuwento. Romcom naman ang genre kaya malayo ito sa mga past Vivamax movies nila na pareho silang nagpapaka-daring.

(ROSE GARCIA)

ISA na namang Vivamax Original Movie mula kay Direk GB Sampedro ang muling maninindak simula ngayong August 5, 2022, ang ‘Purificacion’ na isang sexy thriller.

Pinagbibidahan ito nina Cara Gonzales at Josef Elizalde.

Isa sa Vivamax favorite si Cara, na nakipagsabayan sa pag-arte nina Kylie Verzosa at Zanjoe Marudo sa ‘Ikaw Lang ang Mahal’ directed by Richard Somes.

Napanood din siya sa ibang mga Vivamax Original Movies gaya ng ‘#Pornstar 2: Ang Pangalawang Putok’, ‘Palitan’ at ‘The Wife’. Pinatutunayan naman ni Josef na karapat-dapat siyang maging Vivamax Leading Man dahil sa mga naging pagganap niya sa mga Vivamax Original movies gaya ng ‘Doblado’ at ‘X-deal 2’.

Ang ‘Purificacion’ nga ang ikatlo niyang pelikula na pinagbibidahan na kung gumaganap siya bilang mapanlinlang na pari na tiyak na pag-uusapan at baka hindi magustuhan ng mga moralista.

Ayon kay Josef, nag-watch siya ng mga movies na may character ng priest, bilang paghahanda at para mabigyan ng hustisya ang ang kanyang pagganap.

Sabi pa ni Josef, “I watched movies including involving mga priest like Angels & Demons.

“Ginaya ko lang yung nuances nila, how they talk. I read the book, Angels & Demons before but that was a long time ago.”

Ayon pa sa kanya, mas mabuting panoorin muna ang movie nila, bago sila husgahan.

Samantala, natapos din ni Josef ang taping ng isang adult drama series sa direksyon ni McArthur C. Alejandre – ‘Wag Mong Agawin ang Akin’.

Makakasama rin dito ang mga paboritong Vivamax Crushes na sina Ava Mendez (Ang Babaeng Nawawala sa Sarili), Rob Guinto (X Deal 2), Kat Dovey (Virgin Forest), Stephanie Raz (Larawan) at Quinn Carrillo (Biyak) na siguradong magpapainit at magbibigay ng kakaibang timpla sa horror-thriller na ito.

Mula sa multi-awarded director na si GB Sampedro, na patuloy ang paggawa ng original content para sa Vivamax gaya ng mga pelikulang ‘Kaka’, ‘Crush Kong Curly’, ‘Kinsenas Katapusan’ at ‘Doblado’, at ang Vivamax Original Series na ‘High (School) On Sex’.

Iikot ang kuwento sa isang liblib na baryo ng Santa Monica, naging malapit na sa puso ng mga tao ang pari na si Fr. Ricardo Purficacion (Josef Elizalde). Hinahangaan dahil sa kanyang magandang pag-uugali at dedikasyon at pagmamahal sa lokal na simbahan, role model para sa marami si Fr. Ricardo. Pero sa likod ng maamo nitong mukha at mabuting pagkatao ay ang madilim niyang sikreto.

Sa pagdami ng mga report sa mga nawawalang kababaihan, magsisimulang mag-imbestiga si Police Inspector Gabriela Isidro (Cara Gonzales) at pilit na hahanapin kung sino ang may pakana ng lahat ng ito. Hihingi pa ito ng tulong kay Fr. Ricardo, sa paniniwalang may magandang reputasyon ang pari at malaki ang maitutulong nito sa kaso.
Mapapaikot ni Fr. Ricardo si Gabriela at ililigaw ang direksyon ng imbestigasyon, hindi rin mamamalayan ni Gabriela na unti-unti na palang nahuhulog ang loob niya sa pari. Malulutas pa kaya ni Gabriela ang kaso at maibubunyag ang katotohanan? O patuloy na siyang mahuhulog sa mapanlinlang na pari?

Humingi ng tawad, magsisi, at magdasal. Nawa’y ang iyong ikukumpisal ay hindi maging dahilan ng iyong katapusan.
Mapapanood na ang ‘Purificacion’ sa Vivamax ngayong August 5, 2022.

Mag-subscribe na sa Vivamax sa halagang P149 kada buwan, at P399 naman para sa tatlong buwan. Bisitahin ang web.vivamax.net o i-download ang app at mag-subscribe sa Google Play Store, Huawei App Gallery and App Store.
Mapapanood na rin ang ‘Purificacion’ sa Vivamax Middle East! Para sa mga kababayan natin sa UAE, Saudi Arabia, Kuwait, Oman, Bahrain, and Qatar, Maa-access na ito sa halagang AED35 kada buwan. Mapapanood din ang Vivamax sa Europe sa halagang 8 GB kada buwan.

Ang Vivamax ay mapapanood na rin sa Hong Kong, Japan, Malaysia, and Singapore, Indonesia, Thailand, South Korea, Taiwan, Brunei, Macao, Vietnam, Maldives, Australia, New Zealand, at pati na rin Canada at United States of America. Vivamax, atin ‘to!

(ROHN ROMULO)

TAMANG-TAMA lamang ang pagbalik ni Kylie Padilla from her movie shoot of “Unravel” in Switzerland, dahil naka-attend siya ng “GMA Thanksgiving Gala” para sa 72nd Anniversary ng network.

Livestream sa mga social media accounts ng network, inabangan ng mga netizens ang suot ng mga Kapuso stars, Sparkle stars at guests.

Kaya isa nga sa umagaw ng pansin ng mga netizens ang black gown na suot ni Kylie with matching black veil na parang fishnet. Kung may pumuri sa outfit ni Kylie na super ganda at kakaiba, may nagbiro naman na super unique daw ito na bagong face shield para iwas-dengue.

Pero nagpasalamat pa rin si Kylie kay Francis Libiran at sa Estee Lauder PH for her outfits.

Sa pagbalik ni Kylie, back to work na rin sila nina Rayver Cruz at Jak Roberto sa first sports-serye ng GMA-7 na “Bolera.”

“Salamat po sa gabi-gabing pagti-trending ninyo sa aming serye, at sana huwag ninyong i-miss ang aming susunod na episodes, dahil nalalapit na ang finale namin.”

Ang isang aabangan talaga ay ang muling paglaban ng billiards ni Joni, magtagumpay kaya siya o matulad din siya sa namatay niyang ama na dinaya sa laro? Si Cobrador pa rin ba ang sisira na maging champion siya?

Ang “Bolera” ay napapanood 8:50PM after “Lolong” sa GMA-7.

***

TODAY, August 3, ang opening ng pinag-uusapang “Maid in Malacanang” ni Director Darryl Yap na produced ng Viva Films.

Last July 29 ay ginanap ang kanilang premiere night sa SM North EDSA, The Block. Nagtipid ang production na wala silang catering service after the red-carpet premiere, dahil nagdesisyon sila at si Senator Imee Marcos na i-donate na lamang ang gagastusin nila sa catering plus, kasama ang donation mula sa cast, para sa mga nabiktima ng malakas na lindol sa Abra at Ilocos.

Bago kasi ang premiere night, naglibot si Sen. Imee sa Ilocos at nakita niya ang pinsalang inabot ng mga kababayan nila sa lindol.

Ang “Maid in Malacanang” ay mapapanood na nationwide in 200 theaters. Sunud-sunod na rin ang block screenings worldwide sponsored by our OFWs residing sa iba’t ibang bansa.

Ganoon din dito sa Pilipinas, may mga block screenings din na usually ang mga kinita ay ipinag-i-sponsor naman nila sa mga projects nila para sa mga nangangailangan.

***

SALAMAT at sa latest Instagram post, nag-update na si Megastar Sharon Cuneta, na she’s now okey, pagkatapos magkasakit after ng almost one month na nag-perform sila ni Regine Velasquez sa “Iconic: US Concert Tour.”

Dahil halos hindi raw siya makabangon sa kanyang nararamdaman, napilitang iwanan na siya ni Regine na naunang bumalik ng Pilipinas.

Nang makaramdam na siya na bumubuti na ang lagay niya, nagpasya na siyang lumabas ng bahay, kasama ang kanyang team at kumain sila sa restaurant at nanood ng sine.

“The other night was my first time out since I got sick. Megateam and I had dinner at one of my favorite restaurants, Gyu-kaku, then watched “Top Gun Maverick” in the theater!

“I was missing Nana (Regine) the whole time because we had planned on doing these two things together but she had flown home na the night before. Was still feeling a bit weak – til now am not feeling 100% yet – but it was really nice being able to take a walk! Weather was nice.

“And I bought a Lotto ticket for the first time ever ako ang nagpunta sa store at pumili ng numbers,” dagdag pa ni Sharon.

(NORA V. CALDERON)

DAHIL sa mas slim na katawan ni Aiko Melendez ngayon, napagkamalan siya ng netizens na ang anak niyang si Marthena.

Nag-post ang actress and Quezon City councilor sa kanyang Instagram na naka-denim shorts at red top habang nasa isang resort ito sa Pangasinan.

Kitang-kita ang malaking ipinayat ni Aiko kaya naman inakala ng maraming nag-like sa post niya na siya ay ang dalaga niyang anak na si Marthena.

Caption pa ani Aiko: “Wake up and Smile and say that today is your day. Truly had an amazing stay at @dasolbeachvillas. Quick but meaningful. Salamat sa nga staff na nag asikaso sa amin. Thank you sis Konsi Monette And Allan. We will come back again soon.”

Nakakuha ang post ni Aiko na almost 8,000 likes at sunud-sunod ang comments na mas bagets tingnan ang aktres ngayon at lookalike sila ni Marthena.

Naging goal nga ni Aiko noong magkaroon ng pandemic na tututukan niya ang kanyang kalusugan. Malaki na raw ang nawala sa timbang niya at maingat na siya sa mga kinakain niya. Kailangan daw kasing maging malakas ang katawan ni Aiko dahil muli siyang nagsisilbi bilang publoc servant sa Quezon City.

Huling napanood si Aiko bilang si Kendra sa ‘Prima Donnas’ Book 2.

***

NAG-TURN 27 si Kiray Celis noong nakaraang July 29 at naging simple lang daw ang naging celebration nito kasama ang kanyang pamilya sa isang yacht.

Thankful ang Kapuso comedian sa mga project na binibigay sa kanya, tulad ng ‘Return To Paradise’ kunsaan gumaganap siyang best friend ni Elle Villanueva.

Inamin ni Kiray na nainggit siya sa tambalan nila Elle at Derrick Monasterio sa naturang teleserye. Wish daw niya na noong lock-in taping nila sa isla ay nandoon din daw sana ang boyfriend niyang si Stephan Estopia.

“Wala naman akong magawa kundi mainggit, ‘di ba? Dahil ang layo namin at wala doon si jowa! Pero bumawi naman siya sa akin noong nakauwi na ako. Na-miss daw niya ako dahil ang tagal din ng lock-in taping namin,” kilig-tawa pa ni Kiray.

May napansin din daw siya lately sa kanyang boyfriend dahil tuwing pupunta raw sila sa mall, panay daw ang tingin nito sa mga singsing. Ayaw naman daw mag-assume si Kiray na engagement ring ang tinitingnan nito.

Wala naman daw ini-expect pa si Kiray na anumang proposal mula sa kanyang boyfriend. Na kay Stephen daw ang desisyon kung kelan niya gagawin ito at hindi raw niya ito ipe-pressure.

***
PUMANAW na sa edad na 89 sa Silver City, New Mexico ang groundbreaking American Black actress noong dekada ’60 na si Nichelle Nichols o mas kilala bilang si communications officer Nyota Uhura ng 1960s cult series na Star Trek.
Ang anak ni Nichols na si Kyle Johnson ang nag-announce nito sa official uhura.com website: “Last night, my mother, Nichelle Nichols, succumbed to natural causes and passed away. Her light, however, like the ancient galaxies now being seen for the first time, will remain.”

Bumuhos ang tribute para kay Nichols mula sa mga nakasama niya sa Star Trek at sa mga Trekkies or fans ng kanilang show. Ginampanan niya ang role na Uhura sa 4 seasons ng series at sa anim na pelikula nito.

Nichols made history dahil sa first interracial kisses on US television with Star Trek Enterprise’s Captain Kirk, played by William Shatner. Noong panahon na iyon, ang mga Black actors ay typecast as servants and criminals on television and film. Pero binago iyon ni Nichols at isa sa pumuri sa kanyang tapang ay ang  American Baptist minister and activist na si Martin Luther King Jr.

Trained sa ballet and musical theater si Nichols. Nakatrabaho nito si Sammy Davis Jr. sa musical na ‘Porgey and Bess’, nakapag-record ng album at huli siyang lumabas sa TV series na ‘Heroes’.

Nagtrabaho rin si Nichols bilang recruiter for NASA at na-empower niya ang maraming talented African-Americans and women of all races na magkaroon ng career sa naturang space agency.

Ang pangalan niya sa Star Trek na Uhura ay ibig sabihin ay freedom in Swahili, ang native language sa Africa.

(RUEL J. MENDOZA)