MAGSISIMULA na ang promo ng “Start-Up PH” ng GMA Network na first team-up nina Bea Alonzo at Asia’s MultiMedia Star Alden Richards. 

Ngayong Saturday, August 6, ang simula ng Kapuso Mall Show nila, na magaganap sa Ayala Center Cebu, in Cebu City, at 5PM.  Makakasama ni Alden ang mga co-actors niyang sina Jeric Gonzales, Boy 2 Quizon at Royce Cabrera, ang bumubuo ng barkada niya sa serye na idinidirek nina Jerry Sineneng at Dominic Zapata.

Sa serye, Alden plays the role of Tristan, the Good Boy, pero first time siyang gaganap na sa simula pa lamang ay masungit na ang role niya,

“Pero may konti naman akong bait, hindi nga lamang ako showy na ipakita ito sa mga kasama ko,” kuwento ni Alden.

“Pero without question, tinanggap ko ang role na iyon, isang opportunity iyon na makagawa naman ako ng ibang character dahil ever since, lagi akong mabait.  Kaya dito, totally babaguhin ko at pinag-aralan ko ang new life style ko.

“First time ko rin na makagawa ng isang Korean adaptation. At ang isa pa, ay muling nakasama sa isang project si Director Gina Alajar.”

Natuwa si Alden na may mall show na sila ngayon, dahil nakaka-miss na raw and for almost three years ng pandemic ay hindi nila nagawa iyon.

Very soon ay mapapanood na sa GMA Telebabad ang ‘Start-Up PH’.

***

NASORPRESA pala si Mr. M (Johnny Manahan), Sparkle GMA Artist Center’s consultant, at star builder, nang makaharap niya, face-to-face some of the biggest names in the Kapuso Network during the Thanksgiving Gala Night last July 30.

Simula raw kasi nang lumipat siya sa GMA, nakikita lamang niya sila virtually for a year.

“Masaya at nakita ko na, face-to-face, ‘yung mga artista,” pahayag ni Mr. M. “Mas maganda sila sa personal, and I think they’re having a nice time.  ‘Yung iba, na-imagine ko, maliit lang, matangkad pala, iyong iba, malapad, hindi pala.

“Halos lahat sila magaganda naman, so I’m glad I got the chance to see them in person.”

***

NAKATANGGAP ng nominations ang mga Kapuso artists mula sa “Tiktok Awards Philippines 2022” last Tuesday, August 2.

This year, ang nominated content creators and stars ay maglalaban-laban sa six awards: Popular Creator of the Year, Celebrity of the Year, POP Group of the Year, Livestreamer of the Year, Rising Star of the Year, and Rising Live Star of the Year.

Ang mga Kapuso nominees ay sina Althea Ablan, Kyline Alcantara, Cassy Legaspi, Dasuri Choi, and Kapuso girl group XOXO.  Sina Althea, Kyline, Cassy and Dasuri are competring for the Celebrity of the Year award at ang XOXO (Riel, Lyra, Dani, and Mel) is one of the nominees for the POP Group of the Year.

Visit the TikTok voting page, para malaman kung paano boboto sa gusto ninyong suportahan, until August 12. You can cast more votes by following the profiles of Globe Telecom and TikTokAwardsPH.

Winners will be announced on August 20, 7PM on TikTok LIVE!

(NORA V. CALDERON)

ENGAGED na rin si Ynna Asistio sa kanyang non-showbiz boyfriend na si Bully Carbonell.

Sa kanyang Instagram, pinost ni Ynna ang photo nila ni Bully at suot na niya ang kanyang engagement ring.

“Ilang taon ako [nagbenta] ng engagement ring and wedding ring. Lagi ko tinatanong sa sarili ko, ‘kailan kaya ako?’ Ito na ‘yun. In His time. In His perfect time. Salamat, Mahal Ko! Salamat sa pagmamahal. Salamat at tinupad mo ang pangarap ko. I love you so much, Dub. Best day ever,” caption pa ni Ynna.

Sa isa pang post, makikita ang photo kung papaano nag-propose sa kanya si Bully.

Ilan sa mga bumati na kay Ynna ay ang mga kapwa celebs na sina Andi Eigenmann, Rodjun Cruz, Kaye Abad, Yasmien Kurdi, at Rich Asuncion.

Dating nakarelasyon ni Ynna si Mark Herras na happily-married na ngayon kay Nicole Donesa.

***

NAKAKA-RECOVER na ang aktres na si Bianca King sa naging shoulder surgery niya noong nakaraang taon.

Pag-describe ni Bianca sa kanyang pinagdaanang surgery ay isang “horrifying experience.” Sumailalim sa biceps tenodesis para maayos ang dislocated shoulder niya nagdudulot sa kanya ng matinding sakit.

Kuwento ni Bianca, na-misdiagnose siya sa Pilipinas na meron siyang rotator cuff tear. Noong magpa-MRI siya sa Australia, ibang diagnosis ang binigay sa kanya.

“Luckily I did another MRI in Sydney and the diagnosis was joint instability and a split in my biceps anchor with calcific tendonitis. Inflammation and pain caused by the loose shoulder. Our consistent workouts helped me to feel strong all over, with my shoulder 90% back to normal and my entire build looking more toned than ever. All in the comfort of my own home with minimal equipment.” sey ni Bianca na dumaan rin sa six months of physiotherapy para lumakas ang kanyang right arm and shoulder.

Inamin ni Bianca na dumaan siya sa depression nang magkaroon siya ng shoulder injury noong pandemic dahil hindi siya makakilos ng maayos. One year din siyang tumigil sa pag-yoga.

“I was depressed being isolated at home during the peak of the pandemic, not being able to bathe myself properly or cook my own food, mostly laying in bed feeling down and crying to my friends on the phone.”

Thankful si Bianca dahil inaalagaan siya ng husto ng mister niyang si Ralph Wintle.

***

NA-OFFEND ang disabled people sa song ni Beyonce na “Heated” kaya aayusin daw nila ang song para matanggal ang derogatory term na ikinagalit ng marami.

Galing ang song sa kaka-release na new album ni Beyonce na Renaissance.

Ayon sa spokesperson ng singer, ang lyrics na “Spazzin’ on that ass, spazz on that ass” ay papalitan: “The word, not used intentionally in a harmful way, will be replaced. Ang co-writer ng song ay ang rapper na si Drake.

Ang salitang “spaz” in colloquial sense ay ibig sabihin ay “temporarily losing control” or “acting erratically.” Ayon sa disability campaigners ang naturang word ay nanggaling sa salitang “spastic.”

According to the Centers for Disease Control and Prevention: “spastic or spasticity is a movement disorder involving stiff muscles and awkward movement, suffered by 80 percent of people with cerebral palsy.”

Naging issue rin ang word na spazz sa song ni Lizzo na “Grrrls”. Pinalitan din ng singer ang lyrics dahil nakatanggap ito ng maraming reklamo.

Sey naman ni Beyonce, wala raw siyang intention ang kanyang album na makasakit ng ibang tao: “Creating the album allowed me a place to dream and to find escape during a scary time for the world. My intention was to create a safe place, a place without judgment. A place to be free of perfectionism and overthinking. A place to scream, release, feel freedom.”

(RUEL J. MENDOZA)

GIVEN a chance, gusto naman ni Rash Flores na gumawa ng action movie after doing several skinflicks sa Vivamax.

Umaasa ang lead actor ng ‘Porn Star 2’ na in the future ay mabibigyan siya ng pagkakataon na sumubok ng ibang genre.

Among the movies na ginawa niya, isa sa paborito ay ang ‘Palitan’ kung saan director si Brillante Mendoza.

First time niya kasi na-experience na magtrabaho na walang script.

Aminado naman si Rash na noong una ay kinabahan siya to be working with direk Brillante.

Iniisip nga niya kung paano ba mag shoot ng walang script.

Pero based on his experience eh mas madali pala for him to shoot na walang script.

Walang lines na kailangan memoryahin kaya di masyadong hassle.

***

MULA sa pagsampa sa mga barko at pagtratrabaho sa iba’t-ibang international cruise lines, recording artist na si Captain Peter o mas kilala bilang Pitz Berina, ang tinaguriang Singing Captain.

Ang debut single niya titled “Kita Ay Mahal” ay komposisyon ng batikang composer na si Vehnee Saturno.

Bumilib si Vehnee nang marinig ang pagkanta ni Captain Peter. Bukod diyan ay may anim pang kanta sa album at pitong cover songs na panay OPM.

Kasalukuyang naririnig din sa mga radio stations ang ni-revive niyang kanta na “Muli” na unang pinasikat ni Rodel Naval.

Nais niya na maging inspirasyon hindi lamang ng kapwa niya seafarers kundi maging sa lahat na abutin ang kanilang pangarap, kahit na maging ano pa ang estado nila sa buhay.

Nagbabalak din siya na pasukin ang pagkakaroon ng media production at talent agency para makatulong sa mga may natatagong talento sa pag-awit, pag-arte at pagsayaw.

(RICKY CALDERON)