2022 August Archive - People's Balita

Archive for August, 2022

‘Di kayang pagsabayin ang showbiz career at lovelife: MARCO, sobrang ka-close si JAKE kaya ‘di liligawan si KYLIE

Posted on: August 6th, 2022 by @peoplesbalita No Comments

PRODUCER na rin ang actress na si Lovi Poe ng sarili niyang kumpanya.

At ang maganda pa, hindi lang pang-local ang market niya, pang-international din. Gusto raw niyang ituloy ang legacy ng kanyang ama na si Fernando Poe Jr., ang dating Hari ng Pelikulang Filipino na may FPJ Films.

This time, tinawag ng actress na “C’est Lovi Productions” ang kanyang sariling production company.

At tila pa-advance birthday gift na raw niya ito sa namayapang ama. Na sigurado, kung nabubuhay ito ay masaya at very proud sa mga career development ng anak.

Ayon sa Instagram post ni Lovi, “This is it! I’m excited to share the news of finally launching C’est Lovi Productions. It’s been a passion of mine to be in the business of making films in front of the camera for a number of years already, and as I continue to do that, I’d like to be behind the camera too and develop projects from the beginning.

“Importantly, I want to join forces with people who share the same passion and make film that would help the world recognize Filipino talent either behind or in front of the camera.

“There was FPJ productions… and I hope C’est Lovi Productions can continue that legacy, and bring Filipino stories— especially those independent, lesser known but equally good ones— internationally.

“Advanced Happy Birthday, Papa.”

***

WALA na raw oras sa ngayon ang VIVA star na si Marco Gumabao pagdating sa lovelife.

In fairness, sabi nga namin sa kanya, siya yata ang hari ng Vivamax sa sunod-sunod na movies na ginagawa niya.

At ngayon nga, ang “Baby Boy Baby Girl” nila ni Kylie Verzosa with Direk JP Laxamana.

“Wala talaga akong oras sa lovelife. Unang-una, kagagaling ko lang ng Singapore. Almost two months akong nawala. Tapos pagbalik ko dito, straight to shoot kami, pero humingi ako ng two weeks na break para lang makapagpahinga ng konti.

“So next week, shoot na kami. Pagbalik ko from lock in, may shoot na naman kaming bago. Then, U.S. naman ako, kasal ng sister ko. Pagbalik ko rito, taping na naman.”

Inamin naman ni Marco na hindi raw talaga niya kayang pagsabayin ang showbiz career at lovelife.

“Palaging may nagsa-sacrifice,” sey niya

Bakit ang mga kaibigan niya na sina Daniel Padilla at Kathryn Bernardo, napagsasabay?

“Siyempre, iba naman sa kanila. Loveteam naman sa kanila. Kasama niya palagi at saka, minsan lang nagkaka-gano’n na simula dati hanggang ngayon, loveteam mo pa rin ang girlfriend mo, ‘di ba?

“So, one in a million ang chances na gano’n. Eh ako, ang branding ko naman sa VIVA, hindi naman loveteam-loveteam. More on leading man and at the same time, it also helps sa image ko na alam ng tao na available ka.”

At dahil pareho silang single ng kanyang leading lady na si Kylie, hiniritan si Marco na “beke nemen…”

Pero sey niya, “Ano ba naman, ka-close ko siyempre si Jake. ‘Wag naman, sobrang kaibigan ko ‘yun.

“I mean, pareho kami ni Kylie ngayon na hindi love ang priority.”

In fainess, marespeto si Marco kahit past is past na.

***

ANG Kapuso actress na si Rhian Ramos at ang businessman at kilalang Frontrow C.E.O. na si Sam Verzosa na pala.

Parang naging daan pa nina Rhian at Sam ang naganap na GMA Thanksgiving Gala for their relationship reveal.

Naging kapansin-pansin kasi ang pagho-holding hands ng dalawa at nang tanungin ng pep.ph about their real score, hindi ito itinanggi ni Rhian.

Base sa statement nito, matagal na raw ang relasyon nila, pero bago lang sa paningin ng publiko.

May nabasa kaming nag-comment na may asawa na raw ang businessman, pero upon checking, tila wala naman lumalabas at may nabasa pa kaming single pa rin ito.

Well, ilan na rin ang naging past relationships ni Rhian so sana nga, this is it na, huh!

(ROSE GARCIA)

WNBA star Brittney Griner hinatulang makulong ng 9 taon sa Russia

Posted on: August 6th, 2022 by @peoplesbalita No Comments

HINATULANG makulong ng siyam na taon ng korte sa Russia si WNBA star Brittney Griner.

Bukod pa dito ay pinagbabayad pa si Giner ng 1 milyon rubies o katumbas ng $16,300.

Nakita kasi ng judge sa Russia na guilty si Griner sa kasong kinakaharap nito.

Naging emosyonal si Griner ng humarap ito sa korte at humingi ito ng kapatawaran dahil sa pagdadala ng hashish oil sa kaniyang bagahe noong Pebrero.

Unang humiling din Griner sa judge na kung maari ay huwag siyang patawan ng mabigat na parusa.

Nauna ng naghain ng guilty plea si Griner noong nakaraang buwan kung saan tiniyak ng kaniyang mga abogado na kanilang iaapela ang kaso.

Magugunitang nag-alok si US President Joe Biden ng prison swap subalit naging malamig ang tugon dito ng Russia.

Lead physician ni PBBM na si Dr. Zacate, bagong hepe ng FDA

Posted on: August 5th, 2022 by @peoplesbalita No Comments

ITINALAGA ni Pangulong Ferdinand Marcos Jr. ang kanyang lead physician na si Dr. Samuel Zacate, bilang pinuno ng Food and Drug Administration (FDA).

Sinabi ni Press Secretary Trixie Cruz-Angeles na kuwalipikado si Dr. Zacate sa nasabing posisyon at walang kinalaman ang pagiging lead doctor nito kay Pangulong Marcos para italaga siya bilang bagong FDA chief.

“He is qualified plus he has several distinctions so we are not sure if his being a personal physician factored into this considering he ticks all the boxes, meaning lahat ng requirements bilang FDA [chief] he fulfilled,” ayon kay Cruz-Angeles.

Aniya, hindi naman lingid sa kaalaman ng lahat na si Zacate ay kilala bilang health advocate na may “years of expertise” sa medisina at medical consultancy sa iba’t ibang tanggapan ng pamahalaan.

“He was a diplomate of the Philippine Society for Venereology and a fellow of the International College of Surgeons, dagdag na pahayag ni Cruz- Angeles.

Samantala, ang iba pang bagong appointees ay sina:

retired Brigadier General Roman “Popong” Felix – Secretary, Office of the Presidential Adviser on Military Affairs;

retired Major General Ariel Caculitan – OPAMA Undersecretary for Military Affairs;

retired general General Isagani Nerez – Undersecretary for Police Affairs; at

Attorney Nesauro Firme – Judicial and Bar Council.

(BISHOP JESUS “JEMBA” M. BASCO)

Kalahati ng 11 milyong plate backlog tatapusin ng LTO sa loob ng 6 buwan

Posted on: August 5th, 2022 by @peoplesbalita No Comments

TARGET ng Land Transportation Office (LTO) na tapusin ang kalahati ng 11 milyong plate backlogs sa loob ng anim na buwan.

Ayon kay LTO Assistant Secretary Teofilo Guadiz III kabilang sa 11 milyong backlog ang mga plaka na dapat sana’y natapos na mula 2016.

“Ang timeline ko rito mga six months baka matugunan na ang kalahati nitong mga plakang hindi pa nade-deliver sa mga bumibili ng sasakyan,” ayon kay Guadiz

Kaugnay nito, sinabi ni Guadiz na dodoblehin ng ahensya ang mga tauhan sa plate-making plants sa 24-hour operation at mag a-outsource ng iba pang manufacturer para mapabilis ang paggawa ng car plates.

Una nang inanunsyo ng LTO na kailangan nito ng P6.8 bilyon para matapos ang backlog sa car plates.

Inaasahan ding maipatupad ng LTO ang pagkakaroon ng online transaction sa vehicle registration at renewal ng driver’s license upang maiwasan ang pagpunta ng dagsa ng tao sa mga LTO offices lalo na ngayong pandemic.

Nais ni Guadiz na maipatupad ang mas mababang LTO fees sa mga serbisyo ng ahensya.

2023 FIBA World Cup plan inilatag ng SBP

Posted on: August 5th, 2022 by @peoplesbalita No Comments

PUSPUSAN na ang paghahanda ng Samahang Basketbol ng Pilipinas (SBP) para masiguro ang matagumpay na pagdaraos ng prestihiyosong FIBA World Cup na gaganapin sa Pilipinas sa susunod na taon.

Inilatag ng SBP ang lahat ng plano nito para sa World Cup na gaganapin sa Agosto 25 hanggang Setyembre 10, 2023 kung saan makakatuwang ng Pilipinas ang Japan at Indonesia bilang co-hosts.

Nakipagpulong ang SBP sa mga stakeholders sa pangunguna nina SBP chairman Sen. Sonny Angara at SBP president Al Panlilio kasama ang mga kinatawan ng iba’t ibang liga gaya ng Philippine Basketball Association (PBA), University Athletic Association of the Philippines (UAAP), National Collegiate Athletic Association (NCAA) at iba pang basketball organizations.

“Showcasing the Philippines, this will be the biggest basketball event to be hosted in the country. Since 1978, we have not hosted a tournament of this magnitude,” ani Panlilio.

Bumuo na ang SBP ng local organizing committee na siyang mangangalaga sa pagdaraos ng torneo.

May 40 laro ang gaganapin sa qualifying event kung saan ang Smart Araneta Coliseum at Mall of Asia Arena ang magsisilbing venues.

Idaraos naman ang 12 laro sa final round sa pamosong Philippine Arena sa Bocaue, Bulacan.

Sisimulan sa Agosto 27 ang countdown habang sa Abril naman idaraos ang drawing of lots para madetermina ang mga magkakasama sa group stage.

Tinalakay din ang pagbuo ng pinakamalakas na koponang isasabak sa World Cup.

Pormal na ring itinalaga sina multi-titled coach Tim Cone at UAAP champion coach Goldwyn Monteverde bilang bahagi ng coaching staff ng Gilas Pilipinas. Kasama rin sina veteran international coaches Nenad Vucinic at Jong Uichico.

Chot Reyes may napupusuan ng mga manlalaro na sasabak sa FIBA World Cup

Posted on: August 5th, 2022 by @peoplesbalita No Comments

MAY mga manlalaro ng napipili si Gilas Pilpinas coach Chot Reyes na isasabak para sa FIBA World Cup sa susunod na taon.

Sa ginawang pagpupulong Samahang Basketball ng Pilipinas (SBP) inilatag ni Reyes ang mga potensiyal na mga magagaling manlalaro mula sa PBA, UAAP at NCAA.

Kanila aniya itong ini-screen para matiyak kung handa na ang mga ito sa pagsabak sa mga international tournaments.

Ayon sa SBP na tiniyak sa kanila ng UAAP at NCAA ang pagiging kahandaan din ng kanilang mapipiling manlalaro na sasabak sa Gilas Pilipinas.

Magugunitang gaganapin ang nasabing torneo sa bansa, Japan at sa Indonesia.

P5-B – P13-B halaga ng nasayang na COVID-19 vaccines nais paimbestigahan sa Senado

Posted on: August 5th, 2022 by @peoplesbalita No Comments

NAIS ni Senator Risa Hontiveros na imbestigahan ng Senado ang tinatayang P5 billion hanggang P13 billion na halaga ng COVID-19 vaccines na binili ng gobyerno na hindi nagamit matapos mag-expire.

Kaugnay nito, naghain ng isang resolution si Sen. Risa Hontiveros para sa pagsasagawa ng imbestigasyon sa umano’y large-scale wastage ng mga bakuna kontra COVID-19 na iginiit ng mambabatas na hindi dapat kunsintihin.

Sa inihaing resolution, sinabi ng senadora na sa gagawing imbestigasyon ay tutukuyin kung nabigo o nagkulang ba ang gobyerno sa pagpaplano o pagbili ng vaccine doses.

Binigyang diin din ng senadora na ang mga resources na ginamit para sa pagkuha ng mga bakuna ay dapat na naibigay pa sana sa mga sektor na nangangailangan ng assistance mula sa gobyerno gaya ng mga magsasaka, mangingisda, drivers at frontliners.

Saad din ng senadora na dapat na mayroong managot dito kung saan tinukoy niya ang Inter-Agency Task Force for the Management of Emerging Infectious Diseases, Department of Health, at czars sa ilalim ng nagdaang Duterte administration na dapat tanungin sa oras na simulan ang pagdinig sa resolution.

Magugunita na isiniwalat ni Go Negosyo founder at former Presidential Adviser for Entrepreneurship Joey Concepcion na nasa 3.6 million doses ng Moderna vaccines ang nagpaso noong July 27 habang nasa 623,000 Astrazeneca vaccines naman ang nag-expire noong Linggo, July 31.

Sa kabuuan nasa 4.2 million vaccines ang nasayang na nagkakahalaga ng P5.1 billion. (Daris Jose)

‘Halos kalahati’: Pamilyang Pinoy na naniniwalang mahirap sila sumirit sa 48% — SWS

Posted on: August 5th, 2022 by @peoplesbalita No Comments

LALONG tumaas sa 48% ang bilang ng pamilyang Pinoy na nagsasabing sila’y naghihirap kahit nagbalik na ang halos lahat ng trabaho at establisyamento ngayong pandemya, ayon sa pinakabagong survey ng Social Weather Stations (SWS).

‘Yan ang napag-alaman ng SWS sa kanilang face-to-face interviews sa 1,500 katao sa buong Pilipinas na siyang ikinasa noong ika-26 hanggang ika-29 ng Hunyo. Ito ang huling survey tungkol sa kahirapan bago bumaba sa pwesto si Pangulong Rodrigo Duterte.

“The estimated numbers of Self-Rated Poor families are 12.2 million in June 2022 [up from] 10.9 million in April 2022,” wika ng SWS sa isang pahayag na inilabas, Martes.

“Compared to April 2022, the percentage of Poor families rose from 43%, while Borderline families fell from 34%, and Not Poor families declined from 23%.”

Kung hahati-hatiin ang datos, ito ang lalabas:

mahirap (48%)

borderline poor (31%)

hindi mahirap (21%)

Ayon sa pag-aaral, ang 5-point increase sa self-rated poverty sa buong bansa ay dahil sa pagtalon nito sa Visayas at Metro Manila, bagay na sinegundahan ng bahagyang pagtaas sa Mindanao at Balance Luzon.

Batay naman sa uri ng pagkain na kinokonsumo, 34% sa mga na-survey na pamilya ang sinasabing “food-poor,” habang 40% ang nagsasabing borderline food-poor sila at 26% naman ang hindi.

Mas mataas ang food-poor ngayon (8.7 milyon) kumpara sa 31% noong Abril (7.9 million). Dumami ito sa lahat ng lugar maliban sa Mindanao.

Record-high naman ang self-rated poverty threshold sa Visayas sa halagang P20,000. Ito ang minimum na monthly budget ng mga self-rated poor families para masabi nilang hindi na sila mahirap. Isa ito sa mga indicator na naghihigpit sila ng sinturon. Nananatili ito sa P15,000 sa sa pambansang antas.

“Of the estimated 12.2 million Self-Rated Poor families in June 2022, 2.2 million were Newly Poor, 1.6 million were Usually Poor, and 8.4 million were Always Poor,” dagdag pa ng SWS.

“Of the estimated 13.3 million Self-Rated Non-Poor families in June 2022, 5.3 million were Newly Non-Poor, 3.0 million were Usually Non-Poor, and 5.0 million were Always Non-Poor.”

Ang pag-aaral ay hindi kinomisyon ninuman. Ang sampling error margines ay sinasabing nasa ±2.5% para sa national percentages, ±5.7% para sa Metro Manila at Visayas, at Mindanao habang ±4.0% naman ito sa Balance Luzon.

Comelec, sinimulan na ang pag-imprenta ng mga balota para sa 4 na gagawing plebisito

Posted on: August 5th, 2022 by @peoplesbalita No Comments

SINIMULAN na ng Commission on Elections (Comelec) ang pag-imprenta ng official ballots para sa plebisito sa Maguindanao.

Inanunsiyo ng poll body na ang printing ng official ballots para sa September 17 plebiscite ay sinimulan na kahapon sa National Printing Office sa Quezon City.

Noong Hunyo nang nagtakda ang poll body ng petsa ng plebisito para ratipikahan ang dibisyon ng probinsiya ng Maguindanao sa dalawang probinsiya ito ay ang Maguindanao del Norte at Maguindanao del Sur salig sa Republic Act No. 11550.

Gayundin inumpisahan na ang pag-imprinta ng official ballots at iba pang accountable forms para sa tatlong iba pang plebisito.

Ito ay ang plebisito para sa ratipikasyon sa paglikha ng Barangay New Canaan mula sa Barangay Pag-asa sa munisipalidad ng Alabel, Sarangani epektibo sa August 20, 2022.

Gayundin ang ratipikasyon sa conversion ng bayan ng Calaca sa probinsiya ng Batangas na maging component city at tatawaging city of Calaca sa September 3, 2022.

At ang ratipikasyon ng pagsasama ng 28 barangays sa tatlong barangay na lamang at isa pang barangay, sa Ormoc City sa October 8, 2022. (Ara Romero)

Balik-tambalan, ‘gift’ nila sa mga fans at supporters: MAJA, inaming si RK lang ang naisip na maging partner sa ‘Oh My Korona’

Posted on: August 5th, 2022 by @peoplesbalita No Comments

NGAYONG Sabado, Agosto 6 mapapanood na isang kakaibang sitcom na magpapakita ng mga kuwelang eksena sa buhay ng mga showbiz hopefuls na nakatira sa ilalim ng iisang bubong.

Inihahandog ito ng Cignal Entertainment at Crown Artist Management, ang Oh My Korona na pinagbibidahan ng versatile actress at Majestic Superstar ng TV5 na si Maja Salvador, kasama ang Philippine Sitcom Legend na si Joey Marquez, siguradong pasasayahin ang weekend TV experience ng buong pamilya.

Sa newest weekly sitcom ng TV5, muling makakasama ni Maja si RK Bagatsing na gumawa ng marka sa pagganap nila sa drama series ng Wildflower.

Sa naganap na digital mediacon, sinabi ng aktres na parang ‘gift’ na nila ito ni RK sa patuloy na nagmamahal sa kanilang tambalan.

“Sa Wildflower kasi, sobrang intense bawat eksenang ginagawa namin ni RK. And hindi namin maitanggi na may chemistry at nagkaroon din ng maraming supporters ang Ivy Aguas and Mr. Mayor Arnaldo,” sabi ni Maja.

“Kaya naman nung naghahanap kami kung sino ang magiging partner ni Lablab dito sa sitcom, isang name ang naisip namin.

“Because yun nga, sa rami ng nagmamahal sa amin ni RK, na dun sa Wildflower kasi, hindi kami nag-end up together. Tapos, masalimuot ang mga sakit ng mga nagawa naming eksena dun.”

Dagdag pa niya, “So, gift namin ito sa aming mga fans at supporters na until now, for how many years, matagal nang wala ang Wildflower but nandun pa rin yung umaasa sila na, yun nga, one day, magkatrabaho kami ni RK.

“And eto na yun! Mas light yung ginagawa, super light ng mga ginagawa namin. Kung paano kami ni RK dun sa Wildflower pag walang camera, kung gaano kami kabungisngis na dalawa, kung gaano kami maraming naiisip na kalolokan.

“Naia-apply namin ngayon dito sa sitcom, kaya ibang side naman namin ni RK ‘yung mapapanood nila.”

Gagampanan nga ni Maja ang karakter ni Lablab, isang hotel manager na nawalan ng trabaho pero naging tagapagmana ng boarding house mula sa kanyang late beauty queen-actress mother kaya siya ay magiging landlady ng mga tenants na mga showbiz wannabes.

Si Joey naman ay gaganap bilang Louie, isang talent agency owner na gustong gawing prime talent niya si Lablab. Kasabay nito ay ang pagma-manage din ni Louie sa mga showbiz aspirants na tenants sa boarding house ni Lablab.

Ang Oh My Korona rin ang unang line production venture ng Crown Artist Management, ang talent management company ni Maja kasama ang kanyang fiancé na si Rambo Nuñez.

Si Ricky Victoria ang director ng sitcom at kasama nga sa cast si RK bilang Tim, at sina Kakai Bautista bilang Marga, Pooh bilang Gerry, Thou Reyes bilang Kobe, Christine Samson bilang Layla, Jessie Salvador bilang CJ, Jai Agpangan bilang Betchay, Guel Espina bilang JM at Queenay Mercado bilang Emy.

Simula ngayong Agosto, makisaya sa Oh My Korona tuwing Sabado, 7:30 pm sa TV5.

(ROHN ROMULO)