2022 August Archive - People's Balita

Archive for August, 2022

Mandatory retirement age sa senior workers, giit alisin

Posted on: August 6th, 2022 by @peoplesbalita No Comments

NAIS ni Senior Citizens Partylist Rep. Rodolfo “Ompong” Ordanes na tanggalin na ang mandatory age sa pagreretiro ng mga manggagawang senior citizens sa private sector.

Isinusulong ng kanyang House Bill (HB) 3220 na i-repeal ang compulsory age na 65 anyos na itinatakda sa Labor Code of the Philippines.

Isiningit ni Ordanes sa amyenda ang “An employee who reached the age of 65 years old can choose to continue their employment provided that he qualifies under the bona fide occupational qualification of his job, the burden of prove otherwise is with the employer.”

Layon ng panukala ni Ordanes na magpatuloy sa pagtatrabaho ang mga senior citizens basta’t may kakayahan at malakas pa ang mga ito.

Ang kailangan lamang ay magpakita ang mga senior citizens ng clearance galing sa mga doktor na nagsasaad na ‘fit to work’ pa rin ang mga ito.

“Actually itong aking bill, yung mga senior citizens na kaya pang magtrabaho. Halimbawa ito yung ano eh, yung mga, yung magre-retire sa isang kumpanya pero gusto pang magtrabaho,” anang solon na sinabing lalo na kung handa pa ang employer na tanggapin at magpatuloy pa sa pagtatrabaho sa kaniyang kumpanya ang nasabing manggagawa.

Karaniwan anya na kapag sumapit sa gulang na 60 o senior citizen ay obligado o compulsory requirements na sa mga manggagawa ang magretiro na sa serbisyo.

Sinabi ni Ordanes na maraming senior citizens na kahit 65-anyos na ay malulusog pa, mabibilis mag-isip, malalakas at asset pa rin sa organisasyon.

40th Anniversary ng ‘Himala’, ipagdiriwang sa Disyembre… Sen. IMEE, NORA at CHARO, reunited at pinarangalan sa ‘FAMAS Awards 2022’

Posted on: August 6th, 2022 by @peoplesbalita No Comments

REUNITED sina Senator Imee Marcos, Superstar Nora Aunor at Ms. Charo Santos-Concio na pawang pinarangalan sa FAMAS Awards 2022.

Naka-trabaho ni Sen. Imee sina Nora at Charo sa ‘Himala’ at ngayong Disyembre, ipagdiriwang ang ika-40 na anibersaryo ng naturang pelikula, na prinodyus ng senadora noong 1982 sa pamamagitan ng Experimental Cinema Of The Philippines (ECP).

Ang ‘Himala’ ay itinuturing na isa sa Greatest Asian Film of All Time.

Anyway, rumampa nga si Sen. Imee sa FAMAS Awards 2022 last July 30, na kung saan ginawaran siya ng ‘Exemplary Award In Public Service’ para sa kanyang kontribusyon sa restorasyon ng Metropolitan Theater.

Bilang patronesa at taga-pagpalaganap ng pop culture at sining, nagsimula si Senator Marcos sa kanyang paglalakbay bilang artista sa MET kung saan nagbida siya sa ilang stage productions noong Dekada ‘70.

Isa ito sa mapapanood sa pinaka-bagong YouTube vlog ni Senator Marcos na tiyak na kagigiliwan ng kanyang loyal supporters.

Masisilayan din ng kanyang mga tagahanga ang all-access pass sa star-studded premiere night ng ‘Maid In Malacañang’ na ginanap kamakailan sa The Block, SM City North EDSA sa Quezon City.

Siguradong mag-e-enjoy ang mga YouTubers sa exclusive footage ni Sen. Imee kasama sina Cesar Montano, Ruffa Guttierez, Diego Loyzaga, Karla Estrada, Elizabeth Oropesa, Ella Cruz, Cristine Reyes, at madami pang iba.

Ayon pa sa hardworking na senadora, batas na ngayon ang Creative Industries Bill.

Maging bahagi ng kasiyahan at samahan si Senator Imee sa kanyang latest adventures at mag-subscribe sa https://www.youtube.com/c/ImeeMarcosOfficial/featured.

***

MULA sa pagtatrabaho sa iba’t ibang international cruise lines, isa na ngayong recording artist si Captain Peter o mas kilala bilang si Pitz Beriña, ang tinaguriang Singing Captain.

And for the first time, ipaparinig na rin ang kanyang awitin na may pamagat na “Kita Ay Mahal.” Mula ito sa malikhaing komposisyon at areglo ni Vehnee Saturno kaya naman ipinagmamalaki ito ni Beriña, na kung saan patungkol ang kanta sa wagas na pagmamahal.

May anim pang orihinal na kanta ang album at pitong cover songs na lahat ay Original Pilipino Music. Kasalukuyan ding naririnig na din sa mga paboritong radio stations ang ni-revive niyang kanta na “Muli,” na pinasikat ni Rodel Naval.

Nais ni Beriña na maging inspirasyon hindi lamang sa kanyang kapwa seafarers pero maging sa lahat na abutin lang ang kanilang mga pangarap, maski na anumang kulay, edad o estado pa man yan ng buhay.

Sa ngayon ay puspusan ang ginagawang pagpo-promote ni Beriña sa kanyang mga kanta. Nagbabalak din daw sya na pasukin ang pagkakaroon ng kanyang own media production at talent agency sa layon pa rin niyang makatulong sa iba na may mga natatagong talento sa pag-awit, pag-arte o pagsayaw.

Pangarap din niyang maging bahagi ang kanyang mga kanta sa iba’t ibang teleserye na ating napapanood dito sa atin.
Isa rin siyang businessman na may mabuting puso na handang tumulong sa mga nangangailangan. Malapit na rin niyang ilunsad ang isang institusyon para sa mga ito.

(ROHN ROMULO)

Obiena umaasang muling makakasama sa Philippine team

Posted on: August 6th, 2022 by @peoplesbalita No Comments

SA pagbabago ng liderato ng Philippine Athletics Track and Field Association (PATAFA) ay umaasa si World No. 3 pole vaulter Ernest John Obiena na muli siyang mapapasama sa national team.

Nagbitiw si Philip Ella Juico sa kanyang puwesto bilang PATAFA president noong Hunyo para tutukan ang ‘personal and business interests’ niya at pinalitan ni secretary-general Terry Capistrano.

Hindi miyembro ng Philippine national team ang 6-foot-2 pole vaulter bagama’t kabi-kabilang karangalan ang kanyang ibinibigay sa bansa.

“It would be nice if I’ll be back,” sabi ni Obiena, nakaaway si Juico dahil sa isyu sa paggamit ng pondo, sa panayam ng “Off The Record” ng ABS-CBN. “Hopefully, the board would be able to see that. And the new administration will make it happen.”

Kabilang rito ang bronze medal sa 2022 World Athletics Championships sa Eugene, Oregon na siyang kauna-unahang medalya ng bansa sa nasabing event.

“I hope that things that are not ironed out will be ironed out. I mean, I’m still out of the team. I’m still, for some reason, out of the national team for I don’t know why,” wika ng 26-anyos na Asian at Southeast Asian Games record-holder.

Para manahimik ang mga Marites na ayaw siyang tantanan… AJ, dapat nang magpakita ng proof na ‘di siya nabuntis ni ALJUR

Posted on: August 6th, 2022 by @peoplesbalita No Comments

AYAW na ba ni KC Concepcion sa showbiz? Mas gusto na lang ba niya ang gigs niya abroad?

Hindi kasi napapanood si KC sa anumang local show kaya nagtatanong ang kanyang mga followers bakit di active ang dalaga sa local showbiz.

Isa pang tanong nila ay kung pinababayaan ba ni KC ang kanyang sarili?

Bothered ang mga fans ni KC sa nakita nilang pictures ng dalaga dahil ang tingin nila ay tumataba ito. Malayo ito sa image ni KC na payat, athletic ang dating at conscious sa kanyang health.

Sinilip namin ang IG account ni KC at parang di naman siya mukhang “mataba” sa aming palagay.

Pero obvious na ini-enjoy ng panganay nina Sharon Cuneta at Gabby Concecpcion ang kanyang trip abroad.

Sa kanyang post sa IG {@kristinaconcepcion} Occupational hazard ba ito?? In Florida to do some ‘meet & greet’ with FilmAms on this side of America. Mabuti na lang at walang humabol sa akin na stingray sa dagat na iyan at nakakanta pa ako sa private event! Hahaha stress?! “Thank you for having me up close and personal NYC and Florida! Til the next time gigs…Mahal ko kayo. (smile emoji).”

***

HOT topic para sa Raval sisters na sina Vanessa at AJ ang ‘Machete’ lead actor na si Aljur Abrenica.

Sinabi raw nitong si Vanessa na susunugin niya ang bahay ni Aljur kung totoo ngang nabuntis nito ang kapatid niyang si AJ.

Tila umiikot lang sa isyung nabuntis ni Aljur ang isa sa Raval sisters at ini-enjoy naman nung dalawa babae ang kanilang 15 minutes of fame.

Sino ba si Vanessa? Artista rin ba siya? Kasi ang kilala lang namin ay si AJ dahil nakakausap namin siya sa mga presscon ng movies niya sa Vivamax.

Laman ng internet sina Vanessa at AJ pero ang laging issue na kakabit mga pangalan nila ay ang pagbubuntis diumano ni AJ courtesy raw of Aljur.

Kahit nag-deny na si AJ tungkol sa issue ay ayaw pa rin siyang tantanan ng netizens. Siguro dapat magpa-checkup si AJ sa isang well-known hospital to debunk the claim na siya ay buntis.

Malagpasan man niya ang buntis isyu, tiyak na susunod na hirit ng mga intrigero eh pinalaglag ang bata.

Yes, that worst. Kaya para manahimik ang mga Marites dapat magpakita ng proof si AJ na hindi siya buntis.

Pero teka muna, ‘di ba dapat ang burden of proof ay nasa accuser? So ‘yung mga nagsasabi na buntis si AJ, may pruweba ba sila sa kanilang isinasatsat?

(RICKY CALDERON)

DepEd bumili ng P2.4 bilyong halaga ng ‘pricey, outdated’ laptops para sa mga guro noong 2021

Posted on: August 6th, 2022 by @peoplesbalita No Comments

BUMILI ang Department of Education (DepEd) ng P2.4 bilyong halaga ng “outdated at pricey laptops” para sa mga guro para sa implementasyon ng distance learning sa gitna ng COVID-19 pandemic.

Sa annual audit report ng Commission on Audit (COA) para sa 2021, napuna ng komisyon ang ginawang pagbili ng DepEd ng P2.4 bilyong halaga ng laptops sa pamamagitan ng Procurement Service of the Department of Budget and Management (DBM-PS) gayong mayroong mas mura at mas maayos na opsyon sa pamilihan.

“The purchase of the more expensive laptops than the ones on budget resulted in the procurement of fewer units, depriving over 28,000 teachers of the benefit,” ayon sa COA.

“Based on the initial feedbacks we gathered from the auditors in the NCR and Cordillera Administrative Region (CAR), they stated that the delivered laptop computers by the winning bidder are too slow because the processor is …. outdated; and the price is too high based on the specifications as attached to the DepEd Memorandum,” ayon pa rin sa COA.

Sinabi ng state auditors na nakipag-ayos at pumayag ang DepEd sa presyo at technical specification na ibinigay ng DBM-PS.

“Per available documents, the Audit Team could not ascertain the DBM-PS’ basis for adopting the unit price of P58,300. Apparently, the supposed number of laptops to be procured of 68,500 units was significantly reduced to 39,583 units which was mainly due to the huge increase of estimated cost P35,046 to P58,300 anchored on the DBM-PS’ recommendation, which was duly accepted by the DepEd,” ang pahayag ng COA.

“The price per unit is pricey for an entry-level type of laptop which resulted in significant decrease in the number of units provided to intended users. The huge difference of P23,253 per unit price resulted in a significant decrease by 28,917 laptop computers. Consequently, an estimated 28,917 teachers were deprived of the possible benefits from the supposed provision of these laptops,” anito pa rin. (Daris Jose)

Inflation rate umariba sa 6.4% nitong Hulyo

Posted on: August 6th, 2022 by @peoplesbalita No Comments

NANANATILING mabilis ang pagtaas ng presyo ng mga bilihin nitong nakaraang buwan, ito kasabay ng pagtaas ng self-rated poverty ng mga Pilipino sa survey ng Social Weather Stations (SWS).

“The Philippine’s annual headline inflation continued its uptrend as it moved up further to 6.4 percent in July 2022, from 6.1 percent in June 2022,” ayon sa Philippine Statistics Authority (PSA), Biyernes.

“This is the highest recorded inflation since October 2018.”

Mas mataas ito kumpara sa 6.1% inflation rate nitong Hunyo, bagay na una nang kwinestyon ni Pangulong Ferdinand Marcos Jr.

Dahil dito, aabot na sa 4.7% ang average inflation mula Enero hanggang Hulyo ng taong kasalukuyan.

Ang pangunahing dahilan ng pagtaas na ito ay ang annual higher growth rate sa index ng food and non-alcoholic beverages sa 6.9%, mula 6.0% noong nakaraang buwan.

Sumunod diyan ang transport index sa 18.1% annual growth, mas mataas kumpara sa 16.1% nitong Hunyo.

Nangyayari ang lahat ng ito kasabay ng 48% self-rated poverty sa mga pamilyang Pilipino sa nakaraang SWS survey nitong Hunyo.

“At the national level, food inflation increased further to 7.1 percent in July 2022, from 6.4 percent in June 2022. Food inflation was lower in July 2021 at 4.2 percent,” sabi pa ng PSA. Matatandaang sinabi ni Marcos Jr. sa kanyang nakaraang State of the Nation Address na layon niyang pababain ang poverty rate sa single-digit o 9%.

Mayo lang nang tumalon sa 6% (katumbas ng 2.9 milyong katao) ang unemployment rate sa Pilipinas. (Daris Jose)

PBBM, personal na nakiramay sa pamilyang naulila ni dating Pangulong FVR

Posted on: August 6th, 2022 by @peoplesbalita No Comments

PERSONAL na nagpaabot ng pakikiramay si Pangulong Ferdinand Marcos Jr. sa pamilyang naulila ni dating Pangulong Fidel V. Ramos nang bisitahin ng una ang mga labi ng huli sa burol sa Heritage Park sa Taguig City.

Dumating si Pangulong Marcos sa lamay ng pasado alas- 10:20 ng umaga, araw ng Huwebes, Agosto 4, 2022.

Hulyo 31 naman nang mapaulat na namayapa na ang dating Pangulong Ramos sa edad na 94.

Base sa ulat, sumakabilang-buhay si Ramos habang naka-confine sa Makati Medical Center dahil umano sa kumplikasyon dulot ng COVID-19.

Sa kabilang dako, kinumpirma naman ng PTV sa pamamagitan ng social media na namaalam na nga ika-12 presidente ng Pilipinas pati na rin ng ilang government officials na nakiramay sa mga naulila ni Ramos.

Nagsilbing Pangulo ng bansa si FVR mula 1992 hanggang 1998. Pero bago naging politiko at public servant nagsilbi muna siya bilang sundalo hanggang sa hiranging deputy chief staff ng Armed Forces noong 1981.

Nagtapos din ang dating pangulo sa U.S. Military Academy sa West Point, N.Y., at sa University of Illinois sa Amerika. Kasunod nito pumasok din siya sa Philippine Army, at nagsilbi bilang sundalo sa Korea at Vietnam.

Noong 1972 in-appoint siya ni President Ferdinand Marcos Sr. bilang hepe ng Philippine Constabulary at noong nagkaroon ng martial law, isa si Ramos sa mga nagpatupad nito.

Bago siya hirangin bilang pangulo ng Pilipinas, nagsilbi muna siya bilang miyembro ng gabinete ng dating Pangulong Cory Aquino.

Una bilang chief-of-staff ng Armed Forces of the Philippines (AFP) at Secretary of National Defense mula 1986 hanggang 1991.

Kung matatandaan, nakumpleto pa ni FVR ang kanyang first at second dose ng anti-COVID-19 vaccine noong nakaraang taon sa Del La Salle Santiago Zobel campus sa Muntinlupa City.

Samantala, kabilang naman sa mga nagpunta sa lamay ni FVR sina Executive Secretary Atty. Victor Rodriguez, Energy Secretary Rafael Lotilla, Labor Secretary Bienvenido Laguesma, Speaker Martin Romualdez, Special Assistant to the President Antonio Lagdameo Jr., Senator Francis Tolentino, Senator Ramon Revilla Jr. at may-bahay na si Cavite Rep. Lani Mercado, dating Senate President Vicente Sotto III, at dating Vice President Leni Robredo. (Daris Jose)

Mula sa luggage hanggang restrooms: DOTr chief Bautista, isiniwalat ang mga problema sa NAIA

Posted on: August 6th, 2022 by @peoplesbalita No Comments

TINAPIK at binigyan ng listahan ni Transportation Secretary Jaime Bautista ang Manila International Airport Authority (MIAA) hinggil sa masasabing overall passenger experience sa Ninoy Aquino International Airport (NAIA).

Isa na ayon kay Bautista ang “delayed release” ng mga luggages.

Tinukoy nito ang nangyaring insidente sa Terminal 2 kamakailan matapos makatanggap ng text messages na inirereklamo ang terminal dahil overcrowded na sa mga byahero na naghihintay ng kanilang mga bagahe sa conveyor belt.

“Pumunta ako sa arrival and I saw many people complaining kasi medyo mabagal iyong paglabas ng bagahe kasi nagkasabay-sabay iyong flights… Sabi ko sa service providers kahit hindi n’yo trabaho iyon, tumulong na kayo sa baggage handling para bumilis ang paglabas ng bagahe,” anito

Kaagad namang humingi ng paumanhin ang Philippine Airlines sa usaping ito.

Samantala, sa kabila ng malinis ang mga comfort rooms ng airports, binigyang diin ni Bautista na kulang naman sa amenities ito.

Patunay dito ay nang bisitahin ni Bautista ang Terminal 2, ang Pasay at Parañaque City, ay nakaranas ng 24-hour water service interruption dahil sa emergency leak repair sa Roxas Boulevard at Opena Street sa Pasay.

May isang video ng berdeng tubig na lumalabas sa gripo ng NAIA T2 ang nag-viral sa Twitter.

“During that time walang tubig ang buong Pasay City so ang ginagawa ng NAIA, nag-iigib sila,”ayon kay Bautista.

Dahil dito, isasailalim ang NAIA sa assessment ng transport security ngayong buwan.

“I talked to the passengers. Talagang they don’t want the screening procedures being implemented at the airport but because it is in compliance with the requirements of TSA in the US, iyong screening doble-doble talaga. Sabi ko sa security ng airport, let’s do something about it.” aniya pa rin.

Bukod sa mga nasabing concerns, inilatag rin ni Bautista ang “inadequate lighting, unreliable free internet connection, and tight space for flights and passengers.” (Daris Jose)

Joker 2 Teaser Trailer Reveals Lady Gaga’s Harley Quinn Dances With Joaquin Phoenix

Posted on: August 6th, 2022 by @peoplesbalita No Comments

THE first Joker 2 teaser trailer reveals Lady Gaga’s Harley Quinn dancing with Joaquin Phoenix’s Joker and teases the film’s musical element.

Lady Gaga shares a quick tease of Joker 2 – officially titled Joker: Folie à Deux – that hints at her Harley Quinn look opposite Joaquin Phoenix’s Joker. Warner Bros. made the bold move a few years ago to push its DC content in a different direction and make a solo Joker movie.

Directed by Todd Phillips and starring Phoenix as Arthur Fleck, Joker became a massive hit – grossing over $1 billion worldwide and earning a Best Picture nomination. Unsurprisingly, Warner Bros. did not wait long to begin developing Joker 2, which was always meant to see Phoenix return as the Clown Prince of Crime.

The development of Joker 2 took some major steps forward earlier this year. Phillips revealed the movie’s title Joker: Folie à Deux in a picture of Phoenix reading the script, which sparked speculation that a second Joker or Harley Quinn could be involved. The latter was then confirmed when it was reported that Lady Gaga joined Joker 2 to play Harley Quinn. Her addition came with news that the sequel would have musical elements to it.

Now, Lady Gaga has shared a quick Joker 2 teaser trailer that includes Harley Quinn and Joker dancing together. Joaquin Phoenix and Lady Gaga’s notoriety helps headline the teaser, as the red background is met with black silhouettes of Joker and Harley Quinn. They are featured individually and then dance together. The Joker 2 teaser trailer provides the first glimpse at what Lady Gaga’s Harley Quinn will look like.

This announcement video marks the official confirmation that Lady Gaga is playing Harley Quinn in Joker 2. It also comes on the heels of Warner Bros. announcing that Joker 2 will release in 2024, almost five years from the date when the first movie arrived. The sequel is expected to begin filming this December, meaning it still be a while before audiences get to see Phoenix’s Joker and Gaga’s Harley Quinn together on screen. This new Joker 2 teaser at least provides audiences with a quick tease of what is to come in the highly-anticipated DC project.

There will hopefully be many more glimpses of Joker 2 to come on social media. Phillips and Phoenix used social media repeatedly to share the first glimpses of the original movie. This included the still memorable first look at Phoenix’s Joker makeup.

Now that Joker 2’s online marketing has already started thanks to this video, there is hope that an official look at Lady Gaga’s Harley Quinn will come later this year. For now, the Joker: Folie à Deux teaser trailer gives everyone a hint of what the fan-favorite DC anti-hero could look like. (source: screenrant.com)

(ROHN ROMULO)

P154 B railway project bukas sa PPP

Posted on: August 6th, 2022 by @peoplesbalita No Comments

MULING naging interesado ang mga pribadong sektor na mag-invest sa dalawang proyekto sa railways na nagkakahalaga ng P154 billion sa ilalim ng public-private partnership (PPP).

“The policy shift to PPP could pave the way for private proponents of the East-West rail project and the Metro Rail Transit Line 11 (MRT-11) project to pursue their plans,” wika ni Department of Transportation (DOTr) undersecretary Cesar Chavez.

Ayon kay Chavez wala pa naman approval ang National Economic and Development Authority (NEDA) para sa nasabing 2 proyekto sa rail.

“These projects are unsolicited proposals so we have two PPPs already. Of course, we have so many in the pipeline,” dagdag ni Chavez

Ang proyekto sa East-West railway ay nagkakahalaga ng P72.08 billion kung saan kasama dito ang financing, design, construction, operation at maintenance ng elevated railway na may habang 9.4 kilometro.

Ito ay magdudugtong sa Diliman, Quezon City papuntang Lerma sa Manila at magsisibling interconnecting facilities sa iba pang railways tulad ng MRT 3, LRT 2 at LRT1.

Ang proponents sa nasabing proyekto ay ang East-West Rail Corp at AlloyMTD na siya naman ipatutupad ng Philippine National Railways (PNR).

Habang ang MRT-11 ay nagkakahalaga naman ng P81.79 billion kung saan gagawin ang 18 kilometrong railway mula sa Balintawak, Quezon City hanggang San Jose del Monte sa Bulacan.

Ayon sa proposal, ang nasabing railway ay magkakaron ng passenger transfer facility malapit sa estasyon ng Balintawak ng LRT Line 1.

Ang proponents naman ng nasabing railway project ay ang Aerorail Integrated Transport Services Inc. at ang supervision ay sa ilalim ng Department of Transportation (DOTr).

Nakikitang ang railway project na ito ay makakatulong upang gumanda ang transport system sa northern Metro Manila tulad ng lugar sa Quezon City, Caloocan at Bulacan.

“The Marcos administration prefers that its infrastructure projects be funded by PPP to reduce borrowings in a bid to cut national debt,” saad ni Chavez. LASACMAR