Inaasahan na magbibigay at magsusulong ng pag-unlad sa ekonomiya ng Central Luzon ang North-South Commuter Rail Project kapag natapos na ang pagtatayo nito.

Makapagbibigay din ang NSCR hindi lamang para sa pag-unlad ng ekonomiya sa Central Luzon kung hindi marami rin ang trabaho na malilikha ito.

“A transport infrastructure project like the NSCR will spur economic growth in Central Luzon, particularly the provinces of Bulacan ang Pampanga,” wika ni Department of Transportation Secretary Arthur Tugade.

Ang NSCR project ay isa sa pinakamalaking proyekto na ginagawa sa ilalim ng programang Build Build Build ng pamahalaan na nagkakahalaga ng P777.55 billion.

“Over 25,000 direct job opportunities will also be generated during its construction, while 10,000 jobs are expected to provide employment to the people,” dagdag ni Tugade.

Tinatayang matatapos ang Manila-Clark portion ng NSCR at magiging fully operational sa taong 2024 habang ang Solis-Calamba segment na siyang huling bahagi ay matatapos sa darating na 2028.

Ang bahagi ng NSCR’s Manila-Clark o ang tinatawag na northern segment ay binubuo ng Philippine National Railways (PNR)- Clark Phase 1 at 2 projects o ang Tutuban-Malolos at Malolos-Clark segments.

Sa kasalukuyan, ang PNR Clark Phase 1 ay 48 percent ng kumpleto habang ang Phase 2 naman ay may 32 percent ng kumpleto noong July 2021.

Ang 38-kilometer PNR Clark Phase 1 ay magkakaron ng operasyon mula sa Manila papuntang Malolos sa Bulacan. Ito ang unang bahagi ng North-South Commuter Railway (NSCR).

Binigyan ng pondo ang NSCR project mula sa Japan International Cooperation Agency (JICA) at Asian Development Bank (ADB).

Inaasahang mababawasan ang travel time sa pagitan ng Tutuban sa Manila at Bulacan mula isang oras at 30 minuto ng 35 minuto na lamang. Tataas naman ang railway capacity sa 330,000 passengers kada araw.

Samantala, ang PNR Clark Phase 2 na mula sa Malolos hanggang Clark sa Pampanga ay may habang 53-kilometer.

Ang buong 147-kilometer na NSCR ay magkakaron ng 35 estasyon na mag-ooperate ng 464 na train cars na may 58 eight-car train sets configuration.

“Once completed, travel time between Bulacan and Pampanga will be reduced from the current one hour and 30 minutes to just 35 minutes. It can accommodate 150,000 passengers daily as the country’s first airport express service,” saad ni Tugade.

Travel time mula sa Manila papuntang Clark ay magiging 55 na minuto na lamang kumpara sa 2 oras ng paglalakbay sakay ng sasakyan.

Ang huling bahagi ng NSCR ay ang PNR Calamba na may 56-kilometer na haba mula Solis sa Manila papuntang Calamba, Laguna na magkakaron ng travel time na isang oras na lamang mula sa dating tatlong oras na paglalakbay. LASACMAR

INAPRUBAHAN ni Pangulong Rodrigo Roa Duterte ang batas na magtatakda ng karagdagang buwis sa Philippine Offshore Gaming Operations (POGOs).

“Pinirmahan kahapon, September 22, 2021, ang Republic Act No. 11590 or an Act taxing Philippine Offshore Gaming Operations,” ayon kay Presidential spokesperson Harry Roque.

“Bahagi ito sa ating mahigpit na pagri-regulate ng lahat ng klase ng gambling at pagbabawal ng ilegal na sugal,” dagdag na pahayag nito.

Tinatayang 60% ng buwis na nakokokolekta mula sa offshore gambling ay gagamitin para sa universal health care program, habang ng 20% naman ay mapupunta sa pagpapahusay sa medical facilities at ang natitira namang 20% ay para sa “sustainable development goals.”

Nito lamang Hunyo ay sinertipikahan bilang urgent bill ni Pangulong Duterte ang tax regime na saklaw ang lahat ng Philippine offshore gaming operators (Pogos).

“We hope that through this measure we would not only generate the much-needed revenues in the country but also place the industry under stricter government oversight,” ani Sec. Roque. (Bishop Jesus “Jemba” M. Basco)

INANUNSYO ng Malakanyang ang maagang suspensyon ng trabaho sa mga tanggapan ng pamahalaan sa darating na Setyembre 27 para mabigyan ng pagkakataon ang mga manggagawa na makasama ang kanilang pamilya at makapagdiwang ng “Kainang Pamilya Mahalaga Day”.

Sa Memorandum Circular (MC) No. 90, na nilagdaan ni Executive Secretary Salvador Medialdea, araw ng Martes, nakasaad dito na ang trabaho sa mga government offices sa executive branch ay isususpinde ng mula 3:30 ng hapon sa Setyembre 27, na mas maaga ng 90 minuto kumpara sa normal work day.

“However, agencies whose functions involve the delivery of basic health services, preparedness/response to disasters and calamities, and/or the performance of other vital services shall continue with their operations and render the necessary services, ” ang nakasaad sa MC.

Samantala, hinikayat naman ng Malakanyang ang lahat ng government workers sa executive branch sa suportahan ang Family Week Celebration na inihanda ng National Committee on the Filipino Family.

Tinawagan din nito ang iba pang sangay ng pamahalaan, independent commissions o bodies, at private sector na makiisa at payagan ang mga pamilyang filipino na magdiwang ng ika- 29 na National Family Week.

Ang direktibang itong Malakanyang ay alinsunod sa Proclamation No. 60 of 1992, na idineklarang ang huling linggo ng Setyembre ng bawat taon ay Family Week.