BRAVEST MEN, HANAP NG VALENZUELA LGU

NANANAWAGAN ang Pamahalaang Lokal ng Valenzuela sa pamumuno ni Mayor Rex Gatchalian sa mga matitikas at pinakamatatapang na lalaki sa lungsod na makilahok sa laban kontra COVID-19 bilang rescue personnel.

“Calling Valenzuela City’s bravest men! Join the COVID-19 battle as part of the City’s Rescue Team!” ani Mayor Rex.

Dapat aniya residente ng lungsod ang magiging aplikante, hindi lalagpas sa 35-ayos, hindi bababa sa 5’6” ang taas, physically fit at may katamtamang pangangatawan at, nakapag-aral ng kolehiyo/vocational course.

Kailangan din sa mga nagnanais na maging rescue personnel ang Land Transportation Office (LTO) professional driver’s license na may restriction code na hindi kukulangin sa 1 at 2, payag na sumailalim sa pagsasanay bilang rescue personnel, pasado sa driving at rescue skills test at payag magtrabaho sa paiba-iba o mas mahabang oras.

Ayon pa sa alkalde, ang mga interesadong aplikante ay hinihikayat na magpadala ng kanilang mga resume sa cityofvalenzuela.recruitment@gmail.com. (Richard Mesa)