PARA kay Chief Presidential Legal Counsel Salvador Panelo, “overreacting” ang ilang senador sa pagkadismaya ni Pangulong Rodrigo Roa Duterte sa nagpapatuloy na imbestigasyon ng Senate Blue Ribbon Committee hinggil sa pagbili ng medical supplies sa gitna ng coronavirus disease 2019 (Covid-19) pandemic.
Sa kanyang commentary show na Counterpoint, nilinaw ni Panelo na hindi kailanman binantaan ng Pangulo ang mga miyembro ng Senate Blue Ribbon Committee na kabilang sa “gumigisa” sa mga opisyal ng pamahalaan hinggil sa di umano’y iregularidad sa pagbili ng Covid-19 emergency supplies.
“Nag-react na naman yung mga senador. Sabi nila, hindi raw sila natatakot sa pagbabanta ni Presidente. Teka muna, wala namang binabanta si Presidente. Kayo naman oh, bakit ba kayo overreacting,” ayon kay Panelo.
Ang pahayag na ito ni Panelo ay matapos na ipag-utos ni Pangulong Duterte sa kanyang mga Cabinet secretaries na kumuha muna sa kanya ng permiso bago dumalo sa Senate hearings.
Ang direktiba naman ng Pangulo ay makaraang magpahayag ito ng pagkadismaya sa pagsasagawa ng napakahabang pagding na ayon sa Chief Executive ay pagsasayang lamang ng oras ng mga government officials dahil sa naka-upo lamang ang mga ito ng ilang oras habang nakikinig sa daldalan ng mga senador na nais ang public exposure dahil sa nalalapit na halalan sa bansa.
Ang Pangulo, ayon kay Panelo ay nagbigay lamang ng bagong direktiba nito dahil hindi makapag-concentrate ang mga cabinet members sa kanilang ginagawa na labanan ang Covid-19 dahil kailangan nilang harapin ang mga senador.
“Ang sinabi lang naman ni Presidente, kasi nga napapansin niya, sinu-subpoena niyo ‘yung mga Cabinet member pagkatapos naka-tengga sila doon, mga pitong oras silang naka-standby doon, hindi rin sila nakakapagtrabaho, naghihintay kasi nga hindi pa sila natatawag ,” ayon kay Panelo.
Aniya pa, hindi naman pinipigilan ng Pangulo ang mga senador na magsagawa ng imbestigasyon sa paggamit ng pamahalaan sa public funds.
Nananatili rin aniya na “independent” at maipagpapatuloy ng mga senador ang kanilang mandato.
“Wala namang nagpipigil sa inyo,” ayon kay Panelo sabay sabing “Sabi nila, ‘Kami, nananatiling malaya, independent. Wala naman siyang sinasabing hindi kayo independent. Kayo naman oh. ‘Itutuloy namin ang aming mandato.’ Wala namang nagsabing ihinto ninyo ang mandato niyo .”
Nauna rito, tinawaga naman ni Senador Richard Gordon, chairman ng Senate Blue Ribbon Committee, si Pangulong Duterte na isang “cheap” politician.
Nakakuha naman ng suporta si Gordon mula sa Senate minority bloc, kabilang na si Senate Minority Leader Franklin Drilon, para sa “courage” o tapang nito na magasagawa ng Senate hearings. (Daris Jose)
NETFLIX has released the chilling trailer and poster for Fever Dream (Distancia de Rescate), the upcoming horror film inspired by the novel of the same name by Argentinian author Samanta Schweblin. 
WALANG pruweba na mag-uugnay kay Pangulong Rodrigo Roa Duterte sa vigilante killings sa kanyang bayan sa pangunguna ng Davao Death Squad (DDS).
MAGBIBIGAY ng karagdagang insentibo ang Pamahalaang Lungsod ng Navotas sa mga epleyado city hall na patuloy ginagampanan ang kanilang tungkulin sa panahon ng COVID-19 pandemic.
KAHIT puyat, makikita pa rin ang excitement sa mga mata ni Polo Ravales ang pagiging isang ama sa kanyang baby boy na si Yatrick Paul Quiza Gruenberg. 
Nadagdagan ng 19,271 ang bilang ng COVID-19 infections sa Pilipinas, dahilan para umakyat din ang active cases sa 178,196.
INAASAHAN na magsasalita si Pangulong Rodrigo Roa Duterte sa United Nations (UN) at isulong ang posisyon ng bansa sa mga usapin na may kinalaman sa pagtugon ng gobyerno ng Pilipinas sa coronavirus (COVID-19) at human rights.
Pinababa sa eroplano sa US ang British boxer na si Amir Khan.
SINABI ng Malakanyang na hindi pa nito alam kung may timeline ang pagpapaluwag ng quarantine restrictions sa Kalakhang Maynila.
Matapos inalat sa mga unang magkakasunod na racks, hindi pa rin sumuko ang Pinoy billiard player na si Carlo Biado para magkampeyon sa 2021 US Open Pool Championships.