DETERMINADONG sumikat si Rhen Escano kaya naman bawat opportunity na dumarating sa kanya bilang artista ay gina-grab niya.

Pero aminado naman si Rhen na kung minsan ay nakararamdam din siya ng anxiety sa kanyang career.

Pero ito raw ang ginagamit niya na motivation to go on with her career.

“Ginagawa ko ang lahat kasi gusto kong maging successful bilang artista. Gusto kong sumikat kaya willing ako pagdaanan kahit na anong challenges, matupad ko lang ang dream ko,” sabi ni Rhen.

Si Rhen ang bida sa bagong Viva movie ni Direk Yam Laranas titled Paraluman. Katambal niya rito ang 90s idol na si Jao Mapa.

May-December affair ang kwento ng Paraluman at bumagay naman daw sina Rhen at Jao sa kanilang respective roles, ayon sa kanilang director.

***

BALIK-SHOWBIZ si Jolo Estrada, ang ikalawa sa apat na mga anak nina Jinggoy Estrada at Precy Ejercito.

Kasali siya sa cast ng Moonlight Butterfly ng 3:16 Media Network where he plays the brother of Christine Bermas who is being launched as a star sa pelikulang ididirek ni Joel Lamangan.

Si Jolo ay lumabas sa Ang Tatay Kong Sexy kung saan bida ang kanyang ama.

Mina-manage siya ni Leo Dominguez at umaasa ang binata na malaki ang maitutulong sa kanya ng kanyang manager to be successful sa showbiz.

Naniniwala si Leo sa potential ni Jolo as a leading kaya hindi siya tumigil until napapayag niya na muli itong mag-artista.

Inalok ng role si Jolo ng role ng 3:16 Media Network. Maging ang bagong production film ay naging interesado sa binata.

Pumasa rin siya sa taste ni Direk Joel kaya pasok siya sa pelikula na ang script ay isinulat ni Eric Ramos.

***

KASAMA sa listahan ng most popular books sa isang sikat na bookstore ang life story ni Manila Mayor Isko Moreno.

Ngayon lang namin nalaman na documented na pala via a book ang buhay ni Yorme.

Ang akala namin ay ‘yung pelikula lang ang documentation ng buhay ng dating That’s Entertainment mainstay na ngayon ay isa sa most admired mayors sa bansa.

Bagamat natapos na ang shoot ng pelikula sa buhay ni Yorme, wala pa itong playdate.

Mukhang hinihintay ng mga producers na magbukas muna ang sinehan kaya for now ay on hold ang release ng life story ni Mayor Isko.

Siyempre mas maganda kung mas marami ang makakapanood ng movie that stars McCoy de Leon as the Isko Moreno at si Xian Lim bilang Yorme, the politician.

Marami ang nag-aabang sa magiging announcement ni Mayor Isko regarding his political plans for next year. May grupo na kasi na kumakausap sa kanya na tumakbo siyang president.

(RICKY CALDERON)

LEGAL na ang pagsasama ng mga Kapuso stars na sina Mark Herras at Nicole Donesa ang kanilang pagsasama.

Nagpakasal na nga ang dalawa noong September 8 sa Quezon City Hall.

Kasabay ng pag-announce nila sa kanilang mga social media accounts ay ang pag-upload ng kanilang civil wedding video sa kanilang YouTube vlog.

Si Quezon City Mayor Joy Belmonte ang nag-officiate ng wedding nila at ayon kay Nicole, biglaan at mabilis lang daw nangyari ang lahat. Kaya ramdam nila na gusto raw talaga ni Mama Mary na makasal na sila.

Dahil na rin sa pandemic kaya civil wedding muna at halos lima lang daw silang present, kabilang na rito ang tumayong witness at principal sponsors nila.  Tuloy pa rin daw ang plano nilang church wedding at mas malaki.

Nagkataon din na nasa States ang mga magulang ni Nicole kaya siyempre, gusto rin nila na present ang mga ito during their church wedding.

Si Nicole naman, ang caption niya, “We tied the knot on Mama Mary’s birthday.”

American citizen si Nicole, kaya kung sakali at maisipan nilang manirahan sa America, pwedeng-pwede.

***

BUKOD sa mini-series na ginawa ni Andrea Torres kunsaan, kapareha niya si Kylie Padilla, ang BetCin na ipalalabas sa WeTV at iFlix, excited na raw ito dahil may bago siyang project na gagawin sa GMA-7.

Kasalukuyan pa rin umeere ang primetime series niya sa GMA-7 na Legal Wives at kahit excited na sa bagong project, hindi pa rin daw niya ito mairi-reveal.

     “Ako kasi, hangga’t hindi pa talaga nag-start, ayoko munang magsalita. Pero sobra kong excited kasi, first time ko lang siya magagawa.    “Sabi ko nga, itong year na ‘to, sobrang daming breakthrough na nangyari, ‘Yung BetCin, Legal Wives and then itong new project na gagawin ko.”

Hindi naman masagot ni Andrea kung totoo nga bang shelved o hindi na matutuloy ang sitcom na pagsasamahan daw nila ni John Lloyd Cruz.

      “Wala talaga ‘kong alam, e, kasi, wala naman din kumakausap sa akin.  So, hindi ko alam kung ano na ‘yung nangyari.”

Hindi rin naman daw siya nakaramdam ng lungkot or anything kung hindi man ito matutuloy dahil katwiran niya, kahit noong nababalita at marami na ang nagtatanong sa kanya, hangga’t walang formality na kinausap na siya, hindi raw niya ito inisip na kanya o nag-claim na siya.

     “Pero siyempre, natuwa naman po ako noong ayoko ‘yung parang kinokonsider na makakapareha niya. Kasi ever since naman, sinasabi ko talaga na isa si John Lloyd Cruz sa dream ko na maka-trabaho.”

(ROSE GARCIA)

NAKA-ATTEND si Alden Richards ng FinancePH Seminar online, kahit naka-quarantine siya in preparation sa pagbalik nila sa lock-in taping ng GMA Primetime series nilang The World Between Us.

Pinost ng ama niyang si Daddy Bae ang Certificate of Completion sa kanyang Instagram, na: “This acknowledges that RICHARD JR. FAULKERSON has attended on September 10, 2021 the seminar:  Financial Accounting 101 for Entrepreneurs and Professionals.  Student Grade – With Distinction  Duration: 4 hrs  Facilitator: Ma. Nonabelle Villahermosa.”

Isa nga ito sa mga binabanggit ni Alden sa kanyang mga interviews na gusto niyang mag-aral pa ng tungkol sa financing, since into business siya dahil nga sa pag-aari niya ang ilang Concha’s Restaurant in Tagaytay at ang kanyang fast food na McDonald’s in Binan, Laguna.

Kung mas may time pa raw siya ay itutuloy niya ang studies niya para makatapos siya ng college.

***

“BACK to regular programming” ang caption ni LJ Reyes sa kanyang Instagram post ngayong medyo nakakabangon na siya sa paghihiwalay nila ni Paolo Contis.

Ilang araw pa lamang silang nakarating sa New York ng mga anak na sina Aki at Summer, nagulat ang mga fans nang lumabas na siya at nag-attend ng New York Fashion Week at hindi rin sinayang ni LJ na mag-post ng mga glamour shots niya sa IG account niya.

Kaya naman natuwa ang mga fans at supporters ni LJ at tuluy-tuloy ang pagpuri nila sa Kapuso actress.  Pinost din ni LJ ang pagsisimula niya ng workout session sa kanyang fitness coach via zoom, na sa isang part ng session kasama pa niya ang two-year old daughter nila ni Paolo na si Summer.

Sa ngayon,wala pang balak si LJ na bumalik muli sa bansa at kinu-consider niyang ituloy sa New York ang itinayo niyang business na hygiene essential products, kaya nag-post din siya kung may mga Pinoy doon na interesado sa business niya at maganda daw naman ang feedback niyang natatanggap.

May option din si LJ na mag-migrate na lamang sa USA dahil naroon naman ang kanyang family.  Kaya raw niyang isakripisyo ang kanyang career kung kinakailangan para sa dalawa niyang anak.

***

WITH this development, on Paolo Contis side, ayaw na niyang magbigay pa ng ibang comment tungkol sa paghihiwalay nila ni LJ, dahil nasabi na raw niya ang side niya.

Sa ngayon ay muli na silang bumalik sa huling lock-in taping ng cast ng I Left My Heart In Sorsogon with Heart Evangelista at new Kapuso actor Richard Yap with the new Kapuso love team nina Kyline Alcantara at Mavy Legaspi. 

Bago bumalik sa lock-in taping, nagpaka-busy rin si Paolo sa paggi-guest sa shows tulad ng Dear Uge at sa pagti-taping nila ng Bubble Gang.

Miss na miss na raw ni Paolo ang two-year old daughter nila ni LJ na si Summer, kaya gusto na niyang makipag-ayos kay LJ dahil gusto niyang madalaw si Summer sa New York this coming Christmas.

Kaya i-wish natin si Paulo na maging maayos ang pag-uusap nila ni LJ para maging masaya naman si Summer sa Pasko.

(NORA V. CALDERON)

PATOK na patok sa netizens ang latest vlog ni Bea Alonzo na pinost niya sa last Saturday na kung saan nakasama niya uli ang kanyang honey pie na si Dominic Roque.

Caption ni Bea, HELLO SATURDAY!

“I’m dropping another vlog tonight, with my boo! We played the “NOT MY HANDS CHALLENGE”. Abangan nyo na lang kung nauwi sa away.”

#BeaAlonzo #ByBea #LifeIsBEAutiful #DominicRoque

Kilig-to-the-max talaga ang naramdaman ng mga viewers lalo na yun avid fans ng #BeaDom na nagpakumpleto sa kanilang Sabado at nabitin sa almost 18 minutes na vlog.

Last time we check ng Sunday night, naka-820K plus na ang views nito at may 53K plus na likes, meron din naman 600 plus na nag-dislikes sa ginawang challenge nina Bea at Dom.

Ilan nga sa naging comments sa youtube channel ni Bea na umabot ng higit sa 5K:

“Grabe. Ang sarap niyo panoorin. Navi-vision ko ito na makakatuluyan ni Bea. Madam Rudy is that you? Char!”

“Yung ending talaga eh “Life is beautiful” in Dominic Roque’s voice!!! kilig!!”

“Di ko ma-explain pero kinilig tlaga ako sa last ng sinabi ni Dom na “Life is Beautiful!”

“It was fun watching them two. It takes two to tango talaga. Life becomes more beautiful Dom when shared with people u loved tlga. Great show and I was entertained. Stay safe and healthy.”

“Dom is so funny! He seems to be such a perfect boyfriend. Kakainggit!”

“Dom is so thoughtful..really cares for Bea. He said to Bea “Hon tindig kana, nanginginig ng tuhod mo.”

“Kinilig ako dun sa “patay ka sakin mamaya”. Hayop! Umaapaw sa happiness at kilig itong vlog na to.”

“You’re destined for each other. Aside from you look good together, you really look like each other. Sabi nila, kapag magkamukha daw and couple, ibig sabihin destined sila to be together.”

“Dominic is so careful in everything he does…. while Bea is making fun of what she does….hmmm.”

“Grabeeee. Kilig to the max. I can say that Ms. Bea is at her happiest state . Really happy for the both of you.”

“More videos together please? Nakikita sa mga mata nila na genuine talaga yung happiness nila. I’m so happy for the both of you. Proud fan here.”

“Not a fan of Dom pero dito parang magiging superfan mo na ko Dom haha Ang simple at natural ng kagwapuhan, it matches Bea’s natural beauty…kilig much here …

Bea is playful but this blog is fully overloaded with good vibes and genuine kilig. No awkward moment just pure love. Stay in love, lovebirds, keep up the kilig moments. Looking forward to more videos of you two soon.”

“When Dom said “Life is Beautiful while looking and put some berries on Bea’s mouth..Kinilig ako sobra for Bea.”

“TALAGANG “IN GOD’S PERFECT TIME” talaga!

See kung maghihintay lang talaga tayo darating ang tamang tao sa tamang panahon di ba.”

***

MULING sasabak ang award-winning thriller at horror film director na si Yam Laranas sa paggawa ng romance movie.

Mas kilala si Direk Yam sa kanyang mga award-winning thrillers at horror films gaya ng Sigaw, Aurora at ang latest na Death of a Girlfriend.

Ang huling nagawang romance movie ni Direk Yam ay ang 2002 blockbuster hit na Ikaw Lamang Hanggang Ngayon na pinagbidahan ni Regine Velasquez at Richard Gomez.

Ang Paraluman naman ay maituturing na sexy love story ay pinagbibidahan ng isa sa mga most promising stars ng VIVA, si Rhen Escaño, na hinangaan at nag-iwan ng marka sa kanyang pagganap sa pelikulang Adan, The Other Wife at Untrue.

Makatatambal ni Rhen ang nagbabalik-pelikula na 90s heartthrob at premyadong aktor na si Jao Mapa, na gaganap para sa role nila Mia at Peter.

Sa movie, si Peter (Jao) ay kalive-in ng barangay worker na si Giselle (Gwen Garci). Makikilala nila si Mia (Rhen) ang nakababatang kapatid ng kanilang kaibigan na galing sa probinsya.

‘Di magtatagal ay mahuhulog ang loob ni Mia kay Peter na ‘di hamak na napakalaki ng tanda sa kanya, at nakatakda na rin silang ikasal ni Giselle. Kailangang mamili ni Peter kung sino ang mananaig sa kanyang puso.

Si Mia ba na halos dalawampung taon ang tanda niya at kadarating lang sa buhay niya, o si Giselle na matagal na niyang kasama at walang ibang gusto kung hindi makasama siya habang buhay?

Ayon sa naging pahayag ni Direk Yam, “This is not your usual romance. There is something deeper.”

At ang malaking age gap nina Mia at Peter na may karelasyon na, ay mas nakadadagdag ng kakaibang thrill at talagang nakaka-excite.

Ito nga ang unang beses na magkakapareha sa pelikula sina Rhen at Jao, kaya naman kaabang-abang ang kanilang on screen chemistry at ang magiging journey ng character nila bilang Mia at Peter.

Maraming bago at exciting na aabangan sa Paraluman, na mapapanood na sa September 24, streaming online at VIVAMAX.

(ROHN ROMULO)