Ang Diyaryong Pinagkakatiwalaan
Nagwagi ng gold medal sa Philippine pole vaulter Ernest John Obiena sa Folksam Athletics Grand Prix na ginanap sa Gothenburg, Sweden.
Naging malinis ang performance nito sa 5.70 meters sa unang attempt nito.
Tinalo nito si defending Brazilian Olympic gold medalist Thiago Braz.
Mayroon pang dalawang torneo na sasalihan ang 25-anyos Southeast Asian Games gold medalist bago ang pagsabak nito sa Tokyo Olympics.
INAPRUBAHAN ng Inter-Agency Task Force (IATF), araw ng Huwebes, Hunyo 3, 2021, na isailalim ang Davao City sa Modified Enhanced Community Quarantine (MECQ) simula Hunyo 5 hanggang Hunyo 20, 2021.
Bukod dito, inaprubahan din ng IATF ang General Community Quarantine status ng General Santos City simula Hunyo 5 hanggang Hunyo 30, 2021.
Sa naging kahilingan naman ng Professional Regulation Commission (PRC), “provisionally approved” ng IATF ang pagsasagawa ng professional licensure examinations para sa buwan ng Hulyo sa Setyembre 2021, “subject to conditions,” gaya ng PRC’s health at safety protocols at pagsunod sa minimum public health standards, ang pagpapalabas ng PRC-DOH-PNP guidelines, at community quarantine classification ng mga kinauukulang lugar.
Samantala, inaprubahan din ng IATF ang guidelines ng inbound international travel sa kahit na anumang port ng Pilipinas ng lahat ng “fully vaccinated individuals” na naturukan sa Pilipinas.
” An individual shall be considered as having been fully vaccinated two or more weeks after receiving the second dose in a 2-dose series, or two or more weeks after receiving a single-dose vaccine,” ayon kay Presidential spokesperson Harry Roque.
Ang isa aniyang “fully vaccinated individual” ay kailangan na dala ang kanyang vaccination card, na dapat beripikado bago pa ang kanyang departure, at dapat na iprisinta sa kinatawan ng Bureau of Quarantine (BOQ) para sa re-verification sa Department of Transportation (DOTr) One-Stop Shop kapag dating sa Pilipinas.
“All inbound fully vaccinated individuals shall be required to undergo a 7-day facility-based quarantine upon arrival. The BOQ shall ensure strict symptom monitoring while in the quarantine facility for 7 days,” ang pahayag ni Sec. Roque.
Gagawin lamang ang RT-PCR test kapag ang indibiduwal ay nag- manifests ng COVID-19 symptoms sa loob ng 7-day quarantine.
Matapos na makompleto ang 7-day facility-based quarantine, magpapalabas naman ang BOQ ng Quarantine Certificate na nagpapakita ng vaccination status nito.
Kaugnay nito, inatasan naman ng IATF ang Department of Health (DOH), Department of Finance, Department of Trade and Industry, Department of Foreign Affairs at National Economic and Development Authority na mag- convene at magbigay ng rekumendasyon para mas lalong pagaanin ang ” testing and quarantine protocols’ para sa “certain classes of travelers.”
Samantala, maliban sa , repatriation programs ng Philippine government, nagdesisyon naman ang IATF na gawing exempted ang non-Philippine government repatriation efforts sa entry restrictions na ipinatutupad sa mga travelers mula India, Pakistan, Nepal, Sri Lanka, Bangladesh, Oman, at sa United Arab Emirates.
Sa kaso naman ng Philippine government-organized repatriation, ang Department of Foreign Affairs at Overseas Workers Welfare Administration ay magsasagawa ng paunang koordinasyon kasama ang DOH-BOQ, DOTr at ang One-Stop Shop nito at ang Civil Aviation Authority of the Philippines, at National Task Force Against COVID-19 Task Group for the Management of Returning Overseas Filipinos, “at least 48 hours prior to the departure from the country of origin.”
Sa kaso naman ng non-Philippine government repatriation, ang lahat ng Filipino repatriates mula sa mga bansang mayroong travel restrictions ay kailangan na mag-presenta ng negative RT-PCR test result na kinuha sa kanila sa loob ng 48 hours bago pa ang boarding sa aircraft o vessel.
“The airline or the shipping line is responsible to check on this requirement. A copy of the negative RT-PCR test result of the repatriate shall be submitted to the BOQ upon arrival in the port of entry in the Philippines,” aniya pa rin.
“Moreover, prior approval from the BOQ is needed for the entry of flight or vessel carrying Filipino repatriates prior to its movement from point of origin. In this connection, the concerned local manning agency (in the case of seafarers), the Philippine recruitment agency (for land-based workers), or the sponsoring Philippine government agency shall submit an exemption request to the DOH-BOQ, the approval of which is tantamount to IATF’s approval on the repatriation effort,” dagdag na pahayag ni Sec. Roque.
Ni-require naman ng IATF ang lahat ng repatriates mula sa mga bansang mayroong travel restrictions “in effect to be placed on a strict 14-day facility-based quarantine from the date of arrival in the Philippines, with the date of arrival being the first day.”
Sa ibang usapin naman, pinayagan na ng IATF ang mga foreign nationals na may hawak na Special Resident Retiree’s Visa nanpumasok ng Pilipinas na walang kakailanganing entry exemption document.
At sa huli ay pinayagan na ng IATF ang Philippine Racing Commission ng dalawang racing days simula Hulyo 1, 2021, “subject to approved health and safety protocols” at paggamit ng “fully functional contact tracing application/s of off-track betting stations.” (Daris Jose)
PINABULAANAN ng Malakanyang na ito ang nasa likod ng di umano’y text messages mula kay Pangulong Rodrigo Roa Duterte at sa kanyang anak na si Davao City Mayor Sara Duterte na hinihikayat ang mga Filipino na magpabakuna na laban sa Covid-19.
May ilan kasing Filipino ang nakatanggap ng text messages mula sa “unknown numbers” na hinihikayat ang mamamayang filipino na magpabakuna na.
Ang text message ay mayroon pang “from President Duterte at Mayor Sara Duterte #SafePilipinas #SafeDavao.”
Giit ni Presidential Spokesperson Harry Roque na hindi rin nanggaling sa kanyang tanggapan ang nasabing text messages sa kabila ng kinikilala nito na si Pangulong Duterte ay “best communicator” para tulungan na mapalakas ang vaccine confidence sa mga Filipino.
“Ako po ‘yung in charge sa communications pagdating po sa bakuna and I can say na bagamat ang Presidente po ang best communicator, hindi po kami nagpakalat ng ganyang text ,” ani Sec. Roque.
Nito lamang araw ng Miyerkules ay lumabas sa isang government infomercial si Pangulong Duterte kung saan iniimbitahan ang mga Filipino na magpabakuna laban sa Covid-19, binigyang diin ng Chief Executive na ito ang susi para matalo ang pandemiya.
“I invite all our kababayans to be vaccinated at the earliest possible opportunity because this is the most, if not the only way, effective way to defeat Covid-19 pandemic,” ang pahayag ng Pangulo sa kanyang two-minute commercial.
Pinaalalahanan nito ang publiko na magpabakuna na para sa kanilang sarili at para sa kanilang mga mahl sa buhay.
“Let us all keep in mind that the vaccine will not only protect you from the virus, it will also protect your loved ones, especially the sick and elderly,” dagdag na pahayag nito. (Daris Jose)
Lumutang ang posibleng tandem nina Davao City Mayor Sara Duterte at dating Defense Secretary Gilberto “Gibo” Teodoro sa May 2022 national elections matapos lumipad kahapon patungong Davao City ang huli at makipagkita sa presidential daughter.
Ito’y sa gitna na rin ng ugong ng balak na pagtakbo umano ni Sara sa presidential race.
Si Teodoro ay sinamahan ni dating 1st District Camarines Sur Rep. Rolando Andaya na nagpost pa ng mga larawan sa social media.
“On my way with my vice president to meet my president. Done deal folks,” saad ni Andaya sa caption ng dalawang litrato na nagpapakitang kasama nito si Teodoro sa eroplano. Sa isa pang larawan ay kasama na nila si Inday Sara.
Sinabi ni Andaya na pinag-usapan nina Teodoro at Inday Sara kung paano masosolusyunan ang pandemyang dulot ng COVID-19 at kung paanong makakaahon ang ekonomiya ng bansa.
“‘Yung done deal na sinasabi ko, sa isip ko ‘yun. Dahil itong tandem na ito, napanaginipan ko lang ‘yun na mangyayari ito at nangyari na nga,” ani Andaya.
Aminado naman si 2nd District Albay Rep. Joey Salceda na maraming mga bigatin sa pulitika ang bumibisita sa presidential daughter sa Davao City.
“All roads lead to Davao for 2022 May national elections,” ani Salceda.
Kabilang sa mga bumisita kay Inday Sara sa pagdaraos nito ng kaniyang ika-43 taong kaarawan noong Lunes ay sina dating Senador Ferdinand “Bongbong” Marcos at House Speaker Lord Allan Velasco. (Daris Jose)
NAGWAKAS na ang pagtatago sa batas ng dalawang lalaking wanted sa kasong murder matapos masakote ng mga tauhan ng Maritime police sa magkahiwalay na operation kontra wanted person sa Navotas at Quezon cities.
Kinilala ni Northern NCR Maritime Police (MARPSTA) head P/Major Randy Ludovice ang naarestong suspek na si Noe Alaquiao alyas “Utoy”, 29, mangingisda ng Blk 29 Lot 8 Squatter Area, Palengke St. Brgy. NBBN.
Ayon sa ulat, nakatanggap ang mga tauhan ng MARPSTA ng impormasyon na nakita ang suspek sa Navotas Fish Port Complex (NFPC) kaya’t agad bumuo ng team ang mga tauhan ng MARPSTA sa pangunguna ni PCPT Luisito Balatico sa ilalim ng pangangasiwa ni P/Major Ludovice, kasama ang Warrant and Subpoena Section (WSS) ng Navotas Police sa pangunguna ni PSMS Normito Tapon.
Dakong alas-9:30 ng gabi nang magsagawa ng operation ang pinagsamang mga tauhan ng MARPSTA at WSS sa Palengke St., NFPC na nagresulta sa pagkakaaresto sa suspek sa bisa ng warrant of arrest na inisyu ni Presiding Judge Hon. Zaldy B Docena ng RTC Branch 170 ng Malabon city dahil sa kasong Murder na walang inirekomendang piyansa.
Samantala, natimbog din ng pinagsamang team ng MARPSTA, WSS ng Navotas Police at Special Operation Unit 3 sa hiwalay na operation dakong alas-6:30 ng gabi sa Riversside St., Unit 3, Brgy. Commonwealth, Quezon city si Alger Cervantes alyas “Tricks”, 25, electrician.
Si Cervantes ay inaresto sa bisa ng warrant of arrest na inisyu ni Hon. Madonna Echiverri, Presiding Judge, RTC Branch 80 ng Quezon City para sa paglabag sa Article 248 (Murder) na walang inirekomendang piyansa. (Richard Mesa)
LABIS na ikinatuwa ni National Task Force o NTF against Covid-19 consultant Dr. Ted Herbosa ang ulat na kasama na rin ang Sinovac sa Emergency Use Listing ng World Health Organization (WHO).
Sa Laging Handa briefing public briefing ay sinabi ni Herbosa na, malaking bagay na kabilang ang SInovac sa EUL ng WHO na syang pinakamarami ngayon sa bansa.
Aniya, nangangahulugan ito na kahanay na ng Pfizer, AstraZeneca, Moderna, J&J at ng Sinopharm ang Sinovac Covid-19 vaccine.
Sinabi pa ni Herbosa, dalawang malalaking bagay ang magiging advantage nito sa Pilipinas.
Una na ang mga vaccine hesitant aniya na namimili ng bakuna base sa bansang pinagmulan nito ay sigurado na unti-unti nang mawawala.
Aniya pa, marami nang reports ngayon sa iba’t ibang bansa na nagsasabing “very effective” ang Sinovac matapos na bumaba ang kanilang death toll at new virus cases.
Habang pangalawa naman ay malaki ang tulong ng pagkakasama ng Sinovac sa Eul ng WHO dahil tataas ang tiwala ng multilateral partners ng bansa na kaagapay ng Pilipinas sa pag-aangkat ng mga Covid-19 vaccines. (Bishop Jesus “Jemba” M. Basco)
NAG-POST si Queen of All Media Kris Aquino ng heartfelt message para sa kanyang panganay na si Joshua Aquino na nag-celebrate ng 26th birthday kahapon, June 4.
Sa kanyang IG at Facebook post na kung saan ibinahagi rin niya ang isang video sa outreach program bilang selebrasyon na kung saan namigay siya ng 800 grocery packs sa mga taga-Tarlac.
Caption ni Kris, “June 4, 1995, i was so NOT READY to be a mama… in many ways kuya josh helped me grow up. He was just 3 years old when it became just the 2 of us… because never kong tinago sa inyo that he is a special child, that he’s in the autism spectrum, oftentimes na bully sya lalo na pag may pulitikang involved, BUT di hamak mas marami ang nagtanggol at nakaramdam ng pureness ng puso nya at ng kanyang genuine na generosity at ang hindi nya pagpili sa kakaibiganin at bibigyan ng respeto – for kuya kung mabait ka at nagpakita ng kabutihan higit dun ang lambing at pagmamahal na isusukli nya.
“I have often said life isn’t perfect BUT it does have many wonderful moments. Hindi possible for kuya josh, bimb, and me to share our blessings had you not given me the trust and support you have. Nakabalik ako sa trabaho, and i’d like to consider that my true career started because you accepted me with all my flaws & strengths 4 months after i gave birth to my panganay. Lahat ng meron kaming mag nanay, nanggaling sa trabaho ko na sinuportahan ninyo. Habang kakayanin, patuloy namin ibabalik sa inyo yung blessings that you gave the 3 Aquinos.
“Happy birthday, Kuya Josh, we love you.”
Dagdag pa ni Kris, “Special thanks to @niceprintphoto for this video and @charissetinionp. @phildada for being our point person in Tarlac. @darylyap805 & his @puregold Pampanga team. Jasper Tan & #Unipak for the special “kris” price. My inaanak @mabellada for the coordination, and cuz @boss1020 & @jcbuendia_ for going all the way. Gov Susan Yap and sa mga Tarlaqueños na mahal na mahal ni kuya josh, yes, as he said he’s living there forever.
“Buti pa ang Tarlac at si Kuya- may FOREVER! #lovelovelove.”
Sa naturang video, kitang-kita nga ang saya ni Josh sa bongang-bongga na sopresang regalo nina Kris at Bimby, na isang golf cart na agad naman sinakyan at minaneho ni Kuya Josh, kasabay sa kanyang pasasalamat sa ina at kapatid.
Bahagi naman ng letter ni Kris, “Thank you sa Tarlac, sa second district especially, kasi binigay nyo kay Kuya Joshang ang tunay na kapayapaan at ang lugar kung saan siya pinaka-maligaya.
“Bilang Mama niya, basta happy ang panganay ko, at nasa lugar na maganda para sa health niya, walang magiging mas happy pa.”
(ROHN ROMULO)
SURE na kaya ang pagiging Kapuso talent ni John Lloyd Cruz?
Special guest si JLC ni Willie Revillame para sa 6.6 Mid-Year Sale TV Special! ng Shopee at may tsismis na may gagawin din itong TV sitcom kung saan makakatambal nito si Andrea Torres, ang ex-GF ni Derek Ramsay (na bf naman ngayon ni Ellen Adarna, na ex-GF ni Lloydie).
Pumirma na nga ng management contract si Lloydie sa Crown Artists Management, Inc., owned by actress Maja Salvador at ng bf niyang si Rambo Nunez.
Siyempre inaabangan ng madla kung pipirma ba ng network contract si JLC sa GMA network, ang rival ng ABS-CBN, kung saan nagsimula si Lloydie ng kanyang acting career.
Malaking artista si JLC sa ABS-CBN at kahit pa he was inactive for several years, tiyak na nariyan pa rin ang kanyang mga fans waiting for his comeback.
Big deal siyempre kung lilipat nga si Lloydie sa GMA since he is considered a major star sa Kapamilya network. He is a certified box-office star at top-rater din ang kanyang mga TV shows.
Pero for now ang tangi lang nating magagawa ay maghintay kung ano ang magiging desisyon ni John Lloyd at ng Crown Artistz Management, Inc.
***
ISA rin sa inaabangan ay kung lilipat din ba sa Kapuso network ang this generation’s movie queen na si Bea Alonzo.
Wala rin kasi existing contract sa Kapamilya network si Bea kaya free as a bird na siyang pumirma sa Kapuso network kung nais niya.
Maganda naman kung lilipat siya dahil madadagdagan ang roster of actresses sa GMA 7.
Iba pa rin ang kinang ng star ni Bea kumpara sa ibang Kapuso talents like Heart Evangelista, Carla Abellana at Lovi Poe.
Kung magiging Kapuso talent si Bea, hindi na mahirap painitin ang unang pagtatambal nila ni Alden Richards na co-prod ng Viva Films at APT Entertainment.
Maganda rin na makatrabaho ni Bea ang top leading men ng Kapuso like Dennis Trillo, Dingdong Dantes, at Tom Rodriguez.
At kung matutuloy ang paglipat ni John Lloyd Cruz sa GMA 7, pwede na rin silang gumawa ng reunion project ni Bea.
***
NAGPAALAM na sa seryeng FPJ’s Ang Probinsyano ang award-winning actress na si Shamaine Buencamino.
Sa kanyang Instagram account ay ibinahagi ni Shamaine ang kanyang pasasalamat sa Dreamscape Entertainment at sa ABS-CBN dahil sa oportunidad na maging bahagi ng cast ng FPJ’s Ang Probinsyano for five years.
Ayon kay Shamaine, itong FPJAP ang longest running show niya on TV at very grateful siya dahil naging bahagi siya ng top-rating show.
In fairness sa FPJAP, hindi iniwan ng audience kahit nawalan ng prangkisa ang ABS-CBN. Patuloy pa rin ang pagtangkilik ng audience sa show sa mga online platforms nito at cable channels.
Nagpasalamat din si Shamaine sa mga director, staff, crew at cast ng FPJAP. “It was a privilege to work with all of you. This team really works hard to deliver the best that we can,” pahayag pa ng aktres.
Siyempre pinasalamatan din niya ang mga viewers ng FPJAP na hanggang sa ngayon ay patuloy na sumusubaybay sa programa kahit sa online channels lang ito napapanood.
(RICKY CALDERON)
HUMILERA si Dottie Ardina sa tatlo sa ika-54 na puwesto na may $715 (P34K) bawat isa, habang si Clarissmon ‘Clariss’ Guce sa Amerikanang si Gigi Stoll para sa 57T na may $669 (P32K) each sa kahahambalos lang na 16th Symetra Tour 2021 sixth leg, $175K 13th Symetra Classic sa River Run Country Club sa Davidson, North Carolina.
Nagsumite mga round na 70-75-55 pa-six-over par 222 ang Pinay shotmaker mula sa Canlubang, Laguna na si Ardina, samantalang nagsumite ng 72-75-76 (223) ang PH-born, US-based pero Pinoy flag pa rin ang kinakatawan na si Guce.
Bumida sa 54-hole, 3-day golfest si Casey Danielson ng United States sa paglusot sa playoffs laban kay Fatima Fernandez Cano ng Spain makaraang magsosyo sa regulation play sa 210 at kopoin ang $26,250 cash prize. (REC)
Dalawa ang patay sa nangyaring engkwentro bandang alas-4:17 ng hapon, Hunyo 3 sa pagitan ng mga otoridad at dalawang umano’y notorious robbery/kidnapping personalities sa may bahagi ng Silangan Exit, SLEX, Calamba, Laguna.
Nakatanggap kasi ng report ang Regional Intelligence Division- Anti-Carnapping Unit (RID-ANCAR) ng PNP Calabarzon na isang Chinese ang dinukot ng grupo sa Asiana Paranaque City gamit ang isang Toyota Hi-ace color white.
Dahil dito agad nagsagawa ng patrol ang RID-ANCAR sa may Southern part ng NCR kung saan naispatan ang nasabing Toyota hi-ace patungong SLEX.
Nang makarating sa Cabuyao exit, natunugan ng mga suspeks ang presensiya ng RID-ANCAR nagpaputok ang mga suspek habang hinahabol sila ng mga operatiba.
Narekober ang bulto bultong pera, ID at chapa ng isang pulis, dalawang caliber .45 pistol sa van ng mga napatay na suspek na mga miyembro ng kilabot na robbery kidnap for ransom group.
Nagdulot din ng mabigat na daloy ng trapiko mula sa Sta Rosa, Laguna hanggang Silangan exit southbound.
Tadtad ng bala ng baril ang puting van kung saan sakay ang mga suspeks.
Habang sinusulat ang balitang ito, hindi pa malinaw kung na-rescue ang dinukot na Chinese. (Gene Adsuara)