UNANG bumulaga ang pasabog ng Shiga Lakestars napapirma na si Philippine Basketball Association star Kiefer Isaac Ravena ng NLEX bilang Asian Quota player o import sa 6th Japan B.League 2021-22 nitong Miyerkoles ng hapon.

Ilang oras ang nakalipas, nilabas ng statement ang North Luzon Expressway na naggigiit na kailangang sumunod sa UPC o Uniformed Players Contract ang 27-year-old, six-footer Ilonggo point guard ng Road Warriors.

Hinirit pa na ang posisyon ng team ay  alinsunod lang sa UPC at polisiya ng pro league. Pero si Ravena tila nagparamdam na tuloy na ang pagsama sa batang utol na si Ferdinand ‘Thirdy’ Ravena III sa land of the Rising Sun.

Huwebes ng hapon, todo pasasalamat na siya sa NLEX management at ilang matatas opisyal na naging bahagi ng kanyang career sa PBA at sa Gilas Pilipinas o national men’s team.

“In light of Wednesday announcement, I would like to thank my team, Shiga Lakestars, for this once-in-a-lifetime opportunity. Thank you for the trust and belief that a Filipino can perform and play in such a prestigious league. Domo arigatou gozaimasu,” pahayag ng basketbolista.

Kung titimbangin ang post ni Ravena, pinayagan na siya ng big bosses ng koponan sa pangunguna ni owner Manuel V. Pangilinan.

Nagpasalamat na rin siya kina Metro Pacific Investment Corp. chief Rod Franco, team executive Ronald Dulatre, si coach/team manager Joseller ‘Yeng’ Guiao at mga kakampi. (REC)

HAYAAN po ninyong itampok ko ang ilang mga kababayan nating Olympian ngayon at sa susunod na araw dahil sa Olympic year naman.

Para sa araw na ito silipin po natin si Anthony Villanueva.

Siya po ang unang atletang nakapagbigay sa ating bansa ng silver medal sa men’s boxing mula sa 18th Summer Olympic Games 1964 sa Tokyo, Japan.

Pinagdedemolis ng pambato ng ‘Pinas na ipinanganak noong Marso 18, 1945 at yumao noong Mayo 13, 2014 sa edad na 69 sa Cabuyao, Laguna, ang mga karibal na Italyano 3-2 sa Round-of-32,  Tunisian 4–1 sa Last 16, Pole via Referee Stopped Contest sa quarters, at Amerikano 4-1 sa semis.

Kaya lang, kontrobersiyal na nabigo ang 5-foot-5 at nag-aral sa Far Eastern University na kababayan natin sa men’s featherweight (-57-kilogram) finals kay Stanislav Stepashkin ng Soviet Union 2-3.

Supling si Anthony ni Jose ‘Celly’ Villanueva, na isa ring Olympic boxer na bantamweight bronze medalist sa 1932 Los Angeles Summer Games.

Umakyat ng professional ang nakababatang Villanueva noong 1965 at nagtala ng 1-3-1 (win-loss-no contest) bago nagretiro kaagad.

Pinasok din niya ang pagiging aktor at nakalimang pelikula, nag-boxing coach sa ‘Pinas, security guard, cook at private boxing gym coach sa Amerika simula noong 1976.

Nagbalik-bayan siya taong 1988 at tumulong sa national team sa Seoul Olympics, muling nag-Estados Unidos at balik uli ng ‘Pinas para sa kabutihan na.

Siya’y na-stroke, inatake sa puso nang ilang ulit at namatay.

Maglalaro pa sa NLEX Road Warriors si Kiefer Ravena sa season-opening ng PBA Philippine Cup.

Ito ay bago ang kaniyang pagtungo sa Japan para maglaro sa Shiga Lakestars team sa B-League.

Nagkausap na rin kasi ang 27-anyos na si Ravena at NLEX coach Yeng Guiao sa kasagsagan ng training camp nila sa Clark, Pampanga.

Nakatakda kasi ng magbukas ang Philippine Cup sa huling linggo ng Hunyo o sa unang linggo ng Hulyo na may sapat pang panahon para makapaglaro si Ravena base sa kaniyang napirmahang kontrat sa koponan noong Setyembre.