2021 June Archive - People's Balita

Archive for June, 2021

KRIS, binuweltahan ang basher na tinawag siyang ‘pangit’ kapag walang makeup pero ‘di nanglait

Posted on: June 12th, 2021 by @peoplesbalita No Comments

BINUWELTAHAN ni Queen of All Media Sinagot Kris Aquino ang isang netizen na tinawag siyang pangit kapag walang makeup na napansin sa ibinahaging video sa social media accounts kung saan gumagawa siya ng mga flower arrangements.

Caption ni Kris sa video, “Kamusta ang Monday nyo? Because I believe ini-effort ang ang maging happy. #lovelovelove.”

Sa Facebook, matapang ngang nagkomento ang isang netizen sa opinyon nito sa itsura ni Kris kapag walang make up.

“Pangit pala c Miss Kris pag walang makeup. Sorry just saying,” pahayag ng basher.

Hindi man pinatulan ang pamba-bash, mas pinili ni Kris na huwag ng manlait pa.

Buwelta ni Kris, “Beauty is in the eye of the beholder. I could so easily say a very bitchy comment about your looks right now pero bakit pa? Hindi naman ikagaganda ng buhay ko and hindi rin makakatulong sa lipunan.”

Pagbibiro pa ng host at actress, masaya siya na malamang gumaganda siya kapag naglalagay ng makeup.

“Siguro you need to find your happiness? And thank God di ba, ako gumaganda pag may makeup,” dagdag pa niya.

Agad namang binura ng basher ang kanyang naging komento sa post ni Kris, matapos itong patulan.

Hindi talaga napipigilan ni Kris na sagutin ang ilang sa mga bashers, lalo kung dinadamay na ang dalawang anak na sina Josh at Bimby, na naging biktima nang pambu-bully ng netizens.

***

SAMAHAN si Kapuso Primetime King Dingdong Dantes as he explores more unchartered territories and discovers fascinating stories told through the work of local heroes sa three-part anniversary special ng award-winning infotainment program ng GMA Network, ang Amazing Earth, simula ngayong Sunday, June 13, sa bago timeslot na 7:40PM, bago ang Kapuso Mo, Jessica Soho.

Sa simula pa lang ng programa, pinakita na ni Dingdong ang kanyang immeasurable commitment para makapaghatid ng exciting adventures and stories sa Kapuso viewers tuwing Linggo as he treks dirt roads, wades in rivers, and climbs mountains.

Kahit noong naharap ang lahat sa COVID-19 pandemic, naging faithful si Dingdong sa pagiging eco-warrior.

Ibabahagi ng award-winning actor-TV ang naghihintay na great deal of destinations sa three-part anniversary episodes, “Team Amazing Earth has a lot in store for our viewers in celebration of our third anniversary. We know na with the pandemic, hindi lahat ay nakakapasyal to explore the many beautiful sights that this planet can offer. Kaya naman our program is very much excited to take our viewers to more breathtaking destinations across the country and around the world.”

Ini-express din Dingdong ang kanyang take kung paano nakatutulong ang programa in advocating environmental protection, “We feature local heroes para makita natin kung ano ba ‘yung mga puwede nating gawin for our environment and it’s not just limited to tree planting; it could be as simple as educating everyone tungkol sa mga kuwentong bayan na may kinalaman sa kalikasan.”

Sa new primetime timeslot, ipi-feature ng Amazing Earth ang special episodes ang wildlife stories na mula sa BBC nature documentary na “Seven Worlds, One Planet,” presented by renowned narrator David Attenborough and filmed across 7 continents in 41 countries.

Ngayong Linggo, get warm and cozy with the wildlife living in the European hinterlands – mula sa mountainous regions ng Italy at Spain, sa kagubatan ng France at Finland hanggang sa nagyeyelong Arctic Circle. Madi-discover ding suspense-filled ways of female brown bears, male musk ox, wolves, red deers, and Barbary macaques sa kanilang natural habitats.

Mapapanood din ang exclusive interview ni Dingdong kay Mayor Vico Sotto sa Pasig Rainforest Park. The millennial mayor talks about the inroads they are making environment-wise in Pasig, spearheaded by their constituents’ floating farm concept.

Meanwhile, revel in the beauty of Bohol and discover the mysterious Tambuko cave and underwater lagoon! How true is the folklore that diwatas or fairies watch over it?

Gawin ng family habit to explore, enjoy, and learn about our only planet sa Amazing Earth tuwing Linggo nang gabi, mula ito sa direksyon ni Rico Gutierrez.

Mapapanood din ng viewers sa ibang bansa ang naturang programa via GMA’s flagship international channel, GMA Pinoy TV.

(ROHN ROMULO)

CONVERSATION SA PAGTAKBO NI YORME ISKO, FAKE NEWS

Posted on: June 12th, 2021 by @peoplesbalita No Comments

ITINANGGI ng Manila Public Information Office (Manila-PIO) ang kumakalat na di-umano’y private conversation kaugnay sa pagtakbo umano sa Presidential race ni Manila Mayor Isko Moreno Domagoso.

Ayon kay Julius Leonen, Manila-PIO chief na ang palitan diumano nila ng mensahe sa isang reporter ay hindi nag-e-exist.

Sa nasabing conversation, nabanggit ang pagsabak ni Domagoso sa pagkapangulo sa ilalim ng 1Sambayanan coalition.

Sinabi rin umano nito na panatilihing sikreto muna ang kanyang sinabi dahil iaanunsiyo na rin naman ito ng alkalde sa tamang panahon.

“Hahahahaha fake. The chat does not exist”, reaksyon pa ni Leonen.

Maaalala na nagpahayag si Domagoso na tiyak na tatakbo siya sa 2022 election ngunit hindi tinukoy kung anong posisyon ang kanyang lalahukan.

Isa rin siya sa mga ‘presidentiables’ ng 1Sambayanan, maging ng Malakanyang. (GENE ADSUARA)

Kiamco sinargo ika-4 na titulo sa Louisiana

Posted on: June 12th, 2021 by @peoplesbalita No Comments

SINAKOP ng mga Pilipino ang unang tatlong puwesto sa katatapos na 6th Annual Buffalo’s Pro Classic Open 9-Ball Billiard sa Jefferson, Louisiana, USA.

Naghari si Warren Kiamco nang manaig kay Roland Garcia sa all-Pinoy finals upang ibulsa ang $4,500. Kumita si Garcia ng $2,300 habang ang tumerserong si Carlo Biado may $1,200.

Ito na ang pang-apat na kampeonato ngayong taon ni Kiamco makaraang mga pamayagpagan din ang 5th Annual Barry Behrman Memorial Spring Open 9-Ball noong Abril, at mga ginanap nitong Mayo na Diveney Cues Bar Box Classic 10-Ball Division at Racks on the Rocks Classic 9-Ball Mini.

Sa kabuuang kita, may $28,900 na siya US pro circuit para okupahan ang ikaanim na puwesto sa Money Lists.

No. 1 pa rin ang Pinoy na si Dennis Orcollo na mayroong $65,805 buhat sa siyam na tagumpay sa mga torneo. (REC)

INTERNS UMPISA NA SA PAGTATRABAHO SA CITY HALL

Posted on: June 12th, 2021 by @peoplesbalita No Comments

MAGSISIMULA na ang nasa 20 benepisyaryo ng Government Internship Program (GIP) ng kanilang trabaho sa June 15 sa Navotas City Hall.

Tinanggap ni Mayor Toby Tiangco ang mga GIP at ipinaalala sa kanila ang kakayahan ng serbisyo publiko.

“In government service, we are here not just to do our job. We are here to help ease the burden of the people we serve. Let us give the best service we could offer our fellow Navoteños,” pahayag niya.

Hinimok din ni Tiangco ang mga GIP na magrehistro at lumahok sa COVID-19 vaccination program.

“I urge you to get vaccinated so you will be protected from the disease as well as those whom you will encounter while working at the city hall,” aniya.

Nakatanggap ang Navotas nitong Miyerkules ng karagdagang 1,600 vials ng CoronaVac, na magagamit para sa una at pangalawang doses ng A1 hanggang A4 priority groups.

Naglaaan ang pamahalaang lungsod ng P1.4 milyon mula sa Gender and Development fund para sa internship program.

Kasama sa mga benepisyaryo ng GIP ang dalawang miyembro ng LGBT community at pitong solo parents kung saan magtatrabaho sila para sa pamahalaang lungsod ng anim na buwan at tatanggap ng P537 araw-araw na sahod. (Bishop Jesus “Jemba” M. Basco)

Seniors na kumpleto bakuna vs COVID-19 makalalabas na sa GCQ, MGCQ areas

Posted on: June 12th, 2021 by @peoplesbalita No Comments

Pahihintulutan na lumabas ng kani-kanilang bahay ang mga edad 65-anyos pataas na lumabas ng bahay sa gitna ng coronavirus disease pandemic, basta kumpleto na ang kanilang dalawang doses ng bakuna.

Huwebes kasi nang magpulong-pulong ang Inter-Agency Task Force on Emerging Infectious Diseases (IATF-EID) patungkol sa isyu.

“Subject ito sa mga kondisyon tulad ng pagdadala ng duly issued vaccination card at pagsunod sa minimum heath protocols,” sabi ni presidential spokesperson Harry Roque, Biyernes, ayon sa ulat ng GMA News.

Bago ginawa ni Roque ang anunsyo kanina, tanging edad 18-65 lang ang pwedeng lumabas-labas ng bahay kung walang essential travels, lalo na’t mataas ang risk ng mga nakatatanda sa mga mas malalalalang komplikasyon at pagkamatay dahil sa COVID-19.

Ayon kay Health Undersecretary Maria Rosario Vergeire sa isang media forum, sa ika-16 ng Hunyo pa ito tuluyang papayagan ng gobyerno alinsunod sa pag-uusap ng IATF. (Daris Jose)

Gyms at indoor non-contact sports, pinayagan na ng IATF

Posted on: June 12th, 2021 by @peoplesbalita No Comments

GOOD news sa mga gym fanatics at mga mahilig sa indoor non-contact sports dahil pinayagan na ng Inter-Agency task Force (IATF) ang mga ito na mag-operate sa 30% venue capacity sa National Capital Region (NCR) Plus areas.

Ayon kay Presidential Spokesperson Harry Roque, nagpulong noong Huwebes, Hunyo 10 ang IATF, kung saan pinayagan na nga ang pagbubukas ng gyms at fitness studios at iba pang indoor non-contact sports venues na may Safety Seal Certifications katulad ng skating rinks, at racket sports courts sa NCR Plus areas at 30% venue capacity.

“Uulitin ko po huh? Hindi po ibig sabihin bukas na ang gyms kinakailangan na kumuha muna sila ng Safety Seal Certifications galing po iyan sa DTI at sa DoH bago sila makapagbukas,” ang pahayag ni Sec. Roque.

Pinayagan na rin aniya na magbukas ang mga historical sites at museums sa NCR Plus areas sa 20% venue capacity.

Kailangan lamang sumunod sa health and safety protocols.

Kailangan din ang pagsang-ayon ng local government unit kung saan matatagpuan ang mga sites na ito.

Subalit, bawal pa rin aniya ang guided tours sa mga historical sites at museums. (Daris Jose)

See you in Tokyo!’—Didal

Posted on: June 12th, 2021 by @peoplesbalita No Comments

Kinumpirma kahapon ng world skateboarding federation ang paglahok ni 2018 Asian Games gold medalist Margielyn Didal sa 2021 Olympic Games sa Tokyo, Japan sa susunod na buwan.

“I don’t know what to say but GRAZIE MILLE,” sabi ni Didal, kasalukuyang nasa Rome, Italy, sa kanyang Facebook post. “See you in Tokyo.”

Umakyat ang 22-anyos na si Didal sa No. 13 sa World Skating Rankings matapos sumabak sa nakaraang Street World Championships sa Rome.

Kabuuang 20 tiket ang itinaya para sa Tokyo Olympics – ang tatlo ay para sa mga podium finishers ng World Championship, ang 16 ay base sa Olympic rankings at isa para sa host country.

Kasalukuyang nag-eensayo si Didal sa Rome bilang paghahanda sa 2021 Tokyo Olympics na nakatakda sa Hulyo 23 hanggang Agosto 8.

Saso patuloy aayudahan ng ICTSI sa mga torneo

Posted on: June 12th, 2021 by @peoplesbalita No Comments

Marami pang panalo!

TINIYAK ng chief backer ni Yuka Saso na magpapatuloy ang suporta sa Fil-Japanase shotmaker makalipas ang makasaysayang pagkakampeon sa 76th US Women’s Open Golf 2021 nitong Lunes (Linggo sa Estados Unidos).

Ibinahagi ng International Container Terminal Services Inc. (ICTSI) ni business tycoon Enrique ‘Ricky’ Razon, Jr., ang tumutulong pinansiyal sa 19-anyos na tubong San Ildefonso, Bulacan, na hindi hihinto ang kumpanya sa pagtulong sa manlalaro.

“ICTSI will continue supporting Yuka in her golfing career, and we look forward to more victories,” nakasaad sa statement kamakalawa ng ICTSI, na humigit-kumulang na sa P60M ang napalabas sa top Philippine pro sapul nang suportahan ito nang 12-anyos pa lang.

Nagpaabot rin ng malugod na pagbati ang ICTSI nang madale ng tinedyer ang pinakamatagal nang golf major sa mundo nang ungusan sa third playoff hole si Nasa Nataoka ng Japan.

“International Container Terminal Services, Inc. congratulates Ms Yuka Saso for winning and being the first Filipino to win in a major golf championship that is probably one of the hardest to win – the recently concluded 76th U.S. Women’s Open Golf Championship at the Olympic Club in San Francisco, California.”

Ang nasabing kompanya ang mga umalalay din sa dalawa pang pang Pinay golfer na sina Bianca Isabel Pagdanganan at Dottie Ardina. (REC)

DOTr, OWWA lumagda sa kasunduan upang tulungan ang mga OFWs

Posted on: June 12th, 2021 by @peoplesbalita No Comments

Isang kasunduan ang nilagdaan ng Department of Transportation (DOTr) at Overseas Workers Welfare Administration (OWWA) upang tulungan ang mga overseas Filipino workers (OFWs) na nawalan ng trabaho.

Ang kasunduan ay naglalayon na bigyan ng trabaho ang mga OFWs na nawalan ng trabahao dahil sa pandemya sa pamamagitan ng pagbibigay ng opurtinidad na magtrabaho sila sa iba’t ibang proyekto ng DOTr.

Sa ilalim ng kasunduan, ang DOTr ay magbibigay ng listahan sa OWWA ng mga bakanteng posisyon at ang kailangan kaalaman kung saan ang isang OFW ay maaaring mag apply ng trabaho.

“This agreement will serve a dual purpose. First, our repatriated OFWs who are out of work will be able to work under the DOTr and they will be here in their own country. They no longer need to go out of the country because work is here at home. Second, we will not be looking elsewhere in getting the needed work force to finish various infrastructure projects,” saad ni DOTr Secretary Arthur Tugade.

Dahil sa pandemya na kinahaharap ng mga bansa sa buong mundo, ang trabaho ng mga OFWs ay naapektuhan kung kaya’t sila ay napilitang umuwi sa bansa.

Tinawagan ni Tugade ang mga OFWs na gamitin nila ang available na opurtinidad sa trabaho sa ilalim ng programa ng pamahalaan na Build, Build Build.

Dagdag pa ni Tugade na gusto niyang gamitin ng mga OFWs at iba pang mga workers na nawalan ng trabaho na magtrabaho sila sa sektor ng transportasyon.

Binigyan ni Tugade ng tagubilin ang mga kontraktor ng mga proyekto sa DOTr na bigyan muna ng pansin ang pagbibigay ng trabaho sa mga taong nawalan ng trabaho lalo na yoon mga qualified naman.

Isa sa mga proyekto ng DOTr ang nagbibigay ng pagkakataon sa mga nawalan ng trabaho ay ang North-South Commuter Railway (NSCR). Ito ay ang 148-kilometer proyekcto sa rail sector.

Ayon kay Tugade mayron 200 na dating OFWs ang nabigyan ng trabaho sa proyektong National Railways Clark Phase 1 na siyang unang bahagi ng NSCR.

Dagdag pa ni Tugade na may mahigit na 7,500 na mga mangagawa pa ang kanilang mabibigyan ng trabaho para sa ginagawang konstruksyon habang magkakaron pa ng karagdagang 2,000 na trabaho ang magiging kailangan kung ito ay tapos na. (LASACMAR)

SYLVIA, enjoy na enjoy sa pagganap bilang Barang sa ‘Huwag Kang Mangamba’ kaya niyakap nang buong-buo

Posted on: June 12th, 2021 by @peoplesbalita No Comments

ENJOY na enjoy si Sylvia Sanchez sa kanyang pagganap sa karakter ni Barang sa Huwag Kang Mangamba.

Gustung-gusto niya ang kanyang role kaya niyakap niya ito nang buong-buo.

“Challenging to portray the role of Barang pero enjoy ako kasi I can play with it,” pahayag pa ni Sylvia.

Sabi pa ni Sylvia, dahil sa lock-in taping set up nila, naging maganda ang bonding ng cast.

“Para kaming isang malaking pamilya. Kung break sa taping, nagluluto kami ng food that we share with each other. Kahit na 3 hours trip lang naman para makauwi ako to be with my family, mas okay na sa akin ang set-up ng lock in kasi masaya ang bonding ng cast,” dagdag pa ni Sylvia.

***

AFTER doing mostly supporting roles sa pelikula at tv shows, bida naman si VJ Mendoza sa BL series titled Inn Love.

Mula ito sa direksyon ni Rodel Mercado kung saan partner ni VJ sng stage actor na si Migo De Vera.

Unang BL series ito ni VJ at happy siya sa oportunidad na ibinigay sa kanya ni Direk Rodel.

“Very much appreciated ko ang chance na ito na magbida sa isang BL series,” sabi VJ sa presscon na ginanap the other day.

“It’s about time na subukan ko naman na maging bida sa isang BL series na light ang tema. Very thankful nga ako kay Direk Rodel dahil naisip niya ako for the role.”

Sa Inn Love ay gumaganap si VJ ng isang writer for an ad agency. Pumunta siya sa isang resort para magsulat. Doon niya ma-meet ang karakter played by Migo who is nursing a broken heart.

Magkakaroon sila ng special friendship that will blossom into love kahit na sa una ay asiwa sila sa isa’t-isa.

“Very comfortable kami ni Migo sa mga eksena namin together,” sabi ni VJ. “Masaya kasi kasama sa set kaya vibes kami. Kung minsan lang ay sinasabihan ko siya na huwag magpapatawa para makapasok ako sa character ko.”

May nga intimate scenes sila ni Migo na dapat daw abangan ng mga viewers ng Inn Love.

Nakadalawang episodes na sila at happy naman sina VJ at Migo sa response ng mga viewers ng series.

Siyempre di naman mawawalan ng bashers ang kanilang show pero ayaw ni VJ na magpapaapekto sa mga negative comments.

“Hindi naman maiiwasan ang mga negative comments. Lagi naman may sasabihin ang mga tao. Basta ang importante lang sa amin ay we do our best na pagandahin ang show at gusto. ko rin pasalamatan ‘yung mga nagbigay ng positive comments,” sabi pa ni VJ.

(RICKY CALDERON)