2021 June Archive - People's Balita

Archive for June, 2021

Gilas inilusot ni Belangel

Posted on: June 18th, 2021 by @peoplesbalita No Comments

Pormal nang inangkin ng Gilas Pilipinas ang tiket para sa 2021 FIBA Asia Cup Championships sa Agosto sa Indonesia.

Salamat na lamang sa buzzer-beating three-point shot ni point guard SJ Belangel.

Ang triple ni Belangel ang nagtakas sa 81-78 panalo ng Nationals laban sa mga South Koreans sa third at final window ng 2021 FIBA Asia Cup Qualifiers kahapon sa Angeles University Foundation Gym sa Clark, Pampanga.

Ito ang ikaapat na sunod na ratsada ng Gilas at kauna-unahan laban sa South Korea matapos ang walong taon para banderahan ang Group A ng qualifiers.

Kinailangan ng Nationals na bumangon mula sa 17-point deficit, 16-33, sa second period para agawin ang 54-52, sa 1:48 minuto ng third quarter sa pamumuno nina Dwight Ramos at 7-foot-1 Kai Sotto.

Itinala ng Gilas ang 78-75 abante mula sa basket ni naturalized player Angelo Kouame sa huling 10.5 segundo ng fourth period na sinundan ng triple ni star guard Lee Hyun Jung para itabla ang Korea sa 78-78 sa nalalabing 2.9 segundo.

Kasunod nito ay ang kabayanihan ni Belangel, tumapos na may 12 points para sa tropa ni coach Tab Baldwin.

Pinamunuan ni dating PBA import at naturalized player Ricardo Ratliffe (Ra Gun-A) ang mga Koreans (2-1) sa kanyang 24 points at 15 rebounds.

Sa unang laro, tinalo ng China ang Japan, 66-57, sa Group B.

Sa Amman, Jordan, humataw si NLEX guard Jericho Cruz ng 20 points para tulungan ang Guam sa 112-66 pagmasaker sa Hong Kong at itala ang 2-1 record sa Group C katabla ang Australia at New Zealand na hindi lumahok sa third window.

Saso No. 8 na sa world ranking

Posted on: June 18th, 2021 by @peoplesbalita No Comments

Muling umangat si reigning US Women’s Open champion Yuka Saso sa world ranking nang okupahan nito ang No. 8 spot sa listahan.

Lumundag ng isang puwesto ang 19-anyos Pinay golfer mula sa kanyang dating ika-siyam na puwesto sa ranking.

Bumagsak naman sa No. 9 si Hyo-Joo Kim ng South Korea matapos itong malagay sa ika-57 puwesto sa katatapos na LPGA Mediheal Championship.

Nanatili naman sa No. 1 spot si Jin Young Ko kasunod sina In Bee Park, Sei Young Kim, Nelly Korda, Brooke Henderson, Danielle Kang at Lexi Thompson.

Bukod sa pag-angat sa world ranking, masayang-masaya si Saso nang sa wakas ay makita na nito ng personal si dating world champion Rory McIlroy.

Hindi maipaliwanag ni Saso ang naramdaman nito nang makasama si McIlroy sa practice session ng US Open sa Torrey Pines.

“I didn’t know how to say, ‘Hi.’ But he was so nice. He was so kind. He was so open. When I asked him a question, he was so honest. I hope I can ask him more advice,” ani Saso.

Maliban kay McIlroy, nakita rin ni Saso ang iba pang kilalang boxers gaya nina US Open champion Bryson DeChambeau at PGA champion Phil Mickelson.

“I saw Phil activating his calves, and yeah, I saw Jordan Spieth. I saw the great players. It’s been a great day, and I’m thinking to come back tomorrow morning before I fly back to Atlanta,” dagdag ni Saso.

Ngunti hindi makakalimutan ni Saso ang enkuwentro nito kay McIlroy na pangunahing idolo nito.

“He let me go inside the ropes. That was really great. I talked to him about things. I can’t share it with you guys. I want to keep it with me,” ani Saso.

DOTr: Isusulong na dagdagan ang kapasidad ng mga pasahero sa pampublikong transportasyon

Posted on: June 18th, 2021 by @peoplesbalita No Comments

Tinutulak ng Department of Transportation (DOTr) na madagdagan ang kapasidad ng mga pasahero sa mga pampublikong transportasyon mula sa kasalukuyang 50 percent upang mabawasan ang hirap ng nararanasan ng mga pasahero sa pagsakay.

Balak ng DOTr na utay-utay na palawakin ang kapasidad ng mga pampublikong transportasyon tulad ng Public Utility Jeepneys (PUJs) at Public Utility Buses (PUBs) at hihingi ng pahintulot sa mga lokal na pamahalaan at IATF.

“We plan to increase the passenger capacity by five (5) to ten (10) percent at a time, subject to the approval of the Inter-Agency Task Force for the Management of Emerging Infectious Diseased (IATF) and local government units (LGUs),” wika ni DOTr Secretary Arthur Tugade.

Ayon kay Tugade hindi sapat ang kasalukuyang kapasidad na 50 percent sa mga pampublikong transportasyon. Kailangan na magkaron ng balance tungkol sa pangangailangan ng mga sumasakay at ng ekonomiya habang pinanatili ang siguradong kaligtasan ng mga pasahero.

Pinatutupad ang limitadong kapasidad sa mga pampublikong transportasyon upang mabawasan ang pagkalat ng COVID-19.

Noon pa man ang mga jeepney at bus operators ay gustong ng dagdagan ang kapasidad ng mga pampublikong transportasyon.

“Jeepney and bus operators said that they can do it. We will wait for the approval of the IATF and LGUs,” dagdag ni Tugade.

Samantala, noong nakaraan Biyernes ay nagkaron ng mahabang pila ng mga pasahero ng Metro Rail Transit Line 3 (MRT3) sa estasyon ng Ortigas at Ayala dahil na rin sa mga iba’t ibang dahilan.

Kumilos ang DOTr sa pangyayari upang mabigyan ng solusyon ang mahabang pila sa mga rail stations at bus stops

Inutusan ni Tugade ang Land Transportation Franchising and Regulatory Board (LTFRB) na bigyan pansin ang mga kailangan gawin tungkol sa mahabang pila ng mga pasahero at ng hindi na muling mangyari ang insidente.

Tinawagan ni Tugade ang mga EDSA bus consortium upang dagdagan pa ang bilang ng mga awtorisadong buses na dumadaan sa EDSA sa ilalim ng kanilang kontrata na magbigay ng libreng sakay sa mga pasahero lalo na kung rush hours.

Kung kaya’t nangako ang consortium ng karagdagan 15 modern buses na may left-side doors ang tatakbo sa EDSA Busway route.

“I also called for the deployment of more rescue skip buses to congested EDSA bus stops to pick up passengers, especially during rush hours, as well as the opening of more mini-loops to enable EDSA Busway units to maneuver immediately and get passengers,” saad ni Tugade.

Ang mga mini-loops ay babantayan ng Inter-Agency Council for Traffic (I-ACT) sa pakikipagtulungan ng Metropolitan Manila Development Authority (MMDA) upang masiguro ang magandang daloy ng trapiko.

Sinabi ni Tugade na hindi maiiwasan ang mahabang pila at paghihintay lalo na kung rush hour, weekend, o may mga aksidente at may masamang panahon. (LASACMAR)

DC’s The Flash Movie Getting Another Barry Allen: Grant Gustin To Have A Cameo

Posted on: June 18th, 2021 by @peoplesbalita No Comments

DC’s upcoming The Flash movie is reportedly getting another Barry Allen.

The star of the CW Arrowverse series of the same name, Grant Gustin, feature in a cameo role.

Directed by Andy Muschietti, the long-awaited Barry Allen solo movie is finally kicking into high gear after years of being stuck in development hell. Filming has finally began on The Flash, which is set to adapt the Flashpoint comics arc, breaking the DCEU’s Multiverse wide open in the process.

The Flash is already set to feature some exciting supporting players – Sasha Calle will debut as the DCEU’s Supergirl and Kiersey Clemons will be reprising her role of Iris West after appearing briefly in Zack Snyder’s Justice League.

The two Caped Crusaders set to appear. Both Ben Affleck and Michael Keaton will be showing up as their respective Batman’s to help Barry Allen with the time travel mess he makes.

It is unclear how much they will be featured in the film, but if the latest news is any indication, there might be another Multiversal superhero team-up in store.

According to the reports that Gustin will have a cameo in The Flash. Details are slim regarding the capacity of Gustin’s role and no other information was provided. Still, it’s reported that Gustin will be playing his version of Barry Allen from the CW series.

Gustin’s appearance alongside Miller isn’t unprecedented – the pair have appeared together on the CW before when Miller’s version of Barry Allen appeared during the crossover event ’Crisis on Infinite Earths.’

Still, Gustin’s appearance in a major DCEU film portends big things for the struggling franchise. It’s already clear that, after the Snyder Cut, the DCEU is looking to the future and that involves various film projects as well as television shows and movies that will debut exclusively on HBO Max.

Whether or not Gustin’s inclusion in The Flash is a sign that the Arrowverse could be incorporated into the DCEU remains unclear. It could be that Gustin’s appearance will just serve to further solidify the existence of the Multiverse.

Gustin’s cameo will also give the DCEU plenty of options to explore if and when they do want to incorporate the Arrowverse into the franchise. Either way, though, this latest news will only further excitement for The Flash as the DCEU looks to compete with the MCU with a huge Multiverse story of its own and a roster of heroes both new and familiar. (source: screenrant.com)

(ROHN ROMULO)

Gilas coach Baldwin pinuri ang laro ni Sotto

Posted on: June 18th, 2021 by @peoplesbalita No Comments

Pinuri ni Gilas Pilipinas coach Tab Baldwin si Kai Sotto sa laro ng national team sa 2021 FIBA Asia Cup Qualifiers.

Inamin nito na hindi man gaano kahanda ang 7-foot-3 player ay mayroon itong puso sa paglalaro.

Halatado aniyang nahirapan si Sotto na tapatan ang mas may karanasang basketbolista ng South Korea na si Ricardo Ratliffe.

Sa simula aniya ay tila nababahala ito sa laki ni Ratliffe kaya nagkaroon ito ng foul trouble subalit kinalaunan ay nakapag-adjust na rin ito sa paglalaro.

Magugunitang tinalo ng Gilas ang Korea 81-70 sa pamamagitan ng last seconds shot ni SJ Belangel.

ALDEN, maagang nag-celebrate ng Father’s Day kasama si Daddy Bae dahil balik-lock-in taping na sila

Posted on: June 18th, 2021 by @peoplesbalita No Comments

TODAY, June 18, balik-lock-in taping si Alden Richards at buong cast ng upcoming GMA Primetime drama series na The World Between Us.

Kaya naman maagang nag-celebrate ng Father’s Day ang mag-amang Richard Faulkersons, kahit sa Sunday, June 20 pa ang araw ng mga ama.

Kaya si Alden in between ng mga TVC commercial shoot, tinawagan ang daddy niya at pinapunta sa kanyang condominium unit. Nasorpresa si Daddy Bae nang sa pagdating niya, napakaraming cakes at may balloons pa siyang dinatnan doon. Iyon pala katatapos lamang ni Alden i-shoot ang mga cakes from Conti’s na ini-endorse niya for Father’s Day occasion.

Masaya at matagal na nagkausap ang mag-ama. Natuwa si Alden na isang ‘Tiktok influencer’ na pala si Daddy Bae, na naikukuwento lamang sa kanya, since hindi raw niya napapanood dahil wala siyang Tiktok account.

Sana raw ay patuloy na i-follow ng mga fans niya ang Tiktok at Instagram accounts ng ama.

Magiging busy na naman sina Alden sa lock-in taping ng The World Between Us, na may ipinakikita nang nakakakilig na teaser nina Alden at Jasmine Curtis Smith kaya marami na ang nagtatanong na netizens kung ano ang mga roles na gagampanan nina Alden, Jasmine, Tom Rodriguez, Dina Bonnevie, Ms. Jaclyn Jose, Glydel Mercado at sinu-sino pa ang bubuo sa cast?

Directed by Dominic Zapata, this July, mapapanood na ang The World Betweeen Us, pagkatapos ng 24 Oras.

***

TONIGHT na ang finale episode ng romantic-comedy series na Heartful Cafe nina Julie Anne Santos at David Licauco.

Thankful ang mga fans ni Julie Anne nang maging dual role pa ang character niya. Bukod sa original character niyang si Heart Fulgencio, naging si Destiny Hope pa siya, bilang ang gaganap sa character ng novel na sinulat niya at ididirek naman ni Uno (EA Guzman), ang dating boyfriend na nagbabalik muli kay Heart.

Pero late na ang pagbalik nito, dahil mukhang nabaling na ang love ni Heart kay Ace (David) na co-owner niya sa Heartfelt Cafe.

Matutupad ba ang wish ng mga netizens, na si Ace na nga ang makatuluyan ni Heart?

Abangan ang grand finale mamaya, 9:30PM, pagkatapos ng Endless Love sa GMA-7.

***

KUNG medyo nahirapan si Ken Chan sa family drama na My Special Tatay in 2018, inamin niyang mas mahirap ang role na ginampanan niya ngayon sa upcoming GMA Afternoon Prime na Ang Dalawang Ikaw. Nakaramdam daw siya ng mixed emotions nang unang matanggap ang offer ng GMA, na siya ang gaganap sa role.

“As Boyet po sa ‘My Special Tatay,’ isa po akong may mild intellectual disability, dito sa ‘Ang Dalawang Ikaw’ mayroon naman akong split personality,” wika ni Ken.

“Kaya para ma-achieve ko ang characters ko rito, sumailalaim ako sa masusing pagri-research, iba’t ibang workshops at consultations para malaman ko ang character ng taong may Dissociative Identity Disorder (DID).

“Bale dalawang characters ang gagampanan ko, si Nelson, ang loving husband ni Mia (Rita Daniela) at Tyler, ang gun dealer na fiancé ni Beatrice (Anna Vicente).”

Nagpasalamat din si Ken kay Dr. Babes Arcena, ang psychiatrist na nag-guide sa kanya sa mga eksena niya during the taping para tama ang gagawin niya at tama rin ang mensahe na mapapanood ng mga viewers.

Mapapanood na simula sa Monday, June 21, ang world premiere ng Ang Dalawang Ikaw sa GMA Afternoon Prime, pagkatapos ng Eat Bulaga.

(NORA V. CALDERON)

Bulacan, makikiisa sa pagdiriwang ng Pride Month kasama ang LGBT Community

Posted on: June 18th, 2021 by @peoplesbalita No Comments

LUNGSOD NG MALOLOS– Ipagdiriwang ng Lesbian, Gay, Bisexual, Transgender (LGBT) Community-Bulacan Federation sa pakikipagtulungan ng Pamahalaang Panlalawigan ng Bulacan at pakikiisa ng PNP-Bulacan ang taunang LGBT Pride Month mula Hunyo 17 hanggang Hulyo 22, 2021 bilang pagkilala sa positibong impluwensya ng mga LGBT sa mundo.

Tinawag na ‘Lakbay Kumustahan: The LGBT Bulacan Hello Caravan 2021’, bibisita ang mga opisyal ng pederasyon sa mga lokal na samahan ng LGBT sa 21 bayan at tatlong lungsod sa lalawigan upang palakasin ang ugnayan at talakayin ang mga proyekto at programang kapaki-pakinabang sa mga Bulakenyong LGBT.

Kabilang sa tatalakayin ang malawakang information campaign hinggil sa kanilang karapatan at Anti-Discrimination Bill; mga programang maaari nilang mapakinabangan; database at profiling upang maitala ang datos at estado ng LGBT na makatutulong na makatugon sa kanilang mga pangangailangan sa kalusugan, edukasyon, trabaho, negosyo at kalakalan kung saan ibabase ang tamang paglikom ng programa at pondo mula sa ibang ahensya at departamento na kasudlong ng sektor.

Gayundin, ilalatag ang Cash for Work Program sa humigit kumulang na 500 Bulakenyong LGBT para naman sa mga nawalan ng hanapbuhay.

Sinabi ni Gob. Daniel R. Fernando na tinitiyak ng lalawigan na napapahalagahan ang lahat ng papel na ginagampanan ng bawat sektor sa lipunan.

“Bawat isa sa atin ay may mahalagang papel na ginagampanan at kayo ay isa dito. Your contributions are as vital as everybody’s who is willing to share his part for the province, kaya buo ang suporta namin sa inyo,” ani Fernando.

Samantala, tatanggap ang 371 Bulakenyong LGBT ng tig-P5,000 bawat isa mula sa programa na DOLE-DOT Bayanihan Act II para sa Tourism Displaced Workers na tulong pinansiyal para sa mga nawalan ng trabaho at Negosyo; 10 ang tatanggap ng Negosyo Cart at 80 E-loading station mula DOLE at PESO Bulacan.

Bukod dito, may 300 iskolar din na hinahanap ang samahan sa tulong ng Tanggapan ng Punong Lalawigan ng Bulacan bilang suporta sa mga kabataang Bulakenyong LGBT na nais makapagtapos ng kanilang pag-aaral.

Sa higit kumulang na 25,000 miyembro ng pederasyon ng LGBT Bulacan na may edad 18 taon pataas, layon din ng gawain na itaas ang kamalayan ng Bulakenyong LGBT sa kanilang tungkulin bilang force multipliers pagdating sa kaligtasan at kapayapaan bilang bahagi ng LGBT Bulacan Federation sa advocacy group ng PNP Bulacan sa pagpapatupad ng Executive Order No. 70 ni Pangulong Rodrigo Duterte o ang pag-iinstitusyunado ng Pangulo sa Whole Nation Approach Policy para magkaroon ng kapayapaan at tapusin na ang bakbakan sa pagitan ng gobyerno ng Pilipinas at rebeldeng NPA.

DJ Mo, kinasal na sa longtime partner na si ANGELICOPTER sa Iceland; tinuloy kahit inabutan ng snow storm

Posted on: June 18th, 2021 by @peoplesbalita No Comments

KINASAL na si DJ Mo Twister sa kanyang longtime partner na si Angelicopter sa bansang Iceland noong nakaraang June 15.

Sa Instagram, pinost ni DJ Mo ang litrato nila ni Angelicopter na kuha sa Skaftafell sa Vatnojökull National Park. May kuha pa ang newlyweds sa famous Svartivos falls.

Pinlano raw ng mabuti ng dalawa ang destination wedding nila. Pero inabutan daw sila ng summertime snow storm sa Iceland.

Sey ni DJ Mo: “Here’s a tip about getting married in a far away wilderness like Iceland. Have not one but two backup plans for the second time we have been here together, things we had scheduled a long time ago were cancelled by weather. We had some extreme weather that made us have to completely overhaul the entire day. Where we scheduled to have our ceremony, changed due to a summertime snow storm.”

Kahit may snow storm, tinuloy pa rin ng dalawa ang wedding nila kahit na basang-basa na ang wedding suit ni Mo at napunit na ang wedding gown ni Angelika.

“We moved to several locations, the kids nearly froze to death, they had to stay in the hotel cuz they just couldn’t handle the weather any longer, then like a miracle, we found a bright, calm and SUNNY spot wherein it ended up with just the two of us,” sey ni Mo.

Parehong based na sa New York sina DJ Mo at Angelicopter. Na-engage sila noong May 2020 after eight years sa relasyon nila.

***

OFFICIAL loveteam na ang Kapuso teen stars na sina Sofia Pablo at Allen Ansay.

Kilala ang loveteam nila sa social media bilang Team Jolly.

Pagsasamahin silang dalawa sa isang teleserye sa GMA bilang launch ng kanilang loveteam.

“Happy po kami ni Allen kasi nagsimula lang yung Team Jolly sa TikTok at sa YouTube channel namin. Ngayon legit na loveteam na kami. Excited kami sa gagawin naming show with GMA,” sey ni Sofia.

Pero di pa man nagsisimula, may pinagseselosan na raw si Allen. Ito ay co-star ni Sofia sa Prima Donnas na si Vince Crisostomo.

Nagselos daw si Allen noong malaman niyang binigyan ni Sofia ng special gift si Vince. Pero isang prank joke lang iyon ni Sofia kay Allen.

Idinetalye ni Sofia ang ginawa niyang prank kay Allen.

“Kapag po pina-prank ko po siya, kapag meron akong ginagawa sa kaniya pero ginagawa ko rin sa iba. Pinrank ko po kasi siya na binigyan ko rin si Vince ng bracelet. Sabi ni Allen, ‘Bakit mo binigyan? Akala ko ba sa atin lang ‘yon?’

“Sabi ko ‘Hindi, eh gusto ko rin bigyan si Vince kasi close rin kami, special din siya.’ Tapos hindi niya po ako pinapansin,” natatawang kuwento ni Sofia.

Nagpaliwanag naman si Allen sa kanyang pagselos.

“Itong bracelet po kasi, parang alaala namin ni Sofia sa Boracay kasi ‘yun ‘yung first time na nagsama kami sa Boracay. Unang beses ko rin na pumunta doon tapos magki-Christmas pa noon.

“Siyempre para sa akin, ‘Akala ko ba tayong dalawa lang? Hindi naman natin nakasama si Vince. Bakit meron siya?’ Siyempre nagtatanong ako sa kanya.”

Noong sinabi ni Sofia na prank lang yung special gift niya Vince, natawa lang si Allen dahil biktima siya ulit ng prank ni Sofia.

***

BILANG selebrasyon ng kanilang ika-71 taong anibersaryo, mamimigay ng papremyo ang GMA Network para sa loyal fans at viewers nito sa pamamagitan ng ‘Buong Puso Groufie Giveaway’!

Simple lang ang kailangang gawin para sumali! Tumutok lang sa inyong paboritong GMA show kasama ang inyong pamilya o mga kaibigan at mag-selfie/groufie habang nanonood sa TV. Isend ito sa www.gmanetwork.com/buongpusogroufie hanggang June 25.

Tig-10 ang mabubunot na mananalo ng GMA Affordabox at GMA Now. Sasabihan via call, text, o email ang mga mabubunot at ipopost din ang list of winners sa GMA Network Facebook page at social media sites.

Ano pang hinihintay ninyo, mga Kapuso? Bisitahin ang www.gmanetwork.com/BuongPusoGroufie para malaman ang buong detalye.

(RUEL J. MENDOZA)

COVID-19 vaccines para sa kapulisan, sapat- Sec. Roque

Posted on: June 17th, 2021 by @peoplesbalita No Comments

SINIGURO ng Malakanyang na sapat ang COVID-19 vaccines para sa kapulisan.

Sinabi ni Presidential Spokesperson Harry Roque na karapat-dapat naman na kilalanin ang mga law enforcement agents sa pagpapanatili ng kapayapaan at kaayusan sa gitna ng COVID-19 pandemic.

Ang pahayag na ito ni Sec. Roque ay sinabi niya sa pagbabakuna ng police personnel sa pangunguna ni Philippine National Police chief Police General Guillermo Eleazar.

“The President promised that his men in uniform, both the military and the police, will have priority in receiving the vaccine. You will be given priority because this is in recognition of your heroism. Today, we witness a promise fulfilled,” ayon kay Sec. Roque.

“The President said that the soldiers and the police must be given priority because you are also frontliners. While we recognize the heroism of our medical frontliners as being our soldiers in the war against COVID-19, without the security and stability provided by the AFP and the PNP, they will not be able to discharge their function,” dagdag na pahayag nito.

Ang pagbabakuna sa A4 category, o sa lahat ng mga nagtatrabaho at kinakailangan na “on site for their job” ay nagsimula noong nakaraang linggo.

Sakop ng A4 category ang 35 milyong indibidwal subalit ang COVID-19 vaccine supply ng Pilipinas ay 12 milyong doses o “good for six million people” lalo pa’t ang lahat ng COVID-19 vaccine brands na available sa bansa ay ina-administer ng dalawang doses. (Daris Jose)

Obiena pagkatapos ng Olympics magpapabakuna

Posted on: June 17th, 2021 by @peoplesbalita No Comments

Habang atat ang mga atletang maturukan ng coronavirus disease (COVID-19) vaccine ay nagdadalawang-isip naman ang kampo ni Olympic Games-bound pole vaulter Ernest John Obiena.

Sinabi ng tatay ni Obiena na si Emerson na may masamang epekto sa atleta ang COVID-19 vaccine base sa kanilang pagtatanong.

“Base sa mga pagtatanong nila sa ibang atleta na nakapagpa-vaccine na, may mga reactions doon sa vaccines na minsan umaabot ng 10 days na hindi maganda iyong pakiramdam ng atleta,” ani Emerson kahapon sa PSA Forum online edition. Plano rin ni Olympic-bound gymnast Carlos Edriel Yulo na magpabakuna matapos ang 2021 Olympics na nakatakda sa Hulyo 23 hanggang Agosto 8 sa Tokyo, Japan.

“Sa ngayon hindi pa sila makapag-confirm kung magpapa-vaccine o hindi kasi iyong 10 days na hindi ka makapag-training malaki ang effect noon sa preparation for the Olympics,” ani Emerson.

Nagbalik na sina Obiena at legendary mentor Vitaly Petrov sa kanilang training camp sa Formia, Italy matapos sumabak sa Gemany, Sweden, Netherlands at Poland.