- June 16, 2026
Ang Diyaryong Pinagkakatiwalaan
Archive for June, 2021
12.2 milyong Pinoy, jobless sa first quarter ng 2021 – SWS
Tinatayang 12.2 milyong Pinoy ang walang trabaho sa unang quarter ng 2021 sa panahong nararanasan ng bansa ang pandemic.
Batay sa SWS survey, 25.8 percent ng adult labor force ay nananatiling walang trabaho pero mas mababa ng may 1.5 percent mula sa 27.3% o 12.7 milyong Pinoy na jobless noong huling quarter ng 2020.
Gayunman, ang latest figure ay may 8.3 percent na kataasan kumpara sa 17.5M adult joblessness noong December 2019 bago magkaroon ng COVID-19 crisis sa bansa.
Sa mga jobless, kabilang dito ang mga taong nag-resign sa trabaho, naghahanap ng trabaho at nawalan ng trabaho dahil sa pandemic.
Ginawa ang survey sa pagitan ng April 28 at May 2. Ang pinakamaraming jobless ay mula sa Metro Manila (30.8%), sinundan ng Visayas (28.7%), Balance Luzon (24.2%), at Mindanao (23%). (Daris Jose)
PDu30, handang pondohan ang imbensyon ng oral COVID-19 vaccine
HANDA si Pangulong Rodrigo Roa Duterte na pondohan ang imbensiyon na oral COVID-19 vaccine ni Dr. & Rev. Fr. Nicanor Austriaco, OP, Professor of Biological Sciences.
Sa virtual press briefing ni Presidential Spokesperson Harry Roque, sinabi nito na kung makikita na epektibo at ligtas ang oral COVID-19 vaccine na imbensyon ni Fr. Austriaco ay tutulong sa ngayon ang Deartment of Science and Technology (DoST) para pondohan ang clinical trial para sa oral vaccine at ang clinical studies ay isasagawa ng mga nangungunang unibersidad.
” Well, I’m sure kung mari-recognize po talaga na epektibo at ligtas itong ating vaccine na dinivelop nila Fr. Austriaco eh mayroon pong ibibigay talagang prize ang ating Presidente dahil mayroon naman po siyang pinangako na prize para doon sa mga magkakaroon ng imbensyon na makakatulong sa laban natin sa COVID-19. Pero sa ngayon po ang matutulong ng gobyerno, ang DOST po, Fr. Austriaco, I’m sure you know already can fund a clinical trial for the oral vaccine that you have ‘no. We can even fund it using government money and the clinical studies would be conducted by leading universities ‘no,” ayon kay Sec. Roque.
At sa tanong naman kung batay sa mga naunang pahayag nito ay aabot lamang sa P35 ang halaga ng inyong yeast-based oral—vaccine laban sa Covid-19 ay sinabi ni “We have built the vaccine delivery system; I built it with my students in the United States. It took us 3 months. We are now assembling a scientific team here at UST to undertake the animal studies that we will need in order to apply for clinical trial permissions from the national government of the Philippines.”
Sa pagkakataong to aniya, ang animal trials ay tatagal ng ilang buwan at muli ay ilang buwan naman para sa clinical trials.
“So the earliest, probably it will be second generation vaccine, the middle of next year. But we do hope that it will be successful – only God knows at this time – and my goal is this vaccine is for the poor of the Philippines. So we would like to make it as cheap as possible,” anito.
“I have a vow of poverty myself; I do not have a salary so I’m doing this as my students will say – for God, for the Philippines and for UST,” dagdag na pahayag ni Fr. Austriaco.
Samantala, sinabi pa ni Fr. Austriaco na gumamit sila ng pribadong pondo para sa development ng oral vaccine sa Estados Unidos.
“In anticipation of doing that research here in the Philippines, we did not use any NIH funding for the development of this vaccine in the United States. So we used private funds and right now I am going to—I’m in conversations with UST to begin the process of patenting the oral vaccine here in the Philippines,” aniya pa rin. (Daris Jose)
DOLE: Libreng bike sa ‘economic frontliners’ na magpapabakuna
Magbibigay ang Department of Labor and Employment (DOLE) ng libreng bisikleta sa mga ‘economic frontliners’ o kabilang sa A4 category na makakakumpleto ng dalawang dose ng bakuna kontra COVID-19 umpisa sa buwan ng Hulyo.
Inisyal na maglalabas ng 2,000 bisikleta ang DOLE-Bureau of Workers with Special Concerns (BWSC) sa ilalim ng programang “BakSikleta”. Ilalaan ang 1,000 sa mga bisikleta para sa National Capital Region (NCR).
Sinabi ni Labor Secretary Silvestre Bello III na ito ay paraan nila para hikayatin ang mga manggagawa na ituluy-tuloy ang pagpapabakuna at hikayatin pa ang kanilang mga kasamahan.
Kasama rin sa package ang libreng Android phone na may P5,000 load para magamit ng mapipiling manggagawa sa pagtatayo ng maliit na negosyo o sideline.
Kasama ring ipamimigay ang bike helmet, kapote, water bottle at thermal bag. (Gene Adsuara)
MARIAN, naging ‘big influence’ para magpa-vaccine na rin ang ina ng isang netizen; siya lang daw pala ang sagot
DAHIL sa nakapagbakuna na si Marian Rivera kasama ang kanyang asawang aktor na si Dingdong Dantes, marami nga ang naenggayo na magpabakuna na rin.
Ayon sa tweet ng netizen na si Carlo, napapayag na raw magpa-vaccine ang mommy nito nang makitang natanggap na ng Kapuso Primetime Queen ang first dose ng Covid-19 vaccine:
“Mama: Ok. Ready na ako pa vaccine
“Me: What changed your mind?
“Mama: Si Marian Rivera kasi nagpa-vaccine na.
“LMAO! Napagod pa ako mag-explain, si Marian lang pala sagot.”
Pinusuan naman ito ng netizens, kaya agad na nag-viral ang post, na aminado naman si Carlo na big fan ni Marian ang ina niya.
Na kinilig lalo na mag-message sa kanya ang mommy nina Zia at Sixto, “Marian is kind enough to send me a message ang said Hi to my mom. Kaya ayun kilig na kilig.”
May isa pang netizen na nagsabing, “Buong angkan ko din. Si Marian lang pala ang sagot.”
Nang makita ni Marian ang viral tweet, ibinahagi niya ito sa kanyang Instagram story, at nagwi-wish na maging safe ang lahat.
Sa naging interview ni Aubrey Carampel kina Marian at Dingdong, inamin ng mag-asawa na nakaramdam din sila ng takot na magpabakuna, pero sa dahil sa pagri-research at sa binigay ng opinyon ng kanilang doktor, naging kampante na sila.
Na-explain din sa kanilang kung ano ang posibleng side effects after ng bakuna, na depende naman sa pagtanggap ng katawan ng tao, kaya dapat ding bantayan.
“They explained properly what side effects may appear and it was written on the card given to us they are there to answer any question we may have,” pahayag pa ni Marian.
Naka-schedule namang matanggap ang second dose nila ni Dingdong sa July 10.
Narito naman ang ilan sa naging reaction ng netizens:
“Wala naman masama sa post, at least May naimpluwensiyahan magpa bakuna.”
“hindi kabaduyan maging isang mabuting ina, anak, apo, at asawa. Mas lalong hindi kabaduyan ang maging magandang halimbawa o impluwensya sa iba. Khit baliktarin mo pa mundo pinaka maganda si marian. D nya kailangan ng mamahaling gamit para gumanda khit magputing t shirt lang yan at walang makeup o alahas ganda pa din. Yun ba ang baduy? Ang tawag sayo inggitera.”
“Kaya hindi maganda ang Demokrasya dahil yung mga tulad ng nanay ni Carlo ang mga bumoboto ng mga susunod na mga maluloklok. Kung sino lang sabihin ni Marian o ni Cardo yun na!”
“Although its great that actors have a good influence na machange yung mind ng mga tao, but we should listen to our frontliners really. Sila eversince are saying na we should get vaccinated when we can. Pero people would change their minds so quickly the moment they see their fave artista do something. Sad reality :((“\
“Aliw naman nito. Magandang impluwensya rin ang pagpapabakuna nilang mag-asawa. Maraming naengganyo lalo na yung mga nag-aalangan pa rin. Ito yung positive power ng celebrity status.”
“Positive influence si Marian.”
“Pinoy talaga mahilig manggaya kaya influencers benta like celebrities. Before ayaw magpa vaccine, but now since ginagawa na mg celebs, I see lot of people flexing their vaccinated arms. Which I guess is good kasi eto talaga magandang purpose ng pagiging influencer mo. Sana madami na mavaccinan.”
“Tho maganda naman at positive ang news na ito. Pakiusap mga kabayan pag sa eleksyon wag naman porket endorse ng fave niyo artista e yun ka na rin boto niyo huh.”
“POSITIVE ANG PANANAW TALAGA NINA MARIAN at ang DONGYAN! Until now relevant pa rin sila kahit walang ka eng engan na gagawin para mapansin, ang tahimik at low key nilang pamilya ay nakaka dala ng peace of mind talaga…kahit subrang yaman na nila simple nila talaga at masayang masaya sa buhay na kontento!”
“Just wondering though, karamihan ng celebrities na nagpa vaccine this week, iisa yung tinatatuan nilang background.. meron ata silang pa vaccination program for entertainers.. if its a provate company and its paid for, ALL GOOD.”
“organizee by mowelfund-mmff-mda yan for artist pati mga nsa likod ng entertainment industry. siguro kc gusto na nlng bumalik sacdatu ung ent. industry kc income din un ng govt. if ever.”
Samantala, happy sina Dingdong at Marian sa rerun ng Endless Love sa GMA Telebabad na this week ay lumabas na sila, na kung saan maraming memories ang bumabalik, isa na nga doon ay nasa courting stage pa lang daw sila.
After ng Endless Love, wish ng mag-asawa na makagawa sila ng new project together, drama series man o sitcom, hopefully magkatotoo ito bago matapos ang 2021.
(ROHN ROMULO)
1.5-M pang Sinovac COVID-19 vaccine doses, dumating sa PH
Karagdagang 1.5 million pang doses ng COVID-19 (Coronavirus Disease 2019) vaccine na gawa ng Sinovac ang dumating sa Pilipinas kahapon, Huwebes.
Kabilang sa pinakabagong shipment na ito ang 500,000 doses na binili ng Federation of Filipino Chinese Chambers of Commerce and Industry Inc., na siyang pinaka-unang batch ng COVID-19 vaccines na dumating sa Pilipinas na binili mismo ng private sector.
Sa panibagong supply na ito, umakyat na sa 9 million doses ang COVID-19 vaccine na gawa ng Sinovac sa bansa.
Kabilang na rito ang 1 million na donasyon ng Chinese government.
Kung isasama ang iba pang brands ng COVID-19 vaccine na dumating sa Pilipinas sa mga nakalipas na buwan, kabuuang 13.2 million doses na ito. (Gene Adsuara)
Pinay tennis star Alex Eala nabigo sa opening game ng W25 Madrid
Nabigo si Filipina tennis player Alex Eala sa unang round W25 Madrid.
Tinalo kasi siya ni Andrea Lazaro Garcia ng Spain 2-6, 6-4, 6-4.
Sa unang set ay hawak ng 16-anyos na world number 630 ang kalamangan hanggang nakabangon at umarangkada si Lazaro Garcia.
Unang nagwagi ang Rafa Nadal Academy scholar noong Enero sa W15 Manacor tournament na ginanap sa Spain.
PDu30, payag na sa ospital na lamang magsuot ng face shield
KINUMPIRMA ni Presidential Spokesperson Harry Roque na payag si Pangulong Rodrigo Roa Duterte na sa ospital na lamang magsuot ng face shield.
“I can only confirm what Senate President Tito Sotto and what Senator Joel Villanueva said earlier that the President did say.. that the wearing of face shield should only be in hospitals,” ayon kay Sec.Roque.
“What the President has decided, then that’s the policy. This is without prejudice to IATF appealing possibly noh? Alam ninyo kasi ang posisyon naman ng DoH, eh may mga pagkakataon naman talaga dapat eh isuot pa talaga ang face shield, noh? At ito po iyong lalong-lalo na iyong kapag nasa indoors na maraming tao,” dagdag na pahayag ni Sec.Roque.
Ang posibleng magiging hakbang ng IATF sa usaping ito ay umapela sa sinabi ng Pangulo.
Nauna na itong inihayag ni Senate President Vicente Sotto III sa kanyang Twitter post.
Tinawagang pansin pa ni Sotto ang Department of Health (DOH) sa kanyang naturang post.
Sa kabilang dako, hindi pa kinukumpirma ng Malakanyang ang naturang pahayag ni Sotto.
Kaugnay nito, sinabi ni Cabinet Secretary Karlo Nograles na pag-uusapan nila ang bagay na ito mamaya sa pulong ng IATF at sakaling magkaroon ng bagong panuntunan ay agad nila itong ilalabas.
Una rito, may mga grupo at indibidwal nang nagsusulong na payagan na ang hindi pagsusuot ng face shield sa pampublikong lugar.
Samantala, para naman kay UP-OCTA Research Team Fellow Prof. Ranjit Rye hindi pa napapanahon para magluwag at magpakakumpiyansa kapag lumuwag na ang health protocols sa bansa.
Pahayag ito ni Rye matapos na sang-ayunan umano ni Pangulong Rodrigo Duterte na hindi na i-require ang pagsusuot ng face shields sa mga pampublikong lugar maliban sa mga ospital.
Sabi ni Rye, bago magluwag dapat na ikonsidera ng pamahalaan na may mga variants pa ng COVID-19 ang kumakalat sa mundo.
Bukod dito, masyadong atrasado ang pagbabakuna sa bansa kaya hindi pa dapat pinag-uusapan ang pagluluwag sa mga health protocols.
Giit pa ni Rye, dapat na kumonsulta muna sa mga health experts at sumunod sa rekomendasyon ng mga ito. (Daris Jose)
Cardinal Tagle, binigyan ni Pope Francis ng dagdag posisyon sa Vatican
Itinalaga ni Pope Francis si Luis Antonio Cardinal Tagle bilang miyembro ng Congregation for the Oriental Churches.
Ayon Vatican, dahil sa bagong trabaho ni Tagle ay patuloy na ang kaniyang pakikipag-ugnayan sa Oriental Catholic Churches para tulungan ang mga ito sa proteksyon ng kanilang karapatan at pagmantine sa pagkakaroon ng isang Catholic Church.
Sakop nito ang mga bansang Egypt and the Sinai peninsula, Eritrea and Northern Ethiopia, Southern Albania and Bulgaria, Cyprus, Greece, Iran, Lebanon, Palestine, Syria, Jordan and Turkey.
Sa kasalukuyan ay Prefect of the Congregation for the Evangelization of Peoples din si Tagle.
Mula nang dumating sa Vatican noong February 2020, itinalaga rin ng Santo Papa si Tagle bilang member ng Pontifical Council for Interreligious Dialogue at sa Administration of the Patrimony of the Apostolic See (APSA) o ang katumbas ng Vatican central bank.