2021 April Archive - People's Balita

Archive for April, 2021

ECQ inihirit palawigin

Posted on: April 1st, 2021 by @peoplesbalita No Comments

Inirekomenda ng mga eksperto na palawigin ang Enhanced Community Quarantine (ECQ) na nakatakdang magtapos sa Abril 4.

Ayon kay Department of Health-Epidemiology Bureau director Dr. Althea De Guzman, kung babawiin ang ECQ matapos ang isang linggong pagpapatupad nito ay kaunti lamang ang ibaba ng bagong kaso ng COVID-19.

Sinabi ni De Guzman na dapat masusing pag-aralan ang data habang ikinokonsidera ang magiging epekto sa ekonomiya kapag pinalawig ang ECQ sa Metro Manila at karatig na probinsiya ng Bulacan, Cavite, Rizal at Laguna.

Binanggit din ni De Guzman na posibleng tumaas pa ang kaso ng COVID-19 kapag binawi na ang ECQ sa Abril 4.

Makikita lang aniya kung magtutuluy-tuloy ang pagbaba ng kaso ng COVID-19 kung magkakaroon ng ekstensiyon ang ECQ.

Sinabi naman ni Presidential Spokesperson Harry Roque na kung susundin ang payo ng mga eksperto ay baka mas marami ang mamatay dahil sa gutom.

Titingnan din aniya ang kakayahan ng gobyerno na magbigay ng malawakang tulong sa mga apektadong mamamayan sa bawat linggo na naka-ECQ.

Kagabi inaasahang iaanunsiyo ni Pangulong Rodrigo Duterte kung pagbibigyan ang kahilingan ng mga eksperto.

Una nang sinabi ng DOH na ang ECQ ay layon na iwasan ang projection na aabot sa 450,000 ang kabuuang aktibong kaso ng COVID-19 sa pagtatapos ng buwan ng Abril. (Daris Jose)

Mahigit 17,000 na mga frontline worker sa Bulacan, tumanggap ng unang dose ng bakuna kontra

Posted on: April 1st, 2021 by @peoplesbalita No Comments

COVID-19 LUNGSOD NG MALOLOS – Nakapagbakuna na ang Bulacan ng 17,728 na mga frontline worker kontra Corona Virus Disease 2019 (COVID-19) na nasa Priority Group A1 sang-ayon sa resolusyon na iniharap ng Interim National Immunization Technical Advisory Group (iNITAG) at DOH Technical Advisory Group (DOH-TAG) mula ng simulan ang programa noong Marso 8, 2021.

Nitong Marso 29, 2021, nakapagbigay na ng 85.03% mula sa kabuuang alokasyon na katumbas ng 20,849 na unang dose, kung saan 2,419 ay Sinovac at 18,430 ang AstraZeneca.

Pinaalalahanan ni Gob. Daniel R. Fernando ang publiko na habang sinusunod ng Pamahalaang Panlalawigan ang aprubadong listahan ng National COVID-19 Vaccine Deployment Plan, ginagawa nila ang kanilang makakaya upang masiguro na lahat ng Bulakenyo ay mababakunahan laban sa nakakamatay na sakit.

“Just when we finally started to vaccinate against COVD-19, medyo makakahinga na sana tayo, tsaka naman dumating ‘yung mga bagong variant, kaya naman hindi talaga tayo pwedeng kumampante. Nakakatuwa na unti-unti nababakunahan na ang mga healthcare workers natin at sa awa ng Diyos matatapos din tayong bakunahan lahat, dahil ito naman talaga ay para sa lahat, hindi pwedeng may maiwan,” ani Fernando.

Base sa listahan ng prayoridad ng pagbabakuna, kabilang sa priority eligible group A ang frontline health workers, mahihirap na senior citizen, iba pang senior citizens, iba pang mahihirap na populasyon, at uniformed personnel; habang nasa group B ang mga guro at social workers, iba pang empleyado ng pamahalaan, iba pang manggagawa, socio-demographic na mga manggagawa at mga higit na mataas ang risk maliban sa mahihirap na senior citizens at populasyon, OFWs, at iba pang mga manggagawa; at Group C para sa mga natitira pang Pilipino.

Ayon sa daily operational report mula sa Provincial Disaster Risk Reduction and Management Council, nitong Marso 28, 2021, may kabuuang bilang na 17,103 ang kumpirmadong kaso ng COVID-19 sa Bulacan, walang naitalang probable suspected na mga kaso habang 13,672 ang gumaling, nasa 512 naman ang nasawi.

Samantala, ayon sa World Health Organization, nagtala ang Pilipinas ng 712,442 na mga kumpirmadong kaso ng COVID-19, 13,159 ang namatay nitong Marso 28, 2021 at sa tala naman noong Marso 19, 2021, nasa 292,667 na ang doses ng bakunang naibigay.

Kasalukuyang nasa ilalim ng isang linggong enhanced community quarantine ang Bulacan kasama ang iba pang nasa NCR plus bubble kabilang ang Metro Manila, Cavite, Laguna, at Rizal (Bishop Jesus “Jemba” M. Basco)

DINGDONG at BIANCA, muling mapapanood sa Holy Week special ng ‘Magpakailanman’

Posted on: April 1st, 2021 by @peoplesbalita No Comments

MULING mapapanood ang natatanging pagganap nina Kapuso Primetime King Dingdong Dantes at versatile actress Bianca Umali sa Holy Week special ng Magpakailanman (#MPK) ngayong Maundy Thursday (April 1) at Good Friday (April 2).

Balikan ang napapanahong kuwento ni Boy Bonus (Dingdong), isang reformed criminal sa episode na pinamagatang “Ang Kriminal na Binuhay ng Diyos” ngayong Maundy Thursday.

Dahil sa patong-patong na problema, mawawalan si Boy Bonus ng pananampalataya sa Diyos sa murang edad. Saksihan kung papaano magbabago ang kanyang buhay at magbabalik ang kanyang paniniwala sa Diyos.

Samantala, bibigyang-buhay naman ni Bianca ang kuwento ng isang dance sport champion na putol ang binti sa episode na “Sayaw ng Buhay: The Lairca Nicdao Story.”

Anim na taong gulang pa lang si Lairca nang maputulan siya ng binti dahil sa sakit na bone cancer. Ipakikilala ng technician na nag-aayos ng kanyang prosthetic leg ang Para Dance Sport sa dalaga at dito na magbabago ang kanyang buhay.

Abangan ang natatanging pagganap nina Dingdong at Bianca sa Holy Week special ng Magpakailanman ngayong Maundy Thursday at Good Friday sa GMA-7.

***

INALALA ni Ruby Rodriguez ang pagpanaw ng kanyang kapatid na si Dr. Sally Gatchalian na isang frontliner.

Pumanaw si Dr. Sally noong March 26, 2020 dahil sa COVID-19. Isa itong pediatric infectious diseases specialist at the Philippine General Hospital and Research Institute for Tropical Medicine.

Kasalukuyang national president of the Philippine Pediatric Society, Inc. si Dr. Sally noong magkaroon ng COVID-19 pandemic sa bansa.

Heto ang tribute ni Ruby sa kanyang Manang Sally sa first death anniversary nito:

“It has been a year to date that our dear Manang Sally aka Dr Sally R Gatchalian, left us for a better place. She is a vaccine advocate! She fought really hard for the children’s welfare and well-being. She is one of the first 10 Doctors who passed away due to Covid.

“This Pandemic has taught us a lot. Let us all hang on and keep the faith as manang sal would say “an ounce of prevention is much more than a pound of cure.” Keep safe, love your family, smile with your friends… we don’t know til when. As she is a Super K Drama Fan/Addict to all we say SARANGHAE. Manang Sally, saranghaeyo, bogoshipo neomu neomu.” (RUEL J. MENDOZA)

5 ARESTADO SA SHABU SA CALOOCAN

Posted on: April 1st, 2021 by @peoplesbalita No Comments

LIMANG hinihinalang drug personalities ang nasakote ng pulisya sa magkahiwalay na lugar sa Caloocan City.

Ayon kay Caloocan police chief Col. Samuel Mina Jr. dakong 9:10 ng gabi, nagsasagawa ang kanyang mga tauhan ng Oplan Galugad na sa kahabaan ng Binata St. Brgy 144, Bagong Barrio nang maispatan nila ang isang grupo ng indibidwal na walang suot na face mask.

Gayunman, nang mapansin ng grupo ang mga pulis ay mabilis nagpulasan ang mga ito sa magkakahiwalay na direksyon na naging dahilan upang habulin sila ng mga parak hanggang sa makorner si Samboy Policarpio, 30, Lawence Mares, 31, at Jimmy Bautista, 49.

Nakuha sa mga suspek ang sampung plastic sachets na naglalaman ng nasa 4 gramo ng hinihinalang shabu na tinatayang nasa P27,200.00 ang halaga.

Bandang 5 naman ng hapon nang respondehan ng mga tauhan ng SS1 ang natanggap na tawag mula sa concerned citizen hinggil sa nagaganap umanong transkasyon ng illegal na droga sa Guido 1 Brgy. 33 na nagresulta sa pagkakaaresto kay Paul Romeo Llacer, 25, at Christopher Manalo, 40, habang nagawang makatakas ang isa nilang kasama.

Nang kapkapan, narekober kay Manalo ang isang plastic sachet ng hinihinalang shabu na nasa P1,360 ang halaga habang nakuha naman kay LLacer ang isa ding plastic sachet na naglalaman ng nasa 5 gramo ng hinihinalang shabu na may standard drug price P34,000,00. (Richard Mesa)

ANDREA, nakabibilib sa pag-handle ng break-up at pag-move on kay DEREK na mabilis na nakahanap ng kapalit

Posted on: April 1st, 2021 by @peoplesbalita No Comments

HINDI biro ang naging investment ng Kapuso actress na si Andrea Torres sa relasyon nila ni Derek Ramsay hanggang biglang umamin ang huli na break na nga sila.

And months after, may nahanap na agad na kapalit ni Andrea ang actor, na as we all know, ang ina ng anak ni John Lloyd Cruz na si Ellen Adarna.

Pero bilib talaga kami kay Andrea kung paano niya na-handle ang break-up at kung paano siya nag-move-on dito.

With all “class.”

Nag-guest si Andrea sa TBATS (The Boobay and Tekla Show) at ito na yata ang pinaka-close sa nagsalita si Andrea about the break-up o kung kumusta na ang puso niya ngayon.

Pero husay ni Andrea na sumagot na hindi niya kailangang magsalita about the break-up at compose pa rin.

Ayon dito, masaya naman daw ang puso niya. Hiningan pa ito ng percentage kung nasaan na raw ang happiness ng heart niya na natatawang sinagot naman ng actress na 8.5%.

Sinagot niya ang tanong kung may tips ba ito kung paano mag-move-on para sa masakit na hiwalayan.

Sey niya, ”mag-focus ka sa sarili mo. Gumawa ka ng mga bagay na nagpapasaya sa ‘yo saka mga bagay na hindi mo pa nata-try dati. I-discover mo pa yung sarili mo.”

Walang mga pangalan na binabanggit o totoong situwasyon na pinanggagalingan, pero naitawid nina Boobay ang mga tanong kung nakakaramdam daw ba si Andrea ng selos na sinagot nito nang, “wala.”

Kung nanghinayang ba siya, sinagot pa rin ito ni Andrea nang, “Meron.” Pero sabay kambiyo na nanghinayang daw siya dahil noong simula pa lang ng 2020, ang dami na sana niyang plano na hindi natuloy, huh!

Si Andrea ay isa sa mga leading ladies ni Dennis Trillo ngayon sa bagong serye ng GMA-7 na Legal Wives.

***

ANG dati pang nali-link or rumored na naging mag-sweetheart daw na sina Kyline Alcantara at Miguel Tanfelix ang susunod na mapapanood sa I Can See You na may pamagat na “Future.”

Simula sa April 5 hanggang sa April 9.

Pero may fan base na rin talaga ang dalawa na napanood sa Kambal, Karibal ng GMA-7 dahil hindi pa man nagsisimula ang kanilang mini-series, marami na agad ang sumuporta at na-excite.

Umabot na nga agad sa kulang 1 million ang likes at may 5k comments na agad ang behind the scene photo nila sa GMA Drama Facebook page.

Bukod pa rito, may mga nakapansin din ng pagkakahawig daw ng dalawa at kinilig ang mga ito na may kasabihan daw na kapag magkahawig, yun ang nagkakatuluyan.

Well, nothing is impossible with the two. (ROSE GARCIA)

Teacher arestado sa intentional abortion

Posted on: April 1st, 2021 by @peoplesbalita No Comments

Isang school teacher na sinampahan ng kasong paglabag sa Article 256 of the Revised Penal Code o intentional abortion ng kanyang mister ang inaresto ng pulisya sa Navotas city.

Ang pagkakaaresto sa school teacher, na pansamantalang itinago ang pagkakilanlan ay base sa warrant of arrest na inisyu ni Navotas Metropolitan Trial Court (MTC) Judge Frederick G. Separa ng Branch 118 para sa kasong intentional abortion.

Ayon kay Northern Police District (NPD) District Special Operation Unit (DSOU) OIC P/Maj. Amor Cerillo, maliban sa paglabag sa Article 256, nag-isyu din si Judge Separa ng isa pang warrant of arrest kontra sa school teacher para sa simple disobedience na may petsang December 9, 2020.

Siya ay inaresto ng mga tauhan ng DSOU sa pangunguna ni P/Sgt. Allan Reyes sa ilalim ng pamumuno ni P/Maj. Cerillo sa Champaca St., NBBS Proper, Navotas city dakong 1:40 ng hapon.

Ani Maj. Cerillo, bago ang isinampang kaso para sa intentional abortion, sinampahan muna umano ng school teacher ang kanyang mister ng paglabag sa R.A. 9262 o ang Anti-Violence Against Women and their Children Act matapos umano siyang bugbugin ng kanyang asawa.

Sinabi pa ng pulisya na nagsampa naman ng hiwalay na reklamo ang mister kontra sa kanyang misis para sa intentional abortion kung saan ang prosecutor ay nakakita ng sapat na batayan upang maiangat ang kaso sa MTC. (Richard Mesa)

200 SENIORS NABAKUNAHAN NA SA NAVOTAS

Posted on: April 1st, 2021 by @peoplesbalita No Comments

Nagsimula na ang Pamahalaang Lungsod ng Navotas sa pagbabakuna sa kanilang mga senior constituents na nagparehistro sa COVID-19 vaccination program.

Nasa 200 Navoteño senior citizens ang nakatanggap ng kanilang unang dose ng AstraZeneca vaccine, nitong Lunes.

Ang pinakamatandang miyembro ng pamayanan ay binigyan ng prayoridad alinsunod sa mga alituntunin sa pagbabakuna na inireseta ng Department of Health.

“Our vaccination schedule starts at 8 in the morning. We were pleasantly surprised that vaccinees were already lining up for registration as early as 7 a.m. We thank our seniors for their eagerness to have themselves vaccinated and protected from COVID-19,” ani Mayor Toby Tiangco.

“Our seniors were prioritized next to frontline health workers for a reason. They are among the most vulnerable groups because their risk of getting infected or dying is higher. Let us not take chances with their health and lives. Let us make sure they are protected from COVID-19,” dagdag niya.

Nagbigay din ang pamahalaang lungsod ng libreng transportasyon sa mga nakatatanda, at mga kasapi ng pamilya na kasama nila, papunta at mula sa lugar ng pagbabakuna.

Muling hinimok ni Tiangco ang mga pamilyang Navoteño na magparehistro sa NavoBakuna COVID-19 website (https://covax.navotas.gov.ph). Maaari rin silang bumisita sa kani-kanilang mga barangay o health center para sa tulong. (Richard Mesa)

‘Zack Snyder’s Justice League’, Streamed Less Than ‘Wonder Woman 1984’

Posted on: April 1st, 2021 by @peoplesbalita No Comments

ZACK Snyder’s Justice League was streamed less than fellow DC Extended Universe film Wonder Woman 1984 over its premiere weekend on HBO Max.

The film stars Ben Affleck as Batman, Gal Gadot as Wonder Woman, Henry Cavill as Superman, Amy Adams as Lois Lane, Jason Momoa as Aquaman, Ezra Miller as The Flash, Ray Fisher as Cyborg, Jeremy Irons as Alfred Pennyworth, Diane Lane as Martha Kent, Ray Porter as Darkseid, Ciarán Hinds as Steppenwolf, Jesse Eisenberg as Lex Luthor and J.K. Simmons as Commissioner Gordon.

According to deadline.com, viewer recommendation and tracking company Samba TV found Zack Snyder’s Justice League was streamed by 1.8 million households subscribed to HBO Max from March 19-21.

By comparison, Wonder Woman 1984 was watched by 2.2 million households on HBO Max during its opening weekend from Dec. 25-27 last year.

Despite falling short of the Wonder Woman sequel’s numbers, Samba TV found Zack Snyder’s Justice League was streamed more than the first episode of Marvel Studios’ The Falcon and the Winter Soldier on Disney+ over the same frame.

It was viewed by 1.7 million households, making it the Disney streaming platform’s most-watched series premiere to date. This supports Disney+’s statement yesterday, in which the streamer claimed The Falcon and the Winter Soldier Episode 1 attracted more viewers than its fellow Marvel Studios show WandaVision and The Mandalorian Season 2 premiere.

All the same, there are currently no official plans to continue the so-called Snyderverse post-Justice League.

In a recent interview, WarnerMedia Studios CEO Ann Sarnoff urged DCEU fans to be patient post-Snyder Cut, saying “When the fans see what we’ve got in store, they’ll know that DC is in good hands across many different platforms with many different creators.”

In addition to solo movies for the Justice League heroes Wonder Woman, Aquaman and The Flash, DC’s upcoming slate includes films and HBO Max series focused on Batgirl, Shazam, Black Adam and the Green Lantern Corps, along with relatively lesser-known DC comic book characters like Blue Beetle, Zatanna and Static Shock.

Zack Snyder’s Justice League is now streaming on HBO Max and HBO GO. (ROHN ROMULO)

Duterte, pinayagan na ang mga private sector na bumili ng COVID-19 vaccines

Posted on: April 1st, 2021 by @peoplesbalita No Comments

Pinayagan ni Pangulong Rodrigo Duterte ang mga pribadong kumpanya na makabili ng COVID-19 vaccine.

Isinabay ng pangulo ang anunsiyong ito sa kanyang national address nitong Lunes ng gabi.

Ayon sa Pangulo na inatasan na niya si Secretary Carlito Galvez na pirmahan ang lahat ng mga dokumento na pinapayagang lahat ng mga private sector na makabili ng kahit magkano ang halaga para sa kanilang mga empleyado.

Dagdag pa ng pangulo na nais niyang makabili ang mga private sectors para tuluyan ng mabuksan ang ekonomiya.

Paglilinaw kasi nito ang nabiling 1.2 milyon doses na COVID-19 vaccine ng gobyerno ay tamang-tama lamang sa mga frontliners at mga health workers. (Daris Jose)

Ads April 1, 2021

Posted on: April 1st, 2021 by @peoplesbalita No Comments