NAGTATAKA ang manager ni Bea Alonzo, even ang mga taga–GMA Network, sa balitang may offer sila sa aktres para pumirma sa kanila ng contract at maging isang Kapuso. 

Fake news iyon, dahil sa ngayon ay committed lamang si Bea para sa movie na gagawin nila ni Asia’s Multimedia Star Alden Richards, ang A Moment To Remember, para sa Viva Films, GMA Pictures at APT Entertainment.

Hindi pa sila pwedeng mag-commit ng iba pang projects dahil three movies na ang dapat gawin ni Bea this year, pero nasa preparations pa lamang lahat dahil nga sa muling paghihigpit sa health protocols simula nang maging ECQ muli ang NCR at apat pang karatig na probinsya.

Kung dati ay hanggang April 4 lamang ang ECQ, na-extend pa ito ng another week, hanggang April 11.

***

MARAMING nai-excite sa ipagbabago ng buhay ni Sanya Lopez bilang si Yaya Melody sa romantic-comedy series na First Yaya sa GMA Telebabad.

Maraming nai-in love sa story nina Yaya Melody at ng boss niyang si President Glenn Acosta (Gabby Concepcion) na parang isang Korean drama series daw ang takbo ng story.

At ngayong gabi nga, magaganap na ang transformation ni Yaya Melody mula sa isang simple yaya to a beautiful lady.

Sino kaya ang fairy-godmother ni Yaya Melody na magpapaganda sa kanya?

Tiyak na lalong manggagalaiti sa galit ang in-love kay Pres. Glenn na si Loraine (Maxine Medina), na feeling pag-aari na niya ito, dahil ‘manok’ siya ng Mama Blesilda (Pilar Pilapil) na maging First Lady ng anak niyang Presidente?

Pero si President Glenn lang ba ang mai-in love kay Yaya Melody? Mga guwapo lahat ang members ng kanyang Presidential Security Group (PSG) sa pangunguna ni Conrad (Pancho Magno).

Abangan ang mga susunod na mangyayari simula ngayong ika-8 ng gabi, pagkatapos ng 24 Oras sa GMA-7.

***

MAPAPAWI na ang paghihintay ng mga fans and followers ng new loveteam nina Miguel Tanfelix at Kyline Alcantara.

Nang una kasing magkasama ang dalawa sa Kambal Karibal, gusto na nila ang dalawa dahil mukha raw may chemistry sila, pareho pang mahusay umarte. Pero si Bianca Umali pa ang ka-love team ni Miguel noon kaya hintay-hintay daw muna sila sa bagong project na pwedeng pagsamahan ng dalawa.

Kaya this Easter Monday, mapapanood na ang bagong magka-loveteam sa episode na ‘#Future’ ng Season 2 ng drama anthology na I Can See You.  

Nakikita nga ba ni Miguel ang mangyayari bago pa ito maganap? Sa pagkikilala nila, magkakatulungan sila, pero paano kung malalaman ni Miguel na may kinalaman si Kyline sa pagkamatay ng kanyang ama (Gabby Eigenmann)?

Masusubukan ang acting nina Miguel at Kyline sa serye na mukhang may drama, action at mystery ang story ng episode na kasama rin nilang gumaganap sina Aiko Melendez at StarStruck graduate Dani Porter.

Sa direksyon ni Dominic Zapata, mapapanood simula na ito ngayong gabi pagkatapos ng First Yaya sa GMA-7 (NORA V. CALDERON)

NOONG Martes Santo nag-propose na nga ang Kapuso actor sa kanyang three-month girlfriend na si Ellen Adarna.

Ginulat nga ni Ellen ang showbiz industry sa IG post niya ng mga pictures na kinunan habang nagpo-propose si Derek.

May caption ito ng, “Game over!” lang ang iniligay na caption ng aktres sa kanyang IG post.

Sa series of photos na nilagay ni Ellen, may photo na nasa mukha ni Derek ang kamay niya na kung saan nakasuot sa daliri nito ang bonggang diamond engagement ring at may kuha rin ang kanyang kamay.

Kitang-kita rin sa mga photos ang pagkabigla ni Ellen at naiyak talaga ito sa ginawa ni Derek na kung saan nakalagay sa background ang umiilaw na “Will you marry me?”

Ang ganda rin ang photo nila kasama ang mga anak nila sa dating karelasyon na sina Elias at Austin.

Early this year nang unang ma-link sina Derek at Ellen, dahil sa pinost ni Ruffa Gutierrez na pa-dinner party ng aktor sa bahay nito noong Jan. 11, 2021. At simula noon at sinubaybayan na ng netizens ang mga kaganapan hanggang sa magkaroon na sila ng relasyon Feb. 4, 2021, na maraming nagni-nega at tinataningan na hindi rin magtatagal ang dalawa.

Sumunod na araw, pinost naman ni Ellen ang video ng proposal ni Derek na kuhang-kuha talaga ang kanyang naging reaksyon na napa-’oh my God!’ talaga siya at parang hindi talaga makapaniwala at siyempre ang pagbibigay ng kanyang -’yes!’

Nilagyan naman niya ito ng nakakakilig na caption ng, “To the man of my dreams, affirmations and prayers. Thank You for making my life more beautiful. I love you and i’ll love you even more @ramsayderek07”

Na sinagot naman ni Derek ng, “You are my life @maria.elena.adarna.” kasunod ang isang heart emoticon.

Marami nga ang natuwa at bumati sa newly engaged couple at nagwi-wish na magtuloy-tuloy ang kanilang kaligayahan.

Nakaaaliw naman ang naging comment ni Divine Lee, “Ang bilis mo, dai! Nauna ka sa bakuna! Hahaha Love you! Happy for you! Paano na playdate natin!”

Ilang naman sa naging reaction ng netizens sa isang showbiz website:
“Itong dalawang ito malaki naging epekto sa kanila ng pandemic dahil hindi makapag night clubbing at makapagjetset kaya akala nila para sila sa isat isa! Hahahahaha!”

“Or maybe..it takes a pandemic for Ellen & Derek to finally find the person destined for them? And they found each other nga. In odd circumstances.”

“Nalaman nila ang mas importante sa buhay dahil sa pandemic.
Kung ndi magwork, at least tinry nila. Wag sana pangunahan ng mga nega. Stay happy EA and DR!”

“Dati I dont like this couple but now I feel happy for them kasi it seems they love each other. And prayers and affirmations really makes wonders. Just believe.”

“They seem to be a good match in my opinion! You can tell that they’re comfortable with each other and there’s no pretense, they’re just being themselves.”

“I hope this is for real. So many things could happen before the marriage.”

“Let’s see if aabot sila at least 2 years. Honeymoon stage palang ngayon. After being 1 month together engaged na agad so obviously hindi pa nila kilala yung totoong mga ugali ng isa’t isa.”

“Kahit mga celebrities sila, tao rin sila kagaya natin na gusto magshare ng mga milestones and happy moments sa buhay. Kung para po sa inyo ay “mabilis” or “mistake” ang ginawa nila, I’m sure meron din po kayo nagawang “mali” sa buhay niyo at some point. Hindi po tayo lahat perfect. Alam ko nagbibigay lang tayo ng mga opinion and share lang ng thoughts pero sana maging masaya na lang tayo para sa kanila. Wag na mag comment ng “sana magtagal sila” or “sana totoo” or “saglit lang yan maghihiwalay din.” Instead, sana mag spread na lang tayo ng good and positive vibes. Nakakalungkot lang po kasi ang bilis natin maghusga. Unang una, wala naman sila ginagawang masama sa personal nating mga buhay. Maikli lang ang buhay guys. Wish ko po sa inyong lahat na sana healthy kayo, bigyan kayo ng more blessings, genuine happiness and love. Ingat po tayong lahat.”

“Let them be, they are of age to get married. They are both smart and consenting adults. Wala nang mawawala sa kanila if they get married. Mabilis nga pero bakit me mga naghihintay ng two years engagement muntik muntikan din maghiwalay or nagkahiwalay na talaga. Give them a chance.”

“I’d rather have 30 minutes of wonderful than a lifetime of nothing special. Hayaan niyo na kung feeling niyo ma dedehado si ellen in the end, the euphoria maybe worth it for he.”

“Hope it will last. You know, falling in love is easy but staying in love is hard.”

“It’s not game over till we see them celebrating their silver of golden wedding happily. Being engaged in a spur of the moment is easy just buy a ring will do; but a commitment is the hardest part when you forgo of your old ways I to follow the right path. Basing on these two, well I highly doubt they’ll even get to the point to exchange I do’s.”

“Ang daming bitter at mga judgemental! Mga perfect kayo? Wala yan sa tagal ng Panahon ng pagsasama. Matured na cla pareho Alam nila yung ginagawa nila. Ang lalaki dmo pede turuan yan kung cno gusto nya pakasalan at makasama at kung kanino cya masaya. Yung mga naging karelasyon nga ni Derek long term lahat pero wala cya pinakasalan or nag propose man lang. Maging masaya nalang tayo sa kanila buhay nila yan. Cla masaya maganda at guapo mayaman pa. Kau ba mga basher at nega anong meron kau aber?” (ROHN ROMULO)