KAILANGANG umabot sa limang milyong mga bakunadong taga- Metro Manila para makuha ang inaasam – asam na herd immunity sa NCR.

Ayon kay Vaccine czar Secretary Carlito Galvez na base sa kanilang pag- uusap nina MMDA Chairman Benhur Abalos ay nakikita nilang magkakaroon na ng containment sa NCR kapag naabot ang 5 million individual vaccination.

Granular vaccination ani Galvez ang kanilang gagawing pag- atake rito na kung saan ay kanilang uunahin ay ang mga most affected o mga lugar na may mataas na kaso.

” Ang nakikita ko, iyong kapag once na dumating na iyong AstraZeneca na majority nasa NCR, alam po natin iyon 2.6 million po iyon na ano po natin. And basically, kapag once dumating po iyon sa atin ay i-dedicate po iyon ng mga private sector dito po sa Metro Manila, kasi marami pong nag-order kasi karamihan po ng nag-order dito sa Metro Manila at noong nag-usap po kami ng MMDA Chairman Benhur Abalos at saka po kay GM Jojo Garcia, ang sabi nila sa estimate nila kapag nakuha po iyong 5 million sa Metro Manila, nakita natin na medyo maganda po ang magiging result nito sa ating containment,” litanya ni Sec. Roque.

“Kasi nakita nila iyong dito sa Metro Manila iyong mga iba naman hindi gaanong affected iyong most affected lang ang pupuntahan natin,” dagdag na pahayag nito.

Aniya, sa 17 siyudad sa Metro Manila ay iba – iba naman ang kakailanganing dami ng dapat na mabakunahan ng isang lunsod.

Mayroon ani Galvez na ang kakailanganin lang ay 20% habang ang iba’y 50% ang kailangan at ang iba nama’y 70%.

“So basically kung, for example, sa 17 cities iyan, so titingnan natin na iyong mga iba ay 20% lang ang kailangan, iyong iba ay 50%, iyong iba 70%. So mayroong tinatawag tayong granular vaccination program.

So they estimated na kapag once nakuha natin iyong five million sa Metro Manila, parang nakikita natin iyong mga affected area, sakop na po natin,” lahad nito.

At sa harap ng minamadali ng roll out vaccination, inihayag ni Galvez na irerekomenda nila sa mismong araw ng Labor day ay masimulan na din ang pagtuturok sa mga economic frontliners.

Ito ayon sa Kalihim ang mga laborers na aniya’y matatawag din namang vulnerable.

“Ang ginagawa po natin last Monday, last, last week nag-present po tayo kay Mayor, si Mr. President na talagang ang ginawa natin ngayon, sa ngayon ay nagko-combine na po tayo ng A1 to A3.

And we are recommending na by May considering na ito iyong tinatawag na Labor Day we can open up iyong tinatawag natin mga economic frontliners, iyong mga laborers natin, iyong mga tinatawag nating vulnerable laborers. So tamang-tama by May we are recommending to NITAG, darating na rin iyong mga order ng ating mga private sector na coincidence sa celebration ng Labor Day ay isasama na rin po natin iyong A4 at saka A5,” ayon kay Galvez. (Daris Jose)

FAKE NEWS ang sigaw ni Presidential Communications Operation Office (PCOO) Secretary Martin Andanar sa kumalat na balitang dumaan sa mild heart attack si Pangulong Rodrigo Roa Duterte.

Sa post ni Sec. Andanar sa kanyang Facebook account ay ipinakita nito ang isang screen shot ng nagpakilalang Maharlika.TV na nagsabing …. “Breaking News: Sources say Duterte suffers Mild Heart Attack.”

Inilagay naman ni Sec. Andanar ang malaking “fake news” sa harap mismo ng nasabing screen shot bilang caption upang pabulaanan ang nasabing pekeng balita.

Kapansin-pansin naman na hindi na makita ang nabanggit na post ng Maharlika.tv na kung saan ay iniugnay nito ang balitang heart attack ni Pangulong Duterte sa pagpapaliban ng kanyang public address sana kagabi ng Chief Executive at nitong nagdaang Lunes. (Daris Jose)

SINIGURO  ng Department of Health (DOH) na ang bawat sentimo ng mga pinag-uusapang pondo pati na  rin ang lahat ng iba pang mga public funds na inilaaan sa kagawaran ay “accounted” lahat at magagamit para sa publiko.

Tugon ito ng DOH sa panawagan na magbigay ang Kagawaran ng “breakdown”  kung paano ginasta ang P9 bilyong pondo  para sa konstruksyon ng health infrastructure sa ilalim ng Bayanihan I at II.

Binigyan diin ng DOH na ang nasabing pondo  ay ginamit para sa konstruksyon ng temporary medical isolation at quarantine facilities, field hospitals, dormitories, at ang pagpapalawak ng kapasidad ng hospital ng gobyerno sa pamamagitan ng pagkuha o pagbili ng iba’t ibang medical equipment.

Sa P4.4 bilyon na inilaan s ailalim ng Bayanihan I, P 4.36 bilyon ang nagamit hanggang December 31, 2020 para makakuha ng medical equipment tulad ng mechanical ventilators, biological safety cabinets, laminar flow hoods, at  biomedical microcentrifuges at iba pang medical equipment essential para sa pagtitiyak na na maalagaan ng mga ospital ang mga COVID-19 patients.

Samantala,ang inilaan naman na P4.5 bilyong sa ilalim ng Bayanihan II, ginamit naman ang P3.88 bilyon  nagamit hanggang  December 31 ,2020 para konstruskyon ng temporary medical isolation at  quarantine facilities, field hospitals, dormitories para sa frontliners at  expansion ng  government capacity sa buong bansa

Ang natitira namang P617 milyon at P 308 milyon ay nagamit  para s apagkuha ng mga mahahalagang kagamitan na nauugnay sa COVID-19 tulad ng mga mechanical ventilators, portable x-ray machines, hemodialysis machines, high flow nasal cannula oxygen machines, at iba pang kagamitan na kinakailangan para sa pagtaas ng mga testing capacities ng mga laboratory.

Sinabi rin ng DOH na magbinbigay ito ng buong ulat sa paggasta sa mga tanggapan ng senador ns humihiling para s anasabing datos.

Binigyan diin ng DOH na ito ay palaging nakatuon na mapanatili ang lubos na integridad at transparency bilang pagtupad ng mandato nito na magtatag at mapanatli ang isang ang madaling maabot na health system na nagbibigay ng kalidad ng mga serbisyong pagkalusogan sa bawat Pilipino.

Binigyang diin pa ng DOH na ngayon ay hindi ang oras upang maghiwa-hiwalay sa pagtugon ng pandemyang ito at nanawagan para sa pagkakaisa mula sa iba pang gobyerno at publiko habang ang bansa ay nahaharap sa pagtaas ng bilang ng kaso ng COVID-19. (GENE ADSUARA)

TINALAKAY ngayon ng ilang miyembro ng gabinete ang latest update ukol sa usapin ng COVID-19.

Kabilang sa mga napag-usapan ang ginagawang pagtugon ng pamahalaan sa isyu ng hazard pay ng healthcare workers.

Inaasahan naman na maide-deliver ang dalawang milyong bakuna ngayong Abril 2021 kung saan ang 1.5-M ay manggagaling mula sa Sinovac.

Habang tinatrabaho naman ang 500,0000 mula sa Gamaleya ngayong buwan ng Abril o Mayo.

“922,898,600 vaccines have already been administered,” ayon kay Sec.Roque.

Ang aplikasyon ng Debit Credit Payment Method (DCPM) ng public at private hospitals sa mga identified areas of concern, ay nasa P9.7-, pero “subject to” Board assessment/ estimation para sa NCR Plus affected areas.

Samantala, ang Inter-Agency Task Force ay nakatakdang magpulong sa darating na Sabado, Abril 10, 2021, para talakayin ang quarantine classification ng National Capital Region Plus. (Daris Jose)