2021 April Archive - People's Balita

Archive for April, 2021

SEAL OF GOOD EDUCATION GOVERNANCE MULING NAKAMIT NG NAVOTAS

Posted on: April 12th, 2021 by @peoplesbalita No Comments

Nasungkit muli ng Navotas ang Seal of Good Education Governance (SGEG) mula sa Synergeia Foundation para sa pangatlong magkakasunod na taon.

Natanggap ng lungsod ang recognition sa ginanap na 14^th National Educational Summit.

Dalawang local government units lang sa National Capital Region ang nabigyan ng ganung karangalan.

Pinasalamatan ni Mayor Toby Tiangco ang sektor ng edukasyon ng lungsod at lahat ng mga kasosyo at stakeholder nito.

“We are grateful to our teachers, parents, local school boards, school governing councils and all of our education stakeholders for their steadfast commitment to give Navoteño youth the best education possible, whatever the circumstances are,” ani Tiangco.

Noong nakaraang taon, namigay ang Navotas ng 49,000 NavoSchool-in-a-Box (NavoBox) na isinagawa ng Department of Education’s Learning Continuity Plan for 2020-2021. Ang NavoBox ay naglalaman ng mga textbooks, self-learning modules, worksheets, lesson guides for parents/guardians, school supplies, at hygiene kits.

Kinilala ng Department of Education ang NavoBox bilang isang modelo para sa blended learning delivery at ginamit bilang benchmark ng iba pang mga lungsod sa buong bansa.

Ang Navotas Schools Division Office ay inilunsad din ang Hatid-Aral Project, kung saan ang mga barangay opisyal at mga miyembro ng school governing councils ang tumulong sa paghatid ng NavoBox sa bahay ng mga estudyante para hindi na ito kunin ng mga magulang.

Itinatag din nito ang Project: Teach-a-Learning Child (Project TLC), kung saan isang volunteer tutor ang tumutulong sa isang mag-aaral sa mga worksheet sa NavoBox. (Richard Mesa)

Ochoa atat na sa bunuan

Posted on: April 12th, 2021 by @peoplesbalita No Comments

GIGIL nang magbalik sa praktis si 2019 Philippine Southeast Asian Games women’s jiujitsu -45-kilogram gold medalist Margarita ‘Meggie’ Ochoa para sa preparasyon sa mga balak sabakang kompetisyon sa taong ito.

May isang taon na ang patuloy na pamiminsala ng Coronavirus Disease 2019 kaya nabulilyaso ang training at international, national competition ng mga national jiu jitsu artist na kagaya ng dalaga.

“I think makakabalik naman it’s just a question of when,” bulalas Lunes ng 30-anyos na brown belter Brazilian martial practitioner. “Hindi natin alam kung kailan pero ang sport namin is very flexible, nag-a-adjust sa mga sitwasyon.”

Pasok muli ang jiu jitsu sa 31st SEA Games 2021 sa Nobyembvre 21-Disyembre 2 sa Hanoi, Vietnam.

Positibo si Ochoa na masasama sa mga unang mabibigyan din ng Covid-19 vaccine ang mga national athlete para makabalik agad sa training sa lalong madaling panahon.

Plano ng Jiu jitsu Federation of the Philippines (JFP) na isailalim din ang mga atleta sa isang ‘bubble’ training din katulad ng mga patungong Olympic Qualifying Tournament.

Isang four-time world jiujitsu queen din ang Pinay miex martial artist. (REC)

DEREK, ipinagdiinang pinasadya at ‘di ex-deal ang diamond ring na binigay kay ELLEN

Posted on: April 12th, 2021 by @peoplesbalita No Comments

TINATAWANAN pero pinatulan din naman ni Derek Ramsay ang tsismis na pinagpasahan na raw ng mga ex-girlfriends niya ang ibinigay na engagement ring kay Ellen Adarna.

Sey ni Derek, “There’s tsismis na pinagpasahan daw ‘to ng mga exes ko which is so funny. My mom was going to give me a 7.8 karat diamond ring to give to Ellen. I was like, Mom, I can’t take that from you and like, parang a 7 carat diamond is just way too big, I think for an engagement ring.

“Sabi ko, no, I want to purchase this one, this diamond. So, I learned about diamonds.”

Pinasadya niya raw talaga ang ibinigay na engagement ring kay Ellen. Kaya paano raw na magiging pinaglumaan o pinagpasahan na ng mga exes niya.

His exes includes, of course, Angelica Panganiban and Andrea Torres among the celebrities.

Kuwento pa ni Derek, sobrang na-stress pa nga raw siya dahil dumating na ang ring, sa mismong araw na ng proposal niya.

“I cancelled everything, I was just going to throw a surprise birthday party for Ellen, and the night before, like late, mga 9 o’clock, the ring was going to arrive. So, it actually was in my hand the day of the proposal.”

Sulit naman daw kahit na-stress siya muna dahil nang makita raw niya ang singsing, natupad daw kasi ang talagang gusto niya.

“It was perfect. It was how I imagined it,” sey pa ni Derek.

“When I saw it, it was just really beautiful. I wanted the stone to speak for itself.”

At isa pang nilinaw niya, hindi rin daw ito ex-deal.

“There’s no ex-deal here, nothing of a sort. My God, ang cheap naman pag ganu’n.”

At binigyang diin din niya na fully-paid na ang diamond ring.

“Of course! This is me getting married, this is me proposing. Hindi ko nga tinanggap yung 7.8 karat from my mom.”

May mga hula na nasa 7.8 carats daw ang sukat ng diamond ring, pero ayaw na itong sabihin pa ng actor. Sa IG Live with G3 San Diego nagpa-interview ang dalawa at dito rin nila kinumpirma na ang kanilang wedding ay ngayong taon na rin magaganap.

***

KAHIT pangalawang beses na naming napanood ang vlog ni Ivana Alawi kunsaan, nagpanggap siya at humingi ng tulong randomly sa mga nakita sa kalsada para bigyan siya ng pamasahe at makabalik siya ng Baguio.

Pinalitan ni Ivana ng x P1,000 ang ano mang ibibigay sa kanya. Pero yung kuwento ni Tatay na isang kutsinta vendor ang nagpaantig ng puso nito at nagpaluha.

Kahit kami, sobrang nabaitan kay “Tatay” na walang kaalam-alam na si Ivana ang kausap niya, pero ramdam mo sa kanya ang genuine na pagtulong, pag-aalala at generosity sa kabila ng kahirapan lang din.

Sa kabila ng napaka-inspiring na prank vlog na ito ni Ivana sa kanyang You Tube account na may 12.6 million subscribers at kunsaan, natanggap na nga niya ang kanyang Diamond Play button, may naging isyu pala ito at may nagbabanta raw na kasuhan ang actress.

Hindi malinaw sa amin bakit siya idedemanda, kesyo may nilabag daw si Ivana sa prank video niya na ito sa street.

Sinagot ito ng sexy actress sa latest vlog niya. Ayon dito, “Kung may nilabag akong batas, eh, ‘di kasuhan na lang nila ko, haharapin ko yun, lalaban ako.

“Kasi para sa akin, I didn’t do anything wrong. Ang intention ko is to help and inspire people. Wala akong tinapakan na tao, wala akong sinaktan na tao and masaya ako sa video ko and I will do it again.

“Ngayon, kung may nilabag akong batas, eh ‘di kasuhan na lang ako.”

May na-realize din daw si Ivana sa nangyari. Aniya, “Na-realize ko sa buhay, no matter what you do, may gagawin kang maganda, may gagawin kang hindi maganda, palaging may masasabi sila.

“And I’m okay with that. Kaya nga dine-deadma ko yung mga nangyayaring gano’n. Naku, talagang okay lang sa akin. Pero yung ‘wag lang yung gagamit-gamitin niyo lang ako as a content. Na trending siya at gusto ko siyang kunin para magka-views. That’s so wrong.”

At sa kabila man na may gano’ng threat pala kay Ivana, tinupad nito ang pangako kay Tatay. Kasama ng kutsinta vendor ang kanyang misis, pina-swab niya muna ito, nagkuwentuhan pa over meals, binilhan ng ilang appliances at ang pinaka-bongga binilhan ng pangarap na motor para mas mapadali ang kanyang hanap-buhay.

Kung hindi na makapaniwala si Tatay nang palitan ni Ivana ng P20,000 ang binigay nitong P20 sa aktres, mas lalo itong umiyak at hindi mapaniwala sa motor at iba pang surpresang natanggap mula nga kay Ivana. (ROSE GARCIA)

NCR ‘Plus,’ inilagay na sa MECQ mula April 12 hanggang April 30, 2021

Posted on: April 12th, 2021 by @peoplesbalita No Comments

Matapos ang dalawang linggong pagbalik sa enhanced community quarantine (ECQ) sa ilang lugar sa bansa, ibinaba na muli ng pamahalaan sa modified enhanced community quarantine (MECQ) ang NCR (National Capital Region) at apat na karatig probinsya.

Sa anunsyo ni Presidential spokesperson Harry Roque ngayong Linggo ng hapon, epektibo ang MECQ sa tinaguriang NCR Plus simula Lunes, Abril 12, hanggang sa katapusan Abril 30.

Sakop ng NCR “Plus” ang Cavite, Bulacan, Laguna at Rizal.

Nasa kaparehong quarantine classification din ang Santiago City, Isabela, Quirino province at Abra.

Samantala, bukas na umano tatalakayin ng Palasyo ang malinaw na kaibahan ng MECQ sa GCQ (general community quarantine).

Una nang kinumpirma mismo ng tagapagsalita ni Pangulong Rodrigo Duterte na naka-admit siya sa isang pagamutan dahil sa Coronavirus Disease, patunay na mas nakakahawa na ang nasabing sakit kaya kinakailangan ang mas ibayong pag-iingat.

Magandang linggo ng hapon Pilipinas. Inaprubahan po ngayong araw ng ating Presidente ang rekomendasyon ng inyong AITF na ilagay ang mga lugar na ito sa corresponding na community quarantine.

Under modified enhanced community quarantine ang Metro Manila kasama ang Bulacan, Rizal, Laguna at Cavite. Under MECQ din po ang city of Santiago, Quirino at ang Abra.

Mapapasailam naman po sa general community quarantine ang CAR, Region 2 ang Cagayan, Isabela, Nueva Vizcaya, sa Region 4A ang probinsya ng Batangas; sa Region 8, Tacloban City; sa Region 10, Iligan City; sa Region 11, ang Davao City; sa BARMM, Lanao del Sur, at ang Quezon mula April 12 to 30. Ang lahat po ng parte ng Pilipinas na hindi nabanggit ay mapapasailalim sa MGCQ. Now, inaprubahan din po ng inyong IATF ang rekomendasyon ng National Economic Development Authority na gamitin ang autmatic contract tracing sa pamamagitan ng Smart Messaging System.

Mapapalakas at m-improve nito ang paggamit ng staysafe.ph. Para matiyak ang interoperatbility at integration ng lahat ng contact tracing applications integration ng staysafe.ph magkakaroon ng initial beta-testing kasama ang proposed messaging ng smart messaging system sa Pasig City sa a-uno ng Mayo 2021 at beta-testing consortium ng Antipolo at mga lungsod ng Pasig, Mandaluyong, Valenzuela sa a-uno rin gn Mayo 2021 with access to Covid-19 document repository system o CDRS. Inadopt din ng IATF ang rekomendasyon para sa immediate completion ng paglilipat ng pagmamay-ari or transfer of onwership sa Department of Health ng CDRS at imemdiate ingeration ng CDRS sa staysafe.ph system at iba pang local contact tracing systems and applications.

Ang Department of Interior and Local Government ang inatasan na maging oevrall lead sa implementasyon. Samantala ang Department of Information and Communication Technology ang mangunguna sa national interoperabilty at ang DOH ay inatasan na tiyakain ang integration of Staysafe.ph sa CDRS. Ang DILG ay tinalaga na bumuo ng action plan na may specific timelines and targets kasama ang DICT at DOH. Kasama rin sa naratipakahan kahapon sa IATF ay ang panukala na iendorso ng Department of Tourism na magtayo ng temporary public walk-in at drive-thru vaccination centers na nasa bakanteng lote ng Nayong Pilipino property sa Parañaque City. Dahil sa direktiba ng Pangulo sa PhilHealth na magbayad sa mga hospital na merong mga unpaid Covid-19 claims, marami sa ating mga private, national government at LGU-hosptials ang nagcommitt na dadagdagan ang mga Covid-19 beds lalo na ang mga IC beds sa NCR Plus. Ito ang isa sa mga naging kritical na basehan ng IATF para mag rekomenda na mag luwag ng kaunti at gawing MECQ ang klasipikasyon sa NCR Plus.

Ang mga commitment mula sa mga pribadong at pampublikong ospital, ito ay 104 hospitals sa NCR Plus as of 11 am, april 11, 2021 ay ang mga sumusunod: additional 164 critical ICU beds at 1,157 Covid-19 regular beds for moderate and severe.

Ang iba pang dagdag na capcity na handa na ay mga sumusunod:

-110 beds sa Quezon Institute para sa moderate and sever Covid-19

-960 beds sa National Center for Mental Health para sa moderate Covid-19

-330 beds sa Manila Times College sa Subic para sa mild and asymptomatic

-165 beds sa New Clark City Tarlac para sa mild and asymptomatic

-200 beds, Eva Macapagal Terminal in Maynila, mild and asymptomatic; and

-100 beds sa Orion Bataan Pork Terminal para sa mild and symptomatic

Eto naman po ang sumatotal na nadagdag na healthcare capac- ity habang tayo ay nasa ECQ: Covid ICU beds, 164; Covid regular beds for moderate and se- vere, 2,227; and Covid isolation beds, 765 (mild and asymptomatic).

Ang sumatotal po ay 3,156 beds in NCR Plus. Makikita ninyo sa table ang utilization rate kasama na ang mga bagong kama. Makikita niyo po sa Covid ICU beds, ang ating utilization rate ngayon ay 74.34 percent; anga ting Covid ward beds ay 46.04 percent; at ang covid isolation beds ay 59.56 (percent). Ang naaprubahan nga pala po ng ating presidnete na rekomendasyon gn IATF na MECQ sa NCR Plus ay magtatanggal katapusan na po ng Abril.

Yan lang po sa ngayon at bukas po sa ating regular briefing, paguusapan natin muli ang pagkakaiba ng ECQ at ang MECQ. Magandang hapon po sa lahat at enjoy your Sunday.

2 Grab driver timbog sa P272K shabu sa Valenzuela

Posted on: April 12th, 2021 by @peoplesbalita No Comments

Kulong ang dalawang Grab driver na sangkot umano sa pagbebenta ng ilegal na droga matapos makuhanan ng halos P.3 milyon halaga ng shabu sa isinagawang buy bust operation ng pulisya sa Valenzuela City, kahapon ng madaling araw.

Kinilala ang mga naarestong suspek na si Richard Nicolas, 42, Grab driver ng 17 E. Guniguni St. Manotoc Subd. Brgy. Baesa at Jeffrey Fermin, 38, Grab driver ng Lot 20 Summit Hills, HOA Langka St. Payatas, kapwa ng Quezon City.

Sa imbestigasyon ni PCpl Pamela Joy Catalla, dakong 12:10 ng madaling araw nang magsagawa ang mga operatiba ng Station Drug Enforcement Unit (SDEU) sa pangunguna ni PLT Joel Madregalejo ng buy bust operation kontra sa mga suspek sa kahabaan ng Gen T. Road, Gen. T De Leon, (near Tulyahan-Ugong Bridge) kung saan nagawang makapagtransaksyon ni PCpl Francis Cuaresma na nagpanggap na buyer sa mga suspek ng P10,000 halaga.

Nang tanggapin ng mga suspek ang marked money mula sa poseur-buyer kapalit ng shabu ay agad nagbigay ng signal si PCpl Cuaresma sa back up na mga operatiba na si PCpl Robbie Vasquez at PCpl Noriel Boco na mabilis namang lumapit saka dinamba si Nicolas at Fermin.

Nasamsam sa mga suspek ang nasa 40 gramo ng hinihinalang shabu na tinatayang nasa P272,000.00ang halaga, buy bust money na binubuo ng isang tunay na P1,000 bill at 9 pirasong boodle money, P500 cash, dalawang cellphones, coin purse, 3 assorted ID, itim na sling bag, at isang kulay pulang Toyota Vios (NDI1843).

Kasong paglabag sa RA 9165 o ang Comprehensive Dangerous Drug Act of 2002 ang isinampa ng pulisya kontra sa mga suspek sa Valenzuela City Prosecutors Office. (Richard Mesa)

LeBron James Steps Into the Warner Bros. Multiverse in the First Trailer for ’Space Jam: A New’

Posted on: April 12th, 2021 by @peoplesbalita No Comments

NBA star LeBron James steps into the Warner Bros. multiverse ang team-up with the Tunes Squad in the first trailer for Space Jam: A New Legacy!

Fans hoping to keep basketball passions alive this summer will be pleased to learn that Warner Bros. just dropped the first trailer for the live action-animated sequel to 1996’s Space Jam for its 25th anniversary and it looks like a slam dunk of fun.

A sequel to the ’90s film which starred Michael Jordan, A New Legacy will bring LeBron to the Looney Tunes world where he must team up with the iconic Tune Squad in a wacky, otherworldly basketball game that combines reality with animation, as they try to rescue James’ son who’s sucked into a cyber world called the Warner 3000 “Server-verse.”

Check out the trailer below: https://www.youtube.com/watch?v=olXYZOsXw_o

Here’s the official synopsis:

“When LeBron James and his young son Dom are trapped in a digital space by a rogue A.I., LeBron must get them home safe by leading Bugs, Lola Bunny and the whole gang of notoriously undisciplined Looney Tunes to victory over the A.I.’s digitized champions on the court: a powered-up roster of professional basketball stars as you’ve never seen them before.

“It’s Tunes versus Goons in the highest-stakes challenge of his life, that will redefine LeBron’s bond with his son and shine a light on the power of being yourself. The ready-for-action Tunes destroy convention, supercharge their unique talents and surprise even ‘King’ James by playing the game their own way.”

Influenced from Nike’s clever “Hare Jordan” ads, the original film saw Chicago Bulls legend Michael Jordan and Bugs join forces with the Tune Squad to take down the Monstars, a squad of pint-sized aliens who stole the skills of numerous NBA all-stars.

Space Jam: A New Legacy is directed by Malcolm D. Lee (Spike Lee‘s cousin) and showcases the dastardly Don Cheadle as the CGI humanoid Al G Rhythm also stars in the film are Zendaya, Khris Davis, Sonequa Martin-Green, Cedric Joe, Jeff Bergman and Eric Bauza plus the cameos by Anthony Davis, Damian Lillard, Diana Taurasi, Chris Paul, Draymond Green, and Klay Thompson.

Director Lee told EW, “Michael Jordan transcended sports. LeBron is arguably in that category. Now, there’s probably no LeBron without Jordan, and I’m sure he would admit that. But he’s a once-in-a-generation player. I love who LeBron is as a man, as an athlete, as an activist.”

Arriving in theaters and HBO MAX on July 16, 2021. (ROHN ROMULO)

SISIHAN DITO SISIHAN DOON

Posted on: April 12th, 2021 by @peoplesbalita No Comments

Ang isyu ng paglobo ng bilang na tinamaan ng “Corona Virus” ay nagbunga ng sisihan sa pagitan ng ilang sector ng mamamayan at pamahalaan.

Ayon sa ilang mamamayan kulang umano ang mga hakbang na ginagawa ng kasalukuyang administrasyon sa paglaban sa “Corona Virus” na isang taon ng namamayagpag sa ating bayan.

Ano nga ba ang mga punto ng ilan nating mga kababayan sa paninisi sa pamahalaan?

Ang una raw ay kawalan ng mass testing, ang pag antala ng pagdating ng bakuna, at ng mabagal na roll-outed ng bakuna. Nang magbukas ng konti ang ekonomiya hindi na monitor ng pamahalaan ang mga malls, “Commercial establishments” at mga public transport vehicle kung sinusunod ng mga ito ang social distancing. Anila, ilang police officer lang ang kailangan o magsama ng ilang police force multiplier para sa monitoring job.

Ang pamahalaan naman ay sinisisi rin ang taong bayan anila maraming pasaway di sumusunod sa health protocol. Gala ng gala na animoy walang virus.

Sa ganang akin di makakatulong ang sisihan bakit hindi pakingan ng pamahalaan ang puntong nabanggit baka naman makatulong ito kung mabagal edi bilisan kung walang nagmonitor edi lagyan ng mga taong magmomonitor di naman kailangan ng isang batalyong police para magmonitor sa mga malls at public transport “vehicle”, simabahan, barangay hall, mga public schools pwedeng “gamiting vaccine center” Di po ba kung makikinig lang tayo may solusyon sa bawat problema:

Ang mamamayan dapat may kooperasyon sa pamahalaan: sumunod sa health protocol, magsuot ng face mask di lang para wag mahuli ng autoridad kundi para proteksyonan ang inyong sarili wala munang galanng walang saysay:

Sa panahon ngayon ang sisihan ay di makakatulong ang dapat ay ang mamamayan at pamahalaan ay magkakapit bisig sa paglaban sa virus na ito. Ang tagumpay ng pamahalaan sa paglaban sa COVID-19, ay tagumpay din ng bawat isang Pilipino kaya nga po bayanihan ibig sabihin tulungan at hindi sisihan. (MANNY MALDONADO)

IMBENTOR ng SEATBELT DAPAT TULARAN sa PANAHON ng PANDEMYA ILIGTAS MUNA ANG PILIPINO BAGA MAGNEGOSYO

Posted on: April 10th, 2021 by @peoplesbalita No Comments

Sa ngayong panahon ng pandemya, may makukuha tayong aral kay Nils Bohlin ang imbentor ng V type 3 point safety seatbelt lalo na at nakalulungkot na may mga taong negosyo at politika ang inuuna kaysa sagipin ang buhay ng kapwa. Si Bohlin ay isang inhinyero ng Volvo na isang car manufacturer. Naimbento niya ang seat belt noong 1959. Ang seatbelt ay naging sagot sa paghahanap ni Bohlin ng solusyon dahil marami ang namamatay sa mga car crashes noon. Naging matagumpay ang imbensyon ni Bohlin at ng Volvo. Kung tutuusin dahil imbensyon niya ay pwede niya i-patent ito at tanging volvo cars lang ang may seatbelt. Napakalaking business advantage sana nun laban sa mga ka kumpetensyan ng Volvo. Pero hindi swapang sa karangalan at salapi si Bohlin at sabi nga niya – “This invention is too significant not to share”. Binuksan nila ang patent ng seatbelt kahit sa mga ka-kumpetensya sa automobile industry. “The seatbelt had more value to save lives than to profit from it.” Mas mahalaga na makasagip ng buhay kaysa sa kita o negosyo. At dahil nga kay Bohlin ay marami ang naligtas sa mga car crashes at naging importanteng bahagi ang seatbelt sa mga sasakyan magmula noon. Sa panahon ngayon ay magandang ehemplo si Bohlin at ang seatbelt na kanyang inimbento – na kailangan ay ma-isang tabi ang negosyo at pulitika. Buhay muna!

Halimbawa, may mga reports na sa ilang ospital ay tinatanong sa pamilya ng nasawi kung OK ba sa kanila na ilagay na cause of death ay Covid19. Bakit? Dahil ba mas kikita sila dito. May mga gamot na sinasabing mabisa panlaban sa Covid 19 pero dahil lang sa kalaban sa negosyo o sa pulitika ang nag-offer nito bilang lunas ay kaagad sinisiraan at kaagad tinatanggihan.

Ganun din ang vaccines na imbes ang lunas ang nakikita ay maari daw may mga side effects ito na nakamamatay. Ang iba naman diskarte ay tatakutin ang mga tao at sasabihing itong produkto namin ang lunas dyan. Tuloy nalilito ang tao kung ano ba ang totoong lunas. Baka naman lahat ng ito ay lunas pero dahil sa kalaban sa negosyo o sa politika ay kailangan siraan. Paano naman kung talagang makakatulong ang mga ito. Sayang naman. Kaya mahalaga rin na ang mga sinasabing medical experts at ang mga nasa gobyerno na nakakapag garantisado ng lunas ay walang vested interest at pinagkakatiwalaan ng tao. Matuto tayo kay Nils Bohlin at ang kanyang seatbelt invention. Dahil kung hindi ay kawawa ang tao dahil hindi matatapos ang pandemyang ito hanggat pinagkakakitaan imbes na sinusugpo at nilulunasan. (ATTY. ARIEL ENRILE-INTON)

Quarantine classification ng NCR Plus, pagpupulungan bukas ng IATF

Posted on: April 10th, 2021 by @peoplesbalita No Comments

NAKATAKDANG magpulong ngayong araw ng Biyernes, Marso 10 ang Inter-Agency Task Force para pag-usapan kung palalawigin pa ba ang Enhanced Community Quarantine o hindi na.

Magtatapos na kasi sa Abril 11 ang one week extension ng ECQ.

Sinabi ni Presidential Spokesperson Harry Roque, isa ang quarantine classification sa nabuong dapat na mapag- usapan kasunod ng isinagawang pulong ng mga miyembro ng gabinete kagabi.

Aniya, sa pulong bukas malalaman kung maaari na bang magluwag ng bahagya ang NCR plus o kung dapat pa rin bang ipairal ang kasalukuyang quarantine protocol na ECQ.

Samantala, inaaasahan namang malaki ang magiging papel ng estado ng health care utilization rate sa gagawing pagpapasiya ng IATF na siya ring naging isa sa mga batayan sa pagpapatupad ng ECQ at ginawa pang pagpapalawig nito ng isa pang linggo. (Daris Jose)

PH vaccination hindi maapektuhan ng paghinto sa pagbabakuna ng AstraZeneca: DOH

Posted on: April 10th, 2021 by @peoplesbalita No Comments

Naniniwala ang Department of Health (DOH) na hindi maapektuhan ng paghinto sa pagbabakuna ng AstraZeneca ang vaccination program ng Pilipinas laban sa COVID-19.

“I don’t think so,” ani Health Usec. Maria Rosario Vergeire nang tanungin sa isang media forum.

Nitong Huwebes nang ipahinto ng DOH at Food and Drug Administration (FDA) ang pagtuturok ng AstraZeneca vaccines sa mga edad 59-anyos pababa.

Ito’y kasunod ng mga ulat na may ilang nabakunahan sa Europe ang nakaranas ng pamumuo ng dugo at mababang platelet count.

Gayunpaman sinabi ng European Medicines Agency na ligtas pa rin ang AstraZeneca vaccines, at “very rare adverse effect” lang ang mga insidente.

“Sa ngayon naman wala naman talaga tayong natagpuan na nagkaroon ng ganitong klaseng event matapos bakunahan.”

“We just want to be very cautious, gusto lang natin pangalagaan yung safety ng ating mga kababayan kaya natin babalikan ang pag-evaluate ng mga ganitong evidences.”

Ayon naman kay FDA director general Eric Domingo, magandang pagkakataon ang suspensyon lalo na’t kakaubos lang ng 525,600 doses ng bansa sa nasabing bakuna.

Paliwanag ng opisyal, susulitin nila ang panahon na naka-suspinde ang pagbabakuna para makabuo ng bagong guidelines.

Sa ngayon kasi hindi pa dumadating ang bagong batch ng British-Swedish vaccines na mula sa COVAX Facility ng World Health Organization.

“Yung ating pagsusuri kung ano yung magiging paghahanda for the next batch ay gagawin natin next week.”

“Yung WHO actually nag-email na ng mga data. Yung NAEFIC kinausap ko na rin kahapon, at yung vaccine expert panel ay hiningan ko na ng recommendation so that we can put all of these together… para pagdating ng next batch ready na tayo.”