SINABI ng isang opisyal ng National Task Force to End Local Communist Armed Conflict na ang Senate bill na naglalayong parusahan ang red-tagging ay gagamitin lamang para patahimikin o busalan ang mga nagsisiwalat sa mga nagsisilbing legal fronts ng communist rebels.

Ayon kay NTF-ELCAC Spokesperson Undersecretary Lorraine Badoy na ang nasabing batas na naglalayong gawing kriminal ang nagre- red-tagging ay labis na nakababahala at mapanganib para sa bansa.

“This is precisely why the CPP-NPA-NDF (Communist Party of the Philippines -New People’s Army- National Democratic Front) have been able to abuse and cause suffering of our people precisely because of legal covers,” ayon kay Badoy.

Ayon sa Oxford Living Dictionary, ang “red-tagging” o red-baiting ay panliligalig o pag-uusig ng isang tao dahil sa “kilala o pinaghihinalaang simpatya sa komunismo.”

Kadalasan na nare-red-tagged ay inaakusahan din ng destabilization attempts laban sa pamahalaan.

Nauna rito, isang panukalang batas ang inihain ni Senate Minority Leader Franklin Drilon na magbibigay depinisyon o pakahulugan sa ‘red-tagging’ at magtatakda dito bilang isang criminal activity.

Sinagot naman n Senate President Vicente Sotto III ang mga pahayag ni Badoy kung saan ay sinabi nito na “Then she had better talk to NICA and tell their head to refrain from including the Senate in that practice. Otherwise I will support it.”

Tinukoy ni Sotto ang National Intelligence Coordinating Agency’s red-tagging sa unyon ng mga empleyado ng Senado, isang hakbang na naging dahilan para kay Senador Sotto na suportahan ang nasabing batas.

Sa naging pahayag naman ni Badoy, sinabi nito na “there is no such thing as red-tagging.”

“How is it possible that our own legislators ignore what the Court of Appeals and the Supreme Court have already made clear: that there is no such thing as ‘Redtagging’ because there is no danger to life, liberty and security when someone is identified as ‘member of the CPP NPA NDF’?” anito.

“That’s why it is worrisome that our senators, themselves, are using a word that our Supreme Court, the highest court of the land, said it doesn’t exist.  There is no such thing, this is a weapon used by CPP-NPA-NDF to silence those who blow the cover of the legal fronts,” dagdag na pahayag ni Badoy.

Ang naging sagot naman ni Drilon ay iimbitahan niya ang NTF-ELCAC official sa committee hearing para bigyan siya ng pagkakataon na ihayag ang kanyang saloobin.

“We seek to punish Red-tagging because it is worrisome and dangerous. It has a chilling effect. I will invite Usec. Badoy to appear during the committee hearing on this bill, as I am certain that there are strongly held contrary views. That will give her the chance to support her opposition to the bill,” ani Drilon.

Ani Badoy, umaasa ang NTF-ELCAC na titingnan ng Senate inquiry ang sinasabing “infiltration” ng communist rebels sa pamahalaan.

“It is really high time that we talk about it. The opportunity has presented itself. We really hope this Senate hearing into infiltration of the government by the CPP-NDF pushes through,” aniya pa rin.

Para naman kay Senator Panfilo Lacson, mayroon ng mga batas para tugunan ang red-tagging, subalit hindi naman maaaring pagbawalan ang isang senador na maghain ng batas na magpaparusa sa nasabing pagkilos.

“The defense committee’s recommendation as adopted by the senate in plenary is that there are sufficient laws and even legal procedures available to address red-tagging or any similar act,” ayon kay Lacson.

“However, we cannot also prevent any senator from filing any bill which will be read and referred to an appropriate committee. My position as Chairman of the Committee on Defense, Security, Peace and Unification doesn’t change—there is no need to criminalize red-tagging for reasons I have already stated,” dagdag na pahayag ng senador. (Daris Jose)

HINIMOK ng Malakanyang ang mga mamamayan na lalo na ang mga nangangailangang magdala ng kanilang mga kaanak sa ospital na dumulog sa One Hospital Command Center.

Ang paghikayat na ito ni Presidential Spokesperson Harry Roque ay bunsod ng marami na aniya talagang punong mga ospital at sadyang mahirap maghanap ng pagamutang maaaring pagdalhan sa isang tinaman ng COVID.

Naniniwala si Sec. Roque na makatutulong kung makatawag sa One Hospital Command Center dahil ito ang makapagsasabi kung saan pang ospital may bakante at pwedeng pagdalhan sa isang suspected COVID patient.

“Makakatulong po siguro kung tatawag tayo po sa One Hospital Command Center. Kasi doon po kapag tumawag kayo doon, sasabihin na nila kung saan kayo pupuwedeng pumunta.

Kung puno na nga po sa Metro Manila, iri-refer nila kayo sa mga ospital sa mga karatig na probinsiya ‘no. Pero kung kayo po ay mag-o-ospital-ospital, mahihirapan po talaga kayo dahil talagang marami na pong puno dahil ang mga pribadong ospital po ay up to 20% lang po naman ang kanilang COVID bed capacity ‘no. So tumawag po tayo sa One Hospital Command Center,” lahad ni Sec. Roque.

Kaugnay nito’y una ng sinabi ni Roque na nakahanda siyang makipag- ugnayan muli sa mga telecom companies para sa dagdag sanang linya para sa One Hospital Command dahil na din sa dami ng tumatawag dito.

Dito sa NCR as of April 6, nasa 79% na ang okupadong mga ICU beds habang 72% nang okupado ang mga isolation beds, 60% na ang occupancy sa ward beds habang ang mga ventilators ay nasa 61% na ang utilization rate.

“Sa buong Pilipinas, ang ating ICU beds po ay 61% utilized; ang isolation beds natin ay 47% utilized; ang ward beds ay 51% utilized; at ang ating ventilators ay 43% utilized,” aniya pa rin. (Daris Jose)

TILA ipinamukha ni Presidential Spokesperson Harry Roque sa mga kritiko ng gobyernong Duterte na hindi lang naman panahon ng ECQ naglalabas ng tulong ang gobyerno sa mga pamilyang patuloy na naaapektuhan ng pandemya.

Ito ang pahayag ni Presidential Spokesperson Harry Roque sa gitna ng mga nagsasabing hindi raw sapat ang isanlibong pisong amelioration assistance sa bawat indibidwal o apat na libong piso para sa bawat pamilyang Pilipino na nasa ilalim ng ECQ.

Aniya, nandyan naman ang DSWD na patuloy na nagpapatupad ng regular social welfare services nito kagaya ng Assistance to Individuals in Crisis Situation.

Sinabi pa ni Sec. Roque na tumutugon din ito sa pangangailangan ng mga mahihirap na Filipino gaya ng medical, burial, transportation assistance at iba pa.

Bukod dito, mayroon din aniya na resource augmentation mula naman sa LGU para sa mga family food packs habang naririyan din ang 4Ps.

“Sa mga nagsasabi na hindi raw sapat ang isanlibong pisong amelioration assistance bawat indibidwal or 4,000 pesos bawat pamilyang Pilipino, patuloy ang DSWD na nag-i-implement po ng mga regular social welfare services nito kagaya ng AICS, iyong Assistance to Individuals in Crisis Situation, para tumugon sa iba pa pong mga pangangailangan ng mga kababayan nating mahihirap gaya ng medical, burial, transportation assistance at iba pa,” ayon kay Sec. Roque.

“Gayun din ang resource augmentation nito sa LGUs para sa mga family food packs upang tumulong sa LGUs na tugunan ang pangangailangan ng kanilang mga nasasakupan.  Mayroon din tayong 4Ps beneficiaries,” dagdag na pahayag nito. (Daris Jose)

GAGAMITIN ng gobyerno ang diplomatic relation para makakuha ng AstraZeneca vaccine.

Ito’y upang masiguro na hindi mabibitin sa pagtuturok ng ikalawang dose ang mga naturukan ng AstraZeneca sa harap ng umano’y pagkakaantala sa pagdating ng mga bakuna mula sa COVAX Facility.

Ayon kay Chief Implementer at Vaccine czar Secretary Carlito Galvez, may problema talaga patungkol sa global supply na kahit ang malalaki at mayayamang bansa ay nahahagip.

“Nakita po natin talaga na mayroon pong problema iyong tinatawag nating global supply even alam natin sa India, sa Europe or even sa US. So ang naano po natin ngayon ay talagang ginagawa po natin ang lahat ng magagawa, may mga diplomatic relation natin ngayon para makapag-produce tayo ng AstraZeneca vaccine,” ang pahayag ni Galvez.

Ani Gavez, ginagawa naman nila ang lahat ng magagawa para makapag- produce ng kailangang bakuna partikular ng AstraZeneca vaccine at isa na dito ang paggamit ng diplomatic relations.

Maliban dito, pinanghahawakan din aniya nila ang pahayag ni Dr Rabindra Abeyasinghe ng WHO na baka may dumating ngayong Abril na 2nd dose ng Astrazeneca na nasa 525,600 doses.

“Umaasa po kami na mayroon po tayong makukuha considering that mayroon din tayong procurement. And rest assured na we will do our best na iyong second dose ng 525,600 doses ay magagawa po natin iyan. At nagsabi naman po si Dr. Rabi na baka po dumating mga end of April,” aniya pa rin. (Daris Jose)

KASALUKUYAN nang hinahanapan ng gobyerno ng magagamit na hotel na mapaglalagyan sa mga doktor at nurse na matatamaan ng COVID-19.

Sinabi ni Chief Implementer Carlito Galvez, may nagaganap ng negosasyon para matuluyan ng mga medical workers ng PGH, East Avenue Medical Center, Lung Center of the Philippines at National Kidney Institute.

Tinatayang nasa, 80 mga kuwarto ang sinisikap ng gobyerno na mailaan para sa mga taga-PGH, 20 kuwarto para sa mga taga- East Avenue ganundin para sa mga taga- Lung Center at NKTI.

“Monday na Monday ay kasama ko po si Sec. Vince, talagang binisita namin iyong East Avenue Medical Center, Lung Center at saka iyong NKTI and then also nabisita ko na rin iyong PGH at hinihiling nga po na magkaroon po ng extra hotels iyong ating mga COVID-affected nurses and doctors.

So sa ngayon po we are negotiating for 80 rooms para sa PGH, sa East Avenue po mga 20 rooms, and then also sa Lung Center ay 20 rooms at saka NKTI – with the total of 280 beds,” anito.

Ani Galvez nais nilang matiyak sa mga health workers na naririto ang gobyerno at nakahandang ibigay ang suporta sa kanila lalo’t sakali mang matamaan sila ng virus.

“Iyon po ay inano po namin na in-assure po namin na talagang tutulungan po ng gobyerno ang ating mga afflicted na mga health care workers at saka po talaga nagpu-provide po tayo ng support na at least iyong ano po, ma-ease up po iyong kanilang mga pressure.”

“Nakita ko po sa East Avenue at saka sa Lung Center at saka sa NKTI, high morale po iyong ating mga health care workers kahit nakita po namin ang pagod nila, ang dedication po nila nakaka-inspired po ang dedication ng ating mga health care workers. At ako po ay talagang humahanga po talaga sa kanila kasi talagang halos… dito po sa PGH more than 200 po ang affected na nagkaroon po ng COVID pero talagang tuluy-tuloy pa rin po ang kanilang pagbabakuna, tuluy-tuloy ang kanilang pag-aano sa mga emergency room at tuluy-tuloy din po ang talagang pag-agapay nila po sa kanilang mga talagang naghihirap po natin na mga ibang mga pasyente at talagang tinutulungan po nila,” litaniya nito.

Samantala, nagpahayag ng paghanga si Galvez sa mga health workers na personal niya aniyang nasaksihan ang dedikasyon na sobrang nakapagbibigay ng inspirasyon.

“So ako po ay talagang saludong-saludo sa ating mga health care workers at sinasabi nga po nila na gusto nga po nila na magkaroon po ng message ang ating mahal na Presidente para sa kanila. And then I gave them iyong message na pinagawa po ng RTVM at maraming, maraming salamat po,” pahayag ni Galvez. (Daris Jose)