2021 April Archive - People's Balita

Archive for April, 2021

Sec. Roque, tumanggi na timbangin ang legalidad ng inisyatiba ni Cong. Mike Defensor

Posted on: April 12th, 2021 by @peoplesbalita No Comments

TUMANGGI si Presidential Spokesperson Harry Roque na timbangin ang legalidad ng inisyatiba ni Anakalusugan party-list Representative Michael Defensor na mamahagi ng Ivermectin sa mga residente ng Quezon City na isang paraan para maiwasan ang pagkalat ng COVID-19 infection.

Ang Ivermectin, na isang anti-parasitic drug na sinasabing mabisang gamot kontra COVID-19, ay hindi pa aprubado o rehistrado ng Food and Drug Administration (FDA) para gamiting gamot ng tao.

Sa kasalukuyan, limitado lamang ang permit nito para gamutin ang parasitic ailment ng mga hayop.

At sa tanong naman hinggil sa legalidad ng naging aksyon ni Defensor ay sinabi ni Sec.Roque na “I will not give legal advice on something that I am not engaged with professionally. It is the mandate of the FDA to give an approval if a drug is effective.”

“Hindi po siya nagbebenta. Ipinamamahagi po niya pero depende rin to if this could reach [the level of] distribution. I don’t want to give a legal opinion if I do not have all the facts,” dagdag na pahayag ni Sec. Roque.

Sa kanyang Facebook post, kinumpirma ni AnaKalusugan party-list Rep. Mike Defensor na mamimigay siya ng libreng Ivermectin sa mga residente ng Quezon City.

Una nang sinabi ni Defensor na uminom siya ng Ivermectin nang magpositibo siya sa COVID at nakatulong umano ito sa paggaling niya kung kaya’t isa siya sa humihiling sa FDA na pahintulutan ang paggamit nito.

Ayon kay Defensor, libre niyang ipamimigay ang Ivermectin at prayoridad ang mga senior citizen at mga sakitin.

“Sagot ni Cong. Mike Defensor ang IVERMECTIN niyo habang wala pa ang bakuna,” nakasaad sa Facebook post ng kongresista na sinundan ng, “Uunahin muna ang mga may sakit, ang mga senior citizens habang limitado pa ang suplay ng IVERMECTIN.”

Sa hiwalay ng pahayag, nilinaw ni Defensor na kailangan may kasama pa ring prescription partikular kung paano ito inumin at dami batay sa timbang at sa may COVID kailangan may susunding protocol.

Samantala, sinabi ni Sec. Roque na ang aplikasyon para sa “compassionate use” ng ivermectin ay naisampa na sa FDA.

Wala pang desisyon ang FDA sa bagay na ito.

Sinabi naman ni FDA Director General Eric Domingo na ang compassionate use permit ay pumapayag lamang sa legal administration ng nasabing gamot sa bansa subalit hindi naman katumbas ng paggarantiya ng FDA sa “safety and efficacy” ng nasabing gamot. (Daris Jose)

IBP sa IATF: Mga abogado isama rin sa priority groups sa vaccine

Posted on: April 12th, 2021 by @peoplesbalita No Comments

Humihirit din ang Integrated Bar of the Philippines (IBP) na isama na rin na mauuna sa pagbabakuna ang mga abogado sa sa bansa.

Sa sulat ni Atty Domingo Cayosa kay vaccine czar Carlito Galvez, ipinaliwanag nito kung bakit matatawag din na legal frontliners ang mga abogado.

Aniya, ang mga officers of the court ay tumutulong hindi lamang sa pagpapalaganap sa mga batas na may kinalaman sa pandemaya kundi essential din sila sa pag-usad ng hustisya sa bansa.

Kung tutuusin aniya, maituturing din na mga “spreaders” ang physcial contact ng mga abogado at kliyente nito, tulad din sa mga korte.

marami na rin daw mga practising lawyers, prosecutors at judges ang pumanaw na dahil din sa deadly virus.

Kasabay nito nakiusap si Atty Cayosa sa IATF na sana ilagay na rin sa priority population group na A4 ang mga abogado para sa vaccination program.

Pinas, nakatakdang tumanggap ng 2 milyong doses ng bakunang Sinovac at Gamaleya ngayong Abril

Posted on: April 12th, 2021 by @peoplesbalita No Comments

SINABI ni Vaccine Czar Secretary Carlito Galvez Jr. na nakatakdang tumanggap ang Pilipinas ng 2 milyong doses ng bakunang Sinovac na gawa ng China at Gamaleya Research Institute ng Russia ngayong buwan.

Sa 2 milyong doses, 1.5 milyon ang ide-deliver ng Sinovac habang ang 500,000 naman ay manggagaling mula sa Gamaleya.

Hinggil naman sa karagdagang donasyon ng AstraZeneca vaccine doses sa ilalim ng COVAX Facility, sinabi ni Galvez na gumagamit sila ng diplomatic channels upang matiyak na matatanggap ng bansa ang nasabing bakuna.

Ani Galvez, ang AstraZeneca shots ay maaaring dumating sa bansa sa huling bahagi ng buwan ng Abril.

Ang impormasyong ito ay mula kay World Health Organization country representative Rabindra Abeyasinghe.

“Because of the global vaccine shortage, there will be a delay. The agreed quantity which was 920,000 vaccine doses will come but because of the shortage, what we have been informed is that we may need to expect the reduced quantity which may come over [in] the next few weeks,” ayon kay Abeyasinghe.

“But eventually as production peaks up, we will deliver on the 20% of vaccines to cover 20% of the population. So this is the agreement that COVAX has with the Philippine government and we are still committed to do that.” dagdag na pahayag nito.

Samantala, mahigit sa 800,000 Filipino na ang naturukan ng COVID-19 vaccine simula nang magsimula ang mass immunization program noong Marso 1, ayon sa government data. (Daris Jose)

Pinay tennis star Alex Eala wagi kontra French opponent

Posted on: April 12th, 2021 by @peoplesbalita No Comments

Binigo ni Pinay tennis ace player Alex Eala si Margot Yerolymos ng France sa opening game ng W60 Bellinzona.

Nakuha ang 15-anyos na si Eala ang score na 7-6(6), 6-2 sa laro na ginanap sa Switzerland. Kasabay din nito ay nag-uwi ito ng $60,000.

Maguguntiang umakyat ang WTA ranking ni Eala sa 715 nitong nakaraang Lunes. Susunod naman na makakaharap nito si Laura-Loana Paar ng Romania.

Saso muling pumuwesto sa ika-50, binulsa P489K

Posted on: April 12th, 2021 by @peoplesbalita No Comments

RESPETADONG winakasan ni Yuka Saso ang kampanya sa binirang one-under par 71 pa-even 288 sapat sa seven-way tie para sa 50th place uli at premyong $10,081 (₱489K) sa 72nd Ladies Professional Golf Association (LPGA) Tour 2021 fifth leg – $3.1M 39th Ana Inspiration 2021 sa Dinah Shore Tournament Course ng Mission Hills Country Club sa Rancho Mirage, California nitong Abril 2-5 lang.

Kagayang puwesto ito ng 19 na taong-gulang na Pinay-Haponese ang sa tinapos niya sa 53rd Japan LPGA Tour 2020-21 17th leg ¥100M 12th T-Point Eneos 2021 sa Kagoshima na rito’y nabiyayaan siya ng ¥400K (₱175K) noong Marso 19-21.

Dumale sa US major crown sa buwena-mano niyang panalo sa dalawang palo sa paliga ang produkto ng University of California-Los Angeles na si Patty Tavanakit, 21, ng Thailand, sa 68-270 na may $465K (₱22.5M).

Ineklipsehan niya ang tournament-tying single-round record 62 at tourney-mark 29 sa front nine ni Lydia Ko ng punong abalang bansa na may 72-hole tole 272 at magkasya para sa $287,716 (₱14M). Tersera ang apat na golfer na may 277 at $151,615 (₱7.3M).

Nganga sa gantimpala ang nalagak sa siyam na magkakasosyo sa ika-87 posisyon ang isa pang pambato ng ‘Pinas na si Bianca Isabel Pagdanganan na sumablay ng tatlong palo para ma-cut makalipas ang second round. (REC)

Ads April 12, 2021

Posted on: April 12th, 2021 by @peoplesbalita No Comments

Clarkson desididong lumaro sa 2023 FIBA World cup

Posted on: April 12th, 2021 by @peoplesbalita No Comments

Desidido si Filipino-American NBA star Jordan Clarkson ng Utah Jazz na makapaglaro bilang local player kasama ang Gilas Pilipinas sa presithiyosong 2023 FIBA World Cup.

Mismong si Clarkson na ang nagkumpirma na buo ang puso nitong maging bahagi ng Gilas Pilipinas sa naturang world meet na itataguyod ng Pilipinas kasama ang co-hosts na Japan at Indonesia.

“Clarkson plans to return to Gilas Pilipinas in 2023, he said, when the team takes part in Olympic qualifying competitions, including the World Cup, which the Philippines is co-hosting,” ani Scott Cacciola sa kanyang artikulo sa New York Times.

Hindi ito ang unang pagkakataon na magiging bahagi si Clarkson ng national team. Nakapaglaro na ito noong 2018 Asian Games sa Jakarta, Indonesia bilang local player.

Subalit iba ang regulasyon sa Asian Games at FIBA.

Sa Asian Games na minamanduhan ng Olympic Council of Asia, sapat na ang Philippine passport para maging bahagi ng national team.

Sa kabilang banda, requirement ng FIBA na magkaroon ng Philippine passport ang isang player sa edad na 16-anyos para maituring na isang local player.

Naglabas ng patunay na may Philippine passport si Clarkson na nakuha nito bago pa ito mag-16. Subalit ayon sa ilang ulat, kinukuwestiyon ito ng FIBA dahil wala itong tatak na tanda na nagamit ang passport.

Dahil dito, itinuturing na naturalized player si Clarkson base sa FIBA ruling.

Kaya naman patuloy ang Samahang Basketbol ng Pilipinas (SBP) sa pagsulong na makapaglaro si Clarkson bilang local player.

Tanging isang naturalized player lamang ang maaaring isama sa national team base sa patakaran ng FIBA.

Lobrequito, 3 pa tagilid sa Summer Olympic Games

Posted on: April 12th, 2021 by @peoplesbalita No Comments

SABLAY makipagbuno si freestyler Alvin Lobrequito sa Asian Wrestling Championships sa darating na Abril 12-17 sa Almaty, Kazakhstan bunsod ng kawalang Detailed Service (DS) permit sa Armed Forces of the Philippines (AFP).

Namemeligro na rin ang pagdayo niya sa Sofia, Bulgaria kasama sina freestyler Jiah Pingot at Greco-Roman practitioners Jason Baucas at Noel Morada sa World Olympic Qualification sa Mayo 6-9 kasunod sa pagtaas ng bilang ng kaso ng Covd-19.

Kumpiyansa pa rin naman hanggang Martes si Wrestling Association of the Philippines (WAP) secretary general Marcus Valda, na makakapag-training sa lalong madaling panahon ang apat na mambubuno upang mag-qualify sa 32nd Summer Olympic Games 2020 na inurong din ng pandemya sa Hulyo 23-Agosto 8 sa Tokyo, Japan.

Buhat sa Berlin 1936 Olympics, may 15 Pinoy wrestler na ang mga nakasabak sa quadrennial sportsfest. Pinahauli nga lang ay noon pang 1988 Seoul Games sa katauhan nina Dean Carlos Manibog at Florentino Tirante. (REC)

Task force COVID-19 head Defense Sec. Lorenzana, nagpositibo sa COVID

Posted on: April 12th, 2021 by @peoplesbalita No Comments

Kinumpirma ngayon ni Defense Secretary Delfin Lorenzana na nagpositibo rin siya sa COVID-19.

Sa kanyang statement nitong Martes ng gabi iniulat ni Lorenzana, na siya ring head ng National Task Force against COVID-19, lumabas daw sa resulta ng kanyang RT-PCR test na siya ay positibo.

Dahil dito, pansamantala munang sasailalim sa isolation ang kalihim batay naman sa quarantine guidelines.

Kaugnay nito, inabisuhan na rin daw ang mga taong na-expose sa kanya.

Sa kabila nito, ang Department of National Defense ay magpapatuloy pa rin sa kanilang trabaho sa pamamagitan ng skeleton workforce upang matiyak ang pagseserbisyo sa taongbayan.

“The result of my RT-PCR test today, 06 April 2021, came up positive. I will be undergoing isolation, following the quarantine guidelines to avoid infecting others. Those who have been exposed to me have been informed. They have been advised to isolate and get tested for COVID-19 as well,” ani Lorenzana sa statement. “I would like to remind everyone that the threat of the virus is as real as ever, more so now due to the new variants. Let us all cooperate and abide by the prescribed health protocols to help in curbing the spread of COVID-19. Be safe everyone!”

Kasabay nito, nagpasalamat pa rin si Lorenzana na kahit daw papaano siya ay asymtomatic.

Kung maalala nito lamang nakalipas na linggo nagpositibo rin sa COVID-19 ang tinaguriang contact tracing czar na si Baguio City Mayor Benjamin Magalong.

Habang ang task force spokesman naman na si Secretary Harry Roque ay kagagaling lamang sa pagpapagaling din sa virus.

Ang sunod-sunod na pagkahawa ng ilang top officials ng IATF ay sa gitna na rin nang “surge” ng COVID cases sa bansa kung saan noong April 2, 2021 ay naitala ang record breaking na mahigit sa 15,310 na COVID infections. (Gene Adsuara)

KC, nag-celebrate ng 36th birthday kasama ang pamilya ni GABBY; sa beach house inabutan ng lockdown

Posted on: April 12th, 2021 by @peoplesbalita No Comments

SA halip magreklamo, natuwa pa si KC Concepcion na inabutan siya ng lockdown sa beach house ng amang si Gabby Concepcion sa Lobo, Batangas.

Dahil sa ECQ sa NCR at apat pang bayan na malapit sa National Capital Region na hindi pa alam kung muling mai-extend para hindi pa siya makabalik sa NCR ngayon.

Last April 7, ay 36^th birthday ni KC Concepcion at masaya siyang nag-celebrate doon, kasama si Gabby at ang mga sisters niyang sina Samantha at Savanna, at si Tita Genevieve Yatco Gonzales niya, ang wife ng daddy niya.

Sa Instagram post ni KC, she is making up daw some lost time with her younger siblings.

“”Happy Easter! Grateful to have this chance to spend time with my little sisters Samantha and Savannah! Been locked down together and making up for lost time.”

Sa mga Instagram post pa ni KC, kitang masaya siya sa pagbabakasyon sa Lobo, na pinupuntahan ang mga magagandang lugar doon, plus maganda naman talaga ang vacation house ng daddy niya. Fresh air, fresh food ang kinakain nila at enjoy siyang kasama ang dalawang young sisters niya.

Matagal nang naghiwalay ang parents ni KC at caption pa niya, “today they have their own families, who are also my own… I keep close to my siblings, or at least I do my part to, and giving importance and nurturing relationships between both my families can be tough- always a balancing act.”

Pawang mga babae ang naging anak ni Gabby sa naging karelasyon niya noon. After KC, sumunod si Garie, si Cloie (na may asawa na ngayon), sina Samantha at Savanna, at sa Mommy Sharon niya, dalawa rin ang sisters ni KC sina Frankie at Miel. May adopted brother sila, si Miguel.

At 36, nanatili pa ring single si KC, kahit na gustung-gusto na ng mommy niya na mag-anak na siya.

***

WAGI ang Kapuso actor na si Edgar Allan Guzman bilang Best Supporting Actor sa 4th Entertainment Editors’ Choice (EDDYS) ng Society of Philippine Entertainment Editors (SPEEd) na ginanap noong April 4.

Pinarangalan si EA para sa kanyang pagganap bilang si Neb sa pelikulang Coming Home.

Ibinahagi ni EA na hindi niya inaasahan ang pagkilalang ito. Lubos din ang kanyang pasasalamat sa lahat ng mga taong sumusuporta sa kanya.

“Oh, my God! Unexpected,” aniya sa kanyang speech.

“Unang-una gusto kong magpasalamat kay Lord for the talent and the passion. ‘Yung every project na ibinibigay N’ya sa akin, andoon ‘yung passion at pagmamahal ko sa craft ko at hindi n’ya iniiwan bigla kundi binibigay N’ya. Thank you sa lahat ng bumubuo sa The EDDYS, sa SPEEd, ito ang kauna-unahang award ko sa inyo and this means a lot to me.”

“Idini-dedicate ko po itong award ko sa aking family, kay Shaira [Diaz], sa lahat ng aking mga inspirasyon, sa mga sumusuporta, sa mga nagmamahal, sa GMA Network family, Artist Center, and ALV family, maraming salamat po,” dagdag pa ng Kapuso star.

Samantala, abangan si EA sa Heartful Café na malapit nang mapanood sa GTV at Agimat ng Agila sa GMA-7.

***

FIVE years ago, naging mag-sweetheart sina Kapuso stars Lovi Poe at Rocco Nacino, nang gawin nila sa GMA Network ang teleseryeng Beautiful Strangers na kasama rin nila si Benjamin Alves.

The two called it quits, pero ngayon ay muli silang magkakasama sa romantic-comedy series ng GMA Public Affairs, ang Owe My Love na may special performance si Rocco as Dr. Kenneth Paul.

Si Doc Kenneth ba ang sisira sa maganda na sanang relasyon nina Dr. Migs (Benjamin) at Sensen (Lovi)?.

Nagpaalam daw ba si Rocco sa wife niyang si Melissa Gohing na maggi-guest siya sa serye at muli niyang makakatrabaho si Lovi? Nang sinabi raw niya iyon kay Melissa, siya pa nagsabi na ituloy ko na, magandang trabaho.

“Kaya nang pumasok na ako sa serye, kinusap ko muna si Lovi at si Benjamin, para sa aming mga roles, at malalaman ng mga viewers kung bakit nagngitngit si Doc Migs kay Dr. Kenneth.

“Masaya ang set na pinasukan ko at marami akong kasama na first time kong makatrabaho. Sana po gabi-gabi ay panoorin ninyo ang love triangle nina Sensen, Doc Migs at Doc Kenneth.” Dagdag pa ni Rocco.

Napapanood gabi-gabi ang Owe My Love sa GMA-7 pagkatapos ng I Can See You. (NORA V. CALDERON)