MARAMING nagulat na netizens nang biglang mag-post ng video sa kanyang Instagram si Ultimate Male Survivor ng StarStruck Season 6, Migo Adecer last Saturday, April 10.

Nagpapaalam siya sa mga fans at mga Kapuso stars sa suporta sa kanya, at nagpaalam na rin siya sa GMA Network at nagpasalamat sa opportunity na nakapagtrabaho siya sa kanila.

Totoo raw kaya iyon, maraming nanghinayang dahil isa raw si Migo na may magandang chance na sumikat dahil bukod sa mahusay umarte, mahusay din siyang sumayaw at kumanta. May balak pa nga siyang ituloy ang pagri-record niya ng mga original compositions na sinulat niya.

Madaling sinagot last Monday, April 12, ng manager ni Migo, si Daryl Zamora, at ng GMA Artist Center, na  hindi magku-quit ang actor dahil naka-contract pa siya sa kanila.

“He is not quitting, pinayagan lamang namin siyang tapusin ang studies niya sa Australia and spend time with his family, dahil more than a year na siyang hindi nakauuwi sa kanila.  It’s a good time to let him be with his family, we support whatever decision he has made.”

Last year nagbakasyon si Migo with her girlfriend sa Hong Kong pero inabutan sila roon ng lockdown dahil sa pandemic kaya ang balak niyang umuwi ng Australia ay hindi nangyari.

Nang pwede na silang mag-travel kailangan nang bumalik ni Migo sa Pilipinas dahil magri-resume na sila ng taping ng Anak ni Waray Vs. Anak ni Biday, plus may iba pa siyang commitments na dapat tuparin sa GMA.

***

HAPPY na ang may 1.9 million followers sa social media accounts ni teenstar Sofia Pablo dahil last April 10, ay nag-celebrate na siya ng kanyang 15^th birthday.

Tuwang-tuwa rin naman si Sofia sa tinanggap na pagbati mula sa mga kapwa Kapuso stars niya at na-overwhelm siya sa mga videos posted ng mga fans niya na nag-celebrate daw sila ng birthday ni Sofia sa kani-kanilang bahay dahil wala silang chance na makita nang personal ang kanilang idolo.

Best birthday gift naman daw ni Sofia na pwede na siyang bumalik sa showbiz at makabilang na sa book two ng GMA Afternoon Prime drama na Prima Donnas.

Matatandaan na kulang si Sofia sa age requirement ng IATF na fifteen (15) years old para makapagtrabaho noong pandemic, kaya na-cut short ang appearance niya sa  serye.

***

THANKFUL naman si Kapuso actress at First Yaya star Sanya Lopez, sa mga papuring tinatanggap niya sa social media dahil pampa-good vibes daw nila sa gabi, bago matulog, ang story ni Yaya Melody.

Tweet nga ng isang netizen, “ngayon ko lamang nakita ang 64-year old lolo ko na tumatawa sa acting at dialogue ni Yaya Melody.”

Pumapalakpak daw sila kapag napapahiya si Lorraine (Maxine Medina) na walang ginawa kundi maliitin ang pagkatao ni Yaya Melody na laging ‘maid’ ang tawag niya.  Hindi kasi nagpapatalo si Yaya Melody kahit kanino, kapag nasa tama siya.

Ang pinakahihintay ng mga viewers ay kung paano magiging sila na ni PGA (President Glenn Acosta), na ginagampanan ni Gabby Concepcion.

Napapanood ang First Yaya gabi-gabi, pagkatapos ng 24 Oras sa GMA-7. (NORA V. CALDERON)

DADALO sa funeral ng kanyang lolong si Prince Philip ang Duke of Sussex na si Prince Harry, pero hindi makakasama ang misis na si Meghan Markle dahil sa buntis ito ngayon.

Inabisuhan si Meghan ng doktor na hindi ito puwedeng bumiyahe.

Sa April 17 nakatakda ang “royal ceremonial funeral” at Windsor Castle. The service will be historically scaled down in light of the COVID-19 pandemic, and will be “entirely closed to the public.”

“The funeral was planned, in part, by Philip himself, who died Friday at 99, just weeks after emerging from a month-long hospital stay that had included minor surgery,” ayon sa Buckingham Palace.

“Although the ceremonial arrangements are reduced, the occasion will still celebrate and recognize the Duke’s life and his more than 70 years of service to the Queen, the U.K., and the Commonwealth.”

Kasalukuyang nasa eight-day mourning cycle si Queen Elizabeth II.

Nag-fire naman ng 41-gun salute in honor of the late Duke of Edinburgh ang capital cities of the United Kingdom na London, England; Belfast, Ireland; Edinburgh, Scotland; and Cardiff, Wales.

***

NAGING simple lang ang pag-celebrate ni Sofia Pablo ng kanyang 15th birthday last April 10.

Plano raw sana ng Kapuso teen star na magpa-dinner kasama ang pamilya at mga kaibigan. Pero dahil may ECQ noong birthday niya, sa bahay na lang siya nag-celebrate at via Zoom na lang daw nya nakasama ang mga kaibigan at kamag-anak.

Nagkaroon din ng retro photoshoot si Sofia na ang theme ay looks mula sa favorite show niya na Riverdale.

Dumating naman ang maraming birthday cakes sa condo building kunsaan nakatira si Sofia. Dahil sobra-sobra, binigay niya ang ibang cakes sa staff ng condo building nila sabay pasalamat dahil mine-maintain nila na malinis at disinfected ang buong condo building.

Wish ni Sofia na makabalik na siya sa trabaho lalo na’t inaabangan na ng marami ang book 2 ng Prima Donnas.

***

HINDI raw muna tatanggap ng sunud-sunod na work si Juancho Trivino dahil gusto niyang mabantayan ang ang pagbubuntis ng misis niyang si Joyce Pring.

Nag-enroll nga raw sila sa isang birthing class ag gusto ni Juancho ay lago siyang present.

“Marami kami inaatupag ngayon. Like informing ourselves sa mga protocols lalo na pag lumapit na ‘yung due date ni Joyce. Masaya, very ovewhelming process din,” sey ni Juancho.

Ayaw raw kasing mag-worry ni Juancho sa kalagayan ni Joyce kaya pass daw muna siya sa ngayon sa mga isang buwang lock-in taping. Okay daw sa kanya yung mga guestings lang na one or two days ang taping. (RUEL J. MENDOZA)