Saso, Pagdanganan tuloy ang hataw sa LPGA Tour

MAGPAPATULOY sa pangalawang pagkakataon sa kasalukuyang buwan at pangatlo mula noong Disyembre bilang pambato ng bansa sina Yuka Saso at Bianca Isabel Pagdanganan sa 72nd Ladies Professional Golf Association (LPGA) Tour 2021 sixth leg – $2M 10th Lotte Championship sa Abril 15-19 sa Kapolei Golf Club sa Hawaii.

Kakasalo lang sa triple-tie sa ika-50 puwesto ng 19 na taong-gulang na Pinay-Japanese na si Saso sa LPGA Tour fifth leg – $3.1M 39th Ana Inspiration sa California nitong Abril 1-4 at nagsubi ng premyong $10,081 (₱489K).

Setlog sa gantimpala ang 23 taong-gulang at isinilang sa Quezon City na si Pagdangan  nang humilera sa siyam sa ika-87 posisyon, kapos ng three strokes para ma-cut tapos ng second round sa Ana golfest.

Nagsabay rin ang dalawang pangunahing pro golfer ng ‘Pinas sa 75th US Open 2020 sa Houston, Texas noong Dis. 10-13 sina Saso’t Pagdanganan.

Tumabla sa pito para sa ika-13 puwesto na may $96,800 (₱4.6M) gantimpala si Saso.  Kumabyos naman  sa cut si Pagdanganan pero kumite pa rin ng ng $4K (₱192K). (REC)