2021 January Archive - People's Balita

Archive for January, 2021

Meralco may 5 malaking pambabakod kay Fajardo

Posted on: January 14th, 2021 by @peoplesbalita No Comments

INAASAHAN na ng marami na mabibigyan ng contract extension si Raymon ‘Jammer’ Jamito sa Meralco dahil sa impresibong pinakita sa 45th Philippine Basketball Association 2020 Philippine Cup bubble sa Angeles City.

Namemeligro naman si Siverino ‘Nonoy’ Baclao Jr. dahil hindi nakapaglaro sa Pampanga bubble na naipit sa pag-lineup sa kanya noong isang taon at galing sa injury.

Pero lumagda na ang dalawang basketbolista sa Bolts para sa 46th PBA PH Cup 2021 na magbubukas sa darating na Abril 9.

Maaaring nabigyan din ng isang taong bagong kontrata si Baclao kagaya ni Jamito dahil sa iisa ang kanilang agent-manager, ang magaling na si Danny Espiritu.

Mula sa bench, may average ang 30-anyos, 6-5 ang taas at tubong Basud, Batangas na si Jamito ng 5.0 points at 3.8 rebounds per game pumatok ang YouTube channel niyang Jammer Jamito Explore sa pasiklab sa Bolts sa semifinals.

Makakabalik na rin sana sa all-Pinoy bubble ang 6-5, 33-anyos na center/forward na si Baclao mula nang operahan sa injury (ruptured patellar tendon), pero naipit sa rule. Hindi naisama ang pangalan niya sa

Makakatulong ang dalawa sa malalaking manlalaro ni Bolts Norman Black kina Raymond Almazan, Clifford Hodge at Reynel Hugnatan sa misyong madale na nila ang unang titulo sa ika-11 taon sa parating na season.

Nasisilip ng Opensa Depensa, na preparasyon na rin ng team ang hakbang para pagbabalik naman ni 6-10 center, six-time pro league Most Valuable Player June Mar Fajardo para sa San Miguel Beer makaraan ang one-season rest sanhi rin ng operasyon sa injury. (REC)

PAALALA SA KAPISTAHAN NG STO NINO SA TONDO

Posted on: January 14th, 2021 by @peoplesbalita No Comments

PINAALALAHANAN ng pamahalaang lungsod ng Maynila ang simbahan at mga residente hinggil sa pagdiriwang ng Kapistahan naman ng Poong Sto. Nino de Tondo.

Ayon kay Manila Mayor Isko Moreno, ipagbabawal muna ang anumang aktibidad na gagawin sa labas ng Sto. Nino de Tondo Parish .

Papayagan naman ang pagsasagawa ng mga misa basta’t masusunod ang itinatakdang seating capacity na 30%.

Ngunit ang mga prusisyon o parada at kahalintulad na aktibidad na ginagawa sa kalye ay hindi papayagan.

Ayon kay Isko, kailangang mag-adopt ang mga tao sa “new normal” sa gitna ng patuloy na banta ng COVID-19.

Sinabi ng alkalde na dapat makinig ang mga residente tulad ng nangyari sa Kapistahan ng Poong Itim na Nazareno.

Nagpapasalamat naman ang alkalde sa mga nakibahagi sa Pista ng Nazareno dahil karamihan ay sumunod at nakipagtulungan kaya nairaos ng maayos ang okasyon.

Sa abiso naman ng Archdiocesan Shrine of Santo Nino, ang mga misa kaugnay sa pista ay gagawin sa:

– January 16 – 3:00 ng hapon; 5:00 ng hapon at 7:00 ng gabi

– January 17 – 4:00 ng umaga; 6:00 ng umaga; 8:00 ng umaga; at 10:00 ng umaga. At 12:00 ng tanghali; 3:00 ng hapon; 5:00 ng hapon at 7:00 ng gabi. (GENE ADSUARA)

3K MGA ESTUDYANTENG NAVOTEÑO NAKATANGGAP NG SMART PHONES

Posted on: January 14th, 2021 by @peoplesbalita No Comments

Namigay ang Pamahalaang Lungsod ng Navotas ng mga smart phones na magamit ng 3,057 na mga estudyante ng public elementary at high school para sa school year 2020-2021.

Ang mga beneficiaries ay kabilang sa mga ideniklara nung enrolment na walang sariling mga gadget na kanilang magamit para online classes.

“We set aside P4.5 million from our Special Education Fund and realigned P9.8 million of our budget for the programs of the Navotas City Council for the Protection of Children. This enabled us to purchase 2,682 smart phones for our students,” ani Mayor Toby Tiangco.

Samantala, nagbigay naman si Cong. John Rey Tiangco ng 350 cellphones para sa Tutor Learning Child (TLC) at Support Our Students (SOS) programs.

Ang TLC ay pinagsamang proyekto ni Cong. Tiangco at Department of Education-Navotas na inilaan upang tulungan ang mga nag-aaral ng K-12 na walang sinumang nagtuturo para gabayan sila sa modular lessons o walang gadget para sa mga nag-aaral sa bahay nila.

Habang ang SOS naman ay donasyon drive na suporta sa pangangailangan ng mga K-12 students, kabilang ang mga smart phones, tablets, internet load, school supplies, at iba pa.

Maliban sa mga smart phones mula sa pamahalaang lungsod at kay Cong. Tiangco, tumanggap din ang DepEd-Navotas ng 25 unit-donation mula sa isang private organization. (Richard Mesa)

Mas mahigpit na quarantine sa Metro Manila nakaamba

Posted on: January 14th, 2021 by @peoplesbalita No Comments

Nakaamba ang pagpapatupad ng mas istriktong quarantine sa Metro Manila kung magpapatuloy ang pagtaas ng kaso ng COVID-19.

Ayon kay Presidential Spokesperson Harry Roque, titingnan ang tinatawag na “two-week attack rate” at ang critical care capacity ng mga ospital.

Sinabi ni Roque na hindi na maibabalik ang panahon para sa mga hindi sumunod sa social distancing noong Pasko, Bagong Taon at Traslacion.

“Well, unang-una iyong nangyari ay nangyari na hindi na natin maibabalik ang panahon. Iyong mga hindi po nag-observe ng social distancing noong panahon ng Pasko, BagongTaon at Traslacion, naririyan na iyan,” ani Roque.

Wala na rin aniyang magagawa para sa mga hindi sumunod na tiyak na nakakaranas na ng mga sintomas.

Pero ang mabuting balita aniya ay may sapat na kakayanan ang mga ospital para gamutin ang mga tinamaan ng COVID-19.

Inulit din ni Roque ang payo ng Department of Health para sa mga pumunta sa Traslacion na mag-isolate na kung may nararamdamang sintomas ng virus at magpa-test pagkatapos ng anim na araw simula nang magpunta sa Quiapo.

Sa pahayag ng OCTA Research Group, nagkaroon na ng pagtaas sa COVID sa Metro Manila matapos ang mahigit 400 nadagdag na kaso.

Ayon kay Dr. Ranjit Rye ng Octa Research, kailangan nang kumilos at magpatupad ng kaukulang hakbang ang pamahalaan para maiwasan ang paglobong muli ng COVID cases sa MM.

Tumaas din ang reproduction number ng bansa batay sa record ng Department of Health na 1.13 na mas mataas kumpara sa 1.02 noong Disyembre 21 na indikasyon na kumakalat ang virus.

Bunga nito, nanawagan ang grupo sa pamahalaan at LGUs na magpatupad ng pinaigting na testing, tracing, at pag-isolate upang maiwasan ang pagkalat ng sakit at higpitan ang border control.

Hinala pa ng OCTA team na maaaring nasa Pilipinas na ang bagong COVID-19 variant mula sa UK. (ARA ROMERO)

3 MENOR DE EDAD NA KABABAIHAN, NAISALBA SA ONLINE SEXUAL EXPLOITATION

Posted on: January 14th, 2021 by @peoplesbalita No Comments

NAISALBA ng National Bureau of Investigation (NBI)-Anti Human Trafficking (AHTRAD) ang tatlong menor de edad na kababaihan na biktima ng Human trafficking sa Dasmarinas City, Cavite.

Ayon kay NBI Officer-in-Charge (OIC) Director Eric B. Distor na nag-ugat ang kaso mula sa Federal Bureau of Investigation (FBI) na ipinadala sa Philippine Internet Crimes Against Children Center (PICACC) kung saan isang Filipina ang nagpadala sa isang American national ng mga hubad na larawan ng kanyang menor de edad na anak at dalawang kaibigan kapalit ng pera sa pagitan ng 2018 at 2019.

Nalaman na dahil sa mga ipinadala, nakatanggap ng nasabing Filipina mula sa American cititzen ng kabuuang USD 2,680.oo sa pagitan ng April hanggang August 2019. Ang nasabing mga porn materials ay ipinadala sa Facebook App.

Ang nasabing Filipina ay nakilala ng NBI-AHTRAD kaya nagsagawa ng surveillance operation sa kanilang lugar kung saan nalaman na isa sa mga biktima ay anak nito at nasa kanyang pangangalaga.

Upang malaman ang dalawa pang kasama ng menor de edad na biktima ay humingi ng tulong ang NBI-AHTRAD sa principal ng dalawang bata kung saan sila ay nag-aaral na naibigay naman ng Principal ng eskuwelahan ang pangalan ng kanilang mga magulang at kanilang address at nitong January 8, 2021, ay nagsagawa ng operasyon ang NBI, Philippine National Police – Women and Children Protection Center (PNP-WCPC) at Dasmariñas City , Cavite, City Social Welfare and Development Office (CSWD) na nagresulta sa pagkakasalba ng mga menor de edad saka ito in-turn over sa isang shelter sa Rizal. (GENE ADSUARA)

Swab test ‘di aalisin – Red Cross

Posted on: January 14th, 2021 by @peoplesbalita No Comments

Kahit pa maaprubahan ang paggamit ng saliva test sa pagtukoy ng mga kaso ng COVID-19 sa bansa, ay hindi pa rin aalisin ng Philippine Red Cross (PRC) ang swab test dahil ito ang itinuturing na gold standard sa COVID-19 testing.

Ito ang nilinaw ni Dr. Paulyn Rosell-Ubial, head ng Biomolecular Laboratories ng PRC, kaugnay ng isinasagawa nilang pilot testing ng COVID-19 saliva test.

Ayon kay Ubial, bagama’t ang saliva test ay katanggap-tanggap at ginagamit na sa maraming bansa, ay nananatili pa rin ang swab test na gold standard sa mga COVID tests kaya’t hindi nila ito maaaring tanggalin.

Mas malaki rin ang matitipid ng gobyerno at mga mamamayan kung saliva tests na ang gagamitin sa pagtukoy ng COVID-19 dahil may reagents na hindi na nila kailangang gamitin.

Mas madali rin lumabas ang resulta ng saliva test na aabutin lamang ng ilang oras, kumpara sa swab na inaabot ng ilang araw.

Sa ngayon aniya ay kabilang na rin sa pinag-uusapan kung makokober ba ng PhilHealth ang saliva test.

Kahapon sinimulan ng PRC ang pilot testing sa saliva test sa may 1,000 indibidwal.

Mismong si PRC Chairman at CEO, Sen. Richard Gordon ang naging guinea pig at unang sumalang sa saliva test, na tinatayang aabot lamang sa P2,000 ang halaga at maaaring mapababa pa. (GENE ADSUARA)

Sharon, tinawag na ‘balyena’ ng basher na pabirong sinagot niya na ‘dugong’ naman

Posted on: January 14th, 2021 by @peoplesbalita No Comments

MULING nag-post si Megastar Sharon Cuneta na na naka-swimsuit at may caption na, “O last na ito for this season ha?!”

Gamit ang mga hashtags na #kimkurdapia #sharon2021 #JLoYourenotalone.

Isa sa agad naman nag-comment si Ara Mina ng, “Wow o wow! Sexy naman ng Ate Sha ko.”

Marami ngang natuwa at puring-puri ang makinis na skin ni Mega. Puna ng netizens pantay na pantay ang complexion niya na parang hindi 55 years old, pero hindi naman talaga nawawala ang kanyang mga bashers.

Ilang nga sa naging comments:

“Juice colored contest sila ng anak sa mga posing posing.

“In fairness, mas firm pa tignan ang body niya kaysa kay KC.

“Like mother, like daughter lang ang peg.Nainggit yata si Ate Shawi sa mga “pa-pata photos” ni KC eh.

“Jusmiyo sharon tigil na! Hindi ka naman hot babe! Have the decency not to make yourself a laughing stock! Your had your time and it’s over! Don’t hang on to fame..it’s fleeting!

“Her page, her body, her rules. For her age she looks good. I would also like a pic taken of me if I look like that at 50 plus. For posterity. Walamg basagan ng trip. Lol.

“Hayaan nyo na at matagal hindi nakapagpost ng ganyan, kung ako din pumayat ng todo eh nagpopost din ako no!

“Grabe naman kayo maka-react kay Tita Mega. Porke ba hindi Alice Dixson ang katawan nya?

“hayaan niyo nga si Ate Shawie gawin ang gusto niya. jusko ang mga body shamers! asikasuhin ninyo ang buhay ninyo.”

Pero may isang basher na ang lakas ng loob na mag-comment sa IG post ni Mega ng ‘balyena ba yan?’

Buti na lang, game si Mega na patulan at pabirong sinagot na lang nito na, “Dugong naman.”

Kaya naman ipinagtanggol ng netizens si Sharon sa naturang basher.

Opinyon nila:

“Ahahah I love ate Shawie for this. Grabe naman maka-pintas yung iba

“Grabe naman yung Balyena wala namang buntot si Sharon as far as i know

“Gandang balyena naman nyan.

“Vavavoom si mega! Kaedaran sya ng mama ko pero ang kutis ni mega pang 20+ lang. Kebs na kung voluptuous e ganyan din naman katawan ng Kardashians!

“Flawless talaga… For her age kinship ha!

“Kutis labanos ni idol!!!

“Ang basher mahirap. Si Sharon Mayaman. Kalain mo ang mahirap na basher na nakasakay sa tricycle yun pa yung manlalait ng Mayaman na naka mamahalin kotse.

“Sharon is aging disgracefully.”

(PHOTO: instagram/sharon cuneta)

***

SAMANTALA, nag-post din si KC Concepcion ng sexy photo na kuha sa Amanpulo pero may sweet caption ito na para kay Sharon Cuneta na kanyang sinorpresa.

Post ni KC, “Mom’s got great taste in homes and interiors. I dream of building her a ‘never neverland’ on the beach for her own enjoyment, maybe someday… Villa 20 ♡”︎

Wala pa kaming nakitang reaction ni Mega, pero sure ikatutuwa niya ito and hopefully, maisakatuparan nga ito ni KC sa darating na panahon. (ROHN ROMULO)

Barangay chairman itinumba ng 2 riding-in-tandem sa Malabon

Posted on: January 14th, 2021 by @peoplesbalita No Comments

Dedbol ang isang barangay chairman matapos pagbabarilin ng dalawa sa apat na hindi kilalang mga suspek likod ng kanyang bahay sa Malabon City, kamakalawa ng hapon.

Dead on arrival sa Manila Central Univesity (MCU) hospital sanhi ng tinamong mga tama ng bala sa iba’t-ibang bahagi ng katawan ang biktimang si Anthony Velasquez, 41, Barangay Chairman ng Brgy. Hulong Duhat.

Sa report nina police investigators PSSg Jose Romeo Germinal at PCpl Michael Oben, dakong 3:50 ng hapon nang maganap ang insidente sa likod ng bahay ng biktima sa No. 3 Florante St. Brgy. Hulong Duhat.

Lumabas sa imbestigasyon na abala sa paglilinis ang biktima sa likod ng kanyang bahay nang pumasok ang dalawang hindi kilalang gunaman sa likod na gate at walang sabi-sabing pinagbabaril sa katawan si Velasquez.

Matapos ang insidente, naglakad patungo sa kanilang kasama na nagmamaneho ng kanilang gateway motocycle bago mabilis na nagsitakas sa hindi matukoy na direksyon habang isinugod naman ang biktima ng kanyang pamilya sa naturang pagamutan subalit, hindi na ito umabot ng buhay.

Kaagad namang nagsagawa ng dragnet operation ang mga tauhan ng SS7 sa pangunguna ni PLT Edgardo Magnaye subalit, nabigo sila na mahuli ang mga suspek habang narekober sa crime scene ng 11 basyo ng bala mula sa hindi pa matukoy na uri ng baril.

Ipinag-utos na ni Col. Rejano sa kanyang mga tauahan ang masusing imbestigasyon sa posibleng pagkakilanlan at pagkakaaresto sa mga suspek habang inaalam pa ng pulisya ang tunay na motibo sa krimen. (Richard Mesa)

3 LRT 2 stations na nasunog malapit ng buksan

Posted on: January 13th, 2021 by @peoplesbalita No Comments

Ang tatlong (3) Light Rail Transit 2 (LRT2) stations na nasunog noong 2019 at nahinto ang operasyon ay mabubuksan na sa first quarter ng taon.

Sinabi ng Department of Transportation (DOTr) na ang Anonas, Katipunan, at Santolan stations ay muling mabubuksan ang operasyon sa unang quarter ng taon.

Ang nasabing tatlong stations ay sinara matapos na masunog ang 2 power rectifiers o transformers noong October 2019.

Ang sunog ay nagsimula ng ang transpormer na nakalagay sa pagitan ng Anonas at Katipunan stations ay pumutok at sumabog at dahil ang mga transpormers ay “work in series,” ang transpormer sa Santolan depot ay nasunog din.

Natagalan ang ginawang repairs sapagkat ang mga parts ay kinaha pa sa France, United Kingdom, at Japan. Ang mga parts ay hindi mga off-the-shelf-items dahil kinakailangan pa itong customized sa systems ng LRT 2.

Ayon kay Light Rail Transit Authority (LRTA) spokesman Hernando Cabrera, naglaan sila ng P430 million upang palitan at ma restore ang LRT 2 sa kanyang full operation capacity. Kasama na rito ang importations, installations at commissioning.

Dahil sa mga pangyayari ang Metropolitan Manila Development Authority (MMDA) ay nagpadala ng apat (4) na buses upang isakay ang mga pasahero na walang masakyan ng walang bayad. Nagdagdag rin ng apat (4) na buses ang Philippine Coast Guard (PCG) noong nakaraang Sabado. Kung kaya’t mayron walong (8) buses na kabuohan ang pumapasada mula Santolan hanggang Cubao at vice versa.

Ang Land Transportation Franchising and Regulatory Board (LTFRB) naman ay nagpalakad din ng 20 modernized public utility vehicles upang isakay ang mga pasahero mula sa Santolan papuntang Cubao.

Samantala, nagbigay naman ng rekomendasyon si DOTr Secretary Arthur Tugade sa LRTA na kung maaari ay buksan na ang dalawang LRT2’s East Extension project, ang Marikina at Antipolo sa darating na April 26.

“Let us finish it right away so the Filipino people can enjoy these stations,” wika ni Tugade. Sinabi niya ito kay Ambassador Kazuhiko Koshikawa kasama ang iba pang DOTr officials ganon din ang representatives ng project proponents na D.M. Consunji Inc. at Marubeni Corp. at ang partner na Japan International Cooperation Agency (JICA).

Ang LRT 2 na magkakaron ng karagdagan dalawang (2) stations ay makakatulong upang mabawasan ang travel time mula Recto Avenue sa Manila papuntang Masinag sa Antipolo at ito ay magiging 40 minuto na lamang mula sa tatlong (3) oras na pagbibiyahe.

Kung mabubuksan ang Marikina at Antipolo stations, ito ay makapagsasakay ng ng karagdagang humigit kumulang na 80,000 na pasehero mula sa ngayon na 240,000 na pasahero kada araw. (LASACMAR)

‘Cinemalaya 2021’, Opens Submission for Its Short Film Category

Posted on: January 13th, 2021 by @peoplesbalita No Comments

THE Cinemalaya Philippine Independent Film Festival 2021 is now open for submission of entries for its Short Film Category.

Interested filmmakers must submit their application on or before March 5, 2021 (Friday), 6:00 p.m. to the Film, Broadcast, and New Media Division (FBNMD), 4F Cultural Center of the Philippines (CCP), Roxas Blvd., Pasay City. Only entries by Filipino filmmakers are accepted to the Short Feature Category.

Those who are submitting their entries must provide the following: the final work in MP4 format, with violator/watermark, properly labeled with title, production company, address and contact numbers, production date, director’s name, and running time (which should not exceed 20 minutes inclusive of credit titles). It must be accompanied with the duly completed entry form, synopsis in English, a brief resume and two (2) recent 2×2 photos of the filmmaker/s.

Entries must have been produced within the period of February 29, 2020 to March 5, 2021.

Entries can be submitted through online portal — just follow the link (bit.ly/CinemalayaShorts2021Form), fill out the entry form and upload your film and filmmaker’s profile.

For offline submission, film entry must be submitted in a USB. Entries must be submitted in a long brown envelope properly labeled with the proponent’s name, title of film, and contact details.

The ten (10) short feature finalists will be screened online during the 2021 Cinemalaya Film Festival from August 6-15, 2021.

For more information and updates, visit the CCP website (www.culturalcenter.gov.ph) or follow the CCP and Cinemalaya official Facebook pages. (ROHN ROMULO)