Ngunit hindi raw nangangahulugan na ‘guilty’…

Dating Speaker Romualdez pinatawan ng 90-day suspension ng Sandiganbayan

HINDI nangangahulugan na “guilty” si dating Speaker Ferdinand Martin G. Romualdez sa ipinataw na 90-day suspension sa kanya ng Sandiganbayan, ayon sa abogado nito.

Pinaliwanag ni Atty. Ade Fajardo, abogado ni Romualdez, na ang November 10 resolution na nagpapataw ng preventive suspension sa mambabatas ay normal lamang na proseso matapos matukoy ng Sandiganbayan na “legally sufficient” ang reklamong plunder.

“The court has not found Martin guilty of plunder. It has not established that he received a single peso in illegal commissions or kickbacks,” ani Fajardo.

Hindi rin nangangahulugan na ang mga alegasyon laban kay Romualdez ay patunay o sapat na ebidensiya.

“An allegation is not evidence. A valid Information is not a conviction. The prosecution must still prove its case beyond reasonable doubt,” ani Fajardo.

Ayon kay Fajardo, buo ang respeto ni Romualdez sa proseso. “Hindi hatol ng pagkakasala ang suspension. Mismong korte ang nagsabing kailangan pang patunayan ang mga paratang. Hindi sapat ang akusasyon—kailangan ng ebidensya,” iginiit ng abogado. (VINA de GUZMAN)