DepEd: Laptop ng mga guro, maaaring i-lock o i-disable kapag ibinenta o isinangla

TINIYAK ni Education Secretary Sonny Angara na may mahigpit na seguridad ang mahigit 231,000 laptop na ipamamahagi ng Department of Education (DepEd) sa mga guro at empleyado upang maiwasan ang pagbebenta, pagsasangla, o ilegal na paglilipat ng mga ito.

Ayon kay Angara, mananatiling pag-aari ng gob­yerno ang mga laptop at nakatala ang mga ito sa official accountability records ng DepEd.

Lahat ng unit ay naka-enroll sa Mobile Device Ma­nagement (MDM) system na nagbibigay-daan sa mga awtoridad na i-lock o i-disable, kahit malayuan, ang mga ninakaw, isinangla o ilegal na naibentang laptop.

“Hindi po puwedeng ibenta ang mga ito dahil nananatili itong government property,” diin ni Angara.

Bahagi ng nationwide rollout ang 172,654 MacBook Neo units at 62,717 Windows-based laptops na ipamamahagi mula Nobyembre 2026 hanggang Marso 2027 sa mga guro at administrative staff.

Nagbabala rin si Angara na maaaring maharap sa administrative at criminal charges ang mga lalabag sa patakaran, habang prayoridad sa distribusyon ang mga paaralan at guro na hindi pa nakatatanggap ng laptop mula sa pamahalaan.

 (DARIS JOSE)