2020 November 11 Archive - People's Balita

Archive for November 11th, 2020

Bago sana manghuli ayusin muna ang sistema ng RFID!

Posted on: November 11th, 2020 by @peoplesbalita No Comments

NGAYON pa lang ay may matinding babala ang ilang opisyal na huhulihin daw ang walang RFID. Tuloy imbes na magdulot ng ginhawa sa paglalakbay ang RFID ay kalbaryo ang nararanasan ng mga motorista. Pagdating daw ng Disyembre 2, 2020, ay huhulihin na ng mga awtoridad ang walang RFID.

Ang RFID sticker ay kailangan lang kapag dadaan sa mga tollways. Kung hindi ka naman dadaan ay hindi kailangan na may RFID sticker ang sasakyan mo at hindi ka dapat hulihin. At sa pagsapit ng Disyembre 2, 2020, ay maaari ka pa rin mapakabit ng RFID dahil walang deadline ang pagpapakabit. Ang deadline lang ay dahil hindi na tatanggap ng cash sa tollway.

Pero sana bago pagdiskitahan ang walang RFID sa tollway ay AYUSIN muna ang mga CONCERNS ng mga motorista. Isa dito ay ang interoperability ng mga RFID stickers. Magkaibang dambuhalang negosyante ang may kontrata ng mga tollway kaya tuloy iba ang sticker ng bawat isa. Dapat din tingnan ng DoTR ang mga hinaing ng mga motorista tungkol sa RFID tulad ng late activation; ang pagkain ng load ng kanilang stiker; hindi pagbasa ng stiker sa mga tollgate; at marami pang iba. Nauunawaan natin na dahil bago pa lang ang RFID system dito sa atin sa Pilipinas ay may mga problema pang dapat ayusin. Kaya naman dapat hindi muna panghuhulo ng violations ang atupagin kundi ang mga problema na idinudulog ng mga motorista tungkol sa bagong sistema na ito. Kung may deadline ang DoTR sa nga motorista dapat ay may deadline din sila sa kanilang sarili sa pag-aayos ng sistema ng RFID bago pa man ang hulihan.

Huli huli agad? Kaya tuloy nahuhuli tayo sa pag-angat. Kaya ang tanong – kailan ang deadline ng DoTR na maayos ang sistema ng RFID? (Atty. Ariel Enrile-Inton)

Sinupalpal ng Malakanyang ang mga nagnanais na makakuha ng kopya ng (SALN) ng Pangulo

Posted on: November 11th, 2020 by @peoplesbalita No Comments

TILA sinupalpal ng Malakanyang ang mga nagnanais na makakuha ng kopya ng Statement of Assets, Liabilities and Net worth (SALN) ni Pangulong Rodrigo Roa Duterte.

Ininguso at itinuro ni Presidential spokesperson Harry Roque sa mga ito na magpunta ng Ombudsman at doon humingi ng kopya.

Ito’y sa kabila ng nagpalabas na ang ahensiya ng access restrictions sa dokumento na nasa kanilang pangangalaga.

Kamakailan ay kapansin-pansin na ayaw pag-usapan ng Malakanyang ang SALN ni Pangulong Duterte. Sa harap na rin ng paggigiit ng ilang media entities na makakuha ng kopya ng SALN ng Pangulo subalit bigo ang mga ito.

Sinabi ni Sec. Roque na wala sa timing ang hirit sa kopya ng SALN ni Pangulong Duterte dahil katatapos lang ng bagyo at abala ang mga opisyal ng gobyerno sa pagtulong sa mga nasalanta ng kalamidad.

“Saka na po natin pag-usapan yan, dito na muna tayo sa bagyo,” ang maiksing tugon ni Roque sa kanyang press briefing nitong Lunes.

Pinagpasa-pasahan din umano ang mga humihingi ng kopya sa Malacañang sa kabila ng pagsunod nila sa requirements na itinakda ng Ombudsman. (Daris Jose)

NEW CHRISTMAS VIDEO FROM DISNEY UK HITS CLOSE TO HOME

Posted on: November 11th, 2020 by @peoplesbalita No Comments

THE video marks Disney’s partnership with the charity Make-A-Wish.

We’re still a bit over a month away from Christmas, but Disney UK has already made us feel all warm and nostalgic with their new Christmas advertisement! Released just today, the 3-minute video has quite a number of elements that will feel very familiar to us, Filipinos.

Check it out below: https:/ /www.youtube.com/watch?v=tl57Gy5X_Kg

As soon as the video opens, you’d instantly recognize the Filipino elements in the video — from the parol hanging in the street and the man shouting “Balot!” in the background to the way the little girl did the mano when she greeted her father.

The girl then receives a small Mickey Mouse doll from her father, something which she kept even years after.

Fast forward to 2005, the girl, who’s now a lola living overseas, gifts the same doll to her granddaughter on one particular Christmas. As the girl grows up, though, the grandmother starts to see their relationship growing more and more distant.

That is, until, the girl — who’s now a young-adult — surprises her with a display of parol at home and the same Mickey Mouse doll she grew up with.

The animation marks Disney’s 40- year partnership with the charity Make- A-Wish. It features the song “Love is A Compass,” performed by the UK artist Griff, which is available for purchase. 100% of the proceeds from the track will be going towards Make-A- Wish organizations.

Disney fans can also purchase the same Mickey doll shown in the video online. Proceeds will also be donated to Make-A-Wish organizations. (ROHN ROMULO)

4 drug suspects arestado sa Calocan

Posted on: November 11th, 2020 by @peoplesbalita No Comments

APAT na hinihinalang sangkot sa illegal na droga, kabilang ang No. 1 priority personality on illegal drugs Regional level ang arestado sa magkahiwalay na drug operation ng pulisya sa Caloocan City.

Ayon kay Caloocan police chief Col. Samuel Mina Jr., alas- 1:40 ng madaling araw nang magsagawa ng buy-bust operation ang mga operatiba ng Station Drug Enforcement Unit (SDEU) warriors sa pangunguna ni P/Capt. Deo Cabildo sa Phase 8A, Barangay 176, Bagong Silang na nagresulta sa pagkakaaresto sa kanilang target na si Acmad Moad, 23, vendor.

Nakumpiska kay Moad ang aabot sa 18 gramo ng hinihinalang shabu na nasa P122,400.00 ang halaga at marked money.

Alas-2:30 naman ng madaling araw nang masunggaban ng mga operatiba ng Intelligence Section at SDEU sa pangunguna nina P/ Maj. Rengie Deimos at P/Capt. Cabildo ang No. 1 priority personality on illegal drugs Regional level na si Noe Ariate, 26 ng 347 Marulas A Brgy. 36 sa buy-bust operation sa Raja Soliman St. Brgy. 37.

Nakumpiska sa suspek ang humigi’t-kumulang sa 50 gramo ng shabu na tinatayang nasa P340,000 ang halaga, cellphone at marked money na binubuo ng isang tunay na P1,000 bill at 44 piraso boodle money.

Samantala, balik-selda si Maria Cristina Pascual, 47 at Enrique Rosalida, 45 matapos masakote ng mga operatiba ng NPD- DDEU sa pangunguna ni P/ Capt. Ramon Aquiatan, Jr. sa buy-bust operation sa Block 4, Lot 2, Tupda Village, Brgy. 8, dakong 1:30 ng madaling araw.

Nakuha sa kanila ang 60 gramo ng shabu na nasa P408,000,00 ang halaga, marked money na binubuo ng isang tunay P1,000 bill at limang piraso boodle money

Base sa record, si Pascual ay dati nang naaresto matapos makumpiskahan ng ilegal na droga subalit, nakalaya sa pamamagitan ng plea bargaining agreement sa Caloocan Regional Trial Court (RTC) Branch 127 habang si Rosalida ay nakulong dahil din sa ilegal droga ngunit nakalabas matapos makapagpiyansa sa RTC Branch 121. (Richard Mesa)

LEBRON AT GREEN, NAGBIRUAN NA MAKAKABISITA NA RIN SILA SA WHITE HOUSE

Posted on: November 11th, 2020 by @peoplesbalita No Comments

MATAPOS makumpirma ang panalo nina Joe Biden at Kamala Harris bilang next president at vice president agad na nangantiyaw si Warriors star Draymond Green.

Sa kantiyang tweeter message ipinaabot niya ang mensahe kay Lakers superstar LeBron James.

Ayon kay Green, sa wakas lahat daw ay makakapunta na rin sa White House.

Kung maalala bago lamang nagkampeon ang Lakers. Huling nakapunta ang isang NBA champion sa White House ay noong panahon ni Obama nang magkampeon ang Cavaliers at nandoon pa si James.

Pero nang umupo na si Trump noong 2016, naputol na ang naturang tradisyon.

Sumagot naman si LeBron kay Green ng “YO we back up in there my G!!!. I’m taking my tequila and vino too.”

Dahil dito umugong tuloy na dapat ding maimbitahan ang dating mga kampeon na Warriors at Raptors.

Samantala, pormal namang uupo sa puwesto sina Biden at Harris sa Jan. 20, 2021.

Knott tuloy ang training

Posted on: November 11th, 2020 by @peoplesbalita No Comments

NOONG Agosto pa hu-ling sumabak sa aksyon si Fil-American sprinter Kristina Knott kung saan niya binasag ang 33-year old Philippine national record ni Lydia De Vega sa women’s 100-meter dash.

Sa ‘Virtual Kumustahan’ ng Philippine Sports Commission (PSC) ay sinabi ni Knott na patuloy ang kanyang training sa Florida, USA bagama’t wala pang naitatakdang athletics competition.

“As of the moment, there are no sprinting competitions here in Florida, but I’m able to do simple trainings now to get my body going,” sabi ng 24-anyos na 2019 Southeast Asian Games double-gold medalist.

Nagposte si Knott ng bilis na 11.27 segundo sa 2020 Drake Blue Oval Showcase sa Iowa noong Agosto para sirain ang dating 11.28 segundo ni De Vega at itayo ang bagong national record sa women’s 100m dash.

Isa si Knott sa mga atleta ng Philippine Athletics Track and Field Association (PATAFA) na nananatili sa US bukod kina sprinter Eric Shaun Cray, pole vaulter Natalie Uy at thrower William Morrison III.

Umaasa sina Knott, Cray, Uy at Morrison na makakakuha ng tiket para sa 2021 Olympic Games na gagawin sa Tokyo, Japan.

Itinakbo ni Knott ang mga gintong medalya sa women’s 200m run at sa 4x100m mixed relay event ng 2019 SEA Games noong Disyembre.

Plano ni PATAFA president Philip Ella Juico na ipasok sa training ‘bubble’ ang mga national athletes sa New Clark City sa Capas, Tarlac sa Enero.