SA December na iluluwal ni Aicelle Santos ang first baby nila ni Mark Zambrano at ang napili nilang name para kay Baby Z ay Zandrine Anne.

Ni-reveal nila ito sa naganap na virtual baby shower kamakailan.

Pinost ni Aicelle ang highlights ng baby shower sa kanyang Instagram.

“Still on a high from Baby Zandrine’s online baby shower!

“Yes! We are naming our first- born, Zandrine Anne! Our heartfelt gratitude to friends, families, ninangs and ninongs, GMA and STAGES family, sponsors and brands for showering us with their presence, heartwarming messages, gifts and songs. We are truly, truly grateful for each one of you.

“And to our STAGES Family, the team behind this fun and mean- ingful online event, thank you, thank you very much. We hope one day we can give back all the love you have been blessing us with through the years. God bless your hearts. Maraming salamat po. #amazinggrace #AizReadyToPop #ZandrineAnne.”

Kabilang sa mga nakisaya sa online baby shower nila Aicelle at Mark ay sina Christian Bautista, Maricris Garcia at Lea Salonga.

*****

MUKHANG hindi na tinatago ng ‘That’s My Bae’ winner na si Kenneth Medrano ang kanyang asawa at anak sa Cebu City.

Sa kanyang Instagram, naka- post ang maraming photos at video ng kanyang anak na si Troian Earl na mag-turn 5 years old na.

“Ang bilis ng panahon! Parang kailan lang karga2x pa kita. Hanggang ngayon kinakarga pa din naman kita pero hindi na kita kaya, para kang isang sako ng bigas sa bigat. Best gift ever! You’re turn- ing 5 na. You will always be my baby,” caption ni Kenneth.

Noong manalo pala si Kenneth sa ‘That’s My Bae’ sa Eat Bulaga noong 2015 ay may baby na pala siya.

Kaya pala walang nali-link na ibang babae kay Kenneth dahil may sariling pamilya na pala ito sa Cebu.

Cute ang anak ni Kenneth at magaling ding sumayaw. Marami ngang Tiktok videos ang mag- ama.

“Father and Son, d ko talaga alam steppings nyan eh, mas alam nya pa!” caption ni Ken- neth sa isang IG video.

*****

MALAYA na si Taylor Swift na muling i-record ang kanyang limang hit albums na ikinatuwa ng kanyang mga fans.

Noong nakaraang November 1 ay legal nang gawin ni Taylor ang pag-record ng new version ng albums niya under Big Machine.

Nasa huling kontrata ng singer-songwriter na sa November 2020 ay malaya na siyang gawin ang mga gusto niya sa kanyang albums na Taylor Swift, Fearless, Speak Now, Red at 1989 kahit na pag-aari pa ni Scooter Braun (Justin Bieber’s manager) ang kanyang music catalog na binili nito sa Big Machine for $300 million.

Nag-trend sa Twitter ang hashtag na #TaylorIsFree at natuwa ang kanyang fans, the Swifties, na pag-aari na ulit ni Taylor ang kanyang music.

“It’s something that I’m very excited about doing, because my contract says that starting November 2020, I can record albums one through five all over again. I’m very excited about it. I think that artists deserve to own their work. I just feel very pas- sionately about that,” sey ni Taylor sa Good Morning America. (RUEL J. MENDOZA)

SINIGURADO ng director ng Prima Donnas na si Direk Gina Alajar na kahit na hindi nila nakasama sa lock- in taping ang isa sa tatlong girls ng serye na si Sofia Pablo, hindi ito mawawala o papatayin sa kuwento.

Kaya matutuwa ang mga fans ng Prima Donnas girls.

Ayon kay Direk, “Si Sofia, kasama pa sa umpisa. Kasi, meron pa kaming mga episodes na before pandemic na hindi pa napapalabas and you it’s something to watch for, yun ang high- light ng character ni Sofia, she was so good in her scene.

“And after that, hindi naman siya inalis sa istorya. Merong device ang mga creatives na ginawa. She will be talked about at makikita talaga sa mga eksena na kausap siya sa telepono. She’s always in the scene, her picture is always in the scene. Hindi namin siya pinatay. Kung yun ang iniisip ng mga tao.”

Pinagdiinan ni Direk Gina na hindi raw mamamatay ang character ni Sofia till the end of Prima Donnas.

At dahil nakapag-lock-in taping na nga, simula noong Lunes, November 9, mga fresh episodes na ang mapapanood ng mga masugid na taga-subaybay ng GMA Afternoon prime na ito.

Kasama rin dito sina Althea Ablan, Jillian Ward, Elijah Alejo, Aiko Melendez, Katrina Halili at Wendell Ramos.

*****

ANG GMA Telebabad na Love of My Life na ang susunod na sasalang ngayon sa lock-in taping.

Nauna na nga ang Descendants of the Sun na kasalukuyang napapanood na ngayon ang mga fresh episodes. Nakapag-lock in taping na rin ang Anak ni Waray vs. Anak ni Biday at heto na, ang Love of My Life na ang sasabak sa new normal taping.

22-day lock-in taping ang mangyayari sa kanila at karamihan sa cast, first time na sasabay sa lock-in. Kung hindi kami nagkakamali, sila ang pinakamatagal na magla-lock-in dahil kadalasan, two or less than two weeks lang.

At dahil nga mahaba-haba silang magla-lock-in, puspusan ang ginagawang preparation ng cast. Pero game naman lahat, maging ang actress na si Coney Reyes.

Ayon kay Ms. Coney, “Minsan iniisip mo, kailangan ko ba talagang dalhin ‘to? Baka hanapin ko kapag nandu’n ako, mga ganu’n saka yung mga pagkain.”

Sa part naman ni Mikael Daez, gusto raw niyang huwag magdala ng maraming gamit. More on essentials daw ang dadalhin niya at iniisip din niya, mahirap kung magkulang siya ng brief.

Portable cooker naman daw ang siguradong dadalhin ni Carla Abellana na anytime raw na magutom siya or gusto ng iba ng pagkain, may travel cooker siya na magagamit.

Sa kanilang lahat, si Rhian Ramos pa lang ang masasabing nakaranas na ng lock-in taping dahil sa I Can See You at natutunan na rin daw niya na dalhin lang ang talagang kailangan. At isa sa mahalagang bagay na dadalhin niya, mini-washing machine.

Sadyang kakaibang experience talaga ngayon sa production at lalo na sa mga artista ang new normal taping. Independent sila at walang allowed na driver at P.A.

*****

NAGLABAS ng bagong single ang The Clash Master host ng The Clash na si Julie Anne San Jose.

Love song na may pagka- acoustisish at soulful daw ang vibe ng song na parang R&B.

Ayon kay Julie Anne, sigurado raw na makaka-relate sa kanta, lalo na ang mga brokenhearted na gustong magsimula muli.

Hmmm…. kung tama yung nakarating sa amin tungkol sa lovelife ng Asia’s Pop Diva, ‘di kaya si Julie ang mas una nang naka-relate sa bago niyang kanta? Huh!

Sey niya, “Ang message ng song is lahat naman tayo dumadaan sa hardships. Lahat naman tayo ay may heartaches na napagdadaanan. But if you open your heart again, you can try to love again and be open to possi- bilities kasi ang pagmamahal andiyan lang naman sa paligid natin. So minsan kahit di natin hinahanap, kusa na lang siyang dumarating sa ‘yo.” (ROSE GARCIA)

“HAPPY at honored po ako sa bago kong role. The fact that Medicol considered me to be its endorser, habang ang buong mundo ay nakararanas ng pandemya, it makes me grateful,” pahayag ni Dingdong Dantes na pormal ng inanunsiyo bilang brand ambassador ng pinagkakatiwalaang pain reliever brand sa Pilipinas.

Ang brand manager ng Medicol na si Lisa Angeli K. de Leon ay masayang ipinakilala ang matagal ng miyembro ng Unilab family.

“Ni-launch ang campaign noong July and we are explor- ing projects na pwede kaming mag-collaborate to inspire Filipinos to rise above the challenges, lalo na ngayong panahon ng pandemya. Masaya po kaming makatrabaho si Dingdong muli.”

Dati ng endorser ng Medicol ang bida ng ‘Descendants of the Sun PH’. Taong 2008 pa ito ngunit malaki ang pasasalamat ni Dingdong sapagkat isa ang Medicol sa mga unang brands na nagtiwala sa kanya.

“Isa pong pribilehiyo ang maging brand ambassador. Ako po ay kaisa nila sa pagsusulong ng mas malusog na Pilipinas, one quality medicine at a time.

“Katulad ng Unilab, naniniwala rin po ako na ang de kalidad na health care ay dapat abot-kaya ng bawat Pilipino,” sabi ni Dingdong.

Ayon pa kay de Leon, ang Medicol ay dumaan na sa maraming reinventions simula nung una itong ipakilala sa mga tao noong 1979. Mula sa pagiging paracetamol tablet, ito ay naging ibuprofen caplet noong 2000s upang magbigay ng mas mabilis at mas mabisang pain relief.

Noong 2010, ni-launch ang Medicol Advance 200mg na kauna-unahang ibuprofen softgel sa bansa. Mas mabilis ang bisa nito dahil sa ibufluid technology.

At noong 2013, mas pinalawak ng Medicol ang kanilang offering sa pamamagitan ng paglunsad ng unang 400mg ibuprofen softgel sa bansa. Sa kasalukyan, nananatiling nag-iisa ang Medicol 400 sa merkado.

“Mula sa pagiging headache brand, isa na siyang clinically proven medicine to relieve different types of pain gaya ng migraine, toothache, dysmenorrhea, body pain at maging post- operative pains gaya ng tooth extraction,” kuwento pa ni de Leon.

“Dito pumapasok kung bakit si Dingdong ang perfect ambassador para sa Medicol. Napakarami nang nagbago sa Medicol at kay Dingdong. Kung paano nag-develop ang brand ay ganoon din si Dingdong over the years. He embodies the brand with his multi-faceted character and achievements. Si Dingdong ang perfect person to represent the brand’s promise of helping be your best self,” dagdag pa ni de Leon,

Samantala, bukod sa pagiging brand ambassador ng Medicol, busy din si Dingdong sa maraming bagay sa kabila ng pandemic.

Katatapos lamang niya sa lock-in taping para sa Descen- dants of the Sun na at napapanood na ang fresh episodes nito sa GMA-7.

Tuloy-tuloy din ang taping niya para Amazing Earth na napapanood tuwing Linggo. Siya rin ang direktor ng asawang aktres na si Marian Rivera para sa show nito na Tadhana na nasa ikatlong taon na at ibang endorsement shoots nito.

Aktibo rin si Dingdong sa YesPinoy Foundation at sa DingDongPH na online marketplace at delivery app na inilunsad niya kamakailan.

“Nagagawa ko ang lahat ng ito dahil sa supporta ng aking pamilya at ng aking komunidad who appreciate my craft and my contributions sa mga industriyang kinabibilangan ko,” sey ni Dingdong.

Sa pagtungtong naman ni Dingdong sa edad na 40, ano kaya ang dapat asahan mula sa kanya?

“I would like to think that I am still a work in progress and the best is yet to come. Madami akong pangarap para sa pamilya ko, para sa entertainment industry na humubog sa akin, at pangarap para sa mga communities and sectors na maaari ko pang matulungan.

“Itong pandemiya, it has been testing my faith and patience. Sinusubok ako sa mga paraan kung paano ko masisiguro ang safety and health ng pamilya ko at ng mga taong nakapaligid sa akin. Pero alam ko na in His perfect time, this too shall pass,” pagtatapos pa ng Kapuso Primetime King. (ROHN ROMULO)