NANAWAGAN ang Malakanyang sa ilang benepisaryo ng emergency employment program ng gobyerno para sa di umano’y pagpo-post ng mga litrato at video na naglilinis ng mga kanal, sama-samang nagwawalis habang bigo namang gampanan ang kanilang trabaho kung saan sila tinanggap.

Sinabi ito ni Presidential Communications Office (PCO) Undersecretary at Palace Press Officer Claire Castro matapos na ihayag mismo ni Pangulong Ferdinand Marcos Jr., na ang bansa ay nahaharap sa problema sa basura kasunod ng pagbaha sa Metro Manila matapos na humagupit ang ulan na dala ng Habagat.

Winika ni Castro na ang napaulat na pekeng litrato at videos ng Tulong Panghanapbuhay sa Ating Disadvantaged/Displaced Workers (TUPAD) beneficiaries ay lubhang nakadidismaya dahil binabayaran ang mga ito para tupdin ang aktuwal nilang community work, kabilang na ang debris clearing at declogging ng mga kanal.

“Ito ay isang example lamang po. Yung mga hina-hire para sa TUPAD, sila ay in-engage para maglinis. Pero nakita po natin na ito ay nag-viral na yung iba ay magpapa-picture lang—kunwari may basurang winalis, pero after that ay aalis na rin,” ayon kay Castro.

“Minsan sila pa ang nagtatambak ng basura para ipakitang may basura sa lugar. Wawalisin nila and then after that, nandoon lang,” anito.

“Ang gobyerno ay binibigay po ang lahat, kayo po ay hina-hire para kahit papano ay meron kayong mapagkakitaan. Pero gawin niyo po ang inyong obligasyon dahil hindi po naman kayo hina-hire at binabayaran para gumawa lang ng fake videos,” aniya pa rin.

Ang TUPAD Program ay isang mahalagang emergency employment program ng Department of Labor and Employment na naglalayong tulungan ang mga manggagawang pansamantalang nawalan ng kabuhayan o may kulang na kita. Hindi ito permanenteng trabaho at hindi rin ito simpleng cash assistance.

Saklaw ng programa ang community-based work gaya ng paglilinis at pagpapanatili sa public facilities, paglilinis ng debris, declogging ng mga kanal, segregating waste, at pagliinis ng lagusan ng tubig, itinuturing na isa sa mga mekanismo ng gobyerno para sa pagbibigay ng short-term income habang tinutugunan ang pangangailangan ng lokal na komunidad.

Ang TUPAD beneficiaries ay binabayaran base sa umiiral na minimum wage sa kanilang lokalidad para sa tagal ng kanilang inaprubahang trabaho, ”subject to program requirements and validated attendance.’ 

(DARIS JOSE)

WITH great pride, we congratulate HON. IMELDA PAPIN, an iconic Filipino singer-songwriter, actress, and seasoned politician. Best known as the legendary “Jukebox Queen of the Philippines” and “Asia’s Sentimental Songstress,” she dominated the local music scene in the late 1970s and 1980s with her deeply emotional ballads. Transitioning successfully into public service, she currently serves as an Acting Member of the Board of Directors of the Philippine Charity Sweepstakes Office (PCSO), on being recognized as ASEAN LEGACY AWARD FOR MUSIC, CULTURE, AND PUBLIC SERVICE at the ASEAN Excellence Achievers Awards 2026.

This recognition reflects your dedication, professionalism, and meaningful contributions to your field. Your commitment to excellence and continuous pursuit of growth have earned you this well-deserved distinction among the region’s outstanding achievers.

Join us on August 18, 2026, at Okada Manila as we celebrate individuals and organizations whose achievements exemplify excellence, leadership, and meaningful contributions across the ASEAN region.

( Sonny Asignacion)

NANAWAGAN ang Malakanyang sa ilang benepisaryo ng emergency employment program ng gobyerno para sa di umano’y pagpo-post ng mga litrato at video na naglilinis ng mga kanal, sama-samang nagwawalis habang bigo namang gampanan ang kanilang trabaho kung saan sila tinanggap.

Sinabi ito ni Presidential Communications Office (PCO) Undersecretary at Palace Press Officer Claire Castro matapos na ihayag mismo ni Pangulong Ferdinand Marcos Jr., na ang bansa ay nahaharap sa problema sa basura kasunod ng pagbaha sa Metro Manila matapos na humagupit ang ulan na dala ng Habagat.

Winika ni Castro na ang napaulat na pekeng litrato at videos ng Tulong Panghanapbuhay sa Ating Disadvantaged/Displaced Workers (TUPAD) beneficiaries ay lubhang nakadidismaya dahil binabayaran ang mga ito para tupdin ang aktuwal nilang community work, kabilang na ang debris clearing at declogging ng mga kanal.

“Ito ay isang example lamang po. ‘Yung mga hina-hire para sa TUPAD, sila ay in-engage para maglinis. Pero nakita po natin na ito ay nag-viral na yung iba ay magpapa-picture lang—kunwari may basurang winalis, pero after that ay aalis na rin,” ayon kay Castro.

“Minsan sila pa ang nagtatambak ng basura para ipakitang may basura sa lugar. Wawalisin nila and then after that, nandoon lang,” anito.

“Ang gobyerno ay binibigay po ang lahat, kayo po ay hina-hire para kahit papano ay meron kayong mapagkakitaan. Pero gawin niyo po ang inyong obligasyon dahil hindi po naman kayo hina-hire at binabayaran para gumawa lang ng fake videos,” aniya pa rin.

Ang TUPAD Program ay isang mahalagang emergency employment program ng Department of Labor and Employment na naglalayong tulungan ang mga manggagawang pansamantalang nawalan ng kabuhayan o may kulang na kita. Hindi ito permanenteng trabaho at hindi rin ito simpleng cash assistance.

Saklaw ng programa ang community-based work gaya ng paglilinis at pagpapanatili sa public facilities, paglilinis ng debris, declogging ng mga kanal, segregating waste, at pagliinis ng lagusan ng tubig, itinuturing na isa sa mga mekanismo ng gobyerno para sa pagbibigay ng short-term income habang tinutugunan ang pangangailangan ng lokal na komunidad.

Ang TUPAD beneficiaries ay binabayaran base sa umiiral na minimum wage sa kanilang lokalidad para sa tagal ng kanilang inaprubahang trabaho, ”subject to program requirements and validated attendance.’ (Daris Jose)

NAILIGTAS ng Philippine Coast Guard (PCG) at mga katuwang na ahensiya ang apat na babae at naaresto ang tatlong suspek na umano’y sangkot sa human trafficking sa isang intelligence-driven operation sa Barangay Tetuan, Zamboanga City.

Ayon kay Coast Guard District Southwestern Mindanao Commander Commodore Rejard Marfe PCG na ang pagkakaligtas at pag-aresto sa mga suspek ay bunsod sa impormasyon kanilang nakalap at sa pakikipagtulungan ng iba pang law enforcement agencies.

Ang napapanahon at beripikadong impormasyon mula sa ating mga Coast Guard intelligence personnel ang nagbigay-daan upang agad na kumilos ang magkasanib na mga operatiba bago pa lalong malagay sa panganib at pagsasamantala ang mga biktima,” ani Commodore Marfe.

Dinala ang apat na nailigtas na babae sa Department of Justice–Inter-Agency Council Against Trafficking (DOJ-IACAT) Region 9 Office para sa counseling at nararapat na pag-aasikaso sa kanilang mga kaso.

Nahaharap ang tatlong suspek sa kasong paglabag sa Republic Act No. 9208, o Anti-Trafficking in Persons Act of 2003, na inamyendahan ng RA No. 10364 at RA No. 11862, gayundin sa large-scale illegal recruitment sa ilalim ng RA No. 10022. 

(Gene Adsuara)

GINUGULO ng defense panel ang impeachment trial ni Vice President Sara Duterte sa senado, ayon kay Kabataan Partylist Rep. Renee Co, tagapagsalita ng House prosecution team.

“Tunay ngang sa bibig nahuhuli ang isda. Sa depensa na mismo nanggaling, dapat daw i-allow ang mga tanong nilang ‘misleading’. This clearly shows their strategy for the entire process of the impeachment trial,” sinabi ni Co kaugnay sa mga ulat na dapat daw pahintulutan ang mga “misleading questions” sa cross examination ng testigo.

Kinondena ni Co ang pahayag ni VP Duterte na binabaluktot ang batas sa kanyang paglilitis sa impeachment court sa senado.

“Hindi na ito nakakagulat. What can we expect from a defense panel whose client apparently does not recognize the institutional process being afforded to her? ‘Bending the law’ daw ang ginagawa sa impeachment court ng senado. Bakit hindi siya humarap at sa paglilitis mismo maghabol ng mga saloobin niya?” tanong ni Co.

Ayon kay Co, si VP Duterte mismo ang bumabaluktot sa batas, “lalo na sa kanyang kuwestiyonableng paggasta ng Confidential and Intelligence Funds.”

“Ultimately, kung may dapat sitahin ang Impeachment Court, si VP Sara iyon…one court, one standard. Kung bawal bastusin ang Impeachment Court, dapat bawal para sa lahat,” sinabi ni Co. (VINA de GUZMAN)

PINATATAASAN ng mga mambabatas mula sa Makabayan bloc ang buwanang social pension ng mga indigent seniors sa P2,000 mula P1,000.

Sa pangunguna ni ACT Teachers Party-list Rep. Antonio L. Tinio, inihain ng mga mambabatas ang House Bill No. 10770 na magbigay ng higit na suportang pangkabuhayan sa mga nakatatandang hirap punan ang kanilang mga batayang pangangailangan sa gitna ng humaharurot na presyo ng pagkain, gamot, kuryente’t tubig at iba pang pang-araw-araw na gastusin.

Pinapanukala ring saklawin sa makatatanggap nito ang mga pensyonado ng SSS at GSIS na PhP10,000 o mas mababa pa ang nakukuha kada buwan.

“Kongkretong hakbang ito sa pagkilalang di lang pasasalamat nating lahat ang karapat dapat na matanggap ng ating mga seniors, kundi pati sapat at sustenidong proteksyong panlipunan” ani Tinio.

Resulta ang panukala ng nagpapatuloy na adbokasya ng Seniors Kontra Kurakot (SKK), isang samahan ng mga nakatatanda na nagkakampanya ng pananagutan sa mga nasa gubyerno at karampatang dagdag na alokasyon sa badyet para sa mga serbisyo sosyal, kasama na ang mga programang susuporta sa mga matatanda.

Kinalugod ng SKK ang panukalang ito na importanteng tugon sa lumalawak na panawagan ng mga seniors para sa isang sistema ng proteksyong panlipunan na sapat at saklaw ang lahat. 

Diniin ng grupo na napakaimportanteng dagdagan ang mga rekurso para sa serbisyong panlipunan sa pamamagitan ng mas maigting pang pananagutan sa paggastos ng gubyerno at ng pagtiyak na pinaprayoridad ang mga susing serbisyo, kaysa mapunta ang pera ng bayan sa korapsyon, aksaya, at mga pinagtutustusang di naman kelangan. 

“Deka-dekada ng trabaho at serbisyo sa pamilya, komunidad at lipunan ang ambag ng mga seniors. Dasurb nila ang isang sistemang pensyon at proteksyong sosyal na makakapamuhay sila nang may dignidad, hindi yung madadamputan sila sa sobrang hikahos,” ayon sa SKK.

Nanawagan ang SKK na suportahan ng Kongreso at pambansang gubyerno ang panukalang pagtaas at paglapad ng programang social pension, at tiyaking may sapat na pondong ilalaan sa pagtupad nito. 

(VINA de GUZMAN)