ANG kilalang festival director ng CinePanalo Film Festival na si Chris Cahilig ang pansamantalang pumalit manager ni Bea Alonzo after na mag-resign ang six-year manager ng aktres na si Shirley Kuan.

Last Sunday, August 23, maraming nakapansin sa makahulugang Facebook post ni Cahilig na, “Life is full of surprises.”

Maraming nag-congratulate sa kanya na mula sa entertainment industry, kasama rito ang press people, dahil kalat na ang naturang balita.

Sa isang interview, ibinahagi ni Cahilig na nagbitiw si Kuan noong Agosto 11, kaya nilapitan at pinakiusapan siya ni Bea at ng asawang negosyante na si Vincent Co, siya muna ang pansamantalang hahawak sa showbiz career ng aktres.

Bilang interim manager, siya ang mag-aasikaso ng mga unfinished business, at pati na rin sa inquiries para sa endorsements ni Bea.

Pahayag pa ni Chris, ang pagpapalit ng management ay dumating ilang linggo after na ikasal sina Bea at Vincent sa Makati City Hall noong Hulyo 13.

Bagama’t priority ni Bea ang kanyang buhay may-asawa, pag-uusapan din nila ang plano sa kanyang showbiz career.

Samantala, si Chris Cahilig ay presidente ng Insight 360, isang marketing at media firm at naging film at music producer, director, at talent manager.

Kaya sa tingin namin, na maganda at mahusay na mga kamay ang career ni Bea Alonzo.

***

Comeback solo single ni Stell na “Crazy”, top trending topic

TULAD nang inaasahan, nanguna sa top trending topic sa Philippines ang #StellCrazy sa “X”.

Saktong 12AM  ng August 21 nang ilabas ang comeback solo single na “Crazy” ng SB19 member na si Stell Ajero sa top music platforms, agad naman itong nag-number one sa Trending in PH. 

Bandang alas-8 nang gabi inilabas naman ang video ng naturang single.

Ilang oras na ang nakalipas hindi pa rin natitinag sa top spot.

Samantala, dinala ni Stell ang mga tagahanga sa isang mapusok na paglalakbay ng pag-ibig at pananabik sa music video ng “Crazy.”

Nagsisimula ang music video na kaswal na gumagala si Stell sa mga kalye habang humihigop ng kape. Ngunit mabilis na naging parang panaginip ang mga bagay-bagay nang magsimulang umikot ang kanyang paligid, na kalaunan ay napadpad siya sa iconic na Times Square ng New York City.

Nagpapatuloy ang kanyang paglalakbay sa subway ng New York habang naglalakbay siya sa lungsod habang tila nilulunok ng kanyang nararamdaman para sa isang tao.

Alam naman ng lahat na ang limang miyembro ng SB19 ay may solo career bukod sa kanilang sa pagiging grupo.

Nauna nang naglabas ng kanta ngayong 2026 si Felip (Ken) ang “Sulfur,” na sinundan ni Justin ang “Dahon.” Si Pablo ang pinakahuling nag-release ng single sa “Usad.”

2024 naman nang inilabas ni Stell ang kanyang “Room” EP. Kabilang sa mga track nito ay ang “‘Di Ko Masabi,” na sinulat at kinompos para sa kanya ni Ryan Cayabyab.

Congrats Stell!

GUMIGILING na ang kamera para sa “Hari Ng Tondo” na tampok ang Drama Prince ng GMA na si Dennis Trillo.

Bukod sa ibang-iba ang itsura dito ni Dennis, tiniyak ng Kapuso actor na hindi siya gumamit ng double sa lahat ng action scenes niya kahit na mapanganib ang karamihan sa mga ito.

Sa Chika Minute report ni Nelson Canlas sa “24 Oras Weekend” nitong Sabado, sinabi ni Dennis na kung nasanay tayo sa clean look niya sa mga nagdaan niyang series ay scruffy look naman siya ngayon sa “Hari ng Tondo.”

“Ang gaganda ng mga eksenang ginagawa namin doon, nakakatuwa katrabaho si Direk Enzo dahil grabe ‘yung pagtutok niya sa mga bawat characters ng show,” kuwento ni Dennis.

Makakasama dito ni Dennis sina Ruru Madrid, Rocco Nacino,Lotlot de Leon at marami pang iba.

At iyon nga, hindi halos sila gumagamit ng kadobol pagdating sa mga action scenes.

“Ngayon siguro ‘yung pinaka maaksyon talaga. Nag-prepare kami talaga dito lahat ng mga action sequences. 

“Ginagawa namin nang actual para makita nila na talagang pinaghihirapan namin bawat eksena.”

Bukod sa “Hari ng Tondo,” ay magbabalik-studio rin si Dennis kasama ang asawang si Jennylyn Mercado para sa kanilang Co-Love na kanilang YouTube music channel.

“Malapit na magawa ‘yung studio namin. Ayun, mapapanood ulit na rin yung Co-Love. Makakagawa ulit kami ng mga contents ulit,” sinabi pa ni Dennis.

VERY nostalgic ang ginawang muling paglipat ni Batangas Governor Vilma Santos-Recto sa kanyang dating tirahan sa Magallanes Village sa Makati.

Sa isang Instagram video ni Ate Vi, muli nitong binalikan at inalala ang nakaraan.

Matapos nga ang 46 years muli nitong ipinakita ang dati niyang bahay.

Ang bahay at lupang nabanggit ay katas ng kanyang pagiging reyna ng pelikulang Pilipino noong kasagsagan ng dekada ’70.

Ngayon nga napagdesisyunan nitong muling tumira sa nabanggit na bahay.     

Nung lumipat siya ng tirahan, naging imbakan ito ng kanyang mga tropeo at parangal sa showbiz. Pinaupahan din niya ito dahil wala namang gumagamit.

Bakit nga kaya nagdesisyon si Ate Vi na muling lumipat sa dati niyang tirahan?     Nangangahulugan kaya ito na pinaghahandaan na nito ang kanyang pag-retiro sa pulitika at muling maging aktibo sa showbiz?        

Ibig sabihin lamang nito ay masinop si Ate Vi.  Marunong magpahalaga sa kanyang mga naipundar.

At higit sa lahat alam niyang balikan ang kanyang pinanggalingan.

***

NAGBIGAY ng babala ang filmmaker/producer na si Neil Arce laban sa isang taong nagke-claim na ginagamit silang mag-ama upang makapang-gantso.

Ayon sa post ni Neil, marami na raw kasi siyang natatanggap na mensahe na nagsasabing may taong gumagamit sa pangalan niya at ng kanyang anak na aktor na si Joaquin Arce.     

Nagtatanong din daw ang taong ito ng mga personal na impormasyon tulad ng phone number ng kanyang anak.     

Na-alarma si Neil dahil dito, kung kaya’t nagbigay ito ng warning sa publiko.     

Kung may matanggap man daw kayong mensahe na nagsasabing siya, ang kanyang anak, o parte ng kanilang management team huwag daw itong sagutin.     

Bagkus, i-ignore daw dahil malamang na-scam daw ito.     

Nagsisilbi rin na babala para sa mga taga-industriya at sa publiko na may mgaganitong modus.

Kaya ito napilitang maglabas ng warning upang hindi na nito maipagpatuloy ang balak na makapangloko ng kapwa.