NAKAKALOKA ang ilang nang-iintriga kay Heart Evangelista.

Na kesyo hindi raw totoong na-ospital kamakailan ang actress/host/fashion icon.

Bakit daw kasi nasa Paris sa France si Heart kung na-ospital ito.

Well, ganoon kapropestunal si Heart, na dahil sa mga work commitments niya dito at lalo na sa ibang bansa, kesehodang hindi pa siya fully rested e lumipad na siya France dahil nga may obligasyon siya na trabahong tinanggap.

The show must go on kumbaga.

Kahit kasi na-ospital  kamakailan si Heart,  kahit kalalabas lamang ay dumiretso na si Heart sa mga natanguan niyang showbiz commitments here and abroad.

Hello, ano naman ang mapapala ni Heart para magkunwaring naospital siya, di ba?

Iyong iba ngang celebrities ay inililihim pa sa publiko at fans kapag naoospital sila, hindi ba?

Samantala kung ano ang rason o naging sakit niya ay hindi na niya sinabi.

Sa pamamagitan ng kanyang Instagram Stories ay nag-post si Heart ng litrato niya na may mga pasa sa kanyang braso.

“Thank you Lord I’m home and out of the woods!” 

“To all the nurses and doctors who were so sweet to me, the ones who I could hardly speak to cause of my situation thank you for being so gentle.

“I don’t like romanticizing certain situations but it was one of my hardest wake-up call. Health is wealth.”

Pero sa isang bahagi ng post niya ay mahihinuha kung ano ang eksaktong pinagdaanan niyang medical condition.

Ang nakasaad sa IG Stories ni Heart ay, “my kidneys are happy again.”

May pa-thank you rin si Heart sa mga close friend niyang nagpadala ng get well messages, food, at flowers.

Special mention ni Heart si John Prats na nagpadala ng mainit na sabaw.

Ayon pa rin sa post ni Heart, may lesson learned siya mula sa nangyari.

“Don’t work for the approval of others. Work for yourself”I am so done giving 200 percent just to please the ones who never liked you to begin with. 

“I will work to make me happy and for my own personal ‘purpose.'”

Napapanood si Heart sa kasalukuyan sa game show ng GMA na “The People Have Spoken” kasama si Sean Lucas, 6:15 p.m., Sabado, pagkatapos ng 24 Oras Weekend.

MASAYA at nagpapasalamat si Janine Gutierrez dahil hindi siya nakalimutan ng boyfriend na si Jericho Rosales sa acceptance speech nito sa pagkapanalo ng best actor sa The 9th EDDYS para sa “Quezon” na iginawad noong July 5, 2026 sa Marriot Grand Ballroom.

Hiningan ng reaksiyon ang aktres sa sinabi ni Jericho na, “Thank you for holding my hand.”

Pahayag ni Janine, “Hindi, kasi merong ano, e. Medyo literal yung kuwento na yun.

“Kasi, may time na may prosthetics siya sa mukha, tapos binuhusan ng prosthetics yung mukha niya.

“Natatakot siya. So, literal na nakahawak ako. But I’m grateful kasi very ahhh… hindi niya ako nakakalimutan sa pagpapasalamat niya.”Ini-reveal din ni Jericho na may matindi silang pinagdadaanan, na kung saan inalay rin ang acting award sa kanyang ina na may Alzheimer’s disease.

“Siyempre, of course. Kahit naman na anong pagdaanan namin na isa’t isa, I think one of things na talagang ipinagpapasalamat ko is nandiyan siya palagi.

“Of course, nandun din ako para sa kanya. Siyempre walang bibitaw,” pahayag pa ni Janine.

Samantala, kasama si Janine sa cast ng “Mag-iina,” isa sa nine full-length entries sa 22nd Cinemalaya Philippine Independent Film Festival, na mula sa direksyon ni Giancarlo Abrahan.

Co-stars niya rito sina Cherry Pie Picache, Lucas Andalio, Agot Isidro, Ness Roque, Bart Guingona, Alejandra Cortez, at ang tiyahin niyang si Jackie Lou Blanco.

Balik-Cinemalaya din si Janine, dahil una siyang napanood noong 2016 sa “Dagsin,” na sinundan noong 2022 sa “Bakit Di Mo Sabihin.”

ISA sa siyam na full-length features ng 22nd Cinemalaya na may temang “Reel Reflections”, ang queer drama na “Tayo Lang Ang Nakakaalam” na pinagbibidahan nina Martin del Rosario at Miguel Odron.

Kasama sa cast sina Yayo Aguila, Epy Quizon, Madeleine Nicolas, Bodjie Pascua, Bong Cabrera, Adrian Lindayag, at Nour Hooshmand, sa direksiyon ni David R. Corpuz.

“It’s a romantic queer movie,” sabi ni Martin sa Cinemalaya 2026 mediacon na ginanap noong Hulyo 8, Miyerkules, sa Grand Atrium ng Shangri-La Plaza, Shaw Blvd., Mandaluyong City.

Dagdag pa ng aktor, “Tatalakayin nito yung complexities ng queer relationship. Kasi usually sa queer relationship, marami kayong bagay na hindi puwedeng masabi dahil mahuhusgahan kayo ng kapwa niyo.

“So, nang dahil dun sa mga hindi niyo sinasabi, ano yung consequences nun especially dun sa family na kami-kami lang ang nakakaalam nito?

“Magkakaroon ng drama dun, and magiging complex yung relationship namin sa isa’t isa.”

Aminado namang gay si Miguel, na nag-come out noong Hunyo 2020 sa social media.

Kumustang katrabaho si Miguel?

“Ok, Ok si Miguel. Ahhmm hindi naman nahirapan with our chemistry. Nandun agad-agad,” pahayag ni Martin.

“Comfortable kami agad-agad. Kasi mag-work on chemistry kung may ilangan. Walang awkwardness.

“Maganda rin yung proseso ng production, kasi nag-workshop kami. Relationship workshop. 

“Actually doon pa lang sa workshop, kumportable na kami sa isa’t isa.”

Kahit ndghubas si Martin last year sa dalawang run ng dulang “Anino sa Likod ng Buwan”, at sa Cine Silip official entry na “Haplos sa Hangin”, hindi niya ito ginawa sa “Tayo Lang Ang Nakakaalam.”

“Hindi siya daring. Restrained drama siya, e. Mga emosyon na itinatago na hindi puwedeng ilabas dahil baka mahusgahan ng tao,” sabi ni Martin.

Hindi explicit ang mga eksena nila ni Miguel?

“Hindi explicit. Mas drama. Ano siya, drama. Family drama yung kuwento.”

Ang 22nd edition ng Cinemalaya filmfest ay gaganapin sa Agosto 6-18, 2026 sa Shangri-La Plaza, Gateway Cineplex, at select Ayala Malls cinemas.

Ang opening film ay ang “Enjoy Your Stay”, at ang closing film ay ang “Filipiñana.”

Natanong si Martin kung hoping ba siya na mag-best actor din sa Cinemalaya?

“Bonus lang yun, bonus lang yung mga awards. Ang mahalaga, makagawa kami ng magandang pelikula,” sambit ni Martin.

“Which I think, maganda naman yung nagawa namin. So excited na nga akong mapanood. Excited na akong mag-Cinemalaya para mapanood itong ginawa namin.”Second Cinemalaya film ni Martin ang “Tayo Lang Ang Nakakaalam”, ang first entry ang “Dagitab” noong 2014.

“Matagal ko nang pinangarap na makaulit sa Cinemalaya. So, nag-audition ako [last year]. Nakuha ako, ang galing!” Pag-amin ni Martin.

Ang huling gay role naman ni Martin sa pelikula ay ang comedy na “The Panti Sisters”(2019) na kalahok sa ikatlong Pista ng Pelikulang Pilipino, at nagpanalo rin sa kanya bilang best actor.