ITINANGGI ng singer na si JayR Siaboc na naging tricycle driver siya sa Toledo, Cebu.

Pinabulaanan din nito ang balitang kasama siya sa mga na-tokhang nung panahong iyon.

Ang pagkanta pa rin daw ang raket nito sa mga karatig bayan.

Si JayR ang naging 1st runner-up sa ‘Pinoy Dream Academy’ noong 2006, kung saan si Yeng Constantino ang itinanghal na grand champion.

Nilisan ni JayR ang showbiz taong 2011. May gig siya noon sa Cagayan de Oro at pabalik may connecting flight siya sa Cebu.

Dahil sa tindi raw ng kanyang pinagdaanan sa showbiz nagpasya itong maiwan na sa Cebu at umuwi sa kanilang bahay.

Sa isang panayam ni Ogie Diaz kay JayR, madamdamin nitong isiniwalat ang buong katotohanan kung bakit niya nilisan ang showbiz.

Ayon kay JayR, pressure sa environment ang isa sa mga naging dahilan niya. Kasama na dito ang panlolokong ginawa sa kanya ng kanyang dating manager.

Nilimas daw nito ang kanilang joint account. Sa aming pananaliksik, napag-alaman naming isang nagngangalang Mario ang dati nitong manager na taga-Cebu rin.

Kung trabaho lang daw kayang-kaya ito ni JayR. Yung puyat at pagod, talagang di niya kinaya sa taping.

Ang isa sa mga nag-udyok kay JayR na lisanin ang showbiz ay yung plastikan at pagkakaroon ng favoritism sa ASAP.

Yung mga paborito nabibigyan daw ng piyesa ilang araw bago ang live show, samantalang siya sa mismong araw daw ng show ibinibigay ang kanyang piyesa 

 Inamin din nitong nalulong siya sa bisyo. Pero agad niya itong napigilan nung panahong magkapamilya na siya.

Sa ngayon, pinaghahandaan ni JayR ang kanyang pagbabalik sa music industry.

Sana lang, ihanda na niyang mabuti ang kanyang sarili. Iba ang buhay sa showbiz.

Dapat matuto siyang sumabay sa agos.  

Kung minsan na siyang nadapa, dapat sa pagkakadapa niyang iyon marami siyang natutunan upang muling bumangon at lumaban.

Dahil hanggang ngayon, taglay pa rin naman ni Jayr yung boses na minahal sa kanya ng kanyang mga tagahanga.

BINIGYANG linaw ng Star Magic na nananatiling determinado si Kim Chiu na ituloy ang legal na reklamo laban sa kanyang kapatid na si Lakambini Chiu. 

Sa kabila ng isang panayam noong 2023 kung saan positibo ang naging komento ng aktres-host tungkol sa kanya.

Naglabas ng opisyal na pahayag ang Star Magic para kay Kim upang linawin ang mga bagay tungkol sa reklamo ng actress-host laban sa kanyang kapatid na si Lakambini.

Narito ang buong statement ng Star Magic…

“Star Magic, on behalf of Ms. Kim Chiu, wishes to issue the following statement for the guidance of the public.

“In 2023, an interview of Kim regarding her sister was recorded and currently being viewed by the public. While the statements made by Kim at the time were true and reflected the circumstances then, they no longer represent the present situation.

“Since then, Kim has discovered material information that came to light in 2025, which prompted her to take legal action. As a result, a criminal complaint filed by Kim against Ms. Lakambini Chiu is currently pending before the proper authorities.

“Kim remains firm in her decision to pursue the case through the proper legal process in order to establish the truth, hold the responsible parties accountable, and seek justice.

“This statement is issued solely to clarify the timeline of events and to avoid any misunderstanding arising from previously recorded statements. 

“As the matter is now the subject of ongoing legal proceedings, we respectfully ask for the public’s understanding and for Kim’s privacy to be respected while the case takes its proper course.

“Thank you for your continued love and support for Kim.”

KUMPLETO ang anim na loveteams na nabuo mula sa successful Wattpad University series na napapanood sa VIVA One.

Nagsimula ito sa “Rain in España” na pinagbidahan nina Heaven Peralejo at Marco Gallo noong 2023. Tatlong taon din tumakbo ang series at ang final and last installment ay ang “Our Yesterday Escape” na pagbibidahan naman ng loveteam nina Jairus Aquino at Nicole Omillo.

Ang saya nang ginanap na grand mediacon ng Wattpad University series sa Gateway II dahil present ang lahat ng loveteams na sa totoo lang, halos karamihan sa kanila ay mga hindi pa kilala three years ago, pero ngayon, may mga sari-sarili ng fandom at pwedeng sabihin na nababago na ang mga buhay.

Muling nagpakilig sa mediacon ang dating real-life loveteam nina Heaven at Marco. Knows naman ng publiko at mga fan nila na break na ang dalawa, pero sa mediacon, sweet-sweetan silang talaga. Definitely, happy ang nga MarVen fans. 

Gayundin ang KrisshRome nina Krissha Viaje at Jerome Ponce. Hindi man diretsong sinabi ni Jerome, pero mahihiwatigan sa kanyang salita na naging malaki ang epekto ng naging isyu sa kanya. 

Present din siyempre ang loveteam nina Gab Lagman at Hyacinth Callado. Gayundin ang WilBea nina Wilbert Ross at Bea Alonzo. Sina Lance Car at Aubrey Caraan. 

Given naman na lahat ay malakas at may kanya-kanyang fan based, pero kapansin-pansin lang talaga na sa kanilang lahat, sobrang lakas ng tilian sa loveteam ng WilBea. 


Ang author ng University series ay si Gwy Saludes na alam namin, Law student na, pero inuudyukan ng lahat na magsulat muli.

Anyway, ang Our Yesterday’s Escape ay magsisimula ng ma-stream sa VIVA One sa September 5. 

***

ANG mga netizen ang kumukuwestiyon at tila hindi matanggap na naging tie sa napanalunang award sa First Famas Broadcasting Award sina Kara David at Ivana Alawi. 

Sa naging guesting niya sa Fast Talk with Boy Abunda, tahasang sinabi ni Kara na nirerespeto niya ang lahat ng platform na nakakabigay ng tulong, lalo na sa mga nahihirapan.

At kung sa ibang mga netizen ay may isyu ang pagiging tie nila, not with Kara.

Sabi niya, “Ako nire-respeto ko ‘yung iba’t ibang platforms, nire-respeto ko at natutuwa ako na maraming iba’t ibang tao na gumagamit ng kapangyarihan ng storytelling para makatulong sa iba. So I acknowledge na iba-iba tayo ng platform.”

“So iba ‘yung platform ni Ivana, iba ‘yung platform ko, iba ‘yung platform ng iba’t ibang tao. Sana lang kapag nag-public service talaga tayo, it’s really for the public, not for ourselves.”