AYON sa inilabas na resolusyon ng Branch 279 ng Regional Trial Court (RTC) ng Mandaluyong City noong Lunes, June 29, 2026, pumanig ang korte sa TVJ Productions sa isinampa nitong kasong injunction at damages laban sa dating co-host ng ‘Eat Bulaga!’ na si Anjo Yllana.

May kinalaman ito sa mga mapanirang-puring pahayag ng aktor laban sa mga host ng noontime show na sina Tito Sotto, Vic Sotto at Joey de Leon sa kanyang TikTok account.

Pinagbabayad ng korte si Anjo ng P3.5 million bilang danyos-perhuwisyo sa TVJ Productions dahil sa pagkakalat ng maling impormasyon na nakasira umano sa reputasyon ng noontime show at ng mga host nito.

Nagpalabas din ang korte ng permanent injunction laban kay Anjo na nagbabawal sa kanyang mag-post, mag-share, mag-broadcast o muling i-upload ang kanyang mga naging pahayag sa TikTok at iba pang social media at digital platforms.

Sinabi ng korte na hindi lisensiya ang freedom of speech para manira ng reputasyon ng ibang tao.

Naglabas ng official statement ang TVJ Productions sa naging resulta ng isinampa nilang kaso laban sa aktor.

“We welcomed the Court’s Decision as a definitive vindication of the integrity of Eat Bulaga, its hosts, and its management, and of the decades of trust that generations of viewers have placed in the program.

“The Court’s Decision stands as a stern warning that social media cannot be used recklessly to destroy the rights of others.

Sa ngayon ay wala pang binibigay na pahayag si Anjo tungkol dito.

***

Marriott Grand Ballroom at ‘The Eddys’, tuloy-tuloy ang partnership

SA loob ng kumikinang na mga bulwagan ng Marriott Grand Ballroom sa Newport World Resorts sa Pasay City, nabuhay ang ilan sa mga makasaysayang selebrasyon sa bansa, na pinagsasama-sama ang mga bituin, pinuno ng industriya, at mga sandaling pinag-usapan sa ating bansa.

Noong Hulyo 7, 2024, naging bahagi na rin ang Entertainment Editors’ Choice, na mas kilala bilang The Eddys, sa talaang iyon.

Sa ika-7 edisyon ng taunang pagbibigay-parangal sa mga pelikulang Pilipino, dinagsa ng mga tagahanga ang lobby ng ballroom, sabik na makita ang mga aktor, filmmaker, at mga sikat sa industriya na dumarating para sa pangunahing seremonya ng parangal sa pelikula sa bansa, na kumikilala sa kahusayan sa pag-arte, pagsusulat, pagdidirek at paggawa sa lokal na industriya ng pelikula.

Ang naturang kaganapan ang nagmarka ng simula ng isang magandang partnership sa pagitan ng Society of Philippine Entertainment Editors (SPEEd), ang non-profit na organisasyon sa likod ng prestihiyosong film event, at Newport World Resorts.

Nagpatuloy ang partnership na iyon noong 2025 nang i-host ng Marriott Grand Ballroom’s Ceremonial Hall ang The Eddys sa ikalawang sunod na taon noong Hulyo 20, kasabay ng ika-10 anibersaryo ng venue. 

Ngayong taon, magbabalik ang seremonya ng parangal sa Hulyo 5, kung saan nagsisilbing tahanan ang ballroom sa ikatlong magkakasunod na taon sa pagbubukas ng season ng mga parangal sa pelikula sa bansa.

Nakilala ang Newport World Resorts bilang isa sa mga nangungunang destinasyon ng bansa para sa mga pagpupulong, kumperensya, at eksibisyon (MICE), bukod sa handog nitong hospitality at entertainment.

Ang mga pasilidad ng convention nito ay sinusuportahan ng limang kilalang hotel: Hilton Manila, Sheraton Manila Hotel, Holiday Inn Express Manila Newport City, Manila Marriott Hotel, at Hotel Okura Manila. Matatagpuan sa tapat ng Ninoy Aquino International Airport Terminal 3, ang complex ay nag-aalok ng tuluy-tuloy na access para sa mga lokal at internasyonal na bisita.

Sa gitna ng property ay nakatayo ang Marriott Grand Ballroom sa Manila Marriott Hotel, na itinuturing na pinakamalaking hotel ballroom sa Pilipinas. Mula nang magbukas noong 2015, nagho-host ang venue ng mga malalaking kaganapan mula sa mga seremonya ng parangal hanggang sa mga pangunahing corporate gathering.

Dahil sa pillarless na disenyo nito, nagtataasang kisame, at advanced na acoustics, pinipili itong maging venue para sa mga grand production at milestone celebration, kabilang ang Marry Me at Marriott Philippine Gratus Gala, isang bridal fashion event para sa industriya ng kasal at hospitality industries.

Nag-host ang ballroom ng ilang malalaking kaganapan sa mga nakaraang taon. Kabilang dito ang inaugural MICHELIN Guide Ceremony Manila and Environs | Cebu noong Oktubre 30, 2025, isang milestone para sa industriya ng culinary ng Pilipinas.

Sa unang bahagi ng buwang iyon, ang Manila Ballroom ang nagho-host ng gala night at press conference para sa International Series Philippines, isang golf event na nagsama-sama ang mga propesyonal at amateur na manlalaro, celebrity, at global partners.

Noong Nobyembre 2025, ang Marriott Grand Ballroom ay nagsilbing venue ng kompetisyon para sa 3rd FIG Artistic Gymnastics Junior World Championships, na nagdala rito sa mga atleta, coach, at opisyal mula sa buong mundo.

Nag-host din ang venue ng The Grand Wine Experience, isa sa mga pangunahing wine and spirits gathering sa Asia, bago isinara ang taon sa The Grand Countdown hanggang 2026, isa sa pinakamalaking pagdiriwang ng Bagong Taon sa bansa.

Maliban sa main ballroom, kasama sa property ang 4,400-square-meter MGBX Exhibition Hall, na nagbibigay ng karagdagang espasyo para sa malalaking convention at exhibition.

Ang bawat hotel sa loob ng Newport World Resorts ay nagdaragdag ng lalim sa MICE portfolio nito. Nag-aalok ang Sheraton Manila Hotel ng mga function space na angkop para sa mga paglulunsad ng produkto at executive meeting, habang ang Hilton Manila ay nagbibigay ng mga lugar para sa mga social at corporate gatherings. Kinukumpleto ng Hotel Okura Manila ang complex ng mga meeting suite at pribadong dining room para sa mas intimate na mga kaganapan.

Sama-sama, ang mga pasilidad na ito ay patuloy na nagpapalakas sa Newport World Resorts bilang isang hub para sa mga pangunahing lokal at internasyonal na kaganapan, na ginagawa itong isang angkop na tahanan para sa isa sa mga pinakaaabangang kaganapan ngayong taon sa mundo ng pelikula sa Pilipinas, ang The Eddys.

Para sa karagdagang impormasyon sa Newport World Resorts, bisitahin ang www.newportworldresorts.com at sundan ang @newportworldresorts sa Facebook, Instagram, at TikTok. Sumali sa Newport World Resorts Viber Community sa https://newportwr.com/nwrvibercommunity para sa mga eksklusibong update. 

Ang bawat pagbisita ay ginagawang mas kapaki-pakinabang sa isang Epic Rewards membership. I-download ang Epic Rewards mobile app nang libre mula sa Apple App Store at Google Play Store.

SA panayam kina Julie Anne San Jose at Rayver Cruz ni Boy Abunda sa kanyang “Fast Talk With Boy Abunda”, umamin ang magkasintahan na may plano na silang magpakasal itong darating na taon.

At kinumpirma ni Rayver na si Julie talaga ang gusto niyang makasama habangbuhay. Itinanong sa kanila ni Kuya Boy kung ano opinyon nila sa live-in muna bago kasal.

Walang kagatul-gatol itong sinagot ni Rayver na kasal muna bago live-in. 

Ayon sa binata, parehong konserbatibo ang kanilang mga pamilya. Kahit daw mga magulang nito ay gayun din ang pananaw.  

Sumang-ayon naman si Julie Anne, dahil maging ang kanyang mga magulang ay ganun din ang paniniwala.    

Sa mga naunang interbyu kay Julie Anne naitanong kung handa na ba siya kung sakaling mag-propose sa kanya si Rayver?

“Oo” walang kagatul-gatol nitong sagot.

“I think I want to be, I want to be ready. 

“Parang hindi na rin naman ako bumabata.

“So, kahit na ako, marami pa akong gustong gawin for myself, we want to do it together.” 

Si Rayver ay 35 years old na. Samantalang si Julie Anne ay 31 years old na rin.

Naku! Sa totoo lang nalagpasan na nga nila ang tipikal na marrying age, di ba? 

So, Go na!

HINDI lang pangtelebisyon at pampelikula, pang-entablado pa!

Hinangaan si Derrick Monasterio sa theater stint niya sa “Ibarra…Ngayon.”

Pinatunayan ng guwapong Sparkle male star na hindi lamang sa telebisyon at pelikula siya mahusay kundi maging sa teatro.

Pahayag ni Derrick kay Nelson Canlas sa ’24 Oras Weekend’…

“I guess as a better person. Kasi tinuruan ako nito ng disiplina. Tinuruan akong mahalin ang aking bayan. 

“Kasi like sa mga past interviews ko sinasabi ko na parang I feel hopeless dito sa nangyayari sa Pilipinas. Pero as Ibarra hindi dapat ganun.

“Dapat hopeful ka pa din.”

Dumalo sa opening night ng musical play ang girlfriend niya at ‘Apoy sa Dugo’ leading lady na si Elle Villanueva.

“Yes, I am inspired. Alam mo, iniisip ko pa nga lang, kaya ko ba yung ginagawa niya? Kasi live iyon. Ang dami niyang ime-memorize na script. Bawal siya magkamali. Kailangan makaisip ka kaagad ng paraan kung nagkamali ka,” pagbabahagi naman ni Elle.

Full support ang castmates ni Derrick sa ‘Apoy Sa Dugo’ tulad ni Pinky Amador na gumanap bilang nanay ni Derrick sa serye na isa ring mahusay na stage actress.

“Super, super proud. Congratulations, anak Derrick. “You nailed it,” bulalas ni Pinky.

Sumuporta rin ang mga kapwa Sparkle artists ni Derrick sa pagbabalik ng binata sa stage acting.

“Hindi ko puwedeng palampasin itong part ng career ni Derrick na ito. Kasi kailangan suportahan ng mga kaibigan,” saad ni Miguel Tanfelix.

“Derrick has a soft spot for theater, for plays. Kaya alam namin na iba talaga ‘yung puso na nilagyan niya dito. We know how much this means to him,” sinabi naman ni Ysabel Ortega.

Marami raw natutunan si Derrick sa ‘Apoy sa Dugo’.

“Grabe rin yung journey na pinagdaanan namin sa Apoy sa Dugo. Very… yung rollercoaster of emotions namin. And it’s heavy drama kaya medyo nakakapagod din.

“And dumating yung time na sumasabay pa siya sa rehearsals ng Ibarra. So, wala na lang talagang tulog,” kuwento pa ni Derrick.