- October 17, 2026
Ang Diyaryong Pinagkakatiwalaan
Archive for June 15th, 2026
Ilang ulit nang nahiwalay pero open pa ring ikasal… RICO, sumagi sa isip ang posibilidad na maging single forever (ni: ROMMEL GONZALES)
ANG bongga naman ng male Sparkle artist na si Vince Maristela dahil pang-international ang kalibre niya.
Kasali pala kasi si Vince sa isang Korean reality dating show sa Thailand na “Rak Rak – Sense of Love.”
Kuwento ni Vince sa recent guesting niya sa “It’s Showtime”, hindi pa siya puwedeng mag-detalye ng mga bagay-bagay tungkol sa nabanggit na programa.
That time kasi ay hindi pa umeere ang finale ng eight-episode series sa streaming service na Viu.
Ano ang “Rak Rak – Sense of Love?” Ito ay isang dating reality show kung saan tinatanong ang isang simpleng tanong: ‘Paano magsisimula ang pagmamahal nang wala kang alam tungkol sa iyong partner-to-be?’
Eight participants o “Sense Mates” ang maghahanap ng kanilang makakapareha na ang tanging alam lang ay pangalan ng isa’t isa at wala ng iba pa.
Bawat araw ay mamimili sila ng isang taong makaka-match nila sa pamamagitan lang ng kanilang five senses na sight, touch, hearing, smell, o taste.
Isang matched couple lang ang mabibigyan ng pagkakataon na manatili sa isla overnight kung saan ginawa ang show habang ang iba naman ay mapipilitang umalis.
Goal ng show na ipakita kung paano maaaring magkaroon ng attraction ang dalawang tao sa pamamagitan lamang ng intuition at hindi logic.
***
SUMAGI na pala sa isip ng ‘Baby Project’ male lead na si Rico Blanco ang posibilidad na maging single forever.
“There was a time where I resigned na, I knew that being single was the best thing set up for me. “But that was a long time ago,” kuwento ni Rico sa recent guesting niya sa “Fast Talk with Boy Abunda.”
“And then I had a relationship after that.”
And although may mga dinanas siyang hiwalayan in the past, bukas ang isip niya na ikasal someday.
“Right now, I’m single but I’m open to not being single.
“Still a possibility for me,” sabi ni Rico tungkol sa pagpapakasal.
“But I suppose it has to be with the right person because I’m at the age where I don’t have to get married.
“I understand for some people, they have to get married. Right now, I don’t have to get married so if I will get married, it has to be with the right person.”
Best lesson learned niya sa pakikipagrelasyon?
“Siguro ibigay mo pa rin lahat. Kasi kahit anong mangyari, Tito Boy, there’ll be no regrets afterwards, right?”
Hindi naman raw siya pini-pressure ng kanyang pamilya tungkol sa marriage.
“Maybe because they also seen I’ve been trying naman eh. It’s not like they see me not trying.
“So they’ve seen me in relationships trying each time and being broken each time it doesn’t work.”
Sensitibo siya pagdating sa pagmamahal.
“Pisces ako eh. Medyo sensitive. More sa feels. In love-bin ako e, parang ganun.
“Romantic yung ideal ko eh. Kung paano dapat yung mga bagay-bagay,” sabi pa ng Rivermaya singer.
At 53, aminado siya na marami pa rin siyang kailangang malaman when it comes to love.
“Feeling ko marami na. Pero feeling ko marami pa akong matututunan. Especially in the past few years, talagang past couple of years. Medyo nagtatanong-tanong pa rin ako.”
Natutunan rin niya na may kani-kaniyang oras o priorities ang bawat tao kaya minsan ay hindi nagtatagal ang relasyon.
“I thought before that if you found someone who you really love and they really loved you too, that was enough. No. There’s other stuff like where you are in life, where the other person is in their life. And yung timings niyo, yung timetables, yung edad mo, yung edad ng tao.”
Kinakiligan ang muling pagsasama after 13 years…BIMBY, gustong maging ninong sa kasal ni RYZZA MAE (ni: ROHN ROMULO)
AFTER 13 years ay muling napanood na magkasama sa “Eat Bulaga” sina Ryzza Mae Dizon at Bimby Aquino-Yap.
Si Bimby nga ang naging special guest sa 21st birthday celebration ni Ryzza sa “Eat Bulaga” last Friday, June 12.Sinorpresa nga ng bunso ni Kris Aquino si Ryzza Mae sa selebrasyon ng kaarawan nito at kumanta ito ng “Maybe This Time”.
Matatandaang naging friends sina Ryzza Mae at Bimby nang magsama sila sa pelikulang “My Little Bossings” na naging official entry sa 2013 Metro Manila Film Festival.
Six years old lamang noon si Bimby at eight naman si Ryzza Mae, na kung saan bida rin sa nasabing movie si Bossing Vic Sotto at ang Queen of All Media.
Aftrer ng song number, tsinika ni Bimby sa Dabarkads na si Ryzza Mae raw ang kanyang first kiss dahil sa isang eksena nila sa “My Little Bossings.”
Napansin din ni Bimby na tila kinikilig si Ryzza Mae sa mga sinasabi niya. Kaya tinukso pa niya ito ng, “Parang hindi yan blush on ah?”
Birthday message niya kay Ryzza Mae na parang wish na rin, “Sana maibalik natin ang dati. Our friendship dati. Kasi, di ba, we lost contact?
“Never change kasi from the time na I’ve known you since you were eight years old, hindi ka nagbago.
“So stay the same person you’ve always been. A kind, siyempre beautiful, and caring person you are.”
Pahabol pa ni Bimby, “At saka kung hindi man maging tayo, ninong ako. Mga Dabarakads, if we don’t end up together, kailangan ako ang ninong sa kasal niya.”
Matatandaan na interview noon ni Ryza kay Kris, sinabi nito na puwede siyang maging daugther-in-law after twenty years, na muling napapanood ngayon sa mga FB reels.
Anyway, may bonggang birthday si Bimby kay Ryzza Mae, isa itong necklace na siya mismo ang nagsuot sa leeg ng dalaga, nagtilian at nagpalakpakan ang mga Dabarkads sa studio.Dahil sa muling pagkikita ng dalawa, agad ngang naging trending topic ito sa social media dahil marami talaga ang kinilig sa kanilang dalawa.
Gabi pa lang ay nakapila na para mauna sa redemption…Avid fan ng SB19, isa sa mga unang nakakuha ng tiket sa ‘OPM Con Generations’ (ni: ROHN ROMULO)
RAMDAM na ramdam na lalo pang umigting ang pagkasabik sa ‘OPM Con Generations’ ng Puregold noong Hunyo 12, dahil sumugod mga kalahok na tindahan ang napakaraming tagahanga sa unang araw ng pagbebenta ng tiket.
Isa ngang kaabang-abang na selebrasyong pangmusika ang ‘OPM Con Generation’ na magaganap sa Hulyo 11 sa Smart Araneta Coliseum. Sa ikatlong taon ng taunang konsiyerto, itatampok ang SB19, Ben&Ben, at Alamat, kasama sina Flow G at Skusta Clee, ang Sunkissed Lola, G22, KAIA, at Xonara – pinagsama-samang iba-ibang talento at genre na kasalukuyang humuhubog sa lokal na industriya ng musika sa Pilipinas.
Kabilang ang mga sumusunod na lugar na mayroong mga tindahan ng Puregold na kalahok sa ticket redemption: Taytay, Rizal; Biñan, Laguna; Anabu-Imus, Cavite; Valenzuela; QI Central, QC; Cubao, QC; Fairview Ter races, QC; Tayuman, Manila; Parañaque; Kalentong, Manila; Cainta, Rizal; at San Pedro, Laguna.
Isa sa mga kauna-unahang nakakuha ng tiket si Beverly Jane, isang A’TIN na nagkampo sa Puregold QI Central kasama ang mga kapareho niyang tagahanga, isang gabi bago ang pagbubukas ng ticket redemption.
“Super excited na for the concert kasi pinila talaga namin ito. Nandito na kami since 7 last night,” pagbabahagi niya.
Sa kabila ng mahabang paghihintay, nabanggit niyang inalagaan ang mga dumalo–binigyan ng pagkain, inumin, at maayos na espasyo kung saan puwedeng maghintay ang mga nakapila.
Nagpasalamat din si Berveley sa suporta ng Puregold sa musikang Pinoy, “Thank you so much sa Puregold dahil malaking platform ito para sa OPM at sobrang supportive nito hindi lang sa SB19 kundi sa buong P-pop community.”
Ipinakita ng unang araw ng pagbebenta ng tiket ang suporta rin ng mga Pilipino sa OPM Con Generations. Mula sa iba’t ibang henerasyon ang mga tagahanga, na nahikayat ng lineup ng OPM Con, na pasok sa malawak na mga hilig at kasaysayan bilang music fans.
Sa pagdaan ng mga taon, naging plataporma na ang OPM Con sa pagsasama-sama ng mga talento, tagapanood, at mga fandom, bilang pagdiriwang ng talento ng mga Pilipino at mga komunidad na nabuo dahil dito.
Sa edad na 62, ipinagmamalaki ni Suzette Santiago ang pagiging fan ng SB19. Isang masugid na tagasuporta ng grupo mula pa noong 2024, ibinahagi niya na ang pagiging fangirl sa grupong P-pop at pagdalo sa mga selebrasyon ay malaking tulong sa pagpaparamdam sa kaniya ng sigla ng kabataan.
Samantala, nagpapasalamat din si Arnel Lamber, na pumunta rin noong gabi bago ang bilihan upang maagang makapila, sa mga ganitong inisyatiba na nagbibigay ng pagkakataon sa mga tagasuporta na makita ang kanilang mga hinahangaan. Bukod sa kaniyang mga napamiling groseri, nakakuha rin siya ng tiket sa OPM Con Generations, at sabik na siyang dumalo sa selebrasyon.
Nagpasalamat ang Puregold sa mga dumalo sa unang raw ng ticket redemption.
“The response we’ve seen so far has been overwhelming),” pahayag ni Ivy Hayagan-Piedad, Senior Marketing Manager ng Puregold Price Club Inc.
“It’s remarkable to see so many customers excited not only about the concert, but also about being part of the experience through Puregold. We eagerly welcome even more concert goers as ticket-selling continues.”
Para sa maraming kustomer, ang pagkakataong makakuha ng inaabangang concert tickets kasama ng mga napamili sa Puregold ay lalo pang nagpapayaman ng kanilang karanasan. Habang papalapit na ang pagdiriwang, lalo pang tumitindi ang pag-aabang sa ipinapangakong hindi-malilimutang gabi ng musikang Pinoy.
Para sa mga update, i-like ang @puregold.shopping sa Facebook, mag-subscribe sa Puregold Channel sa YouTube, at i-follow @puregold_ph sa Instagram at X, at @puregoldph sa TikTok.
“Amang” nagmamahal at tapat na Naglilingkod….Ang Pamumuno ni Kap. Roel A. Esmaña sa Barangay 20
MULA nang magsimula ang kanyang serbisyo publiko bilang Barangay Kagawad noong 2001, ipinamalas na ni Hon. Ch. Roel A. Esmaña ang masidhing pagnanasa na higit pang makatulong sa kanyang mga kailaliman. Dahil sa kanyang tapat na hangarin, siya ay pinalad na maihalal bilang bagong “Ama” ng Barangay 20, Zone 2, Distrito 2, Lungsod ng Caloocan.
Seguridad at Maayos na Komunikasyon
Sa kanyang opisyal na pag-upo, agad na ipinatupad ni Kapitan Roel ang mga proyektong pangseguridad. Nagpalagay siya ng mga CCTV camera sa bawat kanto upang masubaybayan ang mga lumalabas at pumapasok sa barangay. Sinundan pa ito ng malawakang pagpapailaw sa buong paligid upang maitaboy ang mga masasamang loob at maiwasan ang anumang krimen. Bumili rin ang pamunuan ng Public Address System upang mas maging mabilis at malinaw ang pag-anunsyo ng mga mahahalagang paunawa sa mga mamamayan. Sa aspeto naman ng emergency at seguridad, mayroong handang Service Vehicle at 24/7 na Patrol na umiikot kasama ang lokal na kapulisan.
Kalinisan at Kalikasan (Clean & Green)
Aktibong itinataguyod ng barangay ang programang “HAPAG” ng DILG, kung saan pinagsasama-sama ang pagtatanim ng iba’t ibang gulay at prutas sa komunidad. Upang labanan ang pagbaha ngayong tag-ulan, regular din ang isinasagawang de-clogging o paglilinis ng mga estero at kanal upang masiguro ang mabilis na daloy ng tubig.
Edukasyon, Kalusugan, at Serbisyong Panlipunan
“Full support po ako sa iba’t ibang aktibidad ng ating mga Barangay Kagawad at Sangguniang Kabataan (SK),” ani Kapitan Roel. Natatanging prayoridad din ang mga Senior Citizen, kung saan laging nakahanda ang kanilang mga libreng gamot kasabay ng pagbubukas ng kanilang bagong Health Center. Para naman sa mga mag-aaral, namahagi ang barangay ng mga libreng uniporme at school supplies para sa pagbabalik-eskwela.
Malawakang Imprastraktura sa bawat Bloke
Upang maiwasan ang mga aksidente at mapaganda ang daanan, pinasemento ang mga pathwalk sa mga sumusunod na lugar:
Semento ng Pathwalk: Blk-3 Bughaw, Blk-5, Ortega Jalayjay, Tarima, Blk-7 Covered Court, Ota Justo, at Centeno.
Cementing at Tapping: Blk-10, Parking area, Orly Orkana, at Jay Korean.
Garden Space at Canopy: Blk-9 Jalandoni, Blk-8 Mananquil, Batibot, pati na rin ang paglalagay ng Canopy sa Libis Ortega at Blk-10.
Ayon kay Kapitan Roel, ang lahat ng mga proyektong ito ay para sa kaayusan, kaligtasan, at kabutihan ng bawat kabarangay.
“Nagpapasalamat po ako sa aking mga kabarangay sa kanilang walang-sawang pakikiisa. Gayundin sa aking mga katulong sa serbisyo—ang ating mga Barangay Kagawad. Higit sa lahat, labis po kaming nagpapasalamat sa ating mahal na Mayor Along Malapitan sa patuloy na suporta at tulong na ibinibigay niya sa ating barangay!” pagtatapos ng mabuting Ama ng Barangay 20. ( SONNY ASIGNACION)
IGLAP-PROTESTA PARA KONDENAHIN ANG AGRESYON, PANGHA-HARASS, PANGHIHIMASOK, AT MGA ISTRUKTURA NG TSINA SA EEZ NG PILIPINAS
NAGSAGAWA ng iglap-protesta, kasabay ng paggunita sa ika-128 Araw ng Kalayaan ng Pilipinas, ang iba’t ibang makabayang samahan sa pangunguna ng Filipinos Do Not Yield (FDNY), Alyansa Bantay Kapayapaan at Demokrasya (ABKD), Liga Independencia ng Pilipinas (LIPI), People’s Alliance for Democracy and Reforms (PADER), Kabataang Artist at Manunulat para sa Sining at Kultura (KAMASKARA), kasama ang mga loyalista at pro-BBM groups, sa ilalim ng panawagang “ALAB NG BAYAN: KALAYAAN LABAN SA AGRESYON, PANGHA-HARASS, PANGHIHIMASOK, AT MGA ISTRUKTURA NG TSINA SA ATING EEZ.” Isinagawa ang Iglap-Protesta (Lighting Rally) sa harap ng Embahada ng Tsina sa Makati City, 10am, June 12, 2026.
Layunin ng pagkilos na kondenahin ang patuloy na agresyon, pambubully, pangha-harass, panghihimasok, at pagtatayo ng mga istruktura ng Tsina sa West Philippine Sea, partikular sa Bajo de Masinloc na nasa loob ng Exclusive Economic Zone (EEZ) ng Pilipinas.
Nagbabala ang mga kalahok na hindi dapat maulit sa Bajo de Masinloc ang nangyari sa Mischief Reef, na kalauna’y ginawang militarisadong artipisyal na isla. Iginiit din nila ang paggalang sa UNCLOS at sa 2016 Arbitral Award na nagpapatibay sa mga karapatan ng Pilipinas sa loob ng Exclusive Economic Zone (EEZ).
Kinondena din ng grupo ang patuloy na paggiit ng Tsina sa tinatawag na “9-10 Dash Line” na anila ay walang sapat na batayang legal, gayundin ang presensya ng mga barko nito sa ilang bahagi ng West Philippine Sea. Binanggit din sa kanilang pahayag ang mga ulat ng umano’y insidente ng pagharang, paggamit ng water cannon, at iba pang aksyon na tinawag nilang pangha-harass at panghihimasok sa loob ng EEZ ng Pilipinas.
Kasabay nito, nagbibigay-pugay ang mga makabayang samahan sa Administrasyong Marcos Jr., kabilang ang DND, AFP, DFA, PCG, at iba pang kaukulang ahensya, sa kanilang maagap at matatag na pagtugon sa mga iligal na gawain ng Tsina sa West Philippine Sea.
Naninindigan ang mga kalahok na ang Bajo de Masinloc ay para sa mga Pilipino at dapat patuloy na ipagtanggol para sa ating kabuhayan, seguridad, pambansang dignidad, at kinabukasan ng mga susunod na salinlahi ng sambayanang Pilipino.
(PAUL JOHN REYES)
Defense Secretary Gilbert “Gibo” Teodoro Jr. buong katapangan ang ipinakita pangangalaga sa soberenya ng bansa laban sa China
HINDI gaya ng ilang opisyal ng gobyerno, buong katapangang ipinakita ni Defense Secretary Gilbert “Gibo” Teodoro Jr. ang pangangalaga sa soberenya ng bansa laban sa China.
Ayon kay Akbayan Partylist Rep. Perci Cendaña, dapat parangalan si Teodoro sa ipinakita niyang tapang laban sa mga opisyal ng China hinggil sa isyu ng West Philippine Sea.
Bilang ganti, ipinagbawal ng China si Teodoro at ang kanyang pamilya na maglakbay sa mainland, sa Hong Kong at Macau.
“I laud Sec. Gibo Teodoro’s consistent defense of our sovereignty in the West Philippine Sea. China’s announcement barring Sec. Teodoro and his family from entering Mainland China and its territories as well as in engaging in any transaction with its citizens and organizations is testament to such valiant defense of our sovereignty,” sinabi ni Cendaña.
“Sec. Teodoro joins the honor roll of individuals who have earned Beijing’s ire for their actions to defend the West Philippine Sea,” dagdag ng kongresista.
Sa araw ng Kalayaan, dapat ipakita ng ating government officials ang tapang laban sa China tulad ng ginawa ni Teodoro sa mga pahayag nito.
“We hope other government officials will emulate such an example made by public servants, WPS frontliners and fisherfolk communities who are consistent in their patriotism and resistance against China’s relentless bullying,” sinabi ni Cendaña. (Vina de Guzman)
120 representante, inilunsad ang Bantay Impeachment
MAHIGIT sa 120 representante mula sa anti-corruption watchdogs, civil society organizations, people’s organizations, church groups, youth formations, at concerned citizens nagsama- sama sa Claret School saUP Village, Quezon City upang pormal na ilunsad ang Bantay Impeachment.
Layon nang malawak na citizen watch campaign na maisulong ang accountability, transparency, at public participation sa impeachment proceedings laban kay Vice President Sara Duterte.
Ang launching ay kasunod na rin sa lumalaking pangamba ng publiko sa kawalang katiyakan sa impeachment trial, kabilang na ang nagaganap na leadership crisis sa senado at pagtatangka ng ilang political forces para mabinbin o mapahina umano ang constitutional process.
“The impeachment trial is ultimately about the Filipino people’s right to truth, accountability, and justice,” anang mga organizers. “When public funds are misused and public trust is betrayed, it is ordinary citizens who suffer the consequences through inadequate social services, poor governance, and deepening corruption.”
Kabilang sa mga aktibidades na plano ng Bantay Impeachment ay pagsasagawa ng “community forums, campus discussions, daily trial explainers, fact-checking initiatives, livestream analyses of impeachment proceedings, citizen monitoring inside the Senate gallery, and coordinated actions to defend the integrity of the trial.”
Naghahanda rin ang mga ito sa pagsasagawa ng malawakang mobilisasyon sa Hulyo 6, ang takdang pagbubukas ng impeachment trial.
“Bantay Impeachment seeks to bridge the gap between the legal proceedings inside the impeachment court and the everyday struggles of ordinary Filipinos. The public must understand that accountability is not an abstract legal concept. Every act of corruption deprives people of essential services, every abuse of power weakens democratic institutions, and every betrayal of public trust harms the nation.”
Nanawagan din ang grupo sa publiko. organizations, institutions, at concerned sectors na maki-isa sa kampanya at tumulog na bantayan ang pagkakaroon ng pananagutan.
“As the impeachment trial unfolds, we will watch closely, speak out against attempts to undermine the process, and help ensure that truth and justice prevail. Public vigilance is indispensable. Accountability cannot be left to politicians alone—it must be demanded and defended by the people themselves.”
(Vina de Guzman)
Pagdiriwang ng ika-128 Araw ng Kalayaan sa Luneta Park
PINANGUNAHAN ni Pangulong Ferdinand R. Marcos Jr. ang pagdiriwang ng ika-128 Araw ng Kalayaan sa Luneta Park noong Hunyo 12, 2026. Ang makasaysayang pag-aalay ng bulaklak at pagtataas ng watawat ay dinaluhan ng iba’t ibang ahensiya ng gobyerno at pribadong sektor bilang patunay ng pagkakaisa ng sambayanang Pilipino.
( SER MORALES Sr.)