NATULOY na rin ang muling pagkikita nina Heart Evagelista at John Prats.

Nangyari ito nang mag-guest ang aktor at direktor sa “Heart World Season 2” ng GMA 7 na puwedeng balik-balikan sa YouTube channel. 

Sa pagsisimula ng episode habang inaayusan si Heart, diin niya na hindi raw mako-consider na naging magka-relasyon sila ni John.  Hanggang MU (mutual understanding) lang talaga sila. Na taliwas sa rebelasyon ni John.

Pag-amin ni Heart, “siya yun first na iniyakan ko, as in talaga in my mind, I really thought I loved him dahil crush ko talaga siya eh.”

Kaya naman nang makita sila sa venue ng interview, hindi naitago ni Heart ang pagkakilig kay John, na excited talaga niyang makita.

Bungad ni John, “hi mam, how are you?” Sabay yakap at beso kay Heart.

Natawa na lang ang aktor nang tanungin tungkol sa outfit ni Heart at sinabing, “very you!”

Hindi naman napigilan ng fashion icon na sabihing ang gwapo ni Pratty, kaya balik nito, hindi raw nagbabago si Heart.

Sabi ni Praty, “Grabe totoo na ‘to Hearty, after how many years? Twenty plus years? Since ano, you left ABS-CBN, ‘no?”

Sagot kaagad ni Heart, “Since I left you, charot! Ha-hahaha!”

Natawa na lang si John winika ni Heart, kaya sagot niya, “Ha-hahahaha! Ang tapang na nito, ah?”

“I changed!” sagot naman ng social media influencer.

Panimula ni Heart sa naturang episode, “There’s someone in my life that I haven’t seen. It’s up to you to decide.  

“Puwede ba kayong maging friends ng past mo or puwede kayong ‘wag maging friends? But today I think we’re friends.

“So let’s all welcome, John Prats in the house.”

Habang nagkukuwento si Heart na first crush niya si John, dahil may iba itong crush, biglang sumingit ang director na, “sobrang surreal na kaharap kita ngayon, parang kinikilig ako.  Hindi ko na-imagine na magkikita pa tayo ulit.”

Bahagi ng kanilang tsikahan, inamin ni John, pinamimigay na si Heart sa kaibigan niya, pero na-hurt siya nang nai-in love na ito sa guy.  Tapos ‘yun nangyari sa debut ni Heart sa Manila Hotel, feeling nila ikinasal na sila.

Hanggang sa inamin ni John na officially si Heart ang kanyang first girlfriend, na kinontra ni Heart. Kaya nag-explain si John na may sinagot daw siya over the phone lang. At sa lahat daw ng naging ex-gf niya, wala siyang masasabi na hindi maganda kay Heart.

Hanggang sa magkahiwalay na sila at tuluyang mawala na ang kanilang loveteam. Bagay na nakaapekto nang husto kay John, na kailangan niyang mag-survive na mag-isa at hindi na ulit nagka-loveteam.

Bagay na ikinagulat ni Heart at iniyakan niya, dahil hindi niya alam ang pinagdaanan ni John noong naghiwalay na sila ng landas.

Kaya buong tapang na isiniwalat ni John na, “kung meron akong iisipin na magandang Heart sa memories ko, kasi siyempre ako ang sumira.  Aaminin ko na, pasensiya na po sa JoHeart.”

Hindi pa tapos si John sa pagsasalita, ay napayakap na si Heart, sabay sabing, “you’re my forever friend.”

Malaki rin ang pasasalamat ni Heart sa pamilya ni John, isang bagay na hindi niya malilimutan.

Para sa buong episode panoorin lang sa YouTube channel ng GMA-7 ang ‘Heart World’.

MASASABI bang vindicated itong si Dominic Roque sa sinasabing pagkakansela ng kasalang Bea Alonzo at Vincent Co?

Kung inyong matatandaan, naging kontrobersyal ang hiwalayan nila Dominic at Bea noong 2024.

Nasa punto na rin sila noon ng pagpapakasal, subali’t sa rami ng mga nangyaring problema, naudlot din yon at nauwi sa hiwalayan.

Naka-move-on na si Dominic at kasalukuyang masaya sa piling ng bagong pag-ibig sa katauhan ni Sue Ramirez.

Ngunit kamakailan lang, ng umugong ang balitang kanselado na ang kasalang Bea at Vincent, naglabas diumano ng pahayag si Dominic sa kanyang social media. Pinagpiyestahan ito ng mga netizens. 

Ayon sa post: (published as is)  

“In the midst of planning our wedding, I stumbled upon the truth that shook me: my partner valued a pre-nuptial agreement over our love. It’s a painful realization, but I refuse to compromise my self-worth.

“So, with sadness but strength, I’ve chosen to walk away. Here’s to honoring ourselves and believing in a love that knows no conditions”.

Umani ito ng samu’t saring komento. 

May mga naniniwalang si Dominic ang mismong nag-post. Meron din namang hindi kahit ito ay may verified check para patunayang siya talaga ang nagsalita.

Maging si Ogie Diaz ay hindi naniniwalang makakapag-post si Dominic ng ganon kasi straight English daw.

Sa mga nakakakilala kay Dominic, alam nilang fake news ito, kahit pa sabihing may blue check ito sa tabi ng kanyang pangalan.

Madali raw itong gawin through AI o editing application.

Sa ngayon, wala pa rin pahayag ang aktor kung totoong siya ang nag-post nito, o gawa-gawa lamang ng ibang tao.

Sa nangyaring ito, mapapatunayan kayang justified itong si Dominic?

***

BUKOD tanging Nathan Studios Inc. ni Sylvia Sanchez lamang ang nagbigay daan para maipakita ng mga kabataang may down syndrome ang kanilang talento sa pag-arte. 

Ilan sa mga pumirma ng kontrata under Nathan Studios Artists Management ay sina Krystel Go (MMFF 2025 Best Actress para sa pelikulang I’m Perfect), at si Earl Jonathan Amaba ( MMFF 2025 Best Actor nominee para sa pelikulang I’m Perfect).

Ayon kay Sylvia,”Walang limitasyon ang talento. It is not about labels, but about heart, hard work, and courage. Itong mga artists natin ay may mga great skills, creativity, and honesty that comes from the heart. So, bakit hindi natin sila bigyan ng pagkakataon.

“Sa ngayon, masaya ako sa support na natatanggap nila. Bukod sa mga endorsements, may mga bago silang projects. Makakapagbigay sila ng inspirasyon sa ibang kagaya nila na may down syndrome. Yun bang para magkaroon ng self-esteem at confidence na kakayanin rin nila.

“We want these artists to be heard, seen, loved, and accepted by everyone.”

PAREHONG pasok sa international scene sina Judy Ann Santos at Lovi Poe, na dalawa sa mahusay na akres sa Philippine showbiz. 

Si Juday ay bibida along with Jean Balibar and Stacy Martin sa “Aid”. Political drama ang tema ng movie at ididirek ito ng award-winning director na si Brillante Mendoza na kilala sa mga international film festival. 

Samantalang si Lovi ay pasok naman sa cast ng “Ignition” isang thriller film. At bongga, sina Maise Williams ng “Game of Thrones” at Rory Kinnear ng “The Diplomat” ang co-stars niya sa naturang pelikula. 

Nakatakdang isali sa Cannes Film Festival ang “Aid” ni Judy Ann at ipapalabas naman sa mga sinehan sa US ang “Ignition”. 

Kaka-proud naman!

***

KAHIT biglaan ang alok kay Rozz Daniels ng manager at friend na si Benny Andaya ay agad itong napapayag.

Para ito sa 20 years ng adbokasiya ni Benny, na mamigay ng mga school supplies sa mahihirap na estudyante sa Masbate na tinawag niyang “Balik Eskwela Program.” Agad ngang napa-oo si Rozz na maging main attraction sa charity show titled “Bulong ng Damdamin ni Rozz Daniels”. 

Mapapanood ito ngayong May 23, 7:00 PM sa D’ Malate Cafe na ididirek ni Benny. May mga special guests siya rito at 500 ang ticket price. 

At hindi lang magso-show si Rozz sa gabing ito kundi sasama pa sila ng American husband na si Sir David Daniels kay Benny sa pag-uwi nito sa Masbate sa May 27, para mamigay ng tulong at magbigay ng aliw sa mga kabataan.

Ramdam ni Rozz ang mga batang ito lalo’t galing rin siya sa mahirap na pamilya bago naging successful sa America. Kaya gusto rin tumulong at sumuporta ng tinaguriang Pop Rock Diva of the Philippines sa nasabing adbokasiya.

Sa May 26 naman ay magsi-celebrate si Rozz kanyang kaarawan.