NAKATAKDANG makipagpulong ang Development Budget Coordination Committee (DBCC) kay Pangulong Ferdinand Marcos Jr. , araw ng Martes, Abril 7, para magsumite ng rekomendasyon nito sa posibleng suspensyon ng excise tax sa petroleum products.
Sinabi ni Presidential Communications Office Undersecretary at Palace Press Officer Claire Castro sa press briefing sa Malakanyang na ang nasabing rekomendasyon ay ‘subject’ sa pag-apruba ni Pangulong Marcos.
“The DBCC will have a meeting tomorrow with the President. Let us keep in mind that taxes are the lifeblood of the government so we need to balance everything,” ang sinabi ni Castro.
Noong nakaraang linggo, sinabi ng Department of Budget and Management (DBM), chairman ng DBCC, na idedetermina nito ang pinal na policy direction sa nasabing usapin.
Sa ilalim ng Republic Act 12316, maaaring suspendihin o tapyasan ng Pangulo ang excise tax sa fuel base sa rekomendasyon ng DBCC, sa pakikipagtulungan sa Kalihim ng Department of Energy (DOE).
Ang suspensyon o pagtatapyas ay maaaring ipatupad ng maximum na tatlong buwan kapag ang average Dubai crude oil price, base sa Mean of Platts Singapore (MOPS), ay umabot o lumagpas ng $80 per barrel sa loob ng isang buwan.
Sa ngayon, nakaamba naman sa $102 per barrel. ( Daris Jose)
- May 20, 2026
Ang Diyaryong Pinagkakatiwalaan
Archive for April, 2026
DBCC, magsusumite ng rekomendasyon ng fuel tax suspension — Malakanyang
Pagkakaibigan at ugnayan ng Pinas at US hindi apektado ng pagpayag ng Iran na padaanin ang Philippine-bound vessels sa Strait of Hormuz
SINABI ng Malakanyang na hndi makaaapekto sa relasyon at ugnayan ng Pilipinas at Estados Unidos ang desisyon ng Iran na payagan ang ligtas na pagdaan ng energy supplies patungong Pilipinas sa pamamagitan ng Strait of Hormuz.
Ang Estados Unidos ay long-time ally ng Pilipinas.
Ayon kay Presidential Communications Office Undersecretary at Palace Press Officer Claire Castro sa press briefing sa Malakanyang, nagawa niyng makausap si Foreign Affairs Secretary Ma. Theresa Lazaro kaugnay sa bagay na ito, at sinabi aniya ng Kalihim na walang magiging isyu ang gobyerno sa pagkakabigan nito sa Estados Unidos.
”Wala po tayong nakikitang anong magiging isyu sa ating kaibigan na bansa na US dahil alam naman po nila ang sitwasyon ngayon at hinahalintulad po ito sa pag-angkat po natin ng oil mula sa Russia,” ang sinabi ni Castro.
Sa ulat, pinayagan na ng Iran ang Pilipinas na libreng dumaan sa Strait of Hormuz ang mga barkong may dala ng mga produktong langis.
Sinabi pa ng Department of Foreign Affairs (DFA) na walang sisingiling toll fee ang Iran sa Pilipinas. ( DARIS JOSE)
Kalagayan ng kalusugan ni PBBM, maayos- Malakanyang
MAAYOS ang kalagayan ng kalusugan ni Pangulong Ferdinand Marcos Jr.
“Definitely!”, ang naging tugon ni Presidential Communications Office Undersecretary at Palace Press Officer Claire Castro nang tanungin ukol sa kalagayan ng kalusugan ni Pangulong Marcos matapos na hindi nakadalo ang huli sa Bayanihan Para sa Balikbayang Manggagawa: A National Reintegration Network (NRN) Fair sa Quezon City Meetings, Incentives, Conference and Exhibition (M.I.C.E.), Quezon City Hall Compound, Diliman, Quezon City, araw ng Lunes, Abril 6, 2026.
Sa katunayan ayon kay Castro, pangungunahan ng Pangulo ang OathTaking Ceremony ng Vice-Mayor League of the Philippines National Executive Officers sa Presient’s Hall, Palasyo ng Malakanyang ngayong araw ng Lunes,
Buweltang tugon pa rin ni Castro kung kanino galing ang balita na may sakit ang Pangulo.
May mga kumalat kasi ayon sa ulat at sa social media na may stage 4 colon cancer ang Pangulo.
“Tayo naman po ay mainstream media. Siguro, mas mangingibabaw dapat ang mainstream media kaysa sa socmed na walang basehan. So, huwag po tayong masyadong maniwala. ang dami-dami pong fake news pati po ako ay binibiktima ng fake news,” ang sinabi ni Castro.
“Maayos po siya,” ang muling panggigiit ni Castro hinggil sa kalagayan ng kalusugan ng Pangulo. ( DARIS JOSE)
Senate Bill No. 2020… Bayanihan 3 isinusulong sa Senado sa gitna ng energy crisis
NAGHAIN si Sen. Loren Legarda ng Senate Bill No. 2020 o ang tinatawag na Bayanihan 3: Power to the People Act, isang panukalang layuning tugunan ang epekto ng pandaigdigang krisis sa langis at magbigay ng agarang ginhawa sa mga Pilipino.
Sa ilalim ng panukala, kikilalanin ang umiiral na pambansang emergency at bibigyan ang pamahalaan ng kapangyarihang magpatupad ng mga hakbang upang pababain ang presyo ng langis at kuryente, tiyakin ang sapat na suplay ng pagkain, at maghatid ng direktang tulong sa mga apektadong sektor.
Inaatasan din ng panukala ang mga kumpanya ng langis na maging mas bukas sa kanilang operasyon sa pamamagitan ng paglalabas ng mga detalye hinggil sa presyo, gastos, imbentaryo, at suplay upang maiwasan ang hindi makatwirang paggalaw ng presyo.
Pinapayagan din nito ang pansamantalang pagbawas o suspensyon ng excise tax at ang zero VAT sa produktong petrolyo, kasabay ng kondisyon na direktang maramdaman ng mga konsyumer ang epekto nito sa presyo sa merkado.
Sa sektor ng kuryente, binibigyan ng kapangyarihan ang Energy Regulatory Commission (ERC) na magpatupad ng pagpapaliban ng bayad nang walang interes at multa, habang ipinagbabawal ang agarang disconnection sa mga kwalipikadong konsyumer.
Naglalaman din ang panukala ng direktang subsidy sa krudo para sa mga transport worker, magsasaka, at mangingisda, na naglalayong mabawasan ang kanilang gastusin sa gitna ng krisis.
Bukod dito, kabilang sa mga hakbang ang pagpapalakas ng suplay ng pagkain sa pamamagitan ng pagpapadali ng logistics, pagbibigay ng exemption sa toll para sa transport ng pagkain, at paghikayat sa community at urban farming.
Ayon kay Legarda, ang panukala ay hindi lamang para sa agarang ayuda kundi para rin sa pangmatagalang solusyon, kabilang ang paglipat sa mas matatag at malinis na sistema ng enerhiya upang mabawasan ang pagdepende sa imported fuel.
Giit niya, mahalagang magkaroon ng malinaw na pagsusuri at transparency sa pagpapatupad ng mga hakbang upang matiyak na ang bawat polisiya ay epektibo, patas, at tunay na makikinabang ang mamamayan. ( Daris Jose)
LRT-1 magbigay din ng 50% fare discount, hikayat ng mambabatas
HINIKAYAT ni Akbayan Partylist Rep. Perci Cendaña ang Light Rail Management Corporation (LRMC) at Department of Transportation (DOTr) na magpatupad ng 50% discount na parehong ipinatutupad sa mga LRT-2 at MRT-3 stations.
“Nakabalik na’t lahat-lahat ang mga kababayan natin galing sa kanya-kanyang probinsya, wala pa ring fare discount ang LRT-1. Tapos na ang Holy Week — bawasan na natin ang dagdag na pasanin nila sa pamasahe,” anang kongresista.
Ayon sa mambabatas, dapat makipagnegosasyon ang DOTR sa LRMC upang bawasan ang pasahe ng 50%, tulad ng ginagawa sa LRT-2 at MRT-3.
“Dapat ma-secure ito ASAP dahil patuloy ang pagsirit ng presyo ng petrolyo,” dagdag nito.
Hinikayat pa ni Cendaña ang DOTr na mailibre na muna sana ang sakay para sa mga PWDs, senior citizens at mga estudyante sa lahat ng LRT at MRT stations.
Lalo na aniya sa dumadaan ang LRT-1 sa U-Belt area, kung saan maraming estudyanteng umaasa sa public transportation.”
Simula March 23, binawasan ang pasahe para sa LRT-2 at MRT-3 ng have been reduced by 50%, kasunod na rin sa pagtaas ng presyo ng langis dulot ng magaganap na US-Iran conflict. (Vina de Guzman)
PASAHERONG DUMAGSA SA PANTALAN, UMABOT SA 3.4 MILYON
UMABOT sa 3.4 milyon ang bilang ng ma pasaherong dumagsa sa mga pantalan sa kabuuan ng Oplan Biyaheng Ayos: Semana Santa 2026, ayon sa Philippine Coast Guard (PCG).
Na-monitor ng PCG ang pinakamataas na bilang ng mga pasahero mula Marso 28 hanggang Abril 5 noong Miyerkules Santo at Linggo ng Pagkabuhay lalo na sa
Cebu, Iloilo, Aklan, Batangas, at Oriental Mindoro.
Samantala, mula 53 noong 2025, bumaba naman sa 37 ang insidente ng pagkalunod na na-monitor at ni-respondehan ngayong taon. Karaniwan sa mga biktima ay mga nakainom ng alak at mga kabataan.
Sinabi ni PCG Spokesperson Commodore Noemie Cayabyab, malaking tulong ang kooperasyon ng LGU, beach resort owner, iba pang ahensya ng gobyerno, at media sa pagsisigurong mapaalalahanan ang mga turista na manatiling alerto at makiisa sa pagtataguyod ng kanilang kaligtasan sa kasagsagan ng Mahal na Araw.
(Gene Adsuara)
Traffic enforcer, isinelda sa panunutok ng baril sa Caloocan
KALABOSO ang 67-anyos na traffic enforcer nang tutukan ng baril at pagbantaan ang kapitbahay sa Caloocan City.
Ayon kay Caloocan Police Chief P/Col. Joey Goforth, mahaharap ang suspek na residente ng Barangay 28, sa kasong Grave Threat at paglabag sa Comprehensive Firearms and Ammunition Regulation Act (RA 10591).
Lamabas sa imbestigasyon, dakong alas-12:01 ng hating gabi nang komprontahin at tutukan umano ng baril ng suspek ang 46-anyos na lalaking kapitbahay kasunod ng nakaraang pagtatalo.
Nagawa umanong maagaw ng biktima ang baril ng suspek bago humingi ng tulong sa mga tauhan ng Maypajo Police Sub-Station na naging dahilan ng pagkakaaresto sa matandang traffic enforcer.
Nakumpiska sa kanya ang isang kalibre .45 pistol na kargado ng dalawang bala at nang hanapan siya ng kaukulang mga dokumento hinggil sa ligaledad ng nasabing baril ay walang naipakita ang suspek. (Richard Mesa)
Delivery rider, kalaboso sa baril at pagpalag sa parak sa Valenzuela
REHAS na bakal ang kinasadlakan ng isang delivery rider nang mabisto ang dalang baril makaraang pumalag sa pulis na mag-iisyu sa kanya ng ticket dahil sa paglabag sa ordinansa sa Valenzuela City.
Sa ulat ni police investigator P/MSgt. Alvin Pastores kay Valenzuela Police Chief P/Col. Joseph Talento, habang nagpapatrolya ang mga tauhan ni Police Sub-Station 1 Commander P/Capt. Manuel Cristobal nang mapansin nila ang isang lalaki na nagyoyosi umano sa pampublikong lugar sa Francisco St., Brgy., Paso De Blas dakong alas-11:45 ng gabi.
Dahil malinaw na paglabag ito sa umiiral na ordinansa ng lungsod, nilapitan nina PCpl John Ray Laredo at Pat R-Jay Tagnong ang lalaki sabay nagpakilala bilang mga pulis saka ipinaalam sa kanya nagawang paglabag.
Nang iisyuhan nila ng Ordinance Violation Receipt (OVR) ang lalaki, bigla nalamang umano nitong itinulak at tinadyakan si PCpl Laredo bago tumakbo para tumakas kaya hinabol siya ng mga pulis.
Nang makorner, nagpatuloy pa rin umanong pumalag ang suspek at hinablot ang kuwelyo ng oniporme ni PCpl Laredo na dahilan upang masira ito hanggang sa magawa na siyang maaresto.
Nang kapkapan, nakumpiska sa suspek na si alyas “Eugene”, 26, ng Brgy., Ugong ang hindi lisensyadong baril na isang kalibre .38 revolver na kargado ng dalawang bala.
Na-inquest na ang suspek sa Valenzuela City Prosecutor’s Office para sa kasong Direct Assault at paglabag sa R.A 10591 (Comprehensive Firearms and Ammunition Regulation Act). (Richard Mesa)
4 drug suspects, nalambat sa Valenzuela
SWAK sa hoyo ang apat na drug suspects kabilang ang isang itinuturing na Street Level Individual (SLI) nang malambat ng pulisya sa magkahiwalay na operation sa Valenzuela City.
Ikinasa ng mga tauhan ni Valenzuela Police Chief P/Col. Joseph Talento sa pangunguna ni P/Lt. Sherwin Dascil, hepe ng Station Drug Enforcement Unit (SDEU) ang buy bust laban kay alyas “Smug”, 45, sa koordinasyon sa PDEA matapos ang natanggap na impormasyon hinggil sa umano’y pagbebenta nito ng ilegal na droga.
35.
Sa Brgy., Malanday, laglag sa mga tauhan ng SS6 ang tatlong lalaki nang mahuli sa aktong nagsusugal umano ng lucky 9 sa D. Santiago Street alas-11:10 ng gabi. Nakumpiska sa kanila ang bet money, baraha at isang plastic sachet ng hinihinalang shabu na nasamsam umano kay alyas “Daniel”, 32.
Nadakma din ang dalawang kelot ng mga tauhan ng SS4 habang nag-cara y cruz umano sa Bundok St., Brgy. Malinta alas-5:00 ng hapon at nasamsam kanila ang bet money, pangara at isang plastic sachet umano’y shabu na nakumpiska umano kay alyas “Deo”, 47.
Sinubukan naman ng People’s Balita na kunin ang panig ng mga suspek subalit, minabuti ng mga ito na manahimik na lamang. (Richard Mesa)
Hindi nakapalag si ‘Smug’ nang sunggaban ng mga operatiba ng SDEU makaraang bintahan umano ng P7,500 halaga ng shabu ang isang pulis na nagpanggap na buyer sa Sto. Rosario St., Brgy., Karuhatan dakong alas-5:15 ng umaga.
Nakumpiska sa kanya ang nasa limang gramo ng hinihinalang shabu na nagkakahalaga ng P34,000, buy bust money at P200 cash.
Alas-4:56 ng hapon nang maaresto naman ng mga tauhan ng Police Sub-Station 9, ang dalawang kelot nang maaktuhan nagka-cara y cruz umano sa isang abandonadong bahay sa Padrigal Ext., St., Brgy., Karuhatan. Nakuha sa kanila ang bet money, pangara at isang plastic sachet ng umano’y shabu na nakuha umano kay alyas “Ronwel”,
Mag-asawa, tinodas ng kapitbahay sa Caloocan
HUMANDUSAY ang duguang katawan ng isang mag-asawa matapos pagbabarilin ng kanilang kapitbahay sa Caloocan City, Linggo ng hapon.
Dead-on-the-spot sanhi ng tinamong mga tama ng bala sa iba’t-ibang bahagi ng katawan ang 45-anyos na mister at 50-anyos niyang misis.
Mahaharap naman sa dalawang bilang na kasong murder at paglabag sa R.A 10591 o ang Comprehensive Firearms and Ammunition Regulation Act ang 64-anyos na suspek.
Sa ulat, nag-ugat umano ang pamamaril ng suspek makaraan ang mainitang pakikipagtalo sa mga biktima hinggil sa bahagi ng lupa na nasakop sa katabing bakod na sobra sa nakasaad sa titulo o tinatawag na excess lot dakong alas-2:45 ng hapon sa Brgy. 167 Llano Road, North Caloocan.
Matapos ang insidente, tumakas ang suspek habang agad namang iniutos ni Northern Police District (NPD) Acting Director P/BGen. Christopher Dela Cruz ang pag-activate sa Deployment and Location Cross Innovation (DLX) na naging daan upang matukoy ng pulisya ang mga dinaanang lugar ng salarin sa kanyang pagtakas.
Sa isinagawang malawakang pagtugis at dragnet operation, nasukol ng mga tauhan ni Caloocan Police Chief P/Col. Joey Goforth ang tumatakas na suspek habang sakay ng itim na Yamaha N-Max motorcycle sa bisinidad ng Barangay 167.
Nakumpiska sa suspek nina PCpl Gary Samar at Pat Nelpie Amantillo, kapwa ng SS7 ang isang kalibre .45 pistola at dalawang magazine na kargado ng mga bala.
(Richard Mesa)