ISANG tunay na manok, at sa hitsura pa ng manok, mukhang manok pang-sabong ang iniregalo ni Marian Rivera sa unico hijo nila ni Dingdong Dantes na si Sixto Dantes sa 7th birthday nito.

Sabi ni Marian sa kanyang socmed caption, “On your 7th birthday, Sixto,
you wished for something simple yet special—a pet chicken.
Today, we’re so happy to grant your wish. Happy birthday, our love.”

Ito raw talaga ang hiniling ni Sixto sa kanyang kaarawan. So siyempre, bakit nga ba hindi ito ipagkakaloon nina Dingdong at Marian.

Tingin namin, dahil bata pa at posible, sana hindi pa nga alam ang sabong, gusto lang ni Sixto na mag-alaga ng manok tulad ng magpakain at makipaglaro rito.

At dahil unique na isang manok as birthday request, marami na sa mga netizen ang naisip agad ay baka raw maging sabungero in the future ang bagets.

Ilan sa mga comment, “Balikan Po namin to pag naging sabongero na si sixto! Charoot hahaha happy birthday super sweet boy sixto, sana mabuhay baka umiyak din to pag nagkataon hehe.”

“Bat naman panabong sixto? nway happy birthday baby.”

“Hahaha mukang gusto maging sabongero paglaki ah ! Anyway, happy birthday sixto.”

Pero sa kabila nito, marami rin ang pumuri kau Sixto. Mabuti pa raw ito, manok lang ang gusto, yung ibang bata, milyon-milyon ang hangad.

At kay Sixto, Maligayang Kaarawan!

Sure kami, may bonggang pa-7th birthday ang DongYan para sa kanilang anak na lalaki.

***

SIMULA nang iintroduce ng Universal Records at GMA-7 ang Korean actor na si Kim Ji Soo, talagang halos dito na siya sa Pilipinas naka-base.


Bukod sa mga teleseryeng nagawa niya, heto’t naka-score rin siya ng major endorsement, ni-launch na siya ng Marithé Francois + Girbaud as their celebrity endorser.

Bukod dito, noong nakaraang Holy Week, instead na umuwi ng South Korea para magbakasyon or makasama ang pamilya niya ro’n, sa Boracay niya ito ini-spent.

At kasalukuyan din siyang napapanood sa “Never Say Die” with Jillian Ward and David Licauco.


He’s definitely making his presence felt.

(ROSE GARCIA)

NAGPADALA ang Pamahalaang Lungsod ng Navotas ng bigas bilang tulong sa mga residente ng Obando, Bulacan na direktang naapektuhan ng usok mula sa nasusunog na Navotas Sanitary Landfill Facility. Ayon kay Mayor John Rey Tiangco, dumating na rin ang iba pang mga heavy equipment kabilang dito ang mga backhoe, firetruck, bulldozer, at generator set na ating gagamitin sa on-site operations sa nasusunog na landfill. (Richard Mesa)

INIHAYAG ni Department of Public Works and Highways (DPWH) Secretary Vince Dizon na ipinadala na ni Pangulong Ferdinand “Bongbong” Marcos, Jr. ang lahat ng kailangang gamit sa Navotas City upang tuluyang maapula ang sunog sa sarado ng Navotas Sanitary Landfill.

Sinabi ito ni Dizon nang personal siyang magtungo sa naturang landfill Huwebes ng umaga, kasama sina Navotas City Mayor John Rey Tiangco at Obando Mayor Leonardo Valeda upang suriin ang sitwasyon sa isang linggo ng nasusunog na landfill na nagdulot ng perhuwisyo ang nakakaulasok na amoy ng usok sa maraming mamamayan ng Navotas at Obando,

Aminado ang kalihim na ang kritikal sa ngayon ay ang pagdadala ng mga heavy equipment sa lugar dahil hindi nakakabiyahe ang mga barge na nagsasakay ng kinakailangang dump truck, bulldozer, dredging equipment at iba pa na gagamitin sa pag-apula ng apoy.

“Hindi kasi normal na sunog ito, ang nasusunog dito yung gas, yung methane na nasa ilalim, so kailangan nating i-address yun kasi kung hindi natin ma-address, hindi natin mapapatay itong sunog na ito,” llmaapula ang apoy sa ilalim.

Bukod aniya sa gamit ng pamahalaan, tumulong na rin ang mga pribadong sektor tulad ng San Miguel Corporation, Prime Infra Inc., at Asian Shipping Corp., habang hihingi rin siya ng tulong sa iba pang ka-partner na kompanya para magpadala ng mga kagamitan.

Sinabi naman ni Mayor Tiangco na sa Sabado at inaasahang matatapos na ang kalsadang patungo sa landfill at makakabiyahe na rin ang mga barge dahil tataas na ang tubig kayat mapapabilis na ang pagdadala ng mga heavy equipment.
.
Nagpasalamat din sina Mayor Tiangco at Mayor Valeda kina Pangulong Marcos, Jr. at Secretary Dizon sa ginagawang pagtulong para maapula ang sunog na labis na nakaapekto sa kanilang mamamayan. (Richard Mesa)

MATAGAL na ring panahon naglingkod ang mabait at masipag na si Kap. Delfin Zamora sa kanilang barangay. Halos buong panahon na ang kanyang inilaan sa pagsilbi sa kanilang mamamayan. Nagsimula siya noong 1993 bilang kagawad nagtagal hanggang naging Kapitan ng 2016. Dahil sa kanyang magandang pagmamahal sa kanilang komunidad agad ipinaayos ng butihing kapitan Zamora ang kanilang Barangay Hall upang magkaroon ng disenteng opisina na kung saan naraming kumukuha ng mga dokumento lalo na pagdating sa mga clearances na pangangailangan ng kanilang mga kabarangay. Sa kanyang panahon hanggang ngayon libre lahat ang mga pangangailangan ng kanilang ka-barangay. Ang barangay 7, zone -1 Dist.2 Caloocan ay may populasyong 4,000 at mga botante na umaabot sa higit 2,700. Ang kanilang bilang na ito ay namantini ng Dakilang AMA ng barangay na maging maayos ang kapaligiran, lalo na ang katahimikan at naglaan din siya ng fire trucks in case of emergency, napa-aspalto niya ang mga eskinita para walang madisgrasya. Meron din silang ” HAPAG” na siyang katumbas ng Clean & Green which is initiated by DILG to all barangays in Metro Manila. Nagpalagay din ang butihing ” AMA” Zamora ng mga CCTV sa bawat kanto para sa tiyak na seguridad ng kanyang mga kabarangay na siyang itinuring na Tila tunay na mga ” Anak”. Ang kanyang mga ipinagbabawal ay ang noise pollution o ingay na nakakaistorbo sa mga kapitbahay, at curfew hours para sa mga kabataan. Pinatili rin ng butihing AMA ng barangay na si Delfin Zamora ang kaayusan ng mga kanal.
Pinaglaanan din ng nasabing kapitan Zamora ang mga gamot para sa mga Senior Citizens, kabataan at PWD’s. Nagdadaos din sila ng Monthly Check-up, Medical Mission, Weekly Feeding, pananatili ng kalusugan at higit sa lahat mayroon ang mga kabataan ng Educational Supplies. Ngayong tag-init nagkaroon siya ng libreng tuli sa mga kabataan. Ayon pa sa Dakilang “AMA”, panahon na marahil makapagpahinga na muna ako sa aking pagbibigay Serbisyo sa aking mga kabarangay. Maraming taong na rin pinaglingkuran ko ang aming komunidad..73 years old na ako gusto ko naman mabigyan ng Panahon ang aking sarili at makapagpahinga..kaya ako’y labis nagpapasalamat sa aking mga kabarangay sa kanilang pakikiisa at pakikipagtulungan sa lahat ng aming gawain dito sa barangay. Salamat po sa inyong lahat…at nawa’y sa darating na halalan ‘wag niyo po pabayaan ang aking anak na si Sheryl Rose Zamora para maipagpatuloy po niya ang lahat ng aking nasimulan na kaayusan sa aming Barangay. Ayaw kong mapabayaan ang aking mga kabarangay nais kong maging tuloy-tuloy ang pagbibigay tulong sa kanilang pangangailangan sa abot ng aming makakaya!. Muli, labis po akong nagpapasalamat sa inyong lahat mga
mina-mahal kong kabarangay! ‘yan ang madamdaming pagtatapos ng isang dakilang AMA na si kap. Delfin Zamora.
(Sonny Asignacion)