BINIGYANG pugay ng House of Representatives nitong Lunes si Filipino tennis star Alexandra “Alex” Eala matapos nitong makamit ang career-high ranking na World No. 31 ng Women’s Tennis Association (WTA) nitong Pebrero 23, 2026.

Ang komendasyon kay Eala ay nakapaloob sa inihaing House Resolution No. 832 na inaprubahan sa pagdaraos ng International Women’s Month.

Ang ranking ni Eala ay pinakamataas na inabot ng isang Filipino sa prestihiyosong WTA, nagbibigay karangalan sa ating bansa, ayon sa mga akda ng HR 832, Pangasinan Rep. Ma. Georgina “Manay Gina” De Venecia at Bulacan Rep. Linabelle Ruth Villarica.

Inilarawan si Eala bilang “unifying figure” ng mga Filipino sa abroad, kung saan libo-libong kababayan ang nanonood at sumusuporta sa kanyang mga matches.
Naging inspirasyon din si Eala sa ating mga atleta, ayon kina De Venecia at Villarica. “Eala represents an exemplary Filipina who, like the ancestral babaylan, has demonstrated resilience, discipline, and a strong determination to succeed.”
(Vina de Guzman)

SA PANGUNGUNA ni Cavite Director III at Provincial Agrarian Reform Program Officer James Arthur Dubungco, at sa pakikipagtulungan ng pamahalaang bayan ng Magallanes sa ilalim ni Mayor Janessa Ann Maligaya-de Ramayo, kasama ang PAR-C President na si Ernie Somogod, inaasahang lalo pang uunlad ang kabuhayan ng mga kasapi ng kooperatiba. Tuloy-tuloy ang pag-asenso ng Pacheco Agrarian Reform Cooperative (PAR-C) matapos itong muling makatanggap ng panibagong traktora na makatutulong upang mas mapagaan at mapabilis ang kanilang pagsasaka.
(Photos by BOY MORALES SR.)

KRITIKAL ang 54-anyos na lalaki nang pagsasaksakin ng lalaking nagalit makaraang hindi niya pahiramin ng cellphone na dahilan ng kanilang argumento hinggil sa online game sa Caloocan City.

Nakaratay habang inoobserbahan sa Chinese General Hospital sanhi ng tinamong saksak sa dibdib at bahagi ng tadyang ang 54-anyos na biktima na residente ng lungsod.

Nakapiit naman ngayon sa Custodial Facility Unit ng Caloocan City Police at nahaharap sa kaukulang kaso ang suspek na si alyas “Lito”, 52, at residente ng Brgy. 12, ng lungsod.

Sa kanyang ulat kay Northern Police District (NPD) Acting Director P/BGen. Christopher Dela Cruz, sinabi ni Caloocan Police Chief P/Col. Joey Goforth na dakong alas-11:15 ng gabi nang maganap ang insidente sa Libis Talisay, Brgy. 12.

Lumabas sa imbestigasyon pulisya, tumanggi umano ang biktima na ibigay sa suspek ang kanyang cellphone na dahilan ng kanilang argumento hinggil sa online game na ‘scatter’.

Nagalit umano ang suspek at inundayan ng saksak sa dibdib at bahagi ng tadyang ang biktima bago mabilis na tumakas sa hindi matukoy na direksyon habang isinugod naman ang biktima sa Caloocan City Medical Center bago inilipat sa nasabing pagamutan.

Sa isinagawa namang follow up operation ng mga operatiba ng Caloocan Police Intelligence Section sa pangunguna ni P/Capt. John David Chua, ay naaresto ang suspek dakong alas-3:00 ng hapon sa 2nd Avenue, Brgy. 41, ng lungsod. (Richard Mesa)

HINDI magpapatupad ng four days work week ang Commission on Elections (Comelec) dahil sa nagpapatuloy na paghahanda para sa tatlong halalan na nakatakda ngayong 2026.
Sinabi ni Comelec Chairman George Erwin Garcia nahindi maipapatupad ng Comelec ang nasabing iskedyul dahil sa kasalukuyang voter registration .
Bukod dito, puspusan din ang paghahanda sa ikalawang distrito ng Antipolo City na itinakda sa Marso 14; ang Bangsamoro parliamentary elections na isasagawa sa Setyembre at ang Barangay at Sangguniang Kabataan elections sa Nobyembre 2.
Bagama’t hindi in-adopt ang polisiya, sinabi ni Garcia na nagsimula na ang Comelec sa pagpapatupad ng ilang hakbang para makatipid sa enerhiya, kabilang ang pagpatay ng air-conditioning units isa hanggang dalawang oras bago matapos ang oras ng trabaho at pag-unplug ng mga hindi ginagamit na appliances.
Hinikayat din ang mga empleyado na mag-carpooling at iwasan ang pagbiyahe para sa mga meeting kung maaari itong gawin online .(Gene Adsuara)

NAGKAKAHALAGA ng P251.06 milyon ang tatlong (3) bagong istasyon sa EDSA Busway ang itatayo ngayon 2026 matapos ibigay ang notice of award ng Department of Transportation (DOTr) noong December 29, 2025. Nakuha ng Unimasters Conglomeration Inc. ang notice of award upang maglagay ng 3 bagong istasyon sa Cubao, Magallanes at Paranaque Integrated Terminal Exchange (PITX).
“The contract was priced at P264.86 million but Unimasters submitted an offer of P251.06 million, enough to be chosen as the single calculated and responsive bid,“ wika ni Department of Transportation (DOTr) Secretary Gionvanni Lopez.
Ang Unimasters ay isang kumpanya na may tanggapan sa Tacloban. Sila ay inatasan na tapusin ang proyekto ng isang (1) taon kung saan ito ay sisimulan ngayon unang quarter ng taon. Umaasa naman ang DOTr na matatapos ang proyekto bago matapos ang taon. Katatapos lamang ng Department of Public Works and Highways (DPWH) ang rehabilitasyon ng bahagi ng Roxas Boulevard hanggang Orense ng busway na tamang-tama sa nakaraang holiday season. Natapos ang paglalagay ng asphalt overlay sa pagitan ng Roxas Boulevard sa lungsod ng Pasay at Orense sa lungsod naman ng Makati para sa pag-aayos ng EDSA.
“The reopening has allowed carousel buses to traverse the northbound and southbound sections of the busway all throughout again. We thank the DPWH, under the leadership of Secretary Vince Dizon, because they finished the rehabilitation works on the busway quickly. Pinaalalahanan ni Lopez ang mga motorista na ang mga pribadong sasakyan ay bawal gumamit at dumaan sa busway at binigyan sila ng babala na may kaukulang multa ang mga hindi susunod. Sinabi rin niya na ang busway ay kasama sa No Contact Apprehension Policy ng Metropolitan Manila Development Authority (MMDA).
Noong nakaraang taon ay sinimulan ng DOTr ang P247.59M na unang bahagi ng rehabilitasyon kasama ang istasyon ng Monumento, Bagong Barrio, North Avenue, at Guadalupe. Kasunod nito ay ang P87.33 milyon na proyekto upang gawin ang busway stop at reconstruction ng kontrobersyal na Kamuning footbridge na matatapos ngayon unang quarter ng taon. Ang Unimasters na gagawa ng 3 karagdagang istasyon ng EDSA Busway ay pinamumunuan ni Engr. Wilson Chan na gumawa ng iba’t ibang proyekto sa DPWH sa mga lansangan at kalsada sa bansa. Kasama ang proyekto na ginawa ng Unimasters ay ang pagpapalawak ng Sangley Point Airport noong panahon ni dating President Duterte. LASACMAR

HIMAS-REHAS ang 29-anyos na electrician na akusado sa panggagahasa isang menor-de-edad nang maaresto ng pulisya sa ikinasang manhunt operation sa Caloocan City.
Ayon kay Caloocan Police Chief P/Col. Joey Goforth, isinagawa nila ang manhunt operation laban sa akusado na residente ng Barangay Nasucob, Bulalacao, Oriental Mindoro sa koordinasyon sa mga tauhan ng Gloria Municipal Police Station, Oriental Mindoro.

Hindi na nakapalag ang akusado nang damputin ng mga operatiba ng Warrant and Subpoena Section ng Caloocan Police sa bisa ng warrant of arrest.

Ang warrant ay inisyu ng Regional Trial Court, Branch 42, Pinamalayan, Oriental Mindoro para sa kasong Rape in relation to R.A 7610 na walang inirekomendang piyansa para sa pansamantalang paglaya ng akusado.

Pinuri ni PBGEN Christopher Dela Cruz, Acting District Director ng Northern Police District ang operating units para sa kanilang kasipagan, disiplina, at propesyonalismo sa matagumpay na pagpapatupad ng warrant. (Richard Mesa)

Lumalabas na ang mga posters nina Mike Defensor for Mayor at Aiko Melendez for Vice Mayor para sa 2028 sa Quezon City. Political posturing na ba ito o serbisyo sa publiko?” (PAUL JOHN REYES)