Sa tinanggap na ulat ni Valenzuela police chief P/Col. Joseph Talento, habang nagsasagawa ng Oplan Galugad sina PSSg Ricardo Santos at PSSg Melvic Pingad, kapwa ng Polo Police Sub-Station 5 sa Cadeba St., Brgy., Balangkas nang maaktuhan nila ang dalawang lalaki na nagka-cara y cruz dakong alas-9:45 ng Biyernes ng gabi.
Nilapitan nila ang mga ito sabay nagpakilala bilang mga pulis saka inaresto at nakumpiska sa mga suspek ang bet money, pangara at isang plastic sachet na naglalaman ng hinihinalang shabu na nakuhay kay alyas “Russel”.
Nauna rito, alas-3:45 ng Biyernes ng hapon nang matiyempuhan naman ng mga tauhan ng Malinta Police Sub-Station 4 ang dalawang kelot na nagsusugal din umano ng cara y cruz sa isang bakanteng lote sa Rincon Road, Brgy., Malinta.
Hindi na nakapalag ang dalawa nang damputin nina Pat. Jojo Balidoy at Pat. Mark Lister Ogsimer at nasamsam sa kanila ang bet money, pangara, at isang plastic sachet na naglalaman ng umano’y shabu na nakuha kay alyas “James”.
Sa Brgy. Karuhatan, huli din sa akto nina PSSg Galicia at PCpl Melvin Unciano, kapwa ng Karuhatan Police Sub-Station 9 ang dalawang lalaki na abala umano sa pagka-cara y cruz sa San Francisco St., alas-8:10 ng Sabado ng gabi.
Nakuha sa kanila ang bet money, at pangara, habang ang isang plastic sachet ng hinihinalang pinatuyong dahon ng marijuana at isang glass tube na naglalaman ng umano’y marijuna ay nasamsam kay alyas “John”. (Richard Mesa)
- April 27, 2026
Ang Diyaryong Pinagkakatiwalaan
Archive for January, 2026
6 na pasaway, isinelda sa sugal, droga sa Valenzuela HINDI maganda ang pagpasok ng Bagong Taon ng anim na kalalakihan kabilang ang tatlong suspects nang matiyempuhan ng pulisya na naglalaro umano ng iligal na sugal sa magkahiwalay na lugar sa Valenzuela City.
Kelot na most wanted sa NCRPO, nalambat sa Caloocan
NAGWAKAS na ang maligayang araw ng isang kelot na wanted sa kasong statutory rape matapos maaresto ng pulisya sa pinaigting na manhunt operation sa Caloocan City.
Ayon kay Caloocan police chief P/Col. Joey Goforth, ang 26-anyos na akusado ay may nakabinbin na warrant of arrest para sa kasong statutory rape at nakatala bilang No. 6 sa Top Ten Most Wanted Person sa NCRPO.
Nang makatanggap sila ng impormasyon hinggil sa pinagtataguan ng akusado, kaagad ikinasa ng mga operatiba ng Warrant and Subpoena Section ng Caloocan CPS ang pagtugis sa kanya.
Sa kanyang ulat kay Northern Police District (NPD) District Director P/BGen. Christopher Dela Cruz, sinabi ni Col. Goforth na alas-11:00 ng umaga nang maaresto ng kanyang mga tauhan ang akusado sa E. Jacinto Dulo, Pagasa, Camarin, Barangay 175.
Dinakip ang akusado sa bisa ng warrant of arrest na inisyu ng Presiding Judge ng Family Court (FC) Branch 1, Caloocan City para sa kasong Statutory Rape na walang inirekomendang piyansa.
Pinuri naman ni Gen. Dela Cruz ang arresting team sa kanilang pagsisikap para tugusin ang mga taong pinaghahanap ng batas na nagresulta sa matagumpayna pagkakaaresto sa akusado na pansamantalang nakapiit sa custodial facility unit ng Caloocan CPS habang hinihintay ang utos ng korte sa paglilipat sa kanya sa City Jail.
(Richard Mesa)
PUBLIC TRANSPORT MODERNIZATION SA BANSA, MAS MAPAPABILIS DAHIL SA DIGITAL SHIFT NG LTFRB
TIWALA si Land Transportation Franchising and Regulatory Board (LTFRB) Chairperson Atty. Vigor D. Mendoza II na magiging mas produktibo ang taong 2026 sa pagpapaunlad at modernisasyon ng pampublikong transportasyon sa bansa.
Sa buong suporta ni Pangulong Ferdinand “Bongbong” R. Marcos, Jr. at sa patnubay ni Department of Transportation (DOTr) Secretary Giovanni Z. Lopez, kasalukuyang tinatapos ng LTFRB ang mga proseso para sa malaking digital shift na layong mapabuti ang serbisyo ng ahensya.
“Kumikilos kami sa ilalim ng marching order ng Pangulo para sa digital transformation ng lahat ng serbisyo ng pamahalaan. Sa kaso ng LTFRB, ang aming layunin ay ganap na ipatupad ang online application at verification ng lahat ng aplikasyon, petisyon, mosyon at iba pang transaksyon,” ani Chairperson Mendoza.
Dagdag pa niya, ang hakbang na ito ay paghahanda para sa susunod na henerasyon ng mga Pilipinong bihasa sa teknolohiya, upang matugunan ang mabilis na pagbabago sa digital na kapaligiran at ang mataas na inaasahan ng publiko.
Binigyang-diin din ni Mendoza na ang inisyatiba ay alinsunod sa direktiba ng Pangulo na ganap na ipatupad ang mga probisyon ng umiiral na batas sa Ease of Doing Business and Efficient Government Service.
“Kapag natapos natin ang pagbabagong ito, matutugunan din natin ang matagal nang problema sa mga fixer dahil ang mga online transaction ay magiging direkta, mabilis, maginhawa, at mas kaunti ang interbensyon ng tao,” paliwanag niya.
Ang digital transformation ng LTFRB ay sumisimbolo sa mas malawak na layunin ng bansa na gawing moderno at maaasahan ang sistemang pangtransportasyon. Bilang isa sa mga pangunahing katuwang sa Public Transportation Modernization Program (PTMP)—na kasalukuyang nasa yugto ng route rationalization at fleet modernization—nakikita ng ahensya na mahalagang isabay ang digitalisasyon sa programa.
“Ang digital transformation ng LTFRB ay dapat isabay sa PTMP. Hindi naman magandang tingnan na habang pinag-uusapan natin ang public transportation modernization ay makaluma pa ring sistema ang ginagamit natin sa LTFRB para sa pagproseso ng mga transaksyon sa ahensya,” diin ni Mendoza.
Tiniyak niya na patuloy na pinauunlad ng LTFRB ang online platform ng ahensya upang maging mas madaling gamitin. Kasalukuyan ding ipinatutupad ang online verification ng Certificate of Public Conveyance at Provisional Authority upang mapabilis ang proseso ng aplikasyon, pag-apruba, at paglalabas ng pahintulot para sa mga public utility vehicles (PUVs).
“Kaya habang isinusulong natin ang PTMP, isasabay natin ang ganap na digital transformation ng LTFRB. At umaasa kaming ganap na maipatupad ito ngayong taon,” pagtatapos ni Mendoza.
(PAUL JOHN REYES)
DOH: Kabataan nanguna sa mga nabiktima ng paputok
ANG mga kabataan ang nangunguna sa talaan ng Department of Health (DOH) na nabiktima ng paputok batay.
Batay sa huling datos hanggang alas-4 ng madaling araw ng Enero 3, 2026, nasa 655 na ang firework-related injuries sa bansa, 351 rito ay kabataang edad 19-taong gulang pababa.
Umabot sa 19 biktima ang naputulan ng daliri o kamay dahil sa iba’t ibang uri ng paputok at 11 ay menor-de-edad.
Isang 4-years old ang pinakabata na naputulan ng apat na daliri sa kamay matapos masabugan ng hindi matukoy na uri ng paputok.
Mga hindi matukoy na uri ng paputok ang pangunahing sanhi ng pinsala, na sinusundan ng legal na kwitis at illegal na 5-star.
Naobserbahan man ng kagawaran ang 20% na pagbaba ng kaso, ikinalulungkot pa rin ng DOH ang sinapit ng mga nagpaputok at aksidenteng nasabugan ng firecrackers.
Nagpaalala pa rin ang DOH sa mga nasugatan o napaso dahil sa paputok na agad magpakonsulta para sa libreng bakuna upang hindi mauwi sa nakamamatay na tetano, lalo pa’t 8 hanggang 21 araw bago lumabas ang sintomas nito.
15,000 pulis ide-deploy sa Traslacion ng Nazareno
UMAABOT sa 15,000 tauhan ang ide-deploy ng Philippine National Police (PNP) para mangalaga sa kaayusan at katahimikan sa pagdiriwang ng piyesta ng Poong Hesus Nazareno sa gaganaping Traslacion sa darating na Enero 9 ng taong ito.
Ayon kay Police Maj. Philip Ines, Spokesperon ng Manila Police District (MPD), ang nasabing bilang ng mga pulis ay maliban pa sa mga force multipliers ng iba’t ibang ahensya ng pamahalaan.
Inaasahan namang ang kapiyestahan ng Poong Hesus Nazareno sa Basilica Minor ng Quiapo Church ay dadagsain ng mga daang libong mga deboto na posibleng umabot pa sa milyong katao.
Sinabi ni Ines na may mga naitakdang alternatibong mga ruta ang bubuksan sa ilang mga lansangan dahil sa may ilang kalsada ang isasara para bigyang daan ang prusisyon.
Samantalang may nagtakda na ring kaukulang hakbang sa mga ipinagbabawal na gamit sa mga magpapartisipa sa Traslacion.
Kaugnay nito, inihayag pa ng opisyal na wala namang namomonitor na anumang banta kaugnay ng pagdiriwang ng tradisyunal na okasyon para sa mga deboto ng Poong Hesus Nazareno. (Gene Adsuara)
Contribution hike target sa PhilHealth members na lumalabag sa safety laws
PINAG-AARALAN ng Department of Health (DOH) ang posibilidad ng pagtaas ng mga kontribusyon sa PhilHealth premium para sa mga indibidwal na napatunayang lumalabag sa public safety laws.
Sinabi ni Department of Health (DOH) spokesperson Assistant Secretary Albert Domingo na sa pamamagitan ng pagbabago ng patakaran ay magiging “deterrent” ito upang pigilan ng mga magulang ang kanilang mga anak na gumamit ng paputok gayundin ang mga nagmamaneho ng sasakyan na piliing huwag lumabag sa batas trapiko.
Isa sa hinahanapan ng paraan ang mga informal settler o mga magulang na walang trabaho na binabalikat ng gobyerno ang PhilHealth.
“We will study it… especially what if the parent of the [firecracker] victim was an informal settler or jobless and is being subsidized by the government… We always say that don’t let your children use firecrackers but still it happens. So, we are looking into ways to deter this,” ani Domingo.
Binanggit ni Domingo ang naitalang 1,113 road accidents na karamihan ay mga riders na hindi nagsuot ng helmet at nagmaneho ng nakainom ng alak, mula Disyembre 21 hanggang Enero 2.
Mataas aniya ito ng 82% kumpara sa naitala sa parehong panahon noong nakalipas na taon.
Sa kasalukuyan, ang mga DOH hospitals sa bansa ay nagpapatupad ng zero billing na tinutustusan ng gvobyerno kaya pinag-aaralan kung paano papanagutin sa bayarin ang mga tulad na kaso.
( Daris Jose)
US military aggression vs Venezuela, kinondena
MARIING kinondena ng
Makabayan bloc sa Kamara ang military aggression ng United States government laban sa Bolivarian Republic of Venezuela.
Ayon kina ACT Teachers Rep. Antonio Tinio, Gabriela Women’s Party Rep. Sarah Jane Elago at Kabataan Rep. Atty. Renee Louise Co, ang pag-atake sa teritoryo ng
Venezuela ay dagdag na chapter sa mahabang kasaysayan ng imperyalismo ng US sa paglabag umano sa soberenya ng bansa.
Ang pagbobomba anila sa
civilian at military installations sa Caracas at iba pang estado ng Venezuela ay isa umanong malinaw na paglabag sa international law at UN Charter.
“Ang brutal na pag-atake na ito ay walang ibang layunin kundi ang pag-agaw sa yaman ng Venezuela—ang kanilang langis at mineral—at ang pagpataw ng puppet regime na susunod sa utos ng imperyalismong US,” saad ng mga mambabatas.
Sinabi pa ng mga mambabatas na ang military aggression ay nagpapakita sa tunay na mukha ng US foreign policy.
“Beneath the rhetoric of democracy and human rights lies the naked pursuit of resources and geopolitical dominance. Venezuela’s crime in the eyes of Washington is its assertion of national sovereignty and its refusal to allow foreign corporations unfettered access to its natural wealth,” dagdag ng mga ito.
Nanawagan ang grupo sa Marcos administration na agad magpalabas ng malinaw na pagkondena ng US military aggression laban sa Venezuela.
Hindi anila dapat manatiling tahimik ang Pilipinas sa paglabag na ito sa
international law at pag atake sa ibang bansa.
(Vina de Guzman)
PBBM, binalaan ang watchdog groups… P633 bilyong ‘hard, soft, shadow pork’ nasa 2026 budget
NAGBABALA ang mga watchdog group na mahigit P633 bilyon sa P6.793 trilyon na 2026 national budget ang maaaring magamit sa korapsyon o patronage politics kung hindi ito ibi-veto ni Pangulong Ferdinand Marcos Jr.
Inihayag ito ng People’s Budget Coalition at ng Roundtable for Inclusive Development ilang araw bago ang nakatakdang paglagda ng Pangulo sa pambansang budget.
Sa halip na tuluyang i-veto ang mga proyektong ito, iminungkahi ng mga watchdog na buksan ang mga ito sa citizen monitoring o aktibong pagbabantay ng publiko.
Tinukoy din ng mga grupo ang Bantay Bisto Proyekto, isang inisyatibang isinasagawa katuwang ang Department of Public Works and Highways (DPWH) at iba pang organisasyong panlipunan, na naglalayong ilantad sa publiko ang mahahalagang detalye ng mga proyekto, kabilang ang gastos, kontratista, lokasyon, dokumentasyon ng larawan, at mga obserbasyong isinusumite ng mga boluntaryong tagamasid.
Iminungkahi rin nila na ang mga proyektong pang-imprastraktura na nagkakahalaga ng higit P600 bilyon sa ilalim ng isang executive order ay dapat mapasailalim sa isang multi-sektoral at pinopondohang mekanismo ng citizen monitoring.
Para naman aniya sa “soft pork”, na inilalarawan bilang mga programang may malawak na diskresyon ng mga pulitiko, nanawagan ang mga watchdog na ang P210 bilyong pondo para sa ayuda ay gawing mga programang nakabatay sa karapatan at malinaw na alituntunin.
Ayon sa kanila, ang pagpapatupad ng mga programang ito ay dapat nakabatay sa malawak na konsultasyon sa mga propesyunal sa kalusugan at mga eksperto sa social protection.
Samantala ang P243 billion sa unprogrammed appropriations ay inilarawan nila bilang “shadow pork”, na dapat ma-veto dahil sa anila’y “limited transparency and legislative scrutiny”. (Daris Jose)
P1.5B smuggling bust ng PNP, patunay ng mas mahigpit na pagpapatupad ng batas
ISANG malaking operasyon sa simula ng taon. Hindi nagkataon ang ₱1.5 bilyong pagkakasamsam ng mga unregistered na produktong tabako na tinukoy ng pulisya bilang smuggled cigarettes sa Malabon City.
Bunga ito ng tuloy-tuloy na pagbabantay, maayos na palitan ng impormasyon, at mahigpit na ugnayan ng mga ahensya.
Isinagawa ang operasyon noong bisperas ng Bagong Taon at inilatag sa press briefing noong Enero 1. Natagpuan ang mga smuggled cigarette sa loob ng isang cargo facility at tatlong indibidwal ang inaresto dahil sa kakulangan ng dokumento. Malaki ang halaga ng huli, ngunit mas mahalaga ang paraan: tahimik, organisado, at walang palabas.
Sa briefing, si Acting PNP Chief Jose Melencio C. Nartatez Jr. mismo ang naglahad ng detalye ng operasyon. Sa halip na magpokus lang sa resulta, ipinaliwanag niya kung paano sinundan ang impormasyon, paano nanatiling handa ang mga yunit, at kung paanong naging mahalaga ang koordinasyon ng pulisya at mga katuwang na ahensya.
Kasama rin sa briefing ang mga opisyal ng Highway Patrol Group, Northern Police District, at Bureau of Customs Enforcement Group. Iisang mensahe ang malinaw: may direksyon, may pamumuno, at magkakasabay ang kilos sa loob ng Philippine National Police.
Hindi lang sa mga pantalan nakatuon ang galaw ng pulisya. Sinundan nila ang daloy ng ilegal na produkto hanggang sa mga lugar na iniisip ng mga smuggler na hindi na nasusubaybayan.
Tinitingnan ng PNP kung may koneksyon ang huli sa Malabon sa isa pang malaking kaso ng pinaghihinalaang smuggled cigarettes sa Batangas City, na maaaring magpahiwatig ng mas malawak na smuggling network.
Sa utos ni Chief Nartatez, pinalawak ang imbestigasyon upang matukoy ang ugnayan ng mga insidente. Ipinapakita nito ang paglipat ng PNP mula sa pagtugon sa bawat huli nang hiwa-hiwalay tungo sa paghabol sa mga organisadong grupong nasa likod ng smuggling.
Hindi simpleng usapin ng dokumento ang smuggling. Direktang naaapektuhan nito ang lehitimong negosyo, binabawasan ang kita ng pamahalaan, at nagbibigay-daan sa ilegal na gawain na magpatuloy nang tahimik.
Sa operasyong ito, malinaw ang mensahe ng mga awtoridad: hindi palalampasin ang smuggling at pananagutin ang mga sangkot. Ipinakita rin nito na kapag magkakaugnay ang pamumuno, impormasyon, at aksyon, nagiging epektibo ang pagpapatupad ng batas.
Ipinapakita din nito ang direksyon ng pamahalaan sa ilalim ni Pangulong Ferdinand R. Marcos Jr.—disiplina sa pagpapatupad ng batas at mas pinatibay na inter-agency coordination—na sinusuportahan ng panawagan ni Jonvic Remulla, Secretary of the Interior and Local Government, para sa malinaw na pananagutan.
Mula sa isang operasyon sa Malabon, malinaw na lumalawak ang kampanya laban sa smuggling patungo sa sistematikong pagbuwag ng mga ilegal na network. Sa ganitong balangkas, ang batas ay hindi lamang ipinahahayag kundi aktibong naipapatupad. (Richard Mesa)
Robert Downey Jr. Returns As Doctor Doom In ‘Avengers: Doomsday X-Men’, Trailer Reveals Cyclops Mid-Battle As Magneto & Professor X Face Death
THE next Avengers: Doomsday trailer is all about the iconic Marvel villain of the story, as Robert Downey Jr. returns to the Marvel Cinematic Universe, but as Doctor Doom.
The Multiverse Saga will finally see the MCU tackling Victor von Doom, but with a twist in the form of Downey Jr. bringing the popular foe to the franchise.
Marvel Studios continues its trailer marketing for Avengers: Doomsday by using Avatar: Fire and Ash’s theatrical run for the third week in a row to promote the 2026 entry. The third new teaser brings the focus to the Fox-Marvel era, specifically the X-Men actors.
Throughout the teaser, the footage explores the X-Mansion, better known as Xavier’s School for Gifted Youngsters. Sir Patrick Stewart, Sir Ian McKellen, and James Marsden, respectively, reprise Professor X, Magneto, and Cyclops from the original X-Men movies.
While Stewart’s Professor X is spotted wearing a blue jacket with a black-and-red X logo on it, McKellen’s Magneto has longer hair, making it a first for the actor after his time with the franchise since 2000.
Erik and Charles are seen reunited, while Scott Summers is revealed to be donning his costume from the comics, as he unleashes his blast against a Sentinel, before the trailer ends with the text: “The X-Men Will Return In Avengers: Doomsday,” before cutting to the same countdown as the previous teasers.
The first Avengers: Doomsday trailer revealed how Chris Evans’ Steve Rogers is part of the story, despite the actor’s denial. The second preview for the team-up film centered on Chris Hemsworth’s return as Thor in the MCU.
Downey Jr. was first revealed at San Diego Comic-Con 2024 to not only be returning to the franchise, but instead of playing Iron Man, it was announced that he would be starring as Doctor Doom. This came after it was decided to shift the Avengers: Doomsday story away from Kang, after Jonathan Majors was fired.
As the Avengers: Doomsday cast finished filming in September 2025, principal photography on Avengers: Secret Wars will start in the summer. However, additional photography on the fifth team-up film is expected to take place during the spring.
Downey Jr. will be back as Doctor Doom for the Phase 6 finale, but the full Avengers: Secret Wars cast has yet to be unveiled. The MCU also has Tom Holland’s Spider-Man: Brand New Day coming up on July 31, which will be the final film before the two Avengers installments.
Marvel Studios has scheduled Avengers: Doomsday to open on December 18, 2026.
(Source: screenrant.com)