2026 January Archive - People's Balita

Archive for January, 2026

Pagbubukas ng Bagong Ospital ng Padre Garcia Batangas

Posted on: January 7th, 2026 by @peoplesbalita No Comments

ISA sa ipinagmamalaki ng Bayan ng Padre Garcia Batangas ang 2 palapag na bagong gusaling ospital na may sukat na humigit kumulang 8,000 metro kwadrado na nagkakahalaga ng humigit kumulang Php500,000 milyon piso ang nagastos sa pagpapatayo nito sa tulong ng iba’t ibang mga Senador at Kongresista.

Ang nasabing pagbubukas ay ginanap noong ika 11 ng Disyembre, 2025 sa ganap na ika 9:00 ng umaga sa Barangay Castillo, Padre Garcia Batangas.

Ito ay sinimulan sa isang banal na misa na sinundan ng paglalahad ng korona o unveiling of wreath kasunod ng isang programa.

Ito ay pinangunahan ng Ina ng Bayan na si Mayor Celsa B. Rivera katuwang ang dating Alkalde ng na si Former Mayor Mike Rivera kasama ang kanyang anak na si Vice Mayor Micko Rivera.

Sa panayam ng mga mamamahayag kay Mayor Celsa Rivera, ay kanyang ibinida ang bagong sariling ospital, Ayon sa kanya ” ito ay isa sa pangarap na proyekto ng dating Punong Bayan, ang pagpapatayo ng sariling ospital na may kumpletong pasilidad at mga laboratory test tulad ng blood test, xray at ct scan para sa mga kababayan natin Garciano at makatulong sa ibang Bayan para sa serbisyong medikal”.

Naisakatuparan at naipatayo ang nasabing pampublikong ospital sa kanilang bayan sa ilalim ng pamumuno ng kanyang asawa at Ina ng Bayan sa kasalukuyan na si Mayor Celsa Rivera.

Labis ang pasasalamat ng Alkalde sa mga dumalo at nakilahok sa nasabing programa, tulad nina Former Congresswoman Lianda Bolilia, Congressman Caloy Bolilia ng ikaapat na Distrito ng Batangas, miyembro at kawani ng Pamahalaan ng Padre Garcia, mga Barangay at iba’t ibang mga grupo.
( Boy Morales Sr.)

BAYAD SA REHISTRO NG TOP BOX SA MOTORSIKLO INALIS NA NG LTO

Posted on: January 7th, 2026 by @peoplesbalita No Comments

TINANGGAL na ng Land Transportation Office (LTO) ang bayad sa registration ng mga custom-made top box at saddle bag na nakakabit sa mga motorcycle, ito ay alinsunod sa direktiba ng Pangulong Ferdinand R. Marcos Jr. at Acting Transportation Secretary Giovanni Z. Lopez, na may layuning pagaanin ang buhay ng mga rider na gumagamit ng kanilang motorsiklo sa paghahanapbuhay.

Kaugnay nito, nilagdaan ni LTO Chief, Assistant Secretary Markus V. Lacanilao ang isang memorandum na nagsasaad na wala nang kokolektahing ₱100 na registration fee sa bawat top box o saddle bag, na ikinakabit sa mga motorsiklo.

Ayon kay Asec. Lacanilao, “Ito ay malaking tulong sa mga rider na umaasa sa kanilang motorsiklo sa kanilang paghahanapbuhay para maalis na ang dagdag na gastusin.”

Sinabi ni Asec. Lacanilao, na “ang patakarang ito ay nakaayon sa 7-Point Policy Agenda ng LTO na nakatutok sa pag-alis ng mga hindi kinakailangang bayarin at pagpapagaan ng pasanin sa pananalapi ng mga mamamayang umaasa sa motorsiklo, na nagbibigay ng ginhawa sa badyet habang pinapanatili pa rin ang mga pamantayan para sa kaligtasan sa kalsada”.

“Bagama’t wala ng bayad, ang pagpaparehistro sa LTO ay mananatili pa rin para sa lahat ng custom-made na top box at saddle bag. Binibigyang-diin ng ahensya na ito ay mahalaga para sa kanilang tungkulin na suriin ang kakayahang tumakbo ng makina, kaligtasan, at kung angkop ang mga sasakyan na may mga karagdagang kagamitan, upang tiyakin na ito ay sumusunod sa mga itinakdang pamantayan ng LTO”, idinagdag pa ni Asec Lacanilao.

“Ang balanseng pamamaraan na ito—pagpapagaan ng pasanin sa pananalapi at pagpapanatili ng regulasyon—ay naglalayong protektahan ang mga motorista at iba pang gumagamit ng kalsada habang sinusuportahan pa rin ang mga pangangailangan ng mga may-ari ng motorsiklo”, saad pa ng LTO Chief.

Hinihikayat ni Asec Lacanilao ang lahat ng mga kaugnay na stakeholder, kabilang ang mga direktor ng rehiyon, mga opisyal ng pagpapatupad ng batas, at mga pinuno ng inspection center, na ganap na ipatupad ang patakaran at tulungan ang mga may-ari ng motorsiklo na makumpleto ang mga proseso ng pagpaparehistro nang walang pagkaantala. (PAUL JOHN REYES)

DBM, tiniyak na ‘NO DELAY’ o bawas sa bayad, benepisyo sa ilalim ng 2026 NAT’L BUDGET— Malakanyang

Posted on: January 7th, 2026 by @peoplesbalita No Comments

TINIYAK ng Department of Budget and Management (DBM) sa publiko na ang umento sa sahod, pensions, at retirement benefits ng government workers ay hindi maaantala o mababawasan sa ilalim ng 2026 national budget.
Kasabay ng pagbasura sa kumakalat na balita, sinabi ng Malakanyang na ‘false at misleading’ ang kumakalat na balitang may kaltas o tapyas ang pensyon at retirement benefit.
Sinabi ni Presidential Communications Office (PCO) Undersecretary at Palace Press Officer Claire Castro na binigyang diin ng DBM na ang sahod, inaprubahang umento at benepisyo ng government employees ay nananatiling ‘intact’, na ang pondo ay ‘fully allocated’ sa kani-kanilang budget ng kanilang ahensiya.
“Mayroon pong gustong linawin ang DBM. May kumakalat na balita na maaantala o maapektuhan daw ang salary increases at retirement benefits ng mga guro, kawaninang gobyerno at uniformed personnel sa 2026 national budget. Hindi po ito totoo. Walang tinanggal na pondo,” ang sinabi pa rin ni Castro.
“Ang sinasabing P24 billion ay hindi binawas o kinansela, inilipat lang ito sa tamang ahensya para sa mas diretso, mas mabilis at mas malinaw na paglabas ng benepisyo lalo na para sa subsistence allowance ng uniformed personnel,” ang tinuran ni Castro.
“Buong-buo ang sahod at salary increases. Ang salary increases ng kasalukuyang civilian employees at uniformed personnel ay nasa budget ng mga kani-kaniyang ahensya. Walang delay, walang bawas, walang mawawala,” diing pahayag ni Castro.
“Hindi apektado ang pensyon ng uniformed personnel. Mananatiling buo ang pensyon, ang mga bagong magri-retire sa optional retirement ay dadaan pa rin sa umiiral na proseso,” aniya pa rin.
Siniguro pa ni Castro sa publiko na ” that safeguards are in place to cover any additional requirements for personnel, citing dedicated allocations within the 2026 General Appropriations Act (GAA) for Miscellaneous and Personnel Benefits Fund.”
“Kung kailangan naman ng karagdagang pondo para sa mga uniformed personnel na sumasailalim sa optional retirement, meron po tayong nakaantabay na pension and gratuity fund sa GAA,” ang sinabi pa ni Castro.
“Kung ang mga ito po ay magkulang, mayroon pa rin tayong contingent fund na maaaring matakbuhan. Huwag po tayo magpaninlang, ikalat natin ang katotohan,” dagdag na pahayag ni Castro. ( Daris Jose)

REP. TIANGCO: CO, ROMUALDEZ DAPAT MANAGOT SA 2025 NATIONAL BUDGET

Posted on: January 7th, 2026 by @peoplesbalita No Comments

NANAWAGAN si Navotas Representative Toby Tiangco sa publiko na huwag magambala sa kamakailang mga isyu sa Kongreso at tiyakin na sina Zaldy Co at Rep. Martin Romualdez ang mananagot sa pagsira sa 2025 national budget.
“Tuwang-tuwa siguro sina Zaldy Co at Rep. Martin Romualdez kasi parang nalilihis na ang isyu at hindi na pinag-uusapan ang korapsyon bunsod ng 2025 national budget,” pahayag ni Tiangco.
Suportado ni Tiangco ang lahat ng mga panawagan para sa transparency ngunit binigyang-diin ang pangangailangang i-renew ang pagtuon sa flood control scandal at kuwestiyonableng insertions sa 2025 badget.
“Yes to transparency pero sana huwag din nating kalimutan na panagutin ang mga sangkot sa isyu ng flood control at insertions sa 2025 national budget,” aniya.
Sinabi ni Tiangco na dapat simulan ng House of Representatives ang taon sa pamamagitan ng pagpapaskil sa opisyal nitong website ng badyet ng Department of Public Works and Highways (DPWH) sa bawat distrito ng kongreso, gayundin ang mga proyektong inendorso ng mga kinatawan ng party-list para sa 2026 GAA, upang maiwasang maulit ang kontrobersyal 2025 General Appropriations Act (GAA).
“Magiging magandang simula sa bagong taon kung finally, i-publish na ng Kongreso sa aming website ang mga project at mga proponent nito para sa 2026 GAA. Kapag ginawa ito ng kongreso, mawawala ang agam-agam ng mga tao dahil malinaw na makikita kung saan napunta ang budget at kung sino ang nagpanukala nito,” giit ni Tiangco.
“Bukod dito, maibabalik ang focus natin sa pag-imbestiga at pagfile ng kaso sa mga taong sangkot sa pagnanakaw sa kaban ng bayan,” dagdag niya.
Noong Nobyembre 21, inihayag ni Pangulong Ferdinand Marcos Jr. na may inilabas na warrant of arrest para kay Co at sa 17 iba pa, at ang Office of the Ombudsman ay pormal nang nagsampa ng mga kaso batay sa ebidensyang isinumite ng DPWH at ng Independent Commission for Infrastructure.
Humingi na rin aniya ang National Bureau of Investigation sa Interpol ng red notice para tumulong sa pag-aresto kay Co.
(Richard Mesa)

REVILLA, NAG-FILE NG COUNTER AFFIDAVIT

Posted on: January 7th, 2026 by @peoplesbalita No Comments

NAGTUNGO si dating Senador Ramon “Bong” Revilla sa Department of Justice (DOJ) upang maghain ng kanyang Counter-affidavit kaugnay sa umano’y walang basehan na alegasyon laban sa kanya .
Ayon kay Atty.Francesca Lourdes Señga, ang tagapagsalita ng dating senador , ang paghahain nila ng counter-affidavit ay upang direktang i-addressed ang baselines alegasyon dahil sa hindi credible at in complement evidence.
Si Revilla ay sinamahan ng reklamo ng National Bureau of Investigation (NBI) kaugnay sa umano’y maanomalyang flood control project sa Bulacan, kung saan sangkot ang Wawao Builders.
Giit ni Atty. Señga , sa katunayan base lamang aniya sa hearsays at galing sa incredible unbelievable at unreliable source.
“Yung mga ganitong complaint na pina-file na walang batayan eh para bang finile lang para lang mang harass o mang abala ng isang tao, indibidwal so, sa totoo lang yung mga ganitong complaint ayon sa batas at sa rules ng evidence hindi dapat itong paniwalaan dahil ito ay walang bigat at halaga”, pahayag ng abogado at tagapagsalita ng dating senador.
Naniniwala ang kampo ni Revilla na maibabasura at hindi na aabot pa sa korte ang reklamo.
Hindi na rin nagbigay pa ng pahayag si Revilla sa media. (Gene Adsuara)

Nangako ng transparency sa pagpapalabas ng pondo… PBBM, bineto ang P92.5B UB Unprogrammed Appropriations sa 2026 nat’l budget

Posted on: January 7th, 2026 by @peoplesbalita No Comments

INANUNSYO ni Pangulong Ferdinand R. Marcos Jr., araw ng Lunes ang kanyang desisyon na ibeto (veto) ang ilang items sa ilalim ng Unprogrammed Appropriations (UAs) na may kabuuang P92.5 billion sa 2026 national budget na inaprubahan ng Kongreso.
Sa pagsasalita sa isinagawang pagpirma sa 2026 General Appropriations Act (GAA) na nagkakahalaga ng P6.793 trillion, binigyang diin ni Pangulong Marcos na ang UAs ay dapat lamang na gamitin sa ilalim ng malinaw na tinukoy na mga kondisyon, na may mga pananggalang para maiwasan ang maling paggamit.
“To ensure that public funds are expended in clear service of national interests, I vetoed several items of appropriations with their purposes and corresponding Special Provisions under the UA, totaling almost PhP92.5 billion,” ang sinabi ni Pangulong Marcos.
Kinilala at tanggap ang suporta ng Kongreso na limitahan ang UA sa mahahalagang pangangailangan, winika ng Pangulo na mas binawasan pa niya ito sa antas na pinakamababa mula noong 2019.
“Let me be clear: the Unprogrammed Appropriations are not blank checks. We will not allow the Unprogrammed Appropriations to be misused or treated as a backdoor for discretionary spending,” ang tinuran ng Pangulo.
Sinabi pa ng Pangulo na ang UA “utilization is provided with safeguards and is only available when clearly defined triggers and tests are met and will be released only after careful validation.”
Ayon sa Pangulo, ipatutupad ang pansanggalang “without exception” upang pagsilbihan ang kapakanan ng publiko at isulong ang ‘national development goals’ ng bansa.
“We will make releases charged from the UA transparent, providing the necessary details on the funding source and the corresponding purpose,” dagdag na pahayag ng Pangulo.
Sa kabilang dako, inatasan naman ni Pangulong Marcos ang lahat ng kinauukulang ahensiya at departamento ng gobyerno na “to exercise prudent fiscal management to ensure uninterrupted quality public service.”
(Daris Jose)

RALLY KONTRA KORUPSYON, IKAKASA NI CHAVIT SINGSON

Posted on: January 7th, 2026 by @peoplesbalita No Comments

SA kanyang ‘The Grand Conspiracy’ (The Singson Revelations) kahapon ng umaga, Lunes, January 5 na ginanap sa Club Filipino, San Juan City sa harap ng iba’t ibang media people ay binanggit ni dating Governor Chavit Singson ang pangalan nina Pres. Bongbong Marcos Jr., Rep. Martin Romualdez, at Zaldy Co bilang ‘mastermind’ umano ng anomalya sa flood control projects.

Ayon sa presentation ni Singson, “Nilaglag ni Bongbong Marcos ang mga contractor at engineers… [pero] hindi niya binanggit sina Zaldy Co at Martin Romualdez.”
Dagdag pa nito,
“SINUNGALING NA PRESIDENTE ITO… MALIWANAG NA SINUNGALING. SILA NA ANG NAGNAKAW, SILA PA ANG HERO.”
‘Yan ang ilan sa maaanghang na naging pahayag ni Manong Chavit at gusto nang mapanagot ang mga tao sa likod ng katiwalian at korapsyon sa ating gobyerno.

Samantala, nanawagan din si former Governor Chavit na sumama sa ikakasa nilang ‘One Time, Big Time Rally’, laban sa katiwalian sa ating pamahalaan. Kakausapin pa raw niya ang mga religious groups at ang iba’t ibang grupo na makiisa sa panawagang ito lalo na ang mga kabataan na makilahok at manindigan upang tuluyan nang managot at matigil ang korapsyon sa ating bansa. “Naniniwala ako sa sinabi ng ating Pambansang Bayani na si Jose Rizal na nasa kabataan ang pag-asa ng ating bayan kaya hinihikayat ko silang manindigan sa katotohanan, para sa kanila ang ipinaglalaban nating ito,” pahayag ni Manong Chavit.
“After this, we will schedule a one-time, big-time rally at nakikiusap ako sa lahat ng religious organizations, lahat ng nagmamahal sa ating bansa, lahat ng ayaw sa katiwalian, graft and corruption…Inaanyayahan ko kayo pero magtatanong ako kung kailan ‘yon but it should be ASAP and we will march to Malacañang,” aniya pa.
Wala pang ibinigay na petsa ang dating gobernador, pero bukas siyang idaos ito sa Pebrero, kasabay ng paggunita sa anibersaryo ng EDSA Revolution.
“I would prefer kabataan ang magsabi ng date… Tumayo kayo, huwag kayong matakot dahil future n’yo ito.
Naniniwala rin si Manong Chavit na lahat ng kaganapan ngayon sa ating gobyerno ay nauulit na lamang. ‘HISTORY IS REPEATING ITSELF’
“I’m sure na matatanggal si Bongbong Marcos now, ngayon, the soonest possible time. Sigurado ‘yan matatanggal si Bongbong Marcos,” pahayag pa ni Singson
Naniniwala rin si Singson na Ang lahat ng ito ay stated that he believes it is “divine providence” that Marcos Jr. will be ousted this year, 40 years after Marcos Sr. was overthrown.
“This is a grand conspiracy! Niloloko lang tayo harap-harapan! Hindi na sinusunod ang Supreme Court. Harap-harapan nagnanakaw sila ng kaban ng bayan,” wakas na pahayag ni dating governor Singson.
(Mary Rose Antazo)

PBBM, opisyal nang tinintahan ang P6.79-T national budget para sa taong 2026

Posted on: January 7th, 2026 by @peoplesbalita No Comments

OPISYAL at pormal nang tinintahan ni Pangulong Ferdinand Marcos Jr., araw ng Lunes, ang P6.79-trillion national budget for 2026 ng Pilipinas at bineto ang ilang items na nakalagay sa ilalim ng unprogrammed appropriations (UA).
Habang ang mga proyekto sa ilalim ng UA ay itinuturing na “standby” dahil maaari lamang silang maisakatuparan kung “revenue collection exceed targets and when additional grants or foreign funds are generated,” ang mga items sa budget ay pinuna bilang panibagong uri ng ‘discretionary fund’ na vulnerable sa korapsyon.
“Several items under Unprogrammed Appropriations have been scrapped from the 2026 national budget as a result of the President’s decision to exercise veto powers,” ang sinabi ng Department of Budget and Management (DBM) sa isang kalatas.
“This is the part of the administration’s commitment to fiscal responsibility and accountability,” ang nakasaad pa rin sa kalatas.
Inilarawan naman ng administrasyon ang 2026 national budget bilang isang “decisive shift toward a people-centered development agenda that focuses on human capital and the aspirations of the next generation” kung saan ang edukasyon ay nananatiling makatatanggap ng pinakamalaking alokasyon with sa ilalim ng annual spending bill ng bansa.
Sa 2026, ang Education sector ang may pinakamalaking bahagi ng national budget na aabot sa PHP1.345 trillion. Katumbas ito ng 4.36 percent ng GDP ng bansa at sapat para maabot ng Pilipinas ang benchmark sa ilalim ng UNESCO Education 2030 Framework.
Kasama rin sa budget ang pondo para sa paglikha ng 32,916 teaching at 32,268 non-teaching plantilla positions sa mga pampublikong paaralan, pati na rin ang pagpapagawa ng 24,964 classrooms sa buong bansa.
Bilang bahagi ng layunin ng administrasyon na matiyak ang universal health care para sa bawat Pilipino, makakatanggap ang health sector ng pinakamalaking budget nito sa kasaysayan na PHP448.125 billion.
Magagamit ito para palakasin ang Universal Health Care Fund ng Department of Health (DOH), lalo na para sa Zero Balance Billing (ZBB), maagap na pagtugon sa communicable at non-communicable diseases, disease surveillance, mabilis na response mechanisms, sustainable health financing, at pagkuha ng karagdagang doctors at nurses sa buong bansa.
Inaasahan ding lalo nitong mapapalakas ang Philippine Health Insurance Corporation (PhilHealth).
May kabuuang PHP297.102 billion na ilalaan para sa Agriculture sector upang matiyak ang food security, gawing mas moderno ang supply systems, at palakasin ang kakayahan ng mga magsasaka at mangingisda.
Kasama rin dito ang mga investment sa Farm-to-Market Roads para mas gumanda ang kabuhayan ng mga magsasaka, bumaba ang gastos sa produksyon, at mapalakas ang ekonomiya sa mga rural na lugar.
Upang mapabuti ang kalidad ng buhay ng mga Pilipino, mabawasan ang kahinaan ng iba’t ibang sektor, at maprotektahan ang kanilang kapakanan, maglalaan ang pamahalaan ng PHP270.189 billion para sa social services sector sa 2026.
May malaking dagdag din sa pondo para sa Local Government Units (LGUs) sa 2026 national budget upang mas matugunan ang mga pangangailangan sa lokal na antas at mapabuti ang buhay sa bawat komunidad.
Palalakasin ang Local Government Support Fund (LGSF) para sa pagpapatuloy ng mga programang naglalayong bumuo ng ligtas at matatag na mga komunidad. Bukod dito, may PHP15.33 billion ding inilaan para sa Disaster Rehabilitation and Reconstruction Assistance Program sa ilalim ng National Disaster Risk Reduction and Management Fund (NDRRMF).
Patuloy ring bibigyang-halaga ng 2026 national budget ang kapakanan ng military at uniformed personnel (MUP). Sa bisa ng Executive Order No. 107, s. 2025, tataas ang base pay at subsistence allowance ng MUP simula 2026.
Ipinapakita rin ng pagpasa ng 2026 national budget ang pagsulong ng transparency sa proseso ng budgeting. Sa kauna-unahang pagkakataon, na-livestream ang mga proceedings ng Bicameral Conference Committee upang mapataas ang tiwala ng publiko at mapalakas ang pananagutan sa paggastos ng pondo ng bayan. (Daris Jose)

Eala at Jovic, pinataob sina former no. 1 Williams at Svitolina NAGHATID ng makasaysayang panalo sina Alexandra “Alex” Eala ng Pilipinas at Iva Jovic ng Estados Unidos matapos nilang talunin ang mga batikang manlalaro na sina Venus Williams at Elina Svitolina sa doubles match ng ASB Classic 2026 sa Auckland, New Zealand.

Posted on: January 7th, 2026 by @peoplesbalita No Comments

Sa score na 7–6(7), 6–1, pinatunayang handa ang dalawang kabataang tennis stars na makipagsabayan sa mga beteranong kalaban.

Si Eala, 20 taong gulang at kasalukuyang nasa World No. 53, ay patuloy na umaangat sa ranggo matapos ang matagumpay na kampanya noong 2025 kung saan nakapasok siya sa ikatlong round ng US Open.
Samantala, si Jovic na 18 taong gulang at World No. 35, ay isa ring rising star na nakilala sa kaniyang matatag na performance sa junior circuit.

Ang kanilang panalo ay nagbigay daan sa quarterfinals ng doubles event, na nagsilbing malakas na simula para sa kanilang 2026 season.

Si Williams, dating World No. 1 at may pitong Grand Slam titles, at si Svitolina, kasalukuyang World No. 14, ay itinuturing na mabibigat na kalaban, kaya’t lalong naging makabuluhan ang tagumpay ng duo.

Ayon sa mga analyst, ang panalo laban sa mga tanyag na pangalan ay magbibigay ng kumpiyansa kay Eala sa kanyang paghahanda para sa Australian Open 2026.
Sa kabuuan, ang kanilang tagumpay ay simbolo ng bagong henerasyon ng mga manlalaro na handang manguna sa pandaigdigang tennis.

Wizards, dumanas ng 26-point loss sa kamay ng Wolves

Posted on: January 7th, 2026 by @peoplesbalita No Comments

NILAMPASO ng Minnesota Timberwolves ang Washington Wizards, 141 – 115.

Sa pagharap ng dalawa ngayong araw, gumamit ang Wolves ng impresibong 56.1% field goal percentage at ipinasok ang 55 field goals mula sa 98 na pinakawalan.

Sa 141 points na naipasok ng Minnesota, 76 o mahigit kalahati nito ay mula sa paint area.

Mula simula, hanggang sa huling bahagi ng laban, hindi na nakaganti ang Washington at dinanas ang 26-point deficit sa pagtatapos ng laban.

Muling nanguna sa panalo ng Wolves ang bagitong guard na si Anthony Edwards na nagpasok ng 14 field goals sa kabuuan, anim dito ay pawang mga 3-pointer.

Panibagong double-double din ang ginawa ni Wolves bigman Rudy Gobert sa kaniyang 18 pts, 14 rebounds.

Nanantili pa rin ang malamiyang depensa ng Wizards sa muli nitong pagkatalo lalo na sa rebounding, kung saan tanging 35 rebounds lamang ang nakuha ng koponan kontra sa 55 rebs ng Minnesota.

Umabot pa sa 37 points ang pinakamataas na lead ng Minnesota, hanggang sa tuluyan na ring pinagpahinga ng koponan ang mga starter nito at hinayaan ang mga bench player na tapusin ang laban.

Ito na ang ika-25 pagkatalo ng Washington ngayong season.