MALUGOD na tinanggap ng Lungsod ng Navotas ang 234 bagong skilled workers kasunod ng kanilang pagtatapos mula sa Navotas Vocational Training and Assessment (NAVOTAAS) Institute nitong Setyembre 25, 2025.

Sa NAVOTAAS Institute Main, 20 trainees ang nakatapos ng Automotive Servicing I, at 22 naman ang nakatapos ng Shielded Metal Arc Welding II.

Habang sa NAVOTAAS Institute Annex I, 25 trainees ang nagtapos sa Bread and Pastry Production NC II, 14 sa Dressmaking NC II, at 31 sa Basic Korean Language and Culture.

Bukod dito, ang NAVOTAAS Institute Annex II ay may 26 na nagtapos sa Barista NC II, 23 sa Food and Beverage Services NC II, 21 sa Massage Therapy, 27 sa Housekeeping II, at 25 sa Bread and Pastry Production NC II.

Sa kanyang mensahe, binati ni Mayor John Rey Tiangco ang mga nagsipagtapos sa kanilang pagpupursige at determinasyon na matuto.

“You didn’t just learn a skill, you invested in your future,” ani Tiangco.

“Each of you now carries a toolset that can open doors to employment or business. Whether it’s in a workshop, a café, a wellness center, or even overseas, the skills you have earned will serve as your passport to better opportunities,” dagdag niya.

Binigyang-diin din ni Tiangco ang patuloy na suporta ng pamahalaang lungsod para sa mga programang nagpapahusay sa kakayahang magtrabaho at economic independence.

“We will always stand behind you, committed to creating more opportunities that uplift lives through education and livelihood,” aniya.

Ang Navotas ay kasalukuyang nagpapatakbo ng tatlong training centers sa ilalim ng NAVOTAAS Institute, na nag-aalok ng libreng technical at vocational courses.

Mula ng ilunsad, ang NAVOTAAS Institute ay nakatulong sa libu-libong Navoteños na makakuha ng mga certifications na kinikilala sa bansa sa ilalim ng Technical Education and Skills Development Authority (TESDA) na humantong sa lokal at overseas employment, small business ventures, at further vocational advancement.

Maaaring mag-aral ang Navoteños ng libre habang ang hindi residente ay welcome na mag-enroll upon payment of the applicable fee. (Richard Mesa)

LAGLAG sa selda ang dalawang lalaki na suspek sa pagpatay ng isang transgender woman sa Valenzuela City matapos masakote ng pulisya sa ikinasang hot-pursuit operation sa Tondo, Manila.

Iniharap ni Valenzuela Police Acting Chief P/Col. Joseph Talento kay Mayor Wes Gatchalian ang naarestong mga suspek na kinilala sa alyas “Coy-Coy”, 27, helper, at Alyas “Jay”, 27, construction worker, kapwa residente ng Tondo, Manila.

Ayon kay Col. Talento, dakong alas-11:20 ng gabi noong September 22, 2025 nang madiskubre ang nakahubad at walang buhay na katawan ng biktimang si alyas “Christine”, 44, therapist, sa loob ng kanyang inuupahang apartment sa Brgy. Malanday at nagtamo ng saksak sa kanang bahagi ng leeg at dibdib.

Narekober ng pulisya sa crime scene ang dalawang kitchen knife, isang puting t-shirt at isang six pocket short pants na pawang may mga bahid ng pulang mantsa.

Huling nakitang buhay ang biktima bandang 10:20 ng gabi noong Setyembre 21, nang dumating ito sa kanyang apartment mula sa trabaho hanggang sa makarinig na lamang ang mga kapitbahay at nangungupahan ng mga ingay at kalabog mula sa unit ng nasawi sa pagitan ng 11:30 ng gabi at 12:00 ng hating gabi.

Kaagad namang iniutos ni Col. Talento ang masusing imbestigasyon para sa posibleng pagkakilanlan sa mga salarin at sa tulong ng ilang mga saksi at isinagawang pagsusuri sa mga CCTV footage ay natukoy ng pulisya ang mga suspek.

Positibo ring kinilala ng dalawang saksi ang mga suspek na nakita sa CCTV na umalis sa naturang apartment noong nakaraang gabi bago matagpuan ang bangkay ng biktima.

Nakita rin sa CCTV na ang narekober na t-shirt at short pants sa crime scene ay suot ng suspek na si alyas Coy-coy habang patungo sa apartment ng biktima at nang muli itong makita na paalis na sa lugar ay nakasuot na siya ng ibang damit.

Sa isinagawang hot-pursuit operation ng mga operatiba ng Station Investigation and Detective Management Section (SIDMS) sa pangunguna ni P/Capt. Robin Santos ay naaresto ang mga suspek dakong alas-3:00 ng madaling araw ng September 24, sa Pilar Street, Tondo, Manila.

Inihanda na ng pulisya ang isasampa nilang kasong Murder (Article 248, Revised Penal Code) laban sa mga suspek sa Valenzuela City Prosecutor’s Office. (Richard Mesa)

PITONG Chinese at isang Taiwanese national ang inaresto sa isang mining site sa Sitio Dimakawal, Barangay Bukal Norte, Dinapigue, Isabela ayon kay Bureau of Immigration (BI) Commissioner Joel Anthony Viado.

Isinagawa ang operasyon ng BI Intelligence Division (ID) Regional Intelligence Operations Units (RIOU sa Cordillera Administrative Region, Regions 2 and 3, BI-ID Main Office, katuwang ang Armed Forces of the Philippines, National Bureau of Investigation–Isabela District Office, Philippine Navy, Philippine Army, Dinapigue Isabela Police Station, at iba’t ibang government intelligence forces.

Ayon kay BI Intelligence Division Chief Fortunato Manahan Jr. na nag -ugat ang operasyon dahil sa sumbong na may mga dayuhan ang nagtatrabaho sa nasabing minahan.

Ang nasabing mga dayuhan ay inaresto dahil sa paglabag sa Philippine Immigration Act of 1940 dahil sa pagtatrabaho na walang kaululang working permit at pagtatrabaho sa labas ng kanilang kumpanya.

“Illegal mining not only destroys our environment but also deprives our country of valuable natural resources,” ayon kay Viado . “Foreign nationals who come here to exploit our land without respect for our laws will face arrest, detention, and deportation. This is a clear message that the Philippines will not tolerate such activities,” dagdag pa niya.

Ang kanilang pagkakaaresto ay kasunod ng naunang pagsalakay sa isa pang minahan sa Masbate kung saan 9 na Chinese national ang inaresto.

Ang walong inaresto ay inilipat sa Maynila para sa booking at saka dadalhin sa BI detention facility sa Taguig. (Gene Adsuara)