2025 September 09 Archive - People's Balita

Archive for September 9th, 2025

Dating DPWH engineer, humiling sa Kamara na huwag pabalikin sa Senado

Posted on: September 9th, 2025 by @peoplesbalita No Comments

HINILING ng isang dating engineer ng Department of Public Works and Highways (DPWH) na nasa ilalim ng Senate custody sa House Infra Comm na huwag na siyang pabalikin sa senado dahil may ilang sangkot na senador umano sa maanomalyang flood control projects.

“Pwede ho bang ‘wag n’yo na po ako ibalik sa Senate, Your Honor, kasi may mga involved pong senador dito at hindi ko po alam ang magiging kapalaran ko kung ibalik niyo ako doon,” pahayag ni Brice Ericson Hernandez, na una nang na-cite in contempt ng Senate Blue Ribbon Committee.

Tumestigo si Hernandez na ang kanyang dating boss na si Henry Alcantara, ang nagpakuha ng pera na nakakahon ngunit hindi niya alam kung sa kanya napunta lahat iyon.

Nang tanunging kung si Alcantara ang tanging tumanggap, sinabi ni Hernandez na hindi niya mapangalanan ang iba dahil sa pangamba sa kanyang buhay at sa kanyang pamilya.

“Siyempre natatakot din po ako sa buhay ko at sa pamilya ko kasi hindi naman po birong tao ‘yung mga taong involved dito,” pahayag nito.

Siniguro naman ni Ako Bicol Party List Rep. Alfredo Garbin Jr. kay Hernandez na proteksyon. “Engineer Hernandez, you will be protected by this committee as long as you will say the truth,” anang mambabatas.

Sa pagdinig, pinangalanan ni Hernandez sina Senador Jinggoy Estrada at Joel Villanueva na sangkot umano sa anomalya.

Ang Infra Comm ay binubuo ng House Committees on Public Accounts, Public Works and Highways, at Good Government and Public Accountability ay nagsasagawa ng imbestigasyon sa umano’y ghost at substandard flood control projects. (Vina de Guzman)

Itinanggi ng contractor na si Curlee Discaya na may direkta siyang transaksyon kina Speaker Romualdez at Ako Bicol party-list Rep. Zaldy Co

Posted on: September 9th, 2025 by @peoplesbalita No Comments

ITO ang naging pahayag ni Discaya sa pagdinig ng House Infra Committee ukol sa maanomalyang flood control projects.

Kaugnay ito sa pahayag ni Discaya sa pagdinig ng senado kung saan nabanggit ang pangalan nina Romualdez at iba pang mambabatas ukol sa kickbacks sa mga government infrastructure projects.

Agad naman itong itinanggi nina Romualdez at kasamahan nitong mambabatas at dating kongresita.

Sa pagdinig ng Kamara, sinabi nito na kaya nabanggit ang pangalan nina Speaker at Co ay dahil iyon ang sinasabi o kaya ay ginagamit ang pangalan ng mga nakausap niya.

“Baka po nagagamit lang po ng mga pulitiko ang kanilang pangalan… pero wala po akong direct na unawa o capacity na masabi na kay Speaker talaga napupunta ‘yun o kay Zaldy Co. Pero ‘yun ang binabanggit ng mga pulitikong kausap ko,” ani Discaya.

(Vina de Guzman)

Online seller, 1 pa huli sa aktong nagtatransaksyon ng droga sa Caloocan

Posted on: September 9th, 2025 by @peoplesbalita No Comments

SA kulungan ang bagsak ng dalawang drug suspects matapos mahuli sa akto na nagtatransaksyon ng illegal na droga sa Caloocan City.

Sa kanyang report kay Northern Police District (NPD) Acting District Director P/BGen. Jerry Protacio, kinilala ni Caloocan Police Acting Chief P/Col. Joey Goforth ang mga suspek na sina alyas “Ryan”, 29, online seller at alyas “Gorge”, 19, helper.

Ayon kay Col. Goforth, nakatanggap ng tip mula sa isang concerned citizen ang mga tauhan ng Bagong Barrio Police Sub-Station 5 hinggil sa nagaganap umanong illegal drug activities sa M. Ponce Street, Barangay 132.

Kaagad namang rumesponde sa lugar ang mga tauhan ng SS5 at naaktuhan nila ang mga suspek na nag-aabutan umano ng droga na nagresulta sa pagkakaaresto sa kanila dakong alas-2:00 ng madaling araw.

Nasamsam sa mga suspek ang dalawang plastic sachets na naglalaman ng nasa 5.18 grams ng hinihinalang shabu na may standard drug price value na P35,224.

Mahaharap ang mga suspek sa kasong paglabag sa R.A 9165 o ang Comprehensive Dangerous Drug Act of 2002. (Richard Mesa)

https://share.google/images/8qhyztvF0hJ2gesls

News 2

Dating DPWH engineer, humiling sa Kamara na huwag pabalikin sa Senado

Tumestigo si Hernandez na ang kanyang dating boss na si Henry Alcantara, ang nagpakuha ng pera na nakakahon ngunit hindi niya alam kung sa kanya napunta lahat iyon.

Nang tanunging kung si Alcantara ang tanging tumanggap, sinabi ni Hernandez na hindi niya mapangalanan ang iba dahil sa pangamba sa kanyang buhay at sa kanyang pamilya.

“Siyempre natatakot din po ako sa buhay ko at sa pamilya ko kasi hindi naman po birong tao ‘yung mga taong involved dito,” pahayag nito.

Sa pagdinig, pinangalanan ni Hernandez sina Senador Jinggoy Estrada at Joel Villanueva na sangkot umano sa anomalya.

Buntis, pinagsasaksak ng adik na live-in partner sa Navotas

Posted on: September 9th, 2025 by @peoplesbalita No Comments

MALUBHANG nasugatan ang pitong-buwang buntis na bebot matapos pagsasaksakin ng kanyang live-in partner na umano’y nasa impluwensiya ng bawal na droga sa Navotas City.

Nakaratay habang ginagamot sa Navotas City Hospital ang 18-anyos na biktimang si alyas “Marie” habang naaresto naman kaagad ni PCMS Roberto Santillan ng Navotas Police Patrol Base-2 ang suspek na si alyas “Kevin”, 32, na umano’y nahuhumaling sa ilegal na droga.

Sa report ni Pat. Noriza Panogalinga kay Navotas police chief P/Col. Renante Pinuela, habang naliligo ang biktima sa banyo ng kanilang tirahan sa B. Cruz St. Tangos North pasado alas-12:00 ng tanghali, nang biglang pumasok ang suspek na armado ng patalim at magkakasunod na inundayan ng saksak ang biktima sa iba’t ibang bahagi ng katawan at leeg.

Nagsisigaw naman na humingi ng saklolo si ‘Marie’ at nang banggitin niya ang salitang “Love”, dito lang itinigil ng suspek ang pananaksak kaya nagawang makatakbong palabas ng banyo ang biktima.

Sumaklolo naman ang lalaking kapatid ng suspek na agad isinugod ang biktima sa naturang pagamutan habang kaagad namang naaresto ang suspek dahil sa mabilis na pagresponde ni PCMS Santillan.

Ayon sa pulisya, sinabi ng suspek na tila may bumubulong sa kanya na gawin ang krimen at hindi niya alam na kinakasama niya ang kanyang nasaksak.

Patuloy namang inoobserbahan ng mga doktor ang kalagayan ng biktima, pati na ang sanggol sa sinapupunan, habang sinampahan ng kasong frustrated homicide in relation to Anti Violence Against Women and their Children Act ang suspek sa Navotas City Prosecutor’s Office. (Richard Mesa)

Independent commission, hindi makikialam sa nagpapatuloy na Congress inquiries- Bersamin

Posted on: September 9th, 2025 by @peoplesbalita No Comments

SINABI ni Executive Secretary Lucas Bersamin na hindi makikialam ang itatayong independent commission ni Pangulong Ferdinand Marcos Jr. sa nagpapatuloy na House at Senate inquiries sa kontrobersiyal na flood control projects.

Ang lilikhaing independent commission ay nakatutok lamang na imbestigahan ang maanomalyang proyekto.

Tinukoy ni Bersamin ang nakatakdang pagpapalabas ng Executive Order (EO) na magtatatag ng independent commission para imbestigahan ang nagpapatuloy na substantard, kung hindi man ghost flood control projects.

“Thank you for this opportunity to say something about this statement of the President. We do confirm that we are working on an Executive Order that will deliver on what the President has started in the SONA (State of the Nation Address),” ayon kay Bersamin sa isinagawang presentasyon ng Office of the President (OP) sa panukala nitong P27 billion budget para sa 2026 sa House appropriations panel.

Matatandaang noong pang-apat na SONA ng Pangulo, nangako ang Chief Executive hahagupitin niya ang mga public officials na nakinabang mula sa infrastructure projects ng gobyerno kabilang na ang flood control projects.

“We are not yet sure when we will come out with an independent commission or body that would continue the query or inquiry into the issues that were raised in his SONA, as well as in later statements that the President made. We do not want to preempt the Congress, especially this House, from doing its own….taking the initiative…also in this respect. We will not be a hindrance there,” ayon kay Bersamin.

“The initial discussions in the Executive is that whatever commission is created by the presidential fiat would have a timeline, a sunset [provision]. And it becomes your privilege to look at it in the same way and maybe pass a law or laws regarding the investigation of these anomalies,” aniya pa rin.

Winika pa ni Bersamin, dating Chief Justice, na ang isinasagawang imbestigasyon ng Kongreso ay bahagi ng oversight function nito.

“This EO [on flood control probe] will not be barring you from doing that because that is your institutional responsibility also. So that is the light in which we would like you to see this proposed EO that the Executive may come out with,” ang dagdag na pahayag ni Bersamin.

(Daris Jose)

Mga kumpanya ng Discaya, inalis mula sa opisyal na listahan ng PhilGEPS, mas maraming kumpanya nahaharap sa ‘ban’

Posted on: September 9th, 2025 by @peoplesbalita No Comments

PINAGBAWALAN na ng Department of Budget and Management (DBM) ang mga kontratista na nauugnay sa maanomalyang flood control projects mula sa government procurement.

Tugon ito sa naging direktiba ni Pangulong Ferdinand Marcos Jr., na agad na i-blacklist ang mga tiwaling kompanya.

Sinabi ni DBM Secretary Amenah Pangandaman na kinansela na ng Procurement Service-DBM (PS-DBM) ang Philippine Government Electronic Procurement System (PhilGEPS) ang membership ng 9 na kumpanya na nauugnay sa negosyanteng si Cezarah Rowena “Sarah” Discaya.

Naghahanda rin ang PS-DBM na alisin ang mas maraming kompanya kabilang na ang SYMS Construction Trading and Wawao Builders— mula sa registry, sa oras na magpalabas na ang Department of Public Works and Highways (DPWH) ng opisyal na blacklisting orders.

Ang hakbang na ito ay naaayon sa New Government Procurement Act (Republic Act 12009), na may mandato na sa oras na i-blacklists ng implementing agency ang isang kontratista, ang PhilGEPS membership ay dapat na ipawalang-saysay o bawiin, epektibong idiskuwalipika ang kumpanya mula sa lahat ng government bidding activities.

Ang PhilGEPS ay pangunahing channel para sa government procurement transactions.

Nauna rito, nangako si Public Works Secretary Vince Dizon na idi-diskuwalipika ang mga kontratista na nasa likod ng substandard o non-existent flood control projects na nagkakahalaga ng milyong piso.

Sinabi naman ni PS-DBM Executive Director Genmaries “Gen” Entredicho-Caong na ang ahensiya ay nananatiling committed sa ‘transparency at accountability.’

Samantala, nagpulong sina Pangandaman at Dizon para rebisahin ang panukalang 2026 DPWH budget, bilang bahagi ng mas pinalawak na reporma na naglalayong ibalik ang public trust sa government spending.

(Daris Jose)

EO para sa flood works probe commission, nakahanda na para tintahan ng Pangulo- ES Bersamin

Posted on: September 9th, 2025 by @peoplesbalita No Comments

NAKAHANDA na ang executive order (EO) na lilikha ng isang independent commission na magi-imbestiga sa di umano’y flood control projects.

Sinabi ni Executive Secretary Lucas Bersamin na ang panukalang komisyon ay sumailalim sa “seryosong pag-aaral” at nakikita na makapagbibigay sa publiko ng kapani-paniwalang mekanismo para suriing mabuti ang mga iregularidad.

“We expect that in its final form, the executive order will be welcomed by the people because that is what we are doing, everything for the people,” ang sinabi ni Bersamin sa isang panayam sa Villamor Air Base sa Pasay City.

Hindi naman nagbigay ng iba pang detalye si Bersamin ukol sa independent commission.

Tumanggi naman si Bersamin na kumpirmahin kung pumayag si Baguio City Mayor Benjamin Magalong na magsilbi sa komisyon, sinabi na ang pagiging kasapi ng komisyon ay ‘prerogative’ ng Pangulo.

Samantala, paunang tututukan ng independent body ng mga kuwestiyonableng flood control projects, subalit nauna nang sinabi ng mga opisyal na palalawigin ang saklaw kabilang na ang infrastructure projects na pinuna ng publiko. (Daris Jose)

Hinarangan man ng sibat: Budget ng OP, inaprubahan ng House Appropriations Committee

Posted on: September 9th, 2025 by @peoplesbalita No Comments

INAPRUBAHAN ng House Appropriations Committee ang P27.362-billion budget ng Office of the President, sa botong 56-5.

Ito’y sa kabila ng ginawang pagkontra ng ilang opposition lawmakers sa motion to terminate para sa pagdinig ng OP budget bilang paggalang sa “institutional and parliamentary courtesy.”

Para sa limang mambabatas mula sa minorya, dapat umanong hayaan ang pagbusisi sa pondo ng Office of the President dahil pera ito ng taumbayan. Si House Minority Leader and 4Ps Party-list Rep. Marcelino Libanan first moved to terminate the proceedings out of tradition, “subject to the clarifications and questioning of the members of the House after the motion has been approved.”

Nauna rito, nagpahayag si Executive Secretary Lucas Bersamin na may ilang miyembro ng Mababang Kapulungan ng Kongreso ang nagtangka na ibaling ang sisi sa executive branch ng kanilang pansariling korapsyon at pagkabigo.

Nilinaw pa ni Bersamin na ang pahayag niyang ito ay hindi para pahiyain at siraan ang Kongreso.

“Any part of that statement is our statement. We will not shirk from that or avoid the impact. But we would like to emphasize today that that statement was more to stress our institutional separation from the House of Representatives,” ayon kay Bersamin.

“We do not intend that to rile up the tension between our departments, and as we emphasized in our opening statements, we come here seeking your support for our institutional budget. There is nothing malicious intended or to malign the House of Representatives,” aniya pa rin.

Kinumpirma ni Bersamin na ginagawa na ng Office of the President ang executive order (EO) para sa paglikha ng independent body para imbestigahan ang maanomalyang flood control projects.

Ang Pangulong Ferdinand Marcos Jr., aniya ngayon ay nasa Cambodia subalit siniguro nito sa panel na mayroong developments sa oras na bumalik na ito ng bansa.

“The objective is to do as he had promised, to come out with an independent commission or body that would continue the inquiry into the issues that were raised in his SONA (State of the Nation Address), as well as in later statements that he made,” ayon kay Bersamin.

Aniya pa, hindi pangungunahan ng EO ang Kongreso sa pagsasagawa ng sarili nitong imbestigasyon, o hadlangan ang Kongreso mula sa pagpapalabas ng batas na lilikha ng independent investigation body.

Si Deputy Speaker at Isabela 6th District Rep. Faustino “Bojie” Dy III ang gumawa ng ‘motion to terminate the proceedings.

“In line with the long-standing tradition of extending institutional courtesy to the Office of the President, I move to terminate the budget deliberations on the proposed budget of the Office of the President without prejudice to the Constitutional authority of Congress to review, amend or deny any item in the general appropriations bill,” anito.

Ang hakbang ay kagyat na sinegundahan at pinagbotohan.

(Daris Jose)

PBBM walang pagsisisi na manungkulan bilang Pangulo ng bansa, tinawag itong ‘greatest privilege’

Posted on: September 9th, 2025 by @peoplesbalita No Comments

HINDI nagsisisi si Pangulong Ferdinand Marcos Jr. na naging Pangulo siya ng Pilipinas.

Sa katunayan, tinawag niya itong “greatest privilege” upang magawang aksyunan ang mga usapin at bunutin ang para sa kanya’y lantaran at malalim na pagkakaugat ng korapsyon sa bansa.

“No, not for one moment,” ang tugon ni Pangulong Marcos nang tanungin kung pinagsisisihan ba niya na maging Pangulo ng bansa sa isang exclusive interview ni Vicky Morales na inere sa “24 Oras Weekend” ng GMA, araw ng Linggo.

“I am given the opportunity to actually—the privilege, the opportunity, and the chance to actually do something. All of the things that I complained about all my life, now I can do something about it. And that is the greatest privilege that anyone can be granted, so no, I don’t regret it,” dagdag na pahayag ng Pangulo.

Inamin ng Pangulo na nagulat siya na ang korapsyon ay tila nagiging normal na, may ilang nagpapatuloy na imbestigasyon sa maanomalyang flood control projects na iniuugnay sa ilang mambabatas.

“Nung ako ay governor, hindi ganito. At bukod pa sa laki ng halaga ng nakukuha ng kung sino-sino na tao na wala namang karapatan na bulsahin ang pera na ‘yan, bukod pa roon, ay hindi nila tinatago. Garapal na po,” ayon sa Pangulo.

Nauna rito, inatasan ni Pangulong Marcos ang Department of Budget ang Management (DBM) at ang Department of Public Works and Highways (DPWH) na magsagawa ng sweeping review sa budget ng ahensiya para sa fiscal year 2026.

Ang direktiba ng pangulo ay bunsod sa isinawalat nina Deputy Speaker Ronaldo Puno at Marikina Representative Marcelino Teodoro na mayroong mga kwestiyonableng programa ang naisingit sa 2026 national budget.

Matatandaang sa pang-apat na State Of the Nation Address (SONA) ni Pangulong MArcos, sinabi nito na “Mahiya naman kayo sa inyong kapwa Pilipino.”

Ipinamukha ito ng Pangulo sa mga opisyal at empleyado ng gobyerno na nagnanakaw ng pondo na nakalaan para sa infrastructure projects, gaya ng flood control projects.

Nauna rito, inilunsad naman ni Pangulong Marcos ang “Sumbong sa Pangulo” website na maaaring magamit ng taumbayan upang direktang maiparating sa Pangulo ang sumbong sa mapapansin nilang kapalpakan sa nasabing proyekto.

“There’s hope. Have hope. We’ve seen all of what people are complaining about or having to live with,” ang sinabi ni Pangulong Marcos.

“Yung kailangan ninyong pagtiyagaan, pagtiisan na araw-araw niyong mga buhay, alam namin ‘yun. At lahat ng aming gawin na kayang gawin, ginagawa namin pero ‘yun na nga ‘yung na—babalik na naman ako doon sa nasabi ko kanina na ang lalim ng kalawang. Ang lalim ng bulok,” ang winika nito. (Daris Jose)

Alex Eala naghahanda para sa torneo sa Brazil

Posted on: September 9th, 2025 by @peoplesbalita No Comments

AGAD na sasabak sa torneo sa Brazil si Pinay tennis star Alex Eala mataposang unang titulo niya sa WTA 125.

Magtutungo ito sa Sao Paulo, Brazil para sa SP Open na magsisimula mula Setyembre 8 hanggang 14.

Sa nasabing torneo ay seeded number 3 ito at makakaharap niya ang qualifier sa Round of 32.

Habang seeded number 1 naman si Beatriz Haddad ng Brazil at seeded number 2 naman si Solana Sierra ng Argentina.

Maglalaro din sa Brazil sina Panna Udvardy ang nakaharap ni Eala sa Guadalajara 125 Open ganun din si Arianne Hartono ng the Netherlands.

Ang SP Open ay WTA 250 event na bahagi ng official WTA tour.