NAARESTO ng mga operatiba ng Bureau of Immigration (BI) ang isang Nigerian national na wanted ng federal authorities sa US dahil sa cybercrimes kung saan ang mga biktima nila ang mga retired military servicemen na mga Amerikano.

Kinilala ni Immigration Commissioner Joel Anthony Viado ang suspek na si Ahmed Kamilu Alex, 35 na inresto sa Panay Avenue, Bgy. Paligsahan, Quezon City ng mga operratiba ng BI fugitive search unit sa bisa ng mission order na kanyang inisyu sa kahilingan ng US government na hiniling ang kanyang deportasyon sa US.

Si Alex ay nasa wanted list ng BI noong pang August nang ilagay ang kanyang panaglan sa immigration blacklist dahil sa pagtatago.

His illegal activities were earlier reported to the Department of Justice by the US Defense Criminal Investigative Services which was subsequently endorsed to the BI for law enforcement action.

Base sa datos ng U authorities, si Alex at dalawang kasapakat nito ay nagsabwatan sa cyber fraud scheme sa pamagitan ng pekeng websites kung saan pinapagbayad nila ang kanilang mga biktima na karamihan ay mga military personnel ng halagang US500 hanggang US$48,500 kapalit ng kanilang pagpoproseso sa kanilang emergency leave requests. GENE ADSUARA

PINURI ni Pangulong Ferdinand R. Marcos Jr. ang Metrobank Foundation Outstanding Filipinos ngayong taon, pinagkapurihan niya ang mga ito dahil sa pagpapakita ng kung ano talaga ang ibig sabihin ng “Bagong Pilipino.”

“You are the new faces of public service—dedicated, selfless, and committed to excellence—the living examples of what it truly means to be a Bagong Pilipino,” ang sinabi ni President Marcos sa kanyang naging talumpati sa awarding ceremony sa Palasyo ng Malakanyang.

Pinangunahan naman ni Pangulong Marcos ang awarding o pagbibigay-parangal ng Medallion of Excellence sa 10 Metrobank Foundation Outstanding Filipinos ngayong taon.

Ang 10 Outstanding Filipinos na pinarangalan ay ang mga guro na sina Ma. Ella Fabella at Franco Rino Apoyon; professors Dr. Maria Regina Hechanova-Alampay at Dr. Decibel Faustino-Eslava.

Philippine Navy (PN) SSG Michael Rayanon; at Philippine Army (PA) Major Ron Villarosa Jr.; PN Captain Salvador Sambalilo; Police Officers SSG Llena Sol-Josefa Jovita; Major Mark Ronan Balmaceda; at Lt.Col. Bryan Bernardino ay pinarangalan din.

“It is always a privilege to stand here and give credit to those who embody the finest qualities that we aspire for: patriotism, integrity, courage, and social responsibility,” ang sinabi ni Pangulong Marcos.

Pinaalalahanan din ng Pangulo ang mga awardees na ang kanilang medallion ay magsisilbi bilang kanilang determinasyon para sumulong habang nagtatakda ang mga ito ng kanilang ‘high standard’ sa public service.

“These honors are a testament to the remarkable heights each of you has reached. Whether you are educating our young, defending our borders, or keeping our communities safe, you have gone beyond what is ordinary. And for that, you deserve nothing less than our highest admiration,” ayon sa Pangulo.

Ang bawat awardee aniya ay makatatanggap ng P1 million cash prize, “The Flame” trophy, and a Medallion of Excellence. Non-winning finalists will be given P50,000 cash incentive, and certificate of recognition.” aniya pa rin.

Ang mga Non-winning semi-finalists naman ay makatatanggap ng cash incentive na nagkakahalaga ng P20,000 at certificate of recognition. (Daris Jose)

NAKAHANDA na ang transport sector ng bansa para sa inaasahang pagdagsa ng mga pasahero sa panahon ng pagdiriwang ng All Saints’ Day at All Souls’ Day ngayong linggo.

Sa press briefing sa Malaanyang, araw ng Lunes, sinabi ni Transportation Secretary Jaime Bautista na ang Department of Transportation (DOTr) at iattached agencies nito ay nagsagawa ng kinakailangang paghahanda sa inaasahang pagtaas ng bilang ng mga byahero sa ‘airports, seaports, at bus terminals.’

“Ang Department of Transportation together with the other attached agencies – ang CAAP (Civil Aviation Authority of the Philippines), and PPA (Philippine Ports Authority), MIAA (Manila International Airport Authority), and Cebu International Airport – we are getting ready for the Undas Biyahe,”ayon kay Bautista.

“Every year we have this Oplan Biyaheng Ayos para sa ating mga mananakay. So, ready tayo. Katulong din natin diyan ang Philippine Coast Guard,” dagdag na wika nito.

Sinabi pa ng Kalihim na milyong pasahero ang inaasahan na magba-byahe sa iba’t ibang lalawigan ngayong linggo.

“Actually, millions ‘yung tinitingnan natin. Every year naman millions ‘yung estimate natin. Siguro ‘yun lang bus passengers lang natin aabutin ‘yan mga 1 to 1.5 million passengers. Airports and seaports siguro easy diyan mga three million ang magbi-biyahe,”ang sinabi pa ni Bautista.

Tinuran pa ni Bautista na ang lahat ng airports at seaports sa bansa ay kasalukuyang operational sa kabila ng epekto ng Severe Tropical Storm Kristine.

Gayunman, may ilang minor seaports sa Regions IV-A at V ang nagtamo ng pinsala na nagkakahalaga ng P100 million dahil sa bagyo. (Daris Jose)

SINABI ni Israel Ambassador to the Philippines Ilan Fluss na nais nilang makita na ligtas ang mga pinoy at malayang makakaalis ng lugar sa gitna ng patuloy na bakbakan sa pagitan ng Israel at grupo ng Hezbollah sa Lebanon,

“We are not preventing also the evacuation of Filipinos from Lebanon, certainly not. Filipinos are not part of this war. We are not targeting them. We want to see them safe,” ang sinabi ni Fluss sa ekslusibong panayam ni GMA Integrated News’ Pia Arcangel na inere ng “24 Oras.”

Sa ulat, tinatayang 11,000 Filipino ag nakatira sa Lebanon.

May 700 Overseas Filipino Workers at kanilang dependents ang nailikas na ng gobyerno ng Pilipinas mula nang sumiklab ang putukan.

Hinikayat naman ng gobyerno ang mga Filipino sa Lebanon na bumalik na ng Pilipinas habang nananatiling available ang mga byahe.

Binisita naman ni US Secretary of State Anthony Blinken ang Israel at isinulong na matigil na ang bakbakan sa Gaza at isang diplomatic solution ang kailangan sa labanan sa Lebanon.

Gayunman, sinabi ni Fluss na may mga kondisyon ang Israel.

“Israel is of course open and would like to end hostilities, but as I said we need to have some conditions. Number one, release of the hostages, number two to make sure Hezbollah or Hamas cannot regroup,” aniya pa rin.

“We have to make sure that there will not be a Hamas or terror organization preparing for another attack against the state of Israel,” dagdag na wika nito.

Sa isang panayam, matatandaan na kinilala ni Fluss ang panggigipit ng international community sa naging aksyon ng Israel.

Ipinaalala rin sa kanya ang naging pagkondena ng United Nations Secretary General sa “collective punishment” sa mga mamamayan ng Palestinian.

“I admit that there is a lot of human suffering and of course, there are many casualties, but out of the 42,000, how many of them are Hamas operatives and Hamas combatants? This is something that is not shared by the Hamas Ministry of Health. Let them share the numbers. We are targeting Hamas operatives. We’re not targeting civilians,” ang paliwanag ni Fluss.

“What about the UN condemnation of the women, Israeli women who were sexually abused in October 7. We are seeing a biased approach of the UN against Israel because of politics,” dagdag na wika nito.

Inulit naman ni Fluss na ang pag-atake ng Israeli ay hindi direkta sa mga sibilyan subalit “The moment a humanitarian institution such as a school is becoming a base of Hamas or Hezbollah, it becomes a military subject.”

Samantala, itinaas naman ng gobyerno ng Pilipinas sa Alert Level 2 ang situwasyon sa Israel, na ang ibig sabihin ay ‘prohibition of non-essential travel and the entry of new hires.’

“We have a big need for workers, and we have asked the Philippine government to uplift the ban or lower the alert level. But of course, according to the assessments of DFA (Department of Foreign Affairs) and implemented by the Department of Migrant Workers, the decision here is to leave Israel under Alert Level 2 so that no workers coming to Israel, unfortunately,” ang sinabi pa ni Fluss.
Sa ngayon, tinatayang 28,000 pinoy ang nananatili sa Israel. (Daris Jose)