2024 October 30 Archive - People's Balita

Archive for October 30th, 2024

Navotas humakot ng multiple awards sa exemplary governance

Posted on: October 30th, 2024 by @peoplesbalita No Comments

ISA ang Pamahalaang Lungsod ng Navotas sa mga lokal na pamahalaan na nanguna sa 2024 Urban Governance Exemplar Awards ng Department of the Interior and Local Government–National Capital Region (DILG-NCR).

Ito’y matapos makatanggap ang Navotas ng Highly Functional rating para sa Local Committee on Anti-Trafficking and Violence Against Women and Children and Anti-Drug Abuse Council; High Performing rating for its Peace and Order Council, at Ideal mark para sa Local Council for the Protection of Children nito.

Kinilala din ang lungsod bilang Child-Friendly Local Government; top performer in the Informal Settler Families Cluster for the Manila Bay Clean-Up Rehabilitation and Preservation Program (MBCRPP); at Highly Compliant LGU sa MBCRPP.

Bukod diro, nakuha ng Navotas ang pangalawang puwesto sa Fisheries Compliance Audit (FishCA) at ginawaran ng SubayBAYANI Award para sa excellence, innovation, at good governance practices sa pamamahala ng lokal imprastraktura.

“These awards serve as a testament to our dedication to uphold the safety, inclusivity, and sustainability of our city,” pahayag ni Mayor John Rey Tiangco.

“Each recognition is a victory for our citizens, inspiring us to strive even harder to make Navotas a hub of opportunity, security, and progress,” dagdag niya.

Kasama ni Mayor Tiangco si City Planning and Development Officer Engr. Rufino M. Serrano at Navotas DILG OIC Director Jenifer G. Galorport na tinanggap ang mga award at dumalo din sina Dr. Vonne Villanueva, Special Assistant to the Navotas Anti-Drug Abuse Council chairperson and Disaster Risk Reduction and Management Officer; City Environment and Natural Resources Office head Yzabela Bernardina Nazal-Habunal, at Assistant City Engineer Dyan Lyka Pavia.

Ipinagdiriwang ng Urban Governance Exemplar Awards ang pambihirang kontribusyon at tagumpay ng mga LGU sa Metro Manila, kasama ang mga nanalo na napili ng DILG batay sa isang comprehensive regional assessment at validation ng iba’t ibang mga programa at proyekto ng mga LGU.
(Richard Mesa)

Higit 18,000 pulis ikakalat sa Undas

Posted on: October 30th, 2024 by @peoplesbalita No Comments

AABOT sa mahigit 18,000 pulis ang ipakakalat ng Philippine National Police (PNP) upang masiguro ang kaligtasan sa mga transport terminals, lansangan at sementeryo ngayong Undas.

Ayon kay PNP spokesperson PBrig. Gen. Jean Fajardo, nakahanda na ang plano at sistema ng PNP sa Undas kabilang ang inaasahang pagdagsa ng mga dadalaw sa sementeryo.

“Kasama sa 18,802 na ide-deploy ang itatalaga sa mga police assistance desk sa mga memorial parks, at sa mga sementeryo, at pati na rin po sa mga transport terminals tmake sure po na maalalayan po natin ‘yong mga kababayan natin na ine-expect po na magbabiyahe,” ani Fajardo.

Nilinaw ni Fajardo na nasa kamay na ng mga regional directors kung dapat na i-adjust ang alert level sa pagpapanatili ng kaayusan at seguridad sa kani-kanilang nasasakupan.

Paalala ni Fajardo, maging maingat at siguraduhin na naka-lock ang mga bahay at gumamit ng alarm system kung kinakailangan. Makabubuti aniya kung iiwasan ding mag-post sa anumang social media platforms ng “at the moment” activities upang maiwasan na mabiktima ng “akyat bahay” o anumang criminal group.

Sa Metro Manila, una nang intasan ni NCRPO chief PMaj. Gen. Sidney Hernia ang kanyang mga chief of police na siguraduhin ang kaligtasan at kaayusan ng mga tao sa loob at labas ng mga sementeryo.

Presyo ng kandila at bulaklak, mataas na

Posted on: October 30th, 2024 by @peoplesbalita No Comments

RAMDAM na ang pagtaas ng presyo ng mga kandila at bulaklak , ilang araw bago ang paggunita ng Undas.

Sa kandila, ang bentahan ngayon ng tatlong piraso ng maliit na kandila sa paligid ng Manila North Cemetery (MNC) ay P40 .

Nasa P50 naman ang medium size kada dalawang piraso habang ang large ay P50 ang kada isang piraso.

Kada dalawang piraso naman ng extra large na kandila ay pumapatak ng P150 kung saan nasa P60 kandila na nasa maliit na baso.

Sa bentahan naman ng bulaklak, ang presyo ng radus ay nasa P250 ang bundle, P200 ang carnation, P150 ang malaysian mums at P180 ang stargazer.

Halagang P800 Hanggang P2,500 mabinili ang bulaklak na may stand depende sa disenyo at sukat .

Inaasahan na tataas pa ang mga presyo ng mga bulaklak habang papalapit ang Undas Hanggang sa mismong araw sa Nob.1 at 2. GENE ADSUARA

TINANGGAP ni Mayor John Rey Tiangco

Posted on: October 30th, 2024 by @peoplesbalita No Comments

TINANGGAP ni Mayor John Rey Tiangco ang mga award na nakamit ng Pamahalaang Lungsod ng Navotas sa 2024 Urban Governance Exemplar Awards ng Department of the Interior and Local Government–National Capital Region (DILG-NCR). Kasama ni Tiangco sina City Planning and Development Officer Engr.

Rufino M. Serrano, Navotas DILG OIC Director Jenifer G. Galorport, Dr. Vonne Villanueva, Special Assistant to the Navotas Anti-Drug Abuse Council chairperson and Disaster Risk Reduction and Management Officer; City Environment and Natural Resources Office head Yzabela Bernardina Nazal-Habunal, at Assistant City Engineer Dyan Lyka Pavia. (Richard Mesa)

CHR, iniimbestigahan ang pag-atake laban sa election candidates, local officials

Posted on: October 30th, 2024 by @peoplesbalita No Comments

NAGSIMULA nang imbestigahan ng Commission on Human Rights (CHR) ang pag-atake laban sa mga election candidates at opisyal sa buong bansa na nangyari bago at matapos ang paghahain ng certificates of candidacy (COC).

Kinondena ang pag-atake, sinabi ng CHR na nag-deploy na ito ng ‘quick response operation’ para imbestigahan at suriin kung ang pag-atake ay ‘politically motivated.’

“The Commission vehemently condemns these incidents which undermine the integrity of local governments, the effectiveness of public service, and every Filipino’s right to a safe environment — especially as the election season approaches,” ang sinabi ng Komisyon.

“We must be reminded that violence affecting both electoral candidates and community peacekeepers also endangers the safety and well-being of every Filipino voter,” dagdag na pahayag ng CHR.

Sa ulat, may isang insidente na may kaugnayan sa isang nagngangalang Francisco Bagay, isang barangay chairperson sa San Nicolas, Ilocos Norte na binaril ng mga hindi nakilalang kalalakihan sa sarili nitong garahe noong September 20.

Mayroon pa ring isang insidente na may kinalaman naman kay Agutaya municipal election officer Emmanuel Gacott at sa asawa nito na natagpuang patay sa kanilang tahanan sa Palawan noong September 25.

Isa pang pag-atake na kumitil sa buhay nina Bello Joseph Padue Valorozo, isang barangay kagawad, at kanyang anak noong September 23 sa San Juan, Ilocos Sur. Ang dalawa ay pinagbabaril hanggang sa mamamatay ng suspek na sakay ng motorsiklo.

Noong October 8, sinabi ng CHR na isang miyembro ng Barangay Peacekeeping Action Team ang namatay habang anim na iba pa ang sugatan sa isang insidente sa pagitan ng sinasabing di umano’y vice mayoral candidate sa Maguindanao del Sur.

Ayon sa CHR, Toto Gogo Kensa, isa pang barangay kagawad na makikipaglaban para sa isang upuan, ang pinagbabaril hanggang sa mamamatay sa Maguindanao del Sur noong October 19.

Ang paghahain ng COCs ay idinaos mula October 1 hanggang October 8. Ang midterm elections ay idaraos naman sa May 12, 2025.

“The Commission emphasizes that every Filipino is guaranteed their right to vote as a foundational pillar to their participation in the process of genuine democratic governance which represents the will of the masses,” ang sinabi ng Komisyon.

“In order to uphold the sanctity of our ballots, we must first recognize the quality of democracy that we all hold the obligation to preserve — one that is free from violence and should be characterized by fairness, transparency, and impartiality,” ang sinabi pa rin ng CHR. (Daris Jose)

PBBM sa ERC: Pag-aralan ang electricity bill moratorium para sa mga Kristine-hit areas

Posted on: October 30th, 2024 by @peoplesbalita No Comments

IPINAG-UTOS ni Pangulong Ferdinand R. Marcos Jr. sa Energy Regulatory Commission (ERC) na pag-aralan mabuti ang posibleng implementasyon ng ‘temporary relief’ sa electricity bill payments sa mga lugar na nasa ilalim ng State of Calamity.

Ipinag-utos ni Pangulong President sa ERC na pag-aralan ang pagpapataw ng moratorium sa electricity line disconnections at payment collections mula October hanggang December 2024. Ang inisyatiba ng ito ay bahagi ng patuloy na pagsisikap ng pamahalaan na tulungan ang mga biktima.

“To aid in recovery efforts, the President directed the ERC to study the immediate implementation of a moratorium on electricity line disconnection and payment collection for the period October to December 2024 in areas under State of Calamity due to STS Kristine, and staggered payments of electricity for the said months, as necessary,” ang nakasaad sa kalatas.

Noong nakaraang linggo, may dalang malakas na pag-ulan at malakas na ihip ng hangin ang bagyong Kristine sa iba’t ibang bahagi ng bansa, lumubog ang ilang lugar sa tubig-baha.

Sa mga apektadong rehiyon, ang Bicol Region ang nagtamo ng matinding pinsala dahil sa bagyong Kristine. (Daris Jose)

Pag-amin ni Duterte sa pananagutan sa mga pagpatay sa war on drugs, maaaring mag-trigger ng local, int’l prosecution – Abante

Posted on: October 30th, 2024 by @peoplesbalita No Comments

NAGBABALA si Manila Representative Bienvenido Abante na ang pag-amin ni dating Pangulong Rodrigo Duterte na siya lamang ang may pananagutan sa libu-libong pagkamatay sa kanyang brutal na war on drugs ay maaaring maging daan para sa lokal at internasyonal na pag-uusig.

Ginawa ni Duterte ang pahayag sa ginanap na pagdinig sa Senado at sinabing inaako nito ang buong responsibilidad para sa mga aksyon ng pulisya sa panahon ng kanyang agresibong kampanya laban sa droga at iginiit na siya lamang ang dapat managot kaysa sa mga opisyal na sumunod sa kanyang mga utos.

Si Duterte ay kilala sa kanyang matigas na paninindigan sa krimen at madalas na kontrobersyal na retorika, ay nagpahayag na ang kanyang patakaran ay hindi dapat kwestiyunin at hindi ito nag-aalok ng paumanhin.

Sinabi ni Abante, bahagi ng Quad Committee na nag-iimbestiga sa mga di-umano’y extrajudicial killings na nauugnay sa drug war ni Duterte, na ang pahayag ng dating pangulo ay maaaring humantong sa pinaigting na pagsisiyasat at potensyal na legal na epekto.

Giit pa ni Abante na na alam ng dating Pangulo ang implikasyon ng kaniyang pag-amin.

Sa isinagawang pagdinig ng Senado, gumawa ng pasabog ang dating pangulo at sinabing bumuo ng seven-man hit squad na kilalang Davao Death Squad (DDS) sa pamumuno ng dating PNP chiefs, kabilang si Sen. Ronald “Bato” Dela Rosa.

Bagama’t hindi naman direktang inamin ni Duterte na kaniyang ipinag-utos ang summary killing.

Ipinunto ni Abante na hindi siya kontra sa war on drugs ng dating administrasyon subalit hindi siya pabor sa patayan. (Daris Jose)

‘Leon’ , may tsansang maging Super Typhoon

Posted on: October 30th, 2024 by @peoplesbalita No Comments

MALAKI ang tsansa na maging isang Super Typhoon ang bagyong Leon sa panahon na ito ay papalapit sa Batanes.

Ito ay batay sa weather outlook ng PAGASA kaugnay ng galaw ng naturang bagyo.

Ayon sa PAGASA, si Leon ay lalakas habang ito ay daraan sa Philippine Sea at maaabot ang Typhoon Category sa susunod na 24 oras.

Kahapon, alas-11 ng umaga, ang bagyong Leon ay isa nang ganap na Severe Tropical Storm at namataan ng PAGASA ang sentro nito sa layong 780 kilometro silangan ng Echague, Isabela taglay ang lakas ng hangin na umaabot sa 95 kilometro bawat oras malapit sa gitna at may pagbugso ng hangin na umaabot sa 115 kilometro bawat oras.

Bunga nito, nakataas ang signal number 1 ng bagyo sa eastern portion ng mainland Cagayan, eastern portion ng Isabela, northeastern portion ng Catanduanes, eastern portion ng mainland Cagayan, eastern portion ng Isabela, at northeastern portion ng Catanduanes.

Si Leon ay inaasahang kikilos pakanluran hilagang kanluran ngayong Martes ng umaga at saka iikot pa hilagang kanluran hanggang sa mag-landfall sa eastern coast ng Taiwan sa huwebes, October 31.

Oras na marating ng bagyong Leon ang hilagang silangan papuntang East China Sea ay inaasahang ito ay lalabas na ng PAR Biyernes ng umaga o hapon sa November 1. (Daris Jose)

‘Ako ang makulong’: Duterte inako ang drug war

Posted on: October 30th, 2024 by @peoplesbalita No Comments

INAKO ni dating pangulong Rodrigo Duterte ang madugong giyera laban sa ilegal na droga kung saan tahasan niyang ipinagtanggol ang naging hakbang at ipinaliwanag kung bakit niya ito ginawa.

Sa kanyang pagharap sa Senate Blue Ribbon subcommittee on the War on Drugs , Lunes, mariing sinabi ni Duterte na hindi dapat kuwestyunin ang kanyang polisiya at hindi siya hihingi ng tawad o magbibigay ng “excuses” dahil ginawa niya ang dapat gawin.

“My mandate as President of the Republic was to protect my country and the Filipino people. Do not question my policies because I offer no apologies and no excuses. I did what I had to do,” bungad ni Duterte sa pagdinig.

Hiniling din ni Duterte sa panel na tratuhin siya bilang isang “saksi,” kasabay ang pag-ako ng “full responsibility” sa ginawa ng mga pulis sa pagsunod sa kanyang utos laban sa ilegal na droga.

“I and I alone, take full legal responsibility sa lahat ng nagawa ng mga pulis pursuant to my order. Ako ang managot at ako ang makulong. ‘Wag ang pulis na sumunod sa order ko. Kawawa naman, nagtatrabaho lang,” ani Duterte.

Isinagawa niya ang “War on Illegal Drugs” upang protektahan ang mga Pilipino.

Ayon pa kay Duterte, muli na namang tumataas ang bilang ng drug-related crimes kung saan nire-rape ang mga bata, pinapatay at pinagnanakawan ang mga tao at kamakailan lamang aniya ay isang drug den ang na-raid sa loob ng Malacañang complex.

Maliwanag aniya na bumalik na naman sa kanilang negosyo ang mga nagpapakalat ng ilegal na droga. (Daris Jose)

“SANA: Let Me Hear,” a horror film by Takashi Shimizu, unleashes a deadly curse tied to a tragic past

Posted on: October 30th, 2024 by @peoplesbalita No Comments

GET ready for a spine-chilling cinematic experience as the latest horror film, “SANA: Let Me Hear,” directed by Takashi Shimizu (the visionary behind “Ju-On”), hits Philippine cinemas this November 13.

This eerie tale intertwines tragedy and terror, following a group of people caught in the clutches of a deadly curse that has resurfaced after decades. Starring Nagisa Shibuya, Ikoi Hayase, and Soma Santoki, “SANA: Let Me Hear” will leave you questioning the thin line between reality and nightmare.

In 1992, a middle school student plunged to her death in front of her classmates, creating a curse that has lain dormant ever since. But during the summer of 2024, this dark history reawakens, targeting those linked to that fateful day. Will they survive long enough to uncover the truth?

Let’s meet the key characters fighting to escape their tragic fate:

NMB48 idol Nagisa Shibuya as Honoka

Honoka, the film’s protagonist, is a newly hired summer school teacher at the same middle school where tragedy struck decades ago. History repeats itself when she witnesses a student’s untimely fall, eerily reminiscent of the events from 1992. Desperate to uncover the mystery, she teams up with her students, Hitomi and Takeru, to chase the horror that’s now chasing them.

Nagisa Shibuya, an idol and captain of NMB48’s Team M, takes on the role of Honoka. Shibuya is known for her performances in sub-units Queentet and Tentoumu Chu!, and was formerly a member of AKB48’s Team 4.

Ikoi Hayase as Hitomi

Hitomi is one of Honoka’s students and a witness to the tragedy that unfolds during their summer classes. She’s also among the first to encounter Sana, a mysterious yet seemingly friendly new classmate. As strange events begin to unravel, Hitomi takes it upon herself to investigate the death and its eerie connection to the incident 32 years ago.

Played by Ikoi Hayase, Hitomi’s character will resonate with fans who enjoyed Hayase’s previous work in the lead role of Takumi Asa in “Worlds Apart” and the romantic comedy series “Teasing Master Takagi-san.”

Soma Santoki as Takeru

Takeru, another of Honoka’s students, is drawn into the unfolding nightmare after witnessing the horrific accident. Alongside Hitomi, he dives deeper into the past, uncovering shocking connections between the tragedy and their own lives. Will their search for answers save them, or lead them further into the curse?

Soma Santoki, who recently voiced the lead in Studio Ghibli’s “The Boy and the Heron,” steps into the role of Takeru, bringing intensity and emotion to this chilling horror tale.

Sana is the enigmatic figure at the center of it all. While she appears to be an ordinary student, the curse seems to orbit around her presence. As terrifying events begin to escalate, Sana’s true nature becomes a haunting question that Honoka, Hitomi, and Takeru must answer before it’s too late.

Prepare yourself for a pulse-pounding ride into fear when “SANA: Let Me Hear” opens in Philippine theaters on November 13. With Takashi Shimizu’s signature horror style and a talented cast, this film promises to deliver relentless suspense, shocking twists, and a lingering sense of dread.

Follow Encore Films PH on Facebook and @encorefilmsph on Instagram to stay up to date with all the latest news about this highly anticipated horror film.

(ROHN ROMULO)