SINA Alden Richards at Ruru Madrid ang type na maging leading men ni Roxie kung sakaling magbida siya sa isang pelikula o teleserye.

Ayon sa Sparkle artist, pareho raw magaling umarte ang dalawa, bukod sa pagiging guwapo nila.

“I had a chance to work with Alden sa movie na ‘Five Breakups and a Romance’ last year. Isa ako sa mga kaibigan nila roon ni Julia Montes. Mabait po si Alden at napaka-down-to-earth.

“Si Ruru po, gusto ko siyang makasama sa isang action movie. Gusto ko pong mag-aral ng martial arts. Type kong makipagbarilan at makipagbugbugan kasama si Ruru. Parang ‘Mr. And Mrs. Smith’,” sey ni Roxie.

Kilala si Roxie sa pagganap sa mga kontrabida roles sa ilang drama shows ng GMA tulad sa ‘Hearts On Ice’, ‘#SparkleU’ at ‘Shining Inheritance’.

Thankful ang former beauty queen na nabibigyan siya ng challenging roles at gusto pa niyang ma-explore ang iba’t ibang klaseng kontrabida roles.

“Ang saya maging kontrabida kasi hindi ka naman nagagalit ng gano’n sa totoong buhay. Ang saya ma-explore ng pagiging kontrabida. I’m happy na most people understand na it’s only the role and not me. Pero of course, I’ll also be happy to accept something different. Pero kung ano man yung ibigay sakin, buong-buo kong tatanggapin yun.”

***

HANDA na raw i-let go ni Miss Universe 2015 Pia Wurtzbach ang ilang mga memorabilias niya na naipon niya tulad ng sashes, journals, at ilan pang personal belongings.

Sa kanyang Instagram in-announce ni Queen Pia ang pagpapa-auction niya ng ilang belongings sa isang charity gala in December.

“We’re just a little over a month away from the Love Gala! Sharing some pieces we’re auctioning…do you remember these? 1. This silver dress when I was announced in the Top 15; 2. My sashes from Binibini up until Miss Universe; 3. My beloved notebooks… all my thoughts and notes as Candidate # 15,” caption ni Pia.

Hindi rin daw madali kay Pia na i-let go ang mga gamit niya dahil parte ang mga ito ng kanyang buhay na binago nung maging Miss Universe siya 9 years ago. Kaya wish niyang maalagaan ang kanyang mga gamit ng kung sinuman ang makakuha ng mga ito sa auction.

“Letting them go doesn’t mean they don’t matter to me. They do… I have a plan of turning them into something more memorable and lasting,” sey ni Pia.

***

PINATUNAYAN ni Salma Hayek na may asim pa siya sa edad na 58.

Panay ang post ng Oscar nominee na naka-bikini siya sa social media.

Nitong nakaraang weekend, pinost ng Mexican actress-producer sa IG ang maalindog na bikini photo niya habang sakay sa kanyang yacht na may caption na “#SundayVibes.”

Kasalukuyang may nilulutong project si Salma kunsaan makakasama niya si Angelina Jolie.

“I wasn’t really supposed to tell you that, but why not? So I’m working on a film that I want to direct, and she’s taking me by the hand.”

(RUEL J. MENDOZA)

HANDA na raw ma-in love muli ang Kapamilya Star at Box-office Queen na si Kathryn Bernardo.

Ito ang binanggit niya nang mag-guest siya sa programa ni King of Talk Boy Abunda na “Fast Talk with Boy Abunda”.

After more than a year nang maghiwalay sila ni Daniel Padilla, ay handang-handa na raw si Kathryn na buksan muli ang kanyang puso para makipag-boyfriend.

Ayon pa kay Kath kung sakali mang dumating at makita na ang lalaking muling magpapatibok ng kanyang puso ay handang-handa na raw siya.

Sa deretsahang tanong ni Kuya Boy, “Kathryn, yes or no, are you ready to fall in love again?”

Na sinagot agad-agad ni Kathryn ng, “Yes!”

So there…

***

NAKILALA muna bilang VJ ng MYX channel noong 2016 bago siya pumalaot sa mundo ng showbiz.

Sa tulon ng kanyang mother studio ay nagtuloy-tuloy ang kasikatan ni Donny Pangilinan.

Siyempre happy naman ang binata sa takbo ng career niya at lalo na ngayong muli siyang pumirma ng kontrata.

“I’m just super happy to be here in ABS-CBN. Time flies so fast. But I know that there’s so much more in store and I’m here with you guys and I am very, very much ready to overcome what we need to overcome,” bungad pa ni Donny sa interview sa kanya.

Masayang-masaya lalo ang mga magulang ni Donny na sina Maricel Laxa at Anthony Pangilinan, sa tulong na rin ng Star Magic na nangangalaga sa career ng anak nila.

Aminado rin naman si Donny na may ambag din sa tinatamasa kasikatan ang ka-loveteam niyang si Belle Mariano.

Isa sa talaga sa pinakasikat na love team ngayong ay ang tambalang DonBelle, na lapis na tinangkilik ng mga tagahanga sa serye man o pelikula.

And starting sa Nov. 25 ay mapapanood na sa Viu ang ‘How To Spot A Red Flag’ na muli nilang pagbibidahan.

“Thank you rin sa pamilya ko, and siyempre kay Belle. Kasi malaking part rin siya sa journey ko. And I am just very happy na we get to do more things together,” paglalahad ng aktor.

(JIMI C. ESCALA)

MAY pa-sneak peek nga ang OPM Icon na si Ice Seguerra para sa pinaghahandaan nila para tinawag nilang ULTIMATE VIDEOKE EXPERIENCE OF THE YEAR!

Para ito sa repeat ng ‘Videoke Hits OPM Edition’ sa Nov. 8 titled ‘Ice Seguerra Videoke Hits: OPM Edition Isa Pa!’ sa Music Museum (8 pm). Produced ito ng Fire and Ice Entertainment.

Ayon pa kay Ice, “Mula sa song choices hanggang sa mismong experience, sinigurado kong damang-dama niyo bawat kanta.”

At ang isa sa favorite songs niya na naka-line-up sa concert ay ang ’Anak’ ni Freddie Aguilar, na kanyang pinasilip ang areglo. Say pa niya ang lakas daw ng impact nito sa kanya at may kakaibang dating, kahit mabait siyang anak. Pero tiyak na mas marami ang tatamaan sa version niya lalo na ‘yun mga anak na naligaw ng landas.

Magiging guests sa concert sina Angel (Drag Race PH Season 3 finalist), Louise (artist ng Fire and Ice) at Ebe Dancel.

Kung may wish naman siya na sana’y manood at maka-duet…

“Actually ang wish ko, nag-message at kinausap ko na siya, pero parang hindi talaga siya uubra, si Sampaguita.

“Idol na idol ko kasi siya. I’m a fan of the others, pero pwede ko silang makasama sa ibang shows, pero si Sampaguita parang iba yun, I’m a big fan.”

Napabilib naman si Ice sa version ni Noel Cabangon ng hit song niya na ‘Anong Nangyari Sa Ating Dalawa’, na wish niya na mai-record din nito.

Aminado rin si Ice na mas nahirapan siyang mamili para sa list of songs para sa concert. Umabot raw sa 400 OPM songs ang pinagpilian, kaya ang maraming medleys sa concert. Na kung bibilangin ang mga title ng songs ay aabot ng more than 40 songs.

Kuwento pa niya, “dito sa show na ’to, masasabi kong nahirapan ako kasi ngalngal-kabayo na ako, dahil napagod talaga ako sa ’Salamin, Salamin’ ng BINI.

“Kasi medley siya kasama ng ‘Gento’ ng SB19. So, kinarir ko ng super-duper ang ‘Gento’. Kaya pagdating ng ’Salamin, Salamin’, hindi ko na-anticipate ‘yung pagod. Buti na lang may back-up dancers at vocalists, dahil ngalngal-kabayo talaga ako, hindi ko na makanta nang maayos.”

At dahil super successful ang ‘Videoke Hits’ series, wala raw silang balak na gawin ito sa bigger venues.

“We are always open to that idea, pero parang ayokong mawala yun magic ng intimacy niya. Kasi feeling ko, kaya game na game ang mga tao, dahil ang lapit lang namin sa isa’t-isa. Hindi na nga ako nakakarating sa balcony, hanggang orchestra lang.”

Dagdag pa niya, “nagsimula lang ito sa Facebook post na kakanta lang ng Videoke songs, tapos ire-rearrange ko tulad ng ‘My Way’, the way I sing.

“Pero ang ganda ng dinagdag ni Liza (Diño) na element na I-involve ang audience. For me, yun ang naging magic ng show.”

After ng Manila leg, dapat abangan bansa tulad sa Australia, Singapore, Hong Kong at sa Middle East, dahil siguradong magugustuhan ng mga OFWs.

Kaya kung wala ka pang ticket, message ka lang sa 09177003262 or kuha na sa TicketWorld https://bit.ly/videokehitsOPMisapa

Samantala, mapapanood muli ang ‘Choosing: A Stage Play’ nina Ice at Liza, simula sa November 23 hanggang December 1 na gaganapin naman sa Doreen Blackbox Theater – Aretè (Ateneo De Manila University).

(ROHN ROMULO)