2024 February Archive - People's Balita

Archive for February, 2024

DOTr: Nagbabala laban sa “12-month free travel card” scam ng beep card

Posted on: February 2nd, 2024 by @peoplesbalita No Comments

NAGBABALA ang Department of Transportation (DOTr) at ang AF Payments Inc. (AFPI) na siyang kumpanya at namamahala sa beep card systems, sa kumakalat na pekeng online promosyon na magbibigay daw ng 12-buwan na libreng travel card.

“There is no authorized promotion of such beep cards offering free rides, calling posts about is as misleading, bogus, and fraudulent. We urged beep card users and commuters to prioritize safety by being vigilant and refraining from clicking on or subscribing to any suspicious links that could potentially compromise your personal and financial dat,” wika ni AFPI chief executive officer JJ Moreno.

Nagbigay ng isang notipikasyon ang DOTr sa publiko laban sa isang Facebook page na nagkakalat ng walang katotohanan na promosyon kung saan nilinaw ng DOTr na hindi sila kasama at hindi sila official affiliate account ganon din ang ibang ahensiya nito.

Sinabi naman ni DOTr assistant secretary Jorgette Aquino sa pubiko na huwag makipagugnayan sa mga unauthorized accounts na may online transaksyon.

“The DOTr, DOTr-MRT3 and the LRTA never request credit card details in any of their interactions with the public. We urged commuters to verify all online information through the official websites and social media channels of our agencies as there may be malicious parties with fraudulent intentions attempting to deceive the public,” dagdag ni Aquino.

Dinagdag ni naman ni Moreno na ang mga lehitimong beep cards ay mabibili lamang sa mga official outlets tulad ng Light Rail Transit Line 1 (LRT1), LRT 2, Metro Rail Transit Line 3 (MRT3), selected convenience stores, at sa online shops ng Shopee at Lazada. LASACMAR

MEET THE CHARACTERS OF “LISA FRANKENSTEIN,” STARRING KATHRYN NEWTON, COLE SPROUSE AND LIZA SOBERANO, YOUR PRE-VALENTINE’S MOVIE

Posted on: February 2nd, 2024 by @peoplesbalita No Comments

Lisa Frankenstein director Zelda Williams says that her enthusiasm for the film was rooted in her deep admiration for Diablo Cody’s singular voice as a screenwriter, especially when it comes to the characters in her stories.

“The thing I enjoy most about her writing is the personality infused into all of it,” says Williams, who had auditioned for Juno (also written by Cody, for which she won the Best Original Screenplay Academy Award) very early in her acting career. “It’s clear immediately who these characters are, whether they’re for you or not. That sort of strong flavor choice will always be my cup of tea.”

In Lisa Frankenstein, it’s 1989 and Lisa Swallows (Kathryn Newton), an awkward 17-year-old, is trying to adjust to a new school and a new life after her mother’s death and her father’s hasty remarriage. Despite the unwavering support offered by her plucky cheerleader step sister Taffy (Liza Soberano), Lisa only finds solace in the abandoned cemetery near her house, where she tends to the grave of a young man who died in 1837 – and whose corpse she unwittingly reanimates (Cole Sprouse). Feeling obligated to help the poor soul regain his humanity, Lisa embarks on a quest to breathe new life into her long-dead new companion. All she needs to succeed are some freshly harvested body parts and Taffy’s broken tanning bed.

Watch the trailer: https://youtu.be/NIm_DkLGAk4?si=kAeFby0RwFg4tQmh

Get to know the movie’s characters who will make you laugh, scream and fall in love this special month of love!

Lisa Swallows (played by Kathryn Newton)

Lisa is a 17-year-old misfit, too self-conscious and withdrawn to fit in with either the popular crowd or even the other outsiders at school, the punks, Goths, and stoners. In the wake of her mother’s murder, she barely speaks. “Lisa Swallows is this girl who isn’t heard, who doesn’t speak up,” Newton says. “She doesn’t think she matters very much. She’s been through a lot of trauma, and she is so hurt and shy she would rather not bring any attention to herself.”

The Creature (Cole Sprouse)

The Creature is the corpse that Lisa unintentionally brings back to life. A professional pianist who took his own life after being rejected by a woman he adored, the Creature was a hopeless romantic, a gentleman well versed in 19th century manners and etiquette, qualities he retains in death, or rather, undeath. He feels immense gratitude toward Lisa that soon blossoms into genuine adoration. “Over time, I think the Creature realizes he’s deeply in love with Lisa,” Sprouse says. “He wants to be her protector, trying to make her feel heard and understood.”

Taffy (Liza Soberano)

Taffy is the kind, if somewhat clueless, stepsister of Lisa. Empathetic, earnest and wildly popular, naturally perfect Taffy is the antithesis of the stereotypical “mean girl” – she welcomes Lisa into her family with open arms and does everything she can to help her fit in. “Taffy is my favorite character,” says Cody.

Janet (Carla Gugino)

Janet is Taffy’s narcissistic mom who dotes on her own daughter, but is endlessly disapproving of Lisa. “Janet lives in Janet’s world for sure – she is definitely the hero of her own story,” says Gugino. “Janet has created and curated a perfect world and a perfect family in her mind, and she cannot imagine how Lisa would not want to be a part of it.”

Dale (Joe Chrest)

Lisa’s own father, Dale, does little to intervene on his child’s behalf, leaving Janet to exert her domineering influence at every turn. “Dale is such a checked-out dad,” producer Mason Novick says. “Diablo writes a lot of dad characters who are just oblivious to what’s going on. I don’t want to say men in Diablo’s scripts are knuckleheads, but the focus of the conversations are on women. The father is around, and he’s really funny, but he’s not the one moving the story forward. He is very much the passive husband.”

Michael Trent (Henry Eikenberry)

Michael is Lisa’s crush whom she describes as an “intellectual punk dreamboat.” Although he initially seems to display an odd kind of fascination with Lisa, he doesn’t necessarily harbor romantic feelings toward her. “He’s so clueless,” says Eikenberry of his character.

Get ready for the funniest, goriest undead horror romance you’ll see all year when “Lisa Frankenstein,” directed by Zelda Williams (daughter of the late Robin Williams and herself part-Filipina) and distributed by Universal Pictures International, opens in cinemas February 7, just in time for Valentine’s Day! #LisaFrankensteinPH

(ROHN ROMULO)

VP Sara, pinasalamatan si PBBM dahil sa tiwala; ‘independent’ ang pananaw mula sa kanyang ama at kapatid

Posted on: February 2nd, 2024 by @peoplesbalita No Comments

PINASALAMATAN ni Vice President Sara Duterte si Pangulong Ferdinand Marcos Jr. dahil sa patuloy na pagtitiwala nito sa kanya.

Tiniyak ni VP Sara na ‘independent’ ang kanyang mga pananaw sa kanyang ama na si dating Pangulong Rodrigo Roa Duterte at kapatid na si Davao City Mayor Sebastian Duterte.

Sa isang kalatas, sinabi ni VP Sara na pinasasalamatan niya si Pangulong Marcos dahil patuloy na ipinagkakatiwala sa kanya ang Education portfolio sa Gabinete nito (Pangulong Marcos).

Kaya ang pakiusap ni VP Sara sa publiko ay igalang ang opinyon ng mga miyembro ng kanyang pamilya at sinabi na ang kanyang pagiging tapat ay “first and foremost” ay para sa bayan.

“Nagpapasalamat din ako kay Apo BBM (Bongbong Marcos) sa kanyang paggalang sa aking mga paninindigan, katulad na lang ng aking pagtutol sa ‘Pera kapalit ang pirma sa People’s Initiative’ dahil insulto ito sa kahirapan ng ating mga mamamayan at paglabag sa kanilang karapatang magpasya ng malaya,” ayon kay VP Sara.

Binigyang diin na nagpakita ng paggalang ang Pangulo sa iba, sinabi ni VP Sara na tama lamang na igalang din ng mga Filipino ang opinyon at paniniwala ng ibang tao kabilang na ang mga miyembro ng kanyang pamilya.

“May respeto ako sa mga pananaw at opinyon ni dating Pangulong Rodrigo Duterte pati na ng aking kapatid. Katulad ng posisyon ko sa maraming mga isyu, hindi kailangan na sumasang-ayon ako sa lahat ng mga ito. Pinalaki ako

ng aking mga magulang na may pagpapahalaga sa malayang pag-iisip at pagpapasya. Para sa akin, laging nangunguna ang katapatan ko sa paglilingkod sa bayan,” aniya pa rin.

Nito lamang nakaraang linggo ay itinalaga ni Pangulong Marcos si VP Sara bilang caretaker ng bansa habang nasa state visit ito sa Vietnam.

Habang pinagbibitiw naman ni Davao City Mayor Sebastian “Baste” Duterte si Pangulong Marcos sa kanyang puwesto.

Ayon sa alkalde, dapat magbitiw si Pangulong Marcos kung wala itong pagmamahal at mithiin para sa Pilipinas.

Matatandaan na unang dinaluhan ni VP Sara ang Bagong Pilipinas kick-off rally na isinagawa sa Quirino Grandstand sa lungsod ng Maynila araw ng Linggo.

Kung saan inilahad ni VP Sara ang commitment ng kaniyang pinamumunuang ahensiya, ang Department of Education (DepEd), para sa paghubog ng mga kabataang Pilipino.

Dumating din ang pangalawang pangulo sa isinagawang prayer rally sa Rizal Park sa lungsod ng Davao kung saan nagpahayag ng pasasalamat si VP Sara sa suporta hindi lang ng mga Dabawenyo kundi ng lahat ng Pilipino.

Partikular na sa laban ng mga Pilipino laban sa Charter Change kung saan ipinunto ng pangalawang pangulo na dapat manindigan ang Pilipino laban sa pagbabago sa Salitang Batas sa pamamagitan ng pera kapalit ng pirma para sa People’s Initiative (PI). (Daris Jose)

Speaker Romualdez inaming humingi ng tulong sa kanya ang nagtutulak ng PI

Posted on: February 2nd, 2024 by @peoplesbalita No Comments

HUMINGI ng tulong kay Speaker Ferdinand Martin Romualdez ang mga nagsusulong ng people’s initiative (PI) upang maamyendahan ang Konstitusyon.

Ayon kay Speaker Romualdez nilapitan siya ni Noel Oñate upang makausap, at pinagbigyan niya ito bilang bahagi ng diwa ng bukas na dayalogo at pag-unawa sa mga aksyong sibiko na itinataguyod ng mga mamamayan.

Iginiit naman ni Romualdez na ang pakikipag-usap na ito ay hindi nangangahulugan na tumulong ito sa pangangalap ng pirma para sa PI.

Pinasinungalingan naman ni Speaker Romualdez na may kinalaman ito sa sinasabing bilihan ng pirma na taliwas umano sa kanyang prinsipyo at ethical standards ng gobyerno.

Kahapon dinipensa ng mga mambabatas ang larawan na ipinakita sa pagdinig ng senado.

Ayon sa kanila natural lamang ang nasabing larawan dahil lahat naman may gusto makipag picture sa Speaker.

Wala rin epekto ang nasabing larawan.

Samantala, inatasan naman ni Pang. Ferdinand Marcos Jr. ang Kamara at Senado na maghanap ng solusyon sa harap ng bangayan ng dalawang Kongreso hinggil sa isinusulong na Charter Change.

Sinabi ng Pangulong Marcos na naghahanap din ng solusyon ang gobyerno at nakikipag ugnayan na ito sa mga legal luminaries.

Nais kasi ng Pangulong Marcos na amyendahan ang economic provisions ng 1987 Constitution. (Daris Jose)

Bagong tayong 10 palapag na pampublikong elementary school sa Tondo, binuksan na

Posted on: February 2nd, 2024 by @peoplesbalita No Comments

MATAPOS ang dalawang taon na pagpapatayo sa sampung palapag na gusali ng bagong Rosauro Almario Elementery School, pormal na itong isinalin ng lokal na pamahalaang Lungsod ng Maynila sa principal at mga guro para sa muling pagbubukas nito sa Tondo.

Pinangunahan ni Manila Mayor Honey Lacuna-Pangan ang simbolikong pagbigay ng mga susi sa principal ng nasabing eskwelahan na si Graciano Budoy Jr. katuwang si Manila 1st District Congressman Ernix Dionisio.

Nagpahayag naman ng pasasalamat si Budoy, sampu ng kanyang 305 na teaching at non-teaching personnel, kina dating Yorme Isko Moreno Domagoso at Mayor Honey Lacuna-Pangan sa silang pasimuno para matupad ang matagal na nilang pangarap na magkaroon ng bagong gusali.

“Amin itong susuklian sa pamamagitan ng pag-iingat na mabuti… Ito ay mananatiling bantayog ng kahusayan ng Pamahalaang Lungsod ng Maynila. Ibibigay po namin ang pinakamataas na antas ng edukasyon,” ani Budoy.

Sa kanya namang talumpati, sinabi ni Mayor Lacuna-Pangan na ang pagtatayo ng ganitong uri ng napakagandang gusali ay bunga ng isang pangarap ng isang batang Almario sa katauhan ni Yorme Isko Moreno Domagoso.

Sinariwa naman ni Yorme Isko ang kanyang magagandang alaala noong siya ay estudyante pa ng naturang pampublikong paaralan kasabay ng pasasalamat sa kanyang mga guro.

“I hope sa mga teacher ko, I did not fail you, Sama-sama tayo, patunayan nating hindi lang sa Tondo, hindi lang sa Maynila, kundi sa buong bansa na ang Tondo ay pandayan ng husay at talino,” sabi pa ng dating alkalde sa kanyang talumpati.

Matatandaang naitayo ang nasabing gusali sa Kagitingan St, sa Tondo na may 227 na silid-aralan, 12 opisina, library, anim na science room na pawang air-conditioned, auditorium, gymnasium, dalawang outdoor basketball courts na puwedeng gawing football field, dalawang roof deck outdoor sport at walong elevator na kayang magsakay ng kabuuang 192 na estudyante. (Leslie Alinsunurin)

Ads February 2, 2024

Posted on: February 2nd, 2024 by @peoplesbalita No Comments

Pinas, Vietnam coast guards magtatatag ng hotline para sa maritime cooperation

Posted on: February 2nd, 2024 by @peoplesbalita No Comments

KAPWA tinintahan ng Philippine Coast Guard (PCG) at Vietnam Coast Guard (VCG) ang isang kasunduan ukol sa pagtatatag ng “hotline” para palakasin ang komunikasyon sa pagitan ng dalawang maritime security groups.

Nilagdaan ang memorandum of understanding (MOU) sa isinagawang state visit ni Pangulong Ferdinand R. Marcos Jr. sa Vietnam kasama sina PCG Chief, Admiral Ronnie Gil Gavan, at Iba pang opisyal ng pamahalaan.

Kapwa naman sinaksihan nina Pangulong Marcos at Vietnamese President Vo Van Thuong ang paglagda sa kasunduan nina Gavan at VCG commander Maj. Gen. Le Quang Dao.

Layon ng MOU na palakasin ang “understanding, mutual trust, and confidence” sa pagitan ng PCG at VCG sa pamamagitan ng pagtalakay sa mga karaniwang usapin at interest at pagtatatag ng hotline.

Sinabi pa ni Gavan na ang MOU ang magpapalakas sa strategic partnership at pagtutulungan sa pagitan ng PCG at VCG tungo sa “promoting, preserving, and protecting mutual interest in the Southeast Asian region.”

Nauna rito, balik-Pinas na si Pangulong Marcos, araw ng Miyerkules, Enero 31, mula sa kanyang state visit sa Vietnam, na nagsimula, araw ng Lunes.

Sa panahon ng state visit, pinuri ni Thuong ang mga achievements ni Pangulong Marcos sa pagpapaunlad sa ekonomiya ng Pilipinas, foreign policies, seguridad, at tanggulan.

Sa kabilang dako, tumaas naman ang ekonomiya ng bansa ng 5.6% sa fourth quarter ng 2023.

Kabilang sa mga “major emerging economies” sa Asia na nakapagpalabas na ng kanilang economic growth performance para sa fourth quarter ng 2023, nakapagtala ang Pilipinas ng “second fastest”, pagkatapos ng Vietnam (6.7 percent) subalit naungusan ang China (5.2 percent) at Malaysia (3.4 percent). (Daris Jose)

Senate probe sa ‘pirma sa people’s initiative’ gumulong na

Posted on: February 1st, 2024 by @peoplesbalita No Comments

SINIMULAN na Martes ng hapon sa Senado ang pagdinig sa kontrobersyal na signature drive para sa people’s initiative na naglalayong amyendahan ang 1987 Constitution.

Ang imbestigasyon ay isinagawa ng Senate committee on electoral reforms and people’s participation, na pinamumunuan ni Sen. Imee Marcos.

Ipina-subpoena si Atty. Anthony Abad na sinasabing nasa likod ng signature campaign.

Ayon kay Sen. Ronald “Bato” Dela Rosa, mahalagang mabunyag at makita ang mga pasimuno sa nasabing signature campaign kahit pa sinuspinde na ng Commission on Elections ang pagtanggap ng mga pirma.

“Kahit po suspendido ng COMELEC ang pagtanggap ng mga pirma, kailangan pa rin nating bigyang linaw kung paano at sino ang mga nanloko sa ating mga kababayan para makakalap ng pirma para sa Politician’s Initiative,” ani Dela Rosa.

Dapat aniyang mabigyan ng mukha at makilala ang katauhan ng sinasabing pasimuno sa kampanya.

“Layon po natin na mabunyag at bigyan ng mukha at katauhan ang mga nagpasimuno ng panlilinlang at pagsasamantalang ito. Sa panahon na atin na silang matukoy, siguro ay maaaring isama ng komiteng ito, sa pangunguna ng ating Chairperson, na makabuo ng rekomendasyon na magsampa ng kaukulang mga kaso. Papanagutin natin ang mga mapagsamantala at manloloko,” ani Dela Rosa.

Binanggit din ni Dela Rosa na hindi na dapat maulit ang nasabing pangyayari kung saan napipilitan ang mga mahihirap na ipagbili ang kanilang lagda kapalit ng konting pera. (Daris Jose)

Si Maja ang unang nakaalam sa good news: RUBY, puring-puri si NICOLE KIDMAN na aliw na aliw sa kanya

Posted on: February 1st, 2024 by @peoplesbalita No Comments

SA intimate presscon na pinatawag na Cornerstone Entertainment, masayang ikinuwento ni Ruby Ruiz kung paano niya unang nalaman na nakuha niya ang role sa ‘Expats’ bilang Essie, ang nanny at housekeeper ng family ni Margaret na ginagampanan ni Hollywood star Nicole Kidman.

Nasa taping sila noon ni Maja Salvador ng ‘Niña, Niño’ sa Dolores, Quezon na mahina ang signal, pero may nakapasok na international call dahil may plus (+), na noong una’y ayaw niyang sagutin, dahil baka raw sa credit card at hindi naman ganung ka-urgent.

Pero paulit-ulit daw itong tumawag, kaya si Maja na ang nagsabi na, “sagutin mo tita, nakakairata ‘yang phone mo?”

“So, sinagot ko, that call is from Hong Kong, ang sabi, ‘can you free your phone, in ten minutes because the director, Ms. Lulu Wang is going to call you’.

At ito nga ang nag-break ng news na nakuha niya ang role na kanyang in-audition.

“Tapos, tumawag nga si Lulu Wang, sabi niya, ‘congratulations, you got the part.’

“So sabi ko, what part did I get?

“Tapos doon ko lang nalaman na nakuha ko yun Essie.”

“Tapos nandoon kasi si Maja sa tabi ko, tinanong niya kung sino kausap ko at nag-i-English pa ako, meron ba daw akong boyfriend?

“Sabi ko wala, so, si Maja ang unang nakaalam.

“So, noong una parang hindi niya ako pinapansin.”

Doon din niya nalaman na ang magiging amo niya na si Margaret ay si Nicole nga, na ikinagulat niya.

“Kaya una kong ikinuwento kay Ms. Maja Salvador. Kaya sabi niya, ‘ah ganun, ipagpapalit mo ako Lola Belen kay Nicole Kidman?

“Sabi ko Maja, sandali lang naman. So, akala ko noon mga three months lang. Kaya pakiusap ko sa director at sa mga writers, wag silang ipakita pagkamatay ko.

“Para pwede pa akong bumalik, as alaala, as flashbacks or as multo.”

Pero na-extend ng six months at yung sa Hong Kong ang shooting, na ituloy sa Los Angeles, kaya na-extend ng total of 11 months of shooting.

Forever grateful din si Ms. Ruby sa indie actress na si Chanel Latorre. Noong nagkatrabaho sila noon sa pelikula, nagalingan na siya, kaya nire-recommend niya ito sa mga direktor.

Nag-audition din pala ito sa ‘Expats’, naka-dalawang callbacks siya, pero hindi siya nakuha dahil mas matanda pala ang kanilang hinahanap, between 50 to 60s.

Kaya sinabi nito sa casting director na, meron siyang kakilala at ibinigay niya ang email ni Ruby, na noong una’y di siya interesado, dahil palagi na rin siyang shortlisted lang. Kaya hindi niya ini-expect na makukuha siya.

Kaya gulat na gulat ang mga co-stars niya sa ‘Niña Niño’ dahil tahimik lang siya sa ginawang audition.

Tungkol sa lawak ng kanyang role, nalaman lang niya ito ng crucial pala ito sa story, na hindi niya inasahan, kaya kinilabutan siya habang binabasa ang script, na pinadala habang nasa 21 days quarantine siya sa Maldives bago mag-shooting sa HK.

Pinaka-highlight ng role niya at favorite niya ang Episode 5 na may title ng ‘Central’, na kung saan may confrontation scenes sila ni Nicole Kidman, kaya ito ang dapat abangan sa Prime Video na kung saan nagsimula ng mag-streaming.

Ano naman ang masasabi niya sa Hollywood A-lister na si Nicole?

“Napakabait niya, natural na natural at taung-tao,” sabi ng aktres.

“May mga anecdote nga ako, during the first day of our shoot, ‘yun shooting chair ko tinabi sa kanya.

“Ayokong umupo dun, kasi nosebleed, pero doon ako pinaupo sa tabi niya. Para ma-establish daw ang rapport namin ni NK (tawag nila sa premyadong aktres) at maging at ease kami.

“She was very friendly and very warm. Sa set, pag nakikita na niya, yayakapin na niya ako.

“Kaya minsan, inaagahan na nila ang pagpasok ko sa set para sumaya si Nicole. Kasi naaliw siya sa akin, hindi ko alam kung bakit?”

Kuwento pa niya sa emotional scene nila sa Episode 5, sinabihan daw siya ni Nicole, “you were so good!”.

Sabi daw niya sa sarili niya, “echosera itong si Nicole, siya nga itong sobrang galing. Parang tuod ka na lang kung hindi ka nadala. Sobrang powerful!”

“Her eyes as an actress, is really her asset. Nagsasalita kahit walang linya and you feel her energy. At marami akong natutunan sa kanya bilang artista.”

Galante rin daw ang hollywood actress. Nagtanong din daw si Nicole tungkol sa pandesal, kaya nag-order siya ng pinaka-masarap, kaya natikman ito ng co-star.

Anyway, grabe raw ang pagtrato at respeto na natikman niya habang nagso-shooting, feeling niya na akala raw nila at sikat na sikat siya sa Pilipinas.

Say pa raw sa kanya ni Nicole, “thank you for accepting this role. We know you’re an actress in the Philippines.”

Kaya gulat na gulat siya, siya raw itong nagpapasalamat for approving na gumanap bilang Essie, na once in a lifetime experience para sa kanya.

Kaya noong natapos ang shooting nila na tumagal nga ng 11 months, sinabi ni Nicole na, “I’m going to see again Ruby.”

Kaya sinagot niya ng, “when? I want to work with her again. Kasi ang sarap niyang katrabaho.

“Unang-una as a professional actor, damang-dama mo na inaalagaan ka. In fact, may isa kaming scene na parang sinasabi niya sa akin, na gawin namin na another take na ganitong version ang gusto ko.

“Tama yun sabi niya na, may chemistry kami.”

Dagdag pa ni Ms. Ruby, “ako naman very concious ako na hindi ko siya sinasapawan o inaagawan ng eksena.

“Kasi ang role ko as her nanny. But sometimes she reminds me na, ‘you have to do more.’

“Pero sabi ko, ‘no, no, I can’t do that.’ Batay sa characterization ko, at sa pagiging Filipina ko, hindi kami ganun magsasagot.

“Kaya medyo naa-appreciate naman niya.”

Ang ‘Expats’ ay may 6 episodes, at may 2 episodes na sa Prime Video na nagsimulang mag-streaming noong January 26.

(ROHN ROMULO)

Naging mabunga ang 2-day state visit PBBM ibinida pinalakas na ‘strategic partnership’ sa Vietnam

Posted on: February 1st, 2024 by @peoplesbalita No Comments

NAKABALIK na ng bansa si Pang. Ferdinand R. Marcos Jr. kaninang madaling araw mula sa kaniyang dalawang araw na state visit sa Vietnam na nag resulta sa pagpapalakas pa ng strategic partnership sa pagitan ng dalawang bansa.

Ipinagmalaki ding ibinalita ng Pangulong Marcos na naging mabunga ang kaniyang biyahe dahil sa kaliwat kanang mga official engagements mula sa ibat ibang grupo mula sa gobyerno at sa business sector ng Vietnam.

Alas-3:30 kaninang madaling araw ng lumapag ang PR 001 sa Villamor Air Base.

Sa pulong nina Pang. Marcos at Viet Nam President Vo Van Thoung muling pinagtibay ng dalawang lider ang kanilang commitment na palakasin ang relasyon at tinunghayan ang exchange agreements sa pagitan ng dalawang bansa.

Kanilang tinalakay ang kooperasyon sa defense, maritime, trade and investment, economic, education, tourism and culture.

Nagkaroon din ng hiwalay na pulong si Pangulong Marcos kay Viet Nam Prime Minster Pham Minh Chinh and National Assembly Chairman Vuong Dinh Hue, kanilang pinag-usapan ang pagpapalakas sa bilateral relations to people-to-people exchanges, parliamentary cooperation,at marami pang ibang collaboration.

Ipinagmalaki din na inulat ng Pangulo na matagumpay nilang napangalagaan ang interes ng mga negosyanteng Pinoy na nag ooperate sa Vietnam sa pamamagitan ng pagbibigay ng plataporma kung saan pwede nilang iparating ang kanilang mga plano at saloobin.

Naging mabunga din ang pulong ng Pangulo sa mga Vietnamese business leaders at ipinahayag ang interes na palawakin ang kanilang negosyo sa Pilipinas. (Daris Jose)